دايما في بداية جديدة منقدرش نغير الماضي لكن نقدر نحسن الحاضر فكك من الي حصل زمان عارف إنه صعب يتنسي لكن لازم تبدأي حياه جديده مع نفسك لو عاوزه تتحسني، انتِ بتقولي المحاولة والفعل مبجبيوش نتيجة ودا غلط إزاي عاوزه تحسني من نفسك وتتوبي من غير ما تحاولي حتى، دا كأنه انك مستنيه الفلوس تجيلك وأنتِ نايمه علي السرير وأنتِ مش بتسعي عشان تحصليها،لكن هما بيجيبو نتيجه لو كنت صادقه في أنك تتوبي وربنا قال ( إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ..) عارف أنه صعب لكن دا الحل أنك تأخذي خطوه مش تسكني نفسك بكلام فقط،فا انتِ لازم أول شئ ترجعي لربنا قومي صلي ركعتين توبه من كل حاجة عملتيها زمان واطلبي منه العون أنه يساعدك تبدأي من جديد وافتكري إن ربنا قال (قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ).. (فَمَنْ تَابَ مِنْ بَعْدِ ظُلْمِهِ وَأَصْلَحَ فَإِنَّ اللَّهَ يَتُوبُ عَلَيْهِ إِنَّ اللَّهَ غَفُورٌ رَحِيمٌ).. باب التوبة مفتوح دائماً مفيش حاجه إسمها ربنا مبيقبلش توبة بالعكس دا بيفرح جداً لما يلاقيكي راجعه ليه رغم كل حاجة عملتيها ابدئي تعافي من الإدمان عن طريق إحدى منصات التعافي ابدئي خلي ليكي ورد يومي من القرآن و خلي ليكي مذكرة اكتبي فيها كل المشاعر الي بتشعري بيها دا هيصفي عقلك ويخليكي تشوفي مشاعرك من منظور آخر وتخليكي تفهمي نفسك بشكل كويس وأهم حاجة تأخذي خطوه ومتيأسيش أبداً في ناس كثير كانو زيك أو اسوء كمان وتعافو لكن الفرق بينهم وبينك أنهم خذو خطوه في التعافي
يا أختي الدوبامين دا شئ طبيعي عقلك بيأخذه من أي شئ من الأكل والشرب حتى لكن عشانك مبتتحركيش حتى فا أكيد طوال اليوم على الفون بتسكرولي في الاشئ فدا بيدي لعقلك دوبامين سريع فعشان كده بتشوفي الحياه سوداء إلا الفون فبالنسبالك الفون الشئ الوحيد الملون فعقلك اتعود علي الدوبامين السريعه والمتعه من السريعه فلما تحاولي تغيري دا عقلك هيطلق صفارات إنذارات ويحاول يمنعك فا دي العقبات الي في طريقك
تم النشر الخميس، ١١ ديسمبر ٢٠٢٥
دوبامين ايه انا وضحت اني مش مدمنه على حاجه ولا بستمتع بحاجه
تم النشر الخميس، ١١ ديسمبر ٢٠٢٥
دا بسبب أنه عقلك تعود على الدوبامين والمتعه السريعه بضغطة زر علي الفون فا بالنسباله الحاجات الطبيعية مبتديش نفس المتعه فعشان كده بتواجهي صعوبه فالحل أنك تبدأي بأشياء بسيطه جداً تعمليها تعودي دماغك علي نسبة دوبامين أقل زي أنك تقرأي رواية من علي الفون عندك علي الأقل تأخذي متعة لكن بعد مجهود القراءة لكن الأهم أنك تتوبي لربنا عشان ربنا مش هوفقك في حاجه غير لما تتوبي ليه فا تحاولي تقومي من علي السرير تغسلي وجهك بالماء البارد وتتوضي حتى لو كان صعب وتصلي ركعتين توبه وتبدئي تفرغي كل الي جواكي لربنا في السجود وتطلبي منه العون عارف إن دا كلو صعب بالنسبالك لكن مفيش حاجة بتيجي بالساهل دايما الخطوات الأولى صعبه دا ثمن التعافي مش هتقدري تحسني أي حاجه بالنوم علي السرير فا الحل أنك تغلبي نفسك وتقومي دا الي أنا شايفه وبعدها تبقي تأخذي قرار مع نفسك تقرأي حتى خمس آيات من القرآن كل يوم و تحاولي تضعي لنفسك مهمه بسيطه كتفريش السرير تعمليها
تم النشر الخميس، ١١ ديسمبر ٢٠٢٥
بقول لو حتى شرب المايه أو اني اروق اوضتي او اعمل اي حاجه زي الناس الطبيعيه مش قادره اعمله المفروض ايه الحل بقا
تم النشر الخميس، ١١ ديسمبر ٢٠٢٥
مش فاهم ممكن توضحي
تم النشر الخميس، ١١ ديسمبر ٢٠٢٥
لو انا مش قادره اشرب وايه حتى الحل ايه
تم النشر الخميس، ١١ ديسمبر ٢٠٢٥
من الطبيعي لما تقعي في حفره كبيره هيبقا صعب أنك تطلعي وهتتعبي كثير وانتِ بتحاولي تطلعي وهتفضلي تقعي كثير وانتِ بتحاولي لكن في النهاية هتطلعي لما متخليش يأس المحاولة يغلبك مفيش حد هيمدلك ايده عشان يساعدك هيقلولك شوية نصائح ازاي تطلعي وفقط فيا انتِ تأخذي بالنصائح وتطلعي يا تتجاهليها وتفضلي في القاع وتاخدي نصائح من الي رايح والي جاي بدون فائده
تم النشر الخميس، ١١ ديسمبر ٢٠٢٥
انا قلت كل الكلام ده عارفاه وحاولت وتعبت
تم النشر الخميس، ١١ ديسمبر ٢٠٢٥
لعرض الإجابة في فدني اضغط هنا