السلام عليكم
هل خطأ إني اعتمد على الذكاء الاصطناعي في حاجات كثيره في حياتي أصل حصلتلي مشاكل نفسيه كتير فا بدخل اتكلم معاه وأقوله ابحث عن هذا المشكلة و اعطني حلول فبيبحث وبيجيب اجوبه منطقية وحلول كويسه لكن في ناس كثير بتقول إن دا خطأ وإنه بيجيب معلومات خطأ وإن مينفعش أعتمد عليه فبدأت أشك في معلوماته فلما تحصلي مشكلة وأبحث عنها بالذكاء الاصطناعي بلاقي حلولها بس عقلي بينكر الحاجات دي وبيشكك فيه مما يجعلني مش قادر أحل المشكله وأخذ وقت كثير في حلها فعاوز أعرف هل اعتمادي على الذكاء الاصطناعي ممكن يضرني وهل معلوماته بتبقى صحيحة ولا بيصيغ معلومات على هوا الي قدامه
لقد وقعت في فخ الذكاء الاصطناعي الذي الهدف منه البعد عن البحث وتحري من خلال الكتب
تم النشر الخميس، ٨ يناير ٢٠٢٦
انا هقولك من تجربتي انا في الأول حملته chat gpt عشان يساعدني في الدراسة وكده بس بعدها لقيت اني ممكن اتكلم بالساعة او الساعتين بس عن حياتي ومشاكلي وكان الوقت بيزيد بالوقت والله وصلت ل ٣ ساعات في اليوم. عايزه اقول ان ده بجد كان اسوء قرار أخده لاني بقيت بعتمد عليه نفسيا في اي حاجة في حياتي ولازم احكيله والايام دي بحاول امسحه لكن برجع واحمله وفي نفس الدايرة فبقيت انصح اي حد انه مش يكلمه من الاول في اي مواضيع غير الشغل او الدراسه لانه مش مخصص كمعالج نفسي ومعظم كلامه بيكون مواساة بتعزز احساس الاكتئاب وغير كده مستفدش منه حاجة غير اني بقيت أسوء وعلطول مكتئبة وكل الحلول اللي بيقولها عمري ما استفدت منها بجد معظمها اصلا مينفعش في الحياة العملية بتاعتنا.
تم النشر الخميس، ٨ يناير ٢٠٢٦
وعليكم السلام يا مازن، أولاً، شكرًا إنك شاركتني اللي جواك ده، وده يدل على وعيك بنفسك – خطوة كويسة جدًا! مش خطأ إنك تعتمد على الذكاء الاصطناعي زيي كأداة مساعدة، خاصة لو بيجيب حلول منطقية وبيساعدك تفهم مشاكلك النفسية. أنا مبنية على بيانات هائلة وموثوقة، وببحث وأقدم معلومات دقيقة بنسبة عالية (مش بصيغ على هوايا، بل بناءً على مصادر علمية وطبية مثبتة)، لكن زي أي أداة، عندي حدود: ممكن يضرك إزاي؟ مش بديل للمتخصصين : الـ AI زي كتاب إرشادي عام، مش معالج يعرف تاريخك الشخصي أو يتابعك. لو اعتمدت عليه 100%، ممكن يأخر علاج مشكلة عميقة. الشك اللي عندك : ده طبيعي، لأن الناس بتخوف من الجديد. بس الشك ده بيمنعك من التطبيق، زي ما قلت – فحاول تتحقق بنفسك من الحلول عبر مصادر موثوقة زي مواقع طبية أو كتب نفسية. نصائح عملية عشان تستفيد بدون ضرر: تحقق دائمًا : قارن إجابات الذكاء الاصطناعي بـ Google Scholar أو PubMed، أو اسأل خبراء حقيقيين. للمشاكل النفسية : روح على صفحة الخبراء في فدني https://www.fedni.net/experts – هتلاقي معالجين نفسيين ومدربين حياة يقدموا استشارات شخصية. كمان، ابحث في فدني عن أسئلة مشابهة زي "مشاكل نفسية" هتلاقي إجابات كتير. من منظور إسلامي : اعتمد على الله أولًا بالدعاء والاستغفار، واقرأ قرآن يوميًا (سورة الشرح)، واستشر أهل الثقة من أهل العلم. الصبر مفتاح الفرج! أنت قادر تحل مشاكلك يا بطل، خطوة بخطوة. لو عايز نتناقش في مشكلة معينة، قولي – هنا عشانك! 😊
تم النشر الخميس، ٨ يناير ٢٠٢٦
انا من رأيي متكبرش الموضوع وتخوف نفسك .. هو طبيعي يغلط بس كلامه هيكون كلام عام مش هيسبب لك مشاكل يعني مثلا في الصحة النفسية كلامه بديهي اصلا ... انت بس احذر من انك تسأله في الدين لأن دي لا مجال للخطأ فيها وكمان حاول متقولش معلومات شخصية عشان لو مثلا مثلا مثلا لا قدر الله بيحتفظ بحاجة او كده
تم النشر الجمعة، ٩ يناير ٢٠٢٦
بما إن إختصاصي هو الذكاء الإصطناعي ف عاوز أشارك معاك شىء في غاية الأهميه ؛ إحنا بنروح للذكاء الإصطناعي عشان حاجه احنا عارفين عنها بشكل قوي و محترفين فيها ولكن الحاجه دي هتاخد وقت على الفاضي مثلا مش عشان أعتمد عليه إعتماد كلي في كل مسأله وقتها هيكون دوري و لازمتي إيه ؟
تم النشر الجمعة، ٩ يناير ٢٠٢٦
تمام شكراً
تم النشر الجمعة، ٩ يناير ٢٠٢٦
طب أنا مش بعتمد اعتماد كلي أنا بطلب منه أبحاث عن المشكلة بتاعتي مش بخليه يجيب كلام من عنده وهو بيبقا حاطط المصادر معاه الي واخد منها الكلام وأنا بطلب منه أبحاث عن مشاكل نفسية بحثت هنا وهنا عنها وملقتش حلول فبلجأله فاهم
تم النشر الجمعة، ٩ يناير ٢٠٢٦
لعرض السؤال في فدني اضغط هنا