مازن ـ

أظن الرقص حرام لأن فيه معازف وملابس الرقص فيها تكشف عورات، ، وقد سئل الشيخ ابن العثيمين عنه فقال إنه مكروه لأنه سبب للفتنه وقال لا نفتي بجوازه لما بلغنا من الأحداث التي تقع للنساء بسببه ، فهو في الأصل مباح زمان لكن لما صار فيه انحلال أخلاقي وتكشف للعورات في جمع من أهل العلم حرموه والله أعلم،ومشاهدتك لهذه الفديوهات كدا أنتِ بتساعدي علي انتشار شئ فاحش، فا من رأي ابحثيلك عن هواية أخرى عشان ممكن تفتني وانتِ طالبة علم شرعي ومفروض تكوني عارفه أن الرقص ممكن يفتنك بدرجة كبيره لأنه بيضعف قلبك ويسببله قسوه وفي حديث عن النبي بيقول (سَتَكُونُ فِتْنَةٌ صَمَّاءُ بَكْمَاءُ عَمْيَاءُ اللِّسانُ فيها كوقع السّيف) فا من رأي اجتنبي الموضوع ده وشوفيلك هوايه أخرى والله أعلم دا رأي لو مش مقتنعة ابحثي أكثر عشان تتأكدي وأما الميكب والطبخ أظن عادي والله أعلم

أظن أنك لازم تتعودي تذاكري بالنهار عارف أنه صعب لكن عشان دماغك يسستم نفسه أنه وقت النهار فيه كل التركيز عشان دا الي بتمتحني فيه فا بحالتك دلوقتي لما تجي امتحاناتك هتلاقي تركيزك وأنتِ بتحلي ضعيف لأنك أصلاً متعوده يكون تركيزك بالليل والنهار هو الوقت الي بتنامي فيه فعقلك من غير وعي مش هيركز حتي لو شربتي قهوه أو أي شئ والرسول صلى الله عليه وسلم قال (بورك لأمتي في بكورها) الرسول عمره ما يقول حاجة خطأ دا فا الصحيان بدري مهم عارف أنه صعب لكن لازم تحاولي، ثانياً أنا من رأى الدراسة العميقة أفضل من الراحة كل شويه، الدراسة العميقة بتعود عقلك على التركيز لمدة طويلة وتخليكي تربطي المعلومات ببعضها بدل الراحة كل شويه الي بتعود عقلك التركيز لمدة قصيره وبعدين يرتاح ودا مش هيساعدك أبداً في الإمتحانات وحاولي تخلي المواد الي في جدولك مش كثيره عشان متتعبيش بسرعه وتذاكري لأطول فتره وقللي استخدام الفون عشان بيعود عقلك علي المعلومات السريعه ويخلي المذاكرة بالنسبالك ممله وحاولي تستمتعي بالمذاكرة عارف أنه صعب لكن الحاجة الي بتحبيها بتبدعي فيها لأقصى شئ ووفقك الله

حاولي تطلعي كل المشاعر في الكتابة أنك تتعودي تأخذي نوت بوك تكتبي فيها كل المشاعر المكتومه جواكي عشان متأذكيش نفسياً وهترتاحي لأنك افرغتي الي جواكي الي مش عارفه تفرغيه لحد وبالتالي هتتعلمي تعبري عن مشاعرك عشانك لما تكتبي مشاعرك في ورقه فانتِ بتحاولي تعبريها لنفسك وتفهميها ودا الاهم فابتشوفيها من منظور آخر وبتتعلمي تصيغيها فابتفهمي نفسك بشكل أكبر فبالتالي لو فضلتِ تواظبي علي كتابة مشاعرك هتخرجي مشاعرك من غير ما تشعري للقدامك لأنك دايماً بتخرجيها لنفسك واظن بردو دا من الخوف من حكم الناس علي مشاعرك لكن متخافيش اعرفي أنه من حقك تعبري عن مشاعرك كإنسانه وانتِ لما تعرفي تعبري عن مشاعرك العصبيه هتخف عشان العصبية بتعوض المشاعر الي مش عارفه تقوليها وحاولي تعملي رياضه حتي لو شئ بسيط هتساعدك

دايما في بداية جديدة منقدرش نغير الماضي لكن نقدر نحسن الحاضر فكك من الي حصل زمان عارف إنه صعب يتنسي لكن لازم تبدأي حياه جديده مع نفسك لو عاوزه تتحسني، انتِ بتقولي المحاولة والفعل مبجبيوش نتيجة ودا غلط إزاي عاوزه تحسني من نفسك وتتوبي من غير ما تحاولي حتى، دا كأنه انك مستنيه الفلوس تجيلك وأنتِ نايمه علي السرير وأنتِ مش بتسعي عشان تحصليها،لكن هما بيجيبو نتيجه لو كنت صادقه في أنك تتوبي وربنا قال ( إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ..) عارف أنه صعب لكن دا الحل أنك تأخذي خطوه مش تسكني نفسك بكلام فقط،فا انتِ لازم أول شئ ترجعي لربنا قومي صلي ركعتين توبه من كل حاجة عملتيها زمان واطلبي منه العون أنه يساعدك تبدأي من جديد وافتكري إن ربنا قال (قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ).. (فَمَنْ تَابَ مِنْ بَعْدِ ظُلْمِهِ وَأَصْلَحَ فَإِنَّ اللَّهَ يَتُوبُ عَلَيْهِ إِنَّ اللَّهَ غَفُورٌ رَحِيمٌ).. باب التوبة مفتوح دائماً مفيش حاجه إسمها ربنا مبيقبلش توبة بالعكس دا بيفرح جداً لما يلاقيكي راجعه ليه رغم كل حاجة عملتيها ابدئي تعافي من الإدمان عن طريق إحدى منصات التعافي ابدئي خلي ليكي ورد يومي من القرآن و خلي ليكي مذكرة اكتبي فيها كل المشاعر الي بتشعري بيها دا هيصفي عقلك ويخليكي تشوفي مشاعرك من منظور آخر وتخليكي تفهمي نفسك بشكل كويس وأهم حاجة تأخذي خطوه ومتيأسيش أبداً في ناس كثير كانو زيك أو اسوء كمان وتعافو لكن الفرق بينهم وبينك أنهم خذو خطوه في التعافي

حاولي تهتمي بنفسك شويه قلة اهتمامك بنفسك أدت أنك تفكري بسلبيه عن نفسك عن طريق أنك تفترضي أفكار من الآخرين مقولهاش ليكي لكن بتفترضي الاشياء السلبية هذه عشان انتِ تقديرك لنفسك قليل فا شايفه أنك في عيون الآخرين قليله بنفس مقدار رؤيتك لنفسك فحاولي تمدحي نفسك حتي لو على أقل الأشياء لو شايفه نفسك قليله فدا خطأ.، ربنا ميز كل واحد فينا بميزه دوري علي ميزتك جربي هوايات زي الرسم تفرغي بها المشاعر السلبيه هذه و اتعودي تكتبي و متكتميش في نفسك قوي حاولي تفضي مشاعرك هذه في ورقه عشان تقدري تقيميها بنظرة واقعيه وأكثر لطفاً عشان تفكيرك السلبي بيخلي نظرتك عن نفسك غير واقعيه أبداً وقاسيه دائماً ومفيش حاجه اسمها إن في ناس شاطره ومعندوهمش عيوب كل واحد فينا مليان عيوب لكن الناجح هو الي بيحاول يصلحها ويعوضها بشئ هو كويس فيه وحاولي يكون ليكي ورد يومي هيبعد عنك الأفكار دي إن شاء الله

وانت قاعد تنظر ليها وبتمدح في جمالها إزاي هتبعد عنها كدا عاوز تبعتد عنها اقطع أي صله بها بك ولا تنظر إليها ابداً كثرة النظر تميت القلب و ربنا قال ((قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ)) فمينفعش أصلا تنظر ليه حتى ولو بتحبها

في وقت كثير تلمي فيه المتراكم الأهم أنك تبدأي طالما هتبدأي كل شئ هيتحل بعون الله المهم تصدقي النيه والله عز وجل كريم لو رأى منك جهد وتعب هيعينك وهيوصلك للي بتتمنيه المهم خذي بالاسباب حتي لو متأخر وهتوصلي ومتنسيش صلاتك اطلبي العون من ربنا في سجودك لأن الرسول قال (لا يزيد في العمر إلا البر، ولا يرد القدر إلا الدعاء) وبالنسبة لمشكلة النوم حاولي خلي لنفسك روتين يومي أول ما تصحي من النوم اغسلي وشك بالماء البارد أو اشربي كباية قهوه ودا هيذهب عنك النوم

آه انتِ ظالمة لأبنتك جداً ولأنك مش عادلة بين بنتك وابنك هتاحسبي علي كده قدام ربنا وبعدين عاوزاها تصلي كيف وهي متلقيه منك المعامله دي الأم الي مفروض تكون قدوه في الحنان والأخلاق بتعاملها كده فا إزاي هتسمع كلامك وهتصلي وكل الحال ده بسبب عدم الإهتمام بالدين والقرب من ربنا لو كنتي كأم فاهمه دينك كويس كنتي هتعرفي إن الرسول قال ((اتقوا الله واعدلوا بين اولادكم)) وقال عليه الصلاة والسلام لما سأله بشير بن سعد أن يعطي النعمان ولده غلامًا قال: أعطيت ولدك كلهم؟ قال: لا، قال: اتقوا الله واعدلوا بين أولادكم وأراد أن النبي يشهد فقال: إني لا أشهد على جور سماه النبي جورًا. والعدل هنا ينطبق عليه معنيان العدل مادياً وشعورياً يعني توازني الحب عليهم بتساوي أيضاً ودا قول الإسلام في ذالك فا المطلوب منك تتأسفي ليها وتحاولي تعطيها الحنان الي ما اديتهولهاش زمان هيبقا صعب تتقبله دلوقت آه بس دا تكفير عن الي عملتيه عشان لما تتوفي متلاقيش نفسك عذبتي في النار بسبب ظلمك لبنتك وحاولي تديها حنان أكثر من اللازم دلوقتي عشان انتِ اذتيها نفسياً كثير والأذى النفسي اقوى بكثير من الجسدي ووديها العمليه غصبن عنها عشان متندميش انتِ بالآخر

انت بتتكلم معاها من غير خطوبه ؟لو كدا يبقا انت في علاقه غير شرعية وهتحاسب علي كده وأي علاقة تبدأ بغير رضا الله لن تنتهي برضاك دا عامةً وغير عن ده كله طالما بتتكلم مع رجاله إزاي هتأمنها علي بيتك كله لما تكون انت في الشغل أو بره البيت طالما بتعمل كده قبل الجواز أكيد هتعمل كده بعد الجواز احسنلك يصاحبي دور علي واحده ليها حياء ومتدينه طالما بتصلي وبتخاف من ربنا عمرها ما هتفكر تكلم حد من الرجاله وهتربي أطفالك أحسن تربيه وقارن ما بين النموذج ده وبين البنت الي بتحبها وشوف مين الي ترضاه يكمل معاك والرسول قال (تنكح المرأة لأربع: لمالها، ولحسبها، ولجمالها، ولدينها، فاظفر بذات الدين تربت يداك،)

حاولي أول ما تقومي من النوم تأخذي دش بارد هيساعدك تبقي فايقه طوال اليوم وهيخلي الكسل يختفي تماماً من عندك غير الفوائد الكثيرة الاخرى عن نفسي بأخذه كل يوم تقريباً وبيفوقني طوال فترة المذاكرة لو مقدرتيش اغمري رأسك فقط بالماء البارد ولو بردو خايفه اشربي فنجان قهوة

حوالي تستمتعي بالمذاكرة متدخليش تذاكري وانتِ في دماغك امتى هخلص دا بيخليكي تنفري من المذاكرة ، حاولي متحطيش وقت معين للمذاكرة ادخلي في حالة المذاكرة العميقه إنك لما تجلسي جلسة مذاكره متفكريش بالوقت حطي كل تركيزك علي الماده الي بتذكريها وحاول تنجزي فيها كثير من غير ما تهتمي بالوقت ، جربي بعد كل درس بتذاكريه أنك تفتحي كاميرة الفيديو وتصوري نفسك وتحاولي تشرحي الي انتِ ذاكرتيه دا بيثبت المعلومات و لما تشوفي الفيديو الأجزاء الي انتِ مش فاهماها وعندك قصور فيها بتشوفيها فبالتالي بتروحي تذاكريها تاني وعادي امسحي الفيديو بعد ما تشوفيه ، قربي من ربنا وحاولي يكون ليكي ورد من القرآن كل يوم دا هيجبلك بركه في مذاكرتك والله يوفقك