انا 30 سنه واختي 29 متجوزناش قاعدين مع بعض اختي حرفيا مؤذيه لأقصى درجه هي بتشتغل وانا لا بتقعد تعايرني في الخناقات بده وبتقولي اني لوحدي واني مليش لازمه عشان مبشتغلش بتوصلني لحالة بفضل أعيط وأصوت وهي تقعد تفرس فيا بالكلام المؤذي
هي بتكبر وانا بكبر وقاعدين في وش بعض بتكرهني وتأذيني وتخليني هموت وأمشي من البيت بدعي ليل ونهار اننا نمشي من وش بعض انا شخصيه هاديه وساكته بتخليني عصبيه وحد معرفوش بحاول أتجاهلها بس بجد هي بتأذيني في النفس الي بتنفسه ومفيش مكان ابعد عنها فيه اعمل اي بموت كل يوم
يا حبيبتي، أنا آسفة جداً للي بتمري بيه ده، مش سهل خالص تعيشي مع حد بيأذيكي نفسياً كده كل يوم، خاصة لو أختك ومش قادرة تبتعدي. أنتِ شخصية هادئة وده ميزة كبيرة، بس هي بتستغلها عشان تكبر وتسيطر. خلينا نفكر عملياً خطوة بخطوة، معتمدين على الصبر والحكمة: 1. حددي حدودك فوراً (ده أهم خطوة) : لما تبدأ تعايرك أو تقول كلام مؤذي، قولي بهدوء وثبات: "كفاية، مش هسمحلك تقولي كده تاني"، وابعدي عنها تماماً (روحي أوضتك وقفلي الباب، أو اخرجي امشي في الشارع لو ساعة). مترديش عليها ولا تصرخي، ده هيخليها تشعر إن كلامها مش مؤثر. 2. غيري الروتين عشان تبعدي نفسياً : ابدئي يومك بصلاة الفجر والدعاء اللي بتعمليه (بارك الله فيكِ)، وادعي دائما بصلاح الحال. لما تكوني في البيت، حطي سماعات في ودانك واسمعي قرآن أو محاضرات إيجابية. ابحثي عن شغل بسيط أونلاين (فريلانس زي كتابة أو تصميم لو عندك مهارة)، أو دورات مجانية على يوتيوب عشان تبدئي خطوة صغيرة نحو الاستقلال. ده هيقلل معايرتها ويبني ثقتك بنفسك. 3. حاولي حوار هادئ مرة واحدة : اختاري وقت هادئ (مش في خناقة)، قوليلها: "أنا بحبك ومش عايزة نكره بعض، بس كلامك بيوجعني قوي. خلينا نحترم بعض أكتر". لو رفضت، متكرريش – ركزي على نفسك. استمري في الدعاء، الله بيفرج الهم باللي مش نتخيله. أنتِ قوية وهتقدري، يا رب يبعد عنكِ الهم ده قريب. لو عايزة نصائح أكتر، ابحثي في فدني عن أسئلة مشابهة هتلاقي إجابات كتير، أو شوفي الخبراء هنا: https://www.fedni.net/experts – في متخصصين نفسيين هيساعدوكِ بشكل شخصي.
تم النشر الخميس، ٨ يناير ٢٠٢٦
كلامك بيدل على انك عندك مشكلتين اولا انك ما عندكيش ثقه بنفسك وده بيسبب ان كلامها بياثر فيك والحاجه الثانيه انك عندك وقت فراغ مش عارفه تعملي بيه ايه هي المشكله مش في انك بتشتغلي بره البيت او لا المشكله انك عندك وقت فراغ فلو اتعلمتي تثقي في نفسك كلامها مش هياثر فيك وثاني حاجه حاولي تشوفي انت بتحبي ايه وابتدي اعمليه في وقتك ابتدي اشغلي نفسك بحاجات انت بتحبيها ركزي على نفسك ودوري على هواياتك شوفي لو انت مثلا بتحبي القراءه اقرئي حملي كتب على التليفون واقرئيها او اشتري كتب لو انت بتحبي التلوين لوني لو بتحبي المشي في الطبيعه انزلي تمشي في جنينه مثلا لو قريبه منك او حاجه زي كده فابتدي شوفي ايه الحاجات اللي ممكن تشغلي بيها وقتك وتكوني حباها ولو عندك اي سؤال انا معاكي
تم النشر الأحد، ١١ يناير ٢٠٢٦
كل شيء عنده بقدر ، كل شيء عنده بميعاد... الزواج ، الحب ، العمل ولكن ما الواجب علينا فعله حتى نحصل على ما كتبه الله العمل ثم العمل ثم العمل ما انتي فيه هو فراغ شديد حاولي تدوري على شيء من خلاله تستفيدي من شهاداتك ، تعلمي مهارة جديده ، مهارة القراءة هتفيدك. هطلع طاقتك السلبية وهتفيدك.
تم النشر الخميس، ٨ يناير ٢٠٢٦
بصي انتي اللي اديتي لاختك الفرصة انها تغلط فيكي مع انك اكبر منها -حلو انك تكوني شخصية هادية في الطبيعي لكن مجرد انها تطول لسانها عليكي سواء هي او غيرها لاء يبقا نقف هنا لازم توقفيها عند عندها وتسيبي الهدوء دا علي جنب -ومش بقولك اكرهي اختك او حاربوا بعض لاء بالعكس انا بقولك خلي عندك شخصية ومتسمحيش لحد يغلط فيكي -حاولي تتكلمي معاها بلطف وبالحسني وان احنا اخوات وملناش غير بعض خلينا في ضهر بعض وهزري معاها ولطفي معاها والله استجابت بقي زي الفل مفيش استجابة يبقي خلاص الاختصار رحمة لكن هتيجي تتطاول عليكي وقفيها عند حدها واعملي لنفسك شخصية علشان متقلش منك -اما بالنسبة للشغل ف لو حابة ما تشتغلي واشغلي وقتك وحياتك ومتقوليش مفيش شغل لاء فيه بس انتي شوفي كويس حتي لو هتعملي مشروع صغير من البيت -بس الحاجة الاهم انك لازم تقوي شخصيتك علشان تعرفي تتعاملي مع اختك ومع الناس لو نزلتي شغل او حتي مع الناس في العادي-اسفة علي الاطالة وربنا يصلح حالك اللهم امين
تم النشر الخميس، ٨ يناير ٢٠٢٦
لا حول ولا قوه الا بالله
تم النشر السبت، ١٠ يناير ٢٠٢٦
السلام عليكم ـ انصحيها بلطف ان تتقي الله وتفعل المعروف يجزيها الله خيرا ـ وانصحك بأن تلزمي طريق الصلاح وتسألي الله العفاف حتى يرزقك الله بالصالح والزواج يأتي في اي وقت ليس له تاريخ انتهاء واسألي الله الهدايه يكفيكي الله شر الناس ويملأ روحك بالإيمان ونفسك بالثقه ولا تتأثري بهذا الكلام حينئذ.
تم النشر الجمعة، ٩ يناير ٢٠٢٦
مادام وصلت إلى انها بتأذيكي في النفس بمعنى أغلب الوقت فأكيد هي شخصية نرجسية بتستمتع بالأذية
تم النشر الأحد، ١١ يناير ٢٠٢٦
اي اخوات كدا بس في ناس بطلع الكلام كدا زي الدبش من غير ما تحس ان دا ممكن يضايق الي قدامها انه يفرق معا نفسيا جربي تتجاهليا خالص وسبيها تتكلم عارفه ان احيانا الموضوع بيبقا مستفز بس تجاهليها مره ورا التانيه هي الي هتتكسف بجد وتحس انها وحشه انك اعده من غير شغل دا م حلو انزلي اي شغل وخدي كورسات حولي تتعلمي حاجه جنب شغلك عشام حتي متفكريش ف كلام اختك وتبعدي عنها شويه وان شاء الله ربنا يرزقك بزوج صالح ويهديها
تم النشر الأحد، ١١ يناير ٢٠٢٦
حاولى انك تتجنبيها واشغلى نفسك برا البيت بشغل او حاجه او الحل الأحسن انك تقربي منها الطبيعى ان اختك مش مولوده مؤذية اكيد شافت حاجات او حصل فى حياتها حاجات خلتها بقيت الشخص حاولى تقربي منها تفهميها تبقى صاحبتها والشخص اللى برتاح معاه بدل اللى بتحاول متريحهوش
تم النشر السبت، ١٠ يناير ٢٠٢٦
ممكن تشوفى مصنع خياطه تشتغلى فيه دورى وهتلاقى
تم النشر الجمعة، ٩ يناير ٢٠٢٦
أنا شايف أنك تشوفيلك أي مهارة تطوري بيها نفسك وتشتغلي بيها عشان الفراغ خطير ممكن يضيعك لازم متديش وقت لنفسك لازم تشغلي نفسك في أي حاجة لحد ما يجي ابن الحلال الي يتجوزك وعشان خطأ تكوني انتِ الكبيرة ومبتشتغليش وهي بتشتغل فمن المنطقي أنك تصغري في نظرها وبعدين مفروض تساندو بعض مش تنفرو من بعض ممكن هيا بتكرهك وتؤذيكي عشان شايفه أنك غير مسئوله ومينفعش يعتمد عليكي فأثبتيلها إن دا خطأ ويعني حاولي تتقربي منها عشان في النهاية انتُ عائلة وانتُ الي هتبقو لبعض في المحن رغم كل الأشياء دي عشان في النهاية من نفس الدم
تم النشر الخميس، ٨ يناير ٢٠٢٦
لعرض السؤال في فدني اضغط هنا