لايف كوتش مى

اللي بيحصل معاكي ده طبيعي بس هو جاي رساله ليكي بتعرفك إن انت عندك فراغ عاطفي الفراغ العاطفي ده ناتج عن ان انت محتاجه حب واهتمام فحاولي تتعلمي تعرفي نفسك وتعرفي ايه احتياجاتك النفسيه وتلبيها لنفسك وتعرفي تدي لنفسك الاهتمام اللي انت محتاجاه، الموضوع ده هيقل معاكي تدريجي لحد ما توصلي للاكتفاء الذاتي بإذن الله

حابه أقول لك انت مش عديمه المشاعر انت شخصيه حساسه وحنينك لصاحبتك ده مش ضعف منك ده معناه ان انت لسه ما زال عندك الشعور بالوحده وده محتاج يتعالج محتاجه تتعلمي تحبي وحدتك وتحبي نفسك وبالنسبه لليأس من حياتك انت عندك يأس لانك شاغله نفسك دي المشاكل اللي في حياتك اكثر من انك شاغله نفسك بقى انت عايزه ايه فنصيحتي ليكي انك تقعدي مع نفسك وتبتدي تكتبي كل حاجه انت نفسك تحققيها في حياتك من أصغر حاجه لاكبر حاجه وابتدي واحده واحده حطي هدف لنفسك في اليوم هدف بسيط واقعي تقدري تحققيه كل اما هتحققي هدف كل اما هتحسي بالحماس وهيبقى عندك أمل في الحياه واهم حاجه حاولي تقربي من ربنا سبحانه وتعالى اتعلمي عن اسماء الله الحسنى وصفاته وابتدي تدبري القران اهم حاجه ما تضغطيش على نفسك ابتدي واحده واحده وكل اما تحققي هدف صغير اتعلمي تكافئي نفسك بحاجه انت بتحبيها اكتبي قايمه بكل الحاجات اللي انت بتحبيها واللي بتبسطك وابتدي اعمليها لنفسك كل يوم ولو عندك اي سؤال او استفسار اكتبي لي وانا هرد عليك على طول باذن الله

اولا اللي انتم فيه ده مش حب ده تعلق ثانيا ده حرام ثالثا انت مش مسؤوله عن مشاعره يعني مش مسؤوله عن ان هو يحس بالوحده او لا دي مسؤوليته هو هو المسؤول عن ان هو يخرج نفسه من الاحساس بالوحده مش انتى في ايوه الحل انك تبعدي ونقطه ان هو صعبان عليك زي ما انا قلت لك مشاعره مسؤوليته هو مش مسؤوليتك انتى

اول حاجه عايزه اقول لك عليها اني مش صح انك تهربي من مشاكل اهلك بعلاقه لان ده مش حل حقيقي ثاني حاجه ارتباطك مش هو الحل انك ما تبقيش حاسه بالوحده لان الشعور بالوحده ما لوش علاقه بوجود الناس حواليك الشعور بالوحده ليه علاقه بعلاقتك مع نفسك وعلاقتك مع ربنا سبحانه وتعالى فالحل في الاحساس اللي انت حساه ده اولا انك تقربي من ربنا سبحانه وتعالى ثانيا انك تعرفي نفسك وتدي لنفسك الاحتياج اللي انت محتاجاه تشوفي انت محتاجه ايه وتدي لنفسك وتعرفي اهدافك ايه في الحياه وايه هواياتك وتبتدي تشغلي نفسك بيها

اللي انت بتعاني منه هو فعلا خوف شديد من الوحده انت مش بتحبي تبقي لوحدك لانك بتخافي من الوحده وده سببه انك مش عارفه تكوني مبسوطه مع نفسك لانك مش عارفه نفسك فالحل في جزئيتين الجزء الاول وهو انك تقربي من ربنا سبحانه وتعالى وتبتدي قربك من ربنا سبحانه وتعالى بان انت تتعلمي تكلمي ربنا سبحانه وتعالى وتفضفضي له بكل اللي في قلبك وكل حاجه وجعاك وكل حاجه مضايقاك وانك تتعلمي اسماء الله الحسنى وصفاته الجزئيه الثانيه وهي انك تعرفي نفسك وتبتدي تحبي نفسك وتبتدي تشوفي ايه الحاجات اللي بتبسطك وتعمليها لوحدك حتى لو الموضوع صعب عليك في الاول لو عندك اي سؤال او استفسار انا معاكي

كلامك بيدل على انك عندك مشكلتين اولا انك ما عندكيش ثقه بنفسك وده بيسبب ان كلامها بياثر فيك والحاجه الثانيه انك عندك وقت فراغ مش عارفه تعملي بيه ايه هي المشكله مش في انك بتشتغلي بره البيت او لا المشكله انك عندك وقت فراغ فلو اتعلمتي تثقي في نفسك كلامها مش هياثر فيك وثاني حاجه حاولي تشوفي انت بتحبي ايه وابتدي اعمليه في وقتك ابتدي اشغلي نفسك بحاجات انت بتحبيها ركزي على نفسك ودوري على هواياتك شوفي لو انت مثلا بتحبي القراءه اقرئي حملي كتب على التليفون واقرئيها او اشتري كتب لو انت بتحبي التلوين لوني لو بتحبي المشي في الطبيعه انزلي تمشي في جنينه مثلا لو قريبه منك او حاجه زي كده فابتدي شوفي ايه الحاجات اللي ممكن تشغلي بيها وقتك وتكوني حباها ولو عندك اي سؤال انا معاكي

اللي انت فيه ده اسمه تعلق مرضي ده سببه ان انت مش عارفه نفسك كويس بالتالي مش حابه نفسك ومش عارفه احتياجاتك النفسيه فالحل العملي عشان تقدري تقطعي معاه وما ترجعيش ليه ثاني وما تتعلقيش بحد ثاني ولا هو ولا اي حد انت محتاجه تعرفي نفسك ولما تعرفي نفسك هتعرفي احتياجاتك ولما تعرفي احتياجاتك هتعرفي تديها لنفسك فبالتالي هتعرفي يكون عندك اكتفاء بنفسك ساعتها مش هيكون عندك تعلق بأي حد ولو عايزه ازاي تعرفي احتياجاتك النفسيه اكتبي لي وانا هقول لك باذن الله بس انا دلوقتي هقول لك زي ايه الاحتياجات النفسيه الاحتياجات النفسيه زي ان حد يسمعك لو انت محتاجه حد يسمعك تبتدي تدي ده لنفسك ازاي بانك تسمعي نفسك اي حاجه نفسك نفسك تقوليها لحد جربي انك تكتبيها على ورقه او تسجلي ريكورد على التليفون وبعد كده تمسحيها لو حابه احتياج ثاني هو ان حد يجيب لك هديه هاتي لنفسك هديه حتى لو بسيطه