انا دلوقتى فى تالته ثانوى واتعرفت على واحد سوشيال اكبر منى بسنه وحبنى واتعلق بيا جدا فى كام اسبوع يدوب وحكالى كل حاجه عن حياته ومن ضمن الحاجات انه كان بيحب واحده وخانته وانا اتشدت له عادى مع اننا متقابلناش ولا مره
المهم أننا بقالنا مع بعض اهو شهر مثلا ولما جيت اسيبه علشان مذاكرتي وعلشان خايفه اعمل حاجه من ورا أهلى وخايفه اغضب ربنا ومحققش حلمى بسبب غلطه زى دى مع انه قمه فى الاحترام والادب ومش عيل ابدا هو راجل بس لما قولتله نبعد السنه دى على الاقل لحد ما أخلص وتيجى تتقدملى كان حرفيا كأنه هيتجنن وانه لا مينفعش انا حبيتك جدا وانتى شبهى وزيي فى كل حاجه وانتى كويسه وانا مرتاح معاكى وكل ده
المفروض اعمل اي علشان صعبان عليا اسيبه يبقى شخص وحيد فعلا
هو ممكن يعيش من غيرك عادي ،و للاسف هو بيستغلك عاطفياً ، و جزء انه كلم مامته عليكي ف كل شباب إلا من رحم ربي بيقولوا كدا و ممكن حتي يخليكي تكلميها عادي و مش هتفرق معاه ، بس المهم انتي فكري في نفسك و اياكي تخسري نفسك ولا مستقبلك ولا ثقة اهلك فيكي بسبب حد ، و قبل دا كله لو انتي راضية بالكلام دا يكون قدام ربك يبقي مفيش حد يقدر ينصحك
تم النشر الأحد، ١١ يناير ٢٠٢٦
اولا اللي انتم فيه ده مش حب ده تعلق ثانيا ده حرام ثالثا انت مش مسؤوله عن مشاعره يعني مش مسؤوله عن ان هو يحس بالوحده او لا دي مسؤوليته هو هو المسؤول عن ان هو يخرج نفسه من الاحساس بالوحده مش انتى في ايوه الحل انك تبعدي ونقطه ان هو صعبان عليك زي ما انا قلت لك مشاعره مسؤوليته هو مش مسؤوليتك انتى
تم النشر الأحد، ١١ يناير ٢٠٢٦
اولا - لا انتي بتحبيه ولا هو بيحبك انتي ممكن تكوني معجبة بيه وباهتمامه لكن هو بيستخدمك انه ينسي حبيبته السابقة دا لو فعلا اصل اكان صادق معاكي ومكنش بيستعطفك -وحتي لو كان صادق ف هو كمان ممكن يكون معجب بيكي لكن حب ايه اللي في اقل من شهر دا ؟ غير طبعا انه حرام وانتي عارفة كدا كويس ف اتكلمي معاه وانك خايفة من ربنا ومش عايزة تخدعي اهلك وان اللي بيبدا بالحرام نهايته مش حلوة (ما بني علي باطل فهو باطل ) وانك لازم تقطعي علاقتك بيه نهائي ولو خايفة عليه انصحيه انه يتكلم مع حد او حتى قوليله على فدني على الاقل هيلاقي حد يفهمه ويتكلم معاه ويعقله واقطعي العلاقة دي -ولو ليكوا نصيب في بعض خليه بالحلال احسن -آسفة لو كلامي جارح بس انا بنت زي زيك والله خايفة عليكي
تم النشر الأحد، ١١ يناير ٢٠٢٦
حبيبتي، أنا ذكية، وأفهم تماماً إحساسك ده بس خلينا نفكر مع بعض بوضوح علشان مستقبلك. أنتِ دلوقتي في تالتة ثانوى، أهم سنة في حياتك، وده حلمك اللي مش هتقدري تحققيه لو مشتتيش نفسك. العلاقة دي عبر السوشيال، سريعة جداً (شهر بس!)، وغير شرعية حالياً – وأنتِ نفسك خايفة تغضبي ربنا، وده دليل إن قلبك سليم وبتفكري صح. النصيحة الواضحة: أسيبيه دلوقتي، بلطف وقوة. قوليله "أنا بحترمك وأقدر مشاعرك، بس لازم أركز على نفسي والدراسة، ولو مقدر ربنا، هتتقدم رسمياً بعد ما أخلص". لو بيحبك بجد، هيحترم قرارك ويثبت نفسه بالصبر والخطوات الشرعية (زي الكلام مع أهلك). ركزي على مذاكرتك: حددي جدول يومي، خدي وقت للصلاة والقرآن يريح قلبك، ونامي كويس. أنتِ قوية وكويسة زي ما قال، وده هيجيبلك اللي أحسن بإذن الله. لو عايزة نصائح أكتر عن التركيز أو الضغط ده، دوري في فدني على أسئلة مشابهة، أو شوفي الخبراء هنا: https://www.fedni.net/experts – فيه مدربين حياة ونفسيين هيساعدوكِ. ربنا يوفقكِ ويسهل أمركِ، أنتِ هتطلعي أقوى! 💪❤️
تم النشر السبت، ١٠ يناير ٢٠٢٦
هذا الامر برمته خطأ ، فإذا عزمتي النية لله في التوبه ، ف قد قال تعالى " يا أيها الذين آمنوا عليكم أنفسكم لا يضركم من ضل إذا إهتديتم " ونصيحتي ان تخلصى نيتك إلى الله في التوبه وتذكري جيدا أن من ترك شيئاً لله عوضه الله خيراً منه . فقط أخلصى الظن بربك وأخلصي نية التوبه
تم النشر الأحد، ١١ يناير ٢٠٢٦
انا عملت كده خلاص فعلا وقولتله هستناك عادى تتقدم ومش هعرف حد غيرك كده كده بس اهم حاجه منتكلمش تانى وهو وافق وقالى نتمطن بس على بعض كل فتره
تم النشر الأحد، ١١ يناير ٢٠٢٦
في ناس من دول لسانهم معسول بس هم حرفيا مش بشر ... انتي لسة صغيرة ومتعرفيش حاجة ... ابعدي وانجو بنفسك
تم النشر الأحد، ١١ يناير ٢٠٢٦
ابعدي عنه لإنه واخدك مصلحة عشان يعوض بيكي الحب و المشاعر اللي كان بياخدها من اللي قبله، و ادام لما قلتيله يجيلك بالحلال اتجنن فاعرفي انه عايزك عشان يلعب بيكي و متقوليش عليه راجل
تم النشر الأحد، ١١ يناير ٢٠٢٦
بصى قوليله أسبابك اللى عايزة تسيبيه بسببها وبعد كده قوليله الباب مفتوح لو حبيت تتقدم بس انا مش هنكمل في علاقه محرمه. ومتسمعيش منه تانى كفايه لحد هنا وتعملى بلوك لحد هنا وكفايه لى عارفه انتى لو فضلتي كل شويه تبعدى وتقربي هتأذيه نفسياً لانو متعلق بيكي فخدى القرارومترجعيش برأيك مهما حصل أنا بقولك عن تجربه كل ما كملتي وانتى مش عايزه هتأذيه وتأذي نفسك
تم النشر الأحد، ١١ يناير ٢٠٢٦
بصى نقطة انو قالك إلى فى قلبه دى حاجة عاديه جدا لى لانو كان محتاج حد يسمعه ويحكيله والشخص اللى جه قدامه انتى فحس بأمان ناحيتك وحكالك والحاجة إلى علقته فيكي دى وغير كده اولا ده مش حب ده تعلق مرضي. وتعرف ازاى انو تعلق لو عمل الحاجات دي يبقى تعلق. اول حاجه انو مهما حصل بيلف ويرجعلك وأنو دايما عايز يكلمك طول الوقت. وأنو ممكن يدقق على تصرفاتك والتعلق اسوأ حاجه ليه وليكي فشيلي من دماغك فكره. انو هو حبنى وحكالى إلى فى قلبه وأروح أنا ابعد وأخون ثقته بيه انتى اقعدى وفكرى مع نفسك هل الشخص ده بكون معاه سعيده وهل ده. تضييع وقت وخلاص فكرى بعمق لو احتجت حاجه كلميني
تم النشر الأحد، ١١ يناير ٢٠٢٦
ابعدي عنه و ميهمكيش اي اللي هيجراله، لانت تعرفيه ولا هو يعرفك، بيضحك عليكي بس بالكلام، اتعاملي معاه كإنه واحد ماشي في الشارع، وهو لو عايز يخطبك هيجيلك بعد الثانوية و يخطبك، وفي الآخر مش هيخطبك، لإن اللي ناوي على حلال مبيدخلش من الحرام
تم النشر الأحد، ١١ يناير ٢٠٢٦
انا متأكده فعلا انه مجرد تعلق بس دلوقتى انا مش لاقيه حل اسيبه بيه ولا كلام اقوله له لانى كل مابقوله نبعد بيقعد يقولى عشمتينى وعلقتينى بيكى وانا مش هقدر اعيش من غيرك وكل ده
تم النشر الأحد، ١١ يناير ٢٠٢٦
انا بس خايفه اكون حكيت الموضوع ونسيت نقطه معينه او حاجه وخلتكوا تحكموا عليه بطريقه غلط واشيل ذنبه بس والله كل اللى قولته ده حصل فعلا وانا اخر مره لما صعب عليا كده قولتله مش هسيبك تانى خلاص ف يعتبر وعدته بحاجه وعشمته فيا
تم النشر الأحد، ١١ يناير ٢٠٢٦
طب ماهو ابعد عنه ازاى لما جيت اعمل كده قعد يقولى عشمتيني فيكى لي من الاول وانا حبيتك جدا وريبوستاتى كلها بقيت عنك وقولت لامى عليكى وهتقدملك بس متسبنيش
تم النشر الأحد، ١١ يناير ٢٠٢٦
لعرض السؤال في فدني اضغط هنا