ممكن أوقف حياتى على غلطه لمجرد انه بالنسبالي حاسه انه الغلطه دى لا يمكن انها تغفر او حد يسامحني عليها 😥😓
بصي اولا قبل كل شي كلنا بنغلط مفيش فينا ملاك... كلنا بشر بنغلط وبنتعلم من غلطنا حتى لو كانت غلطه كبيره... بس مش اي حد بيعرف انه غلط زيك وعايز يعدي الندم بتاع الغلطه ويكمل حياته... اغلبيه الناس مخهم شغال بوضعيه اعاده توجيه الواحد يعمل غلطه هنا مخك يلبس الغلطه في واحد قاعد معملش حاجه... زي مثلا واحد ضرب واحد تاني مخه مش هيقوله انت غلطان عشان ضربته (الا لو مخه ناضج زيك كده) هيقوله زي اي مخ سطحي: شايف محمد الي شغال في القهوه الي على اخر الشارع؟ هو الي غلطان عشان معملكش قهوه بوش... واذا حد جه يقوله انت غلطان المخ هيبدأ يبرر يقول مثلا: الذرات مش بتلمس بعضها يعني انا ذراتي ملمستش ذراته يعني مضربتهوش... بس انتي عقلك ناضج ودي حاجه بحييها فيكي بجد لانك مميزه عن غيرك المهم ممكن عشان غلطه كبيره حبه العقل يوقف تفكيره في حاجات تانيه عشان خوفه من ان الشخص ده ميسامحكيش... دي حاجه طبيعيه نوعا ما ممكن تتخطيها باكتر من طريقه بس كل طريقه لحاجه هقولك على افضل طريقه ممكن تستخدميها 1-اول حاجه متحاوليش تجبري نفسك انك تنسي الغلطه لان ده هيأثر عليكي بالسلب وهتفتكريها وهتجيلك في احلام العصر... 2-تأملي كل يوم نص ساعه على الاقل وشغلي جنبك صوت بحر واقعدي في حته هاديه مع تنفس صحيح ووضعيه صحيحه التامل هيساعدك تصفي ذهنك وتعيدي تركيزك.... 3-حاولي كل يوم قبل ما تنامي تخلي مخك يفكر في اي حاحه غير الغلطه زي اقرأي روايه مثلا وفكري فيها قبل ما تنامي وكده عشان الي بتفكري فيه قبل النوم بيثبت في دماغك 4-فكري بشكل ايجابي في غلطتك لان كده هتقللي التوتر من مخك شويه... 5-حاولي تكملي حياتك عارف هتقفي وهتحسي بشلل ساعتها متقاوميش الا لو عندك حافز قوي انك تتحركي لانك لو قاومتي من غير سبب محفز ليكي مخك هيخليكي تتتكاسلي في كل حاجه والموضوع هيرجعك اسوء من الاول.... 6-وده اهم حاجه... حافظي على صلاتك مش هتعرفي تكنلي حياتك الا لو صليتي لان مش بس انتي بتتحركي ده ربنا هيوفقلك طريقك لانك صليتي له... 7-ادعي ان ربنا يسهل الموضوع ويخلي الشخص ده يسامحك وباذن الله ربنا هيستجيب بس متنسيش ربنا بيحب الالحاح مش دعاء مره وسكتنا ربنا بيحب ان عباده يلحو بدعائهم... 8-لو مش قادره تدعي استغفري عايزه اي حاجه استغفري ربنا عارف ايه الي جواكي من غير ما تقولي استغفري كتير وربنا هيوفقك... عارف كلامي مكانش مفيد في حاجه بس حاولت افيدك على قد ما اقدر 😁✌🏻
تم النشر الأحد، ١٥ يونيو ٢٠٢٥
السلام عليكم ورحمه الله وبركاته ان احنا نوقف حياتنا على غلطه ده بيبقى اسمه ظلم لنفسنا طيب هل معنى كده انه عادي نغلط يعني وما فيش مشكله ونكمل؟ لا هو في انواع من الغلطات في غلطه انا اقصدها في غلطه انا عملتها عشان انا ضعفت في غلطه انا عملتها علشان خاطر انا ما كنتش اعرف الغلطات دي الاهم في ان هي قصاد نفسي ولا قصاد الناس والامن انها قصاد ربنا في انهي درجة قدام ربنا عموما مسموح ان احنا نكمل بعض الغلطات يعني ربنا مش عشان خاطر احنا غلطنا فخلاص كده بيوقف ان هو يتعامل معانا او يقول خلاص كده الباب بتاعه اتقفل لا بنغلط بس ربنا فاتح لنا الباب فليه احنا بقى نظلم نفسنا ونقفل الباب مع اي غلطه حتى لو كانت في اصعب درجه اللي هو احنا قصدين الغلطه. نبص على الغلطه دي اهم حاجه ونشوف الغلطه في انهي درجه عشان نعرف نتعامل معاها صح . 1.لو احنا قصدين اشوف انا ايه الدافع اللي كان عندي رغم اني عارف اني غلطه وعارف انها مؤذيه لنفسي او لغيري لكن برده عملتها ايه هو اللي دفعني ان انا اعمل كده علشان اعرف اصلح من نفسي 2.طيب لو هو الموضوع مش كده والموضوع غلطه علشان انا ضعفت طيب يبقى هدور نفسي ليه كنت ضعيف وازاي اقدر اقوي نفسي عشان اشوف نفسي الغلطه 3.لو غلطه بقى بسبب ان انا ما كنتش اعرف ان اصلا الحاجه دي غلط او التصرف ده غلط يبقى انا مش محتاج غير اني ابدا اخد معلومات جديده والمعلومات الجديده دي هي اللي هتخليني معاش في الغلطه دي مره ثانيه ولا في اي حاجه تخص نفس الموضوع ده افضل من يوم مره من اني اوقف حياتي لانه لو انا قررت اوقف حياتي انا مش هعمل حاجه تاني وكل حاجه هتعدي من جنبي الوقت هيعدي والناس هتعدي من جنبي وكل الحياه هتتحرك لكن انا هقف مش اكثر من كده
تم النشر الثلاثاء، ١٧ يونيو ٢٠٢٥
لعرض السؤال في فدني اضغط هنا