حاولي تهتمي بنفسك شويه قلة اهتمامك بنفسك أدت أنك تفكري بسلبيه عن نفسك عن طريق أنك تفترضي أفكار من الآخرين مقولهاش ليكي لكن بتفترضي الاشياء السلبية هذه عشان انتِ تقديرك لنفسك قليل فا شايفه أنك في عيون الآخرين قليله بنفس مقدار رؤيتك لنفسك فحاولي تمدحي نفسك حتي لو على أقل الأشياء لو شايفه نفسك قليله فدا خطأ.، ربنا ميز كل واحد فينا بميزه دوري علي ميزتك جربي هوايات زي الرسم تفرغي بها المشاعر السلبيه هذه و اتعودي تكتبي و متكتميش في نفسك قوي حاولي تفضي مشاعرك هذه في ورقه عشان تقدري تقيميها بنظرة واقعيه وأكثر لطفاً عشان تفكيرك السلبي بيخلي نظرتك عن نفسك غير واقعيه أبداً وقاسيه دائماً ومفيش حاجه اسمها إن في ناس شاطره ومعندوهمش عيوب كل واحد فينا مليان عيوب لكن الناجح هو الي بيحاول يصلحها ويعوضها بشئ هو كويس فيه وحاولي يكون ليكي ورد يومي هيبعد عنك الأفكار دي إن شاء الله
العفو ولكم بالمثل
تم النشر الخميس، ١١ ديسمبر ٢٠٢٥
تمام شكرا لحضرتك جزاك الله خيرا
تم النشر الخميس، ١١ ديسمبر ٢٠٢٥
دلوقتي عقلك بيطلعلك أسباب عشان يمنعك أنك تتركيه عشان بالنسباله دلوقت الفون هو مصدر الدوبامين بتاعك فبالتالي حاولي تستبدليه بمصدر دوبامين أقل زي قراءة الكتب أو الرياضه وحاولي متفتحيهوش إلا في الأوقات الي قولتي عليها وابحثي عن إدمان التلفون علي اليوتيوب وكيفية تركه وهتستفيدي أو ادخلي علي صفحتي كنت سائل سؤال بردو عن نفس المشكله وفي كثير ادوني اجابات كويسه استفيدي منها ووفقك الله
تم النشر الخميس، ١١ ديسمبر ٢٠٢٥
كلامك كله صح ويمكن كمان بهرب من الواقع إلي الفون بس مش عارفه ابعد عنه لانو أحيانا بحتاجه في المذاكرة واحيانا باخده الدروس وكدا
تم النشر الخميس، ١١ ديسمبر ٢٠٢٥
كثرة استخدام الموبايل بتدي لعقلك دوبامين سريع بتخليه يتعود علي المعلومات والفيديوهات السريعه الي همها تأخذ وقتك ومبتستفديش منها أي شئ فلما تيجي تذاكري هتحسي بملل شديد عقلك هيقارن المذاكرة بالمتعة السريعة الي كان بيأخذها والنتيجة هتملي وهتتركي المذاكرة لأنه بالفعل هو متعود على المعلومات السريعه فا هتبقا ذاكرتك ضعيفه وتركيزك ضعيف وهتزهقي من أول 5 دقائق مذاكره عشان كده انتِ شايفه الرسم ممل بالرغم إن هو كهواية مفيد ليكي لكن عشانك بتستخدمي التلفون كثير عقلك ما بيديش اهتمام لأي شئ مش بنفس متعة الاسكرول علي وسائل التواصل الاجتماعي فبتشوفي الحياة بنظره سوداء فا الأفكار السلبية بتتمكن منك وبتقضي وقت كثير على الفون عشان تسكنيها ودا غلط فا حاولي تقللي استخدامه كثير عشان تقدري تحسني حياتك
تم النشر الخميس، ١١ ديسمبر ٢٠٢٥
مشكله أنه أنا بضيع وقت كتير علي الفون فلو مثلا هرسم فوقتي مش هيكون مفيد
تم النشر الخميس، ١١ ديسمبر ٢٠٢٥
لعرض الإجابة في فدني اضغط هنا