مساء الخير
أنا جيت احكيلكم ان انا بعمل ذنب وكرهت نفسي اني بكرر الذنب دا
انا كل مره بقول مش هعمله المشكله اني مش محتاجه اني اعمل الحاجه دي بس مش عارفه ليه بعمل كدا كرهت نفسي جدا
انا عارفه اني انسانه كويسه ومحترمه بس بعمل الحاجه دي
على الرغم اني عارفه انها حرام
عارفه ان ربنا عمره ما هيسامحني
بتمنى منكم انكم تدعولي وتقولولي اعمل اي
اسال الله العظيم رب العرش العظيم ان يغفر لك ذنبوبك ما تقدم منها وما تأخر وجميع المسلمين اللهم آمين بلاش تحكمي ان ربنا مش هيسامحك مفيش ذنب ربنا مش بيغفره الا اذا الشخص مات علي هذا الذنب قبل ان يتوب عنه وربنا اللي قال كدا في كتابه العزيز بسم الله الرحمن الرحيم (قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ)سورة الزمر - (إِنَّهُ لا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ)سورة يوسف - (وَقَالَ رَبُّكُمُ ادْعُونِي أَسْتَجِبْ لَكُمْ)سورة غافر - فادعي دايما ان ربنا يغفر ذنبوبك ويبعدك عن فعل الذنب -وممكن تكوني بتعملي كدا بسبب مشكلة نفسية عندك او بسبب حاجة حصلت في طفولتك بلاش جلد الذات وكرهك لنفسك ودوري على السبب وعالجيه
تم النشر الأربعاء، ١٤ يناير ٢٠٢٦
الصراحه في الاول هقولك الموضوع بيبقى صعب بس انتي جاهدي نفسك وصلي واقراي قرآن صدقيني عمر ما حد هيعمل ده كله وقلبه هيفتن هي مش من أول مره بس انتي شخصيًا هتلاقي نفسك ضميرك بيصحى لما تيجي تعملي الحاجه دي حطي دايمـًا قدامك جمله تحسسك بتأنيب ضمير يعني مثلا انا كاتبه جميل خلفيه موبايلي اتـقِ اللّٰـه صدقيني كل ما افتح الموبايل وانا مصلتش بسببه وأقوم وتعرفي اني ربنا مطلع عليكي بس نيجي لحته ربنا عمره ما هيسامحك؟ على أي مبدأ قولتي كده! يا جميله ربك غفور رحيم ربك رحمته وسعت كل شيء ربك قال بنفسه والمفروض ده يكفيك " قل يا عبادي الذين أسرفوا على أنفسهم" مالنا يا رب "لا تقنطوا من رحمة الله" متخيله ربك متخيله هو بيقولك متيأسيش من رحمتي وعايزه اقولك حاجه لو انتي بتفرحي برجوعك ليه فصدقيني لله أفرح بتوبه عبده ربك بيفرح اكتر منك ده رب السماوات والأرض بيتمنالك الخير أكيد وحاجه أخيره متفكريش انك هتعيشي حياتك بدون ذنوب مستحيل كلنا بنخطأ كلنا بنضعف وربك قال برضو "وخلق الإنسان ضعيفا" ده شيء فطري فينا فاحنا مطالبين دائما بالمجاهده واختي دي بأجرها عند ربك وربنا يهدينا ويردنا إليه ردا جميلا 🤍 وافتكري دائما حاجه مهمه اوووي "وأما من خاف مقام ربه ونهي النفس عن الهوى" مالهم اي حكايتهم ؟ فإن الجنة هي المأوى" أعتقد مفيش دليل اكتر من كده على رحمة ربنا
تم النشر الخميس، ١٥ يناير ٢٠٢٦
مساء النور يا حبيبتي 🌸، أول حاجة: ربنا غفور رحيم، وهو سبحانه قال في القرآن: "قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِنْ رَحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ" (الزمر:53). يعني مهما كررتِ الذنب، لو رجعتِ توبة نصوحة، هيسامحك 100%، وأنتِ عارفة إنك إنسانة كويسة ومحترمة، ده دليل إن قلبك سليم وبتندمي، وده أحسن بداية! إيه اللي تعمليه دلوقتي عشان تتخلصي من الدورة دي؟ استغفري كل يوم : قولي "أستغفر الله العظيم وأتوب إليه" 100 مرة بعد كل صلاة، هيطهر قلبك وتقوي إرادتك. صلي النوافل : وادعي فيها بصدق: "يا رب قويني على طاعتك وابعد عني الذنب". غيري روتينك : لو الذنب بيحصل في وقت معين أو مكان، غيري جدول يومك – زودي القرآن، رياضة خفيفة، أو هواية مفيدة زي الطبخ أو الرسم. ابتعدي عن المثيرات : لو في حاجات بتذكرك بالذنب (تطبيقات، أماكن، أفكار)، احذفيها أو تجنبيها مؤقتًا لحد ما تقوي. حددي هدف صغير : النهارده قولي "مش هعملها النهارده بس"، وكافئي نفسك بحاجة حلوة زي شوكولاتة أو فيلم حلال. متكرهيش نفسك يا قمر، الندم ده رحمة من ربنا عشان يغفرلك. أنتِ أقوى مما تتخيلي، وهتقدري تتغلبي عليها إن شاء الله. لو عايزة نصائح أكتر، دوري في فدني على أسئلة مشابهة عن التوبة، أو شوفي الخبراء هنا: https://www.fedni.net/experts – في متخصصين في الإرشاد الإسلامي هيساعدوكِ. قوليلي إيه رأيك، هتقدري؟ 💕
تم النشر الأربعاء، ١٤ يناير ٢٠٢٦
ربنا يكرمك ويعفو عنك يا رب، ومهما كان الذنب.. ربنا غفور رحيم بجد، والعلاج إنك ترجعي لربنا وتدعي ربنا إنه يبعدك عن الذنب دا وصلي فروضك كلها بجد هتحسي بفرق واقرإي صفحتين من القرآن بس يوميا.. ووالله هتحسي بفرق كبير بإذن الله
تم النشر الأربعاء، ١٤ يناير ٢٠٢٦
حطى ربنا قدامك ومتمليش من التوبه ودائما كل ماتعملى الذنب اتبعيه بعمل صالح
تم النشر الأربعاء، ١٤ يناير ٢٠٢٦
السلام عليكم ... ان شاء الله مغفور لك ومن الجميل انك بتستحي وتشعري بالذنب ... احيانا من انغلاقنا على أنفسنا وعزلتنا عن الحياة وجلد الذات المستمر بنفقد نفسنا فلما نكون شادين على نفسنا بزيادة النفس بطبيعتها بتتعب فبتقرر انها تفسد كل حاجة وتعصي وتنفلت ... بينما لو اننا خففنا على أنفسنا وادينا نفسنا حقها مش هتتعب النفس وبالتالي مش هتعصي
تم النشر الأربعاء، ١٤ يناير ٢٠٢٦
السلام عليكم ـ قال تعالي : وَالَّذِينَ هُمْ لِفُرُوجِهِمْ حَافِظُونَ ـ حافظون لفروجهم من الحرام وقال تعالي : فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ ـ اي الذين لم يستجيبوا وتعدوا حدود الله وفعلوا ما حرم الله . قال تعالي: وَاللَّهُ يُرِيدُ أَنْ يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَنْ تَمِيلُوا مَيْلًا عَظِيمًا يُرِيدُ اللَّهُ أَنْ يُخَفِّفَ عَنْكُمْ وَخُلِقَ الإِنسَانُ ضَعِيفًا. فمن تعدي وارتكب ما حرم الله يريد الله ان يتوب عليه ويخفف عنه ويهديه الي الصراط المستقيم لكن هناك شرط وهو ان يبدأ الانسان بالخطوه الاولي ويكف عن ما يفعل ويستعين بالله ويدعوا الله الهدايه والثبات ـ قال تعالي : إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ. والمطلوب من الانسان الصبر ومجاهدة النفس والصدق في التوبه ولا يقلق ولا يقنط من رحمة الله فالله ارحم بعباده ويفرح الله بتوبة العبد قال تعالي : قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ. ثبت عن رسول الله عليه الصلاة والسلام أنه قال: لله أشد فرحًا بتوبة عبده من أحدكم براحلته التي عليها طعامه وشرابه فأضلها في أرض فلاة، فاضطجع قد أيس منها، فبينما هو كذلك إذا هو بها قائمة على رأسه، فلما رآها أخذ بخطامها وقال من شدة الفرح: اللهم أنت عبدي وأنا ربك، أخطأ من شدة الفرح. المؤمن لا ييأس ابدا ويدعوا الله ويتوب ويلزم القرآن والصلاه والدعاء ويصبر والله المستعان ـ اسأل الله الثبات علي الحق لنا جميعا.
تم النشر الخميس، ١٥ يناير ٢٠٢٦
أكبر فخ قد يقع فيه الإنسان بعد الذنب هو "اليأس"، لكن الله سبحانه وتعالى يقول بوضوح: "قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ"وكذالك انت من المتقين أن شاء الله "وَالَّذِينَ إِذَا فَعَلُوا فَاحِشَةً أَوْ ظَلَمُوا أَنفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَن يَغْفِرُ الذُّنُوبَ إِلَّا اللَّهُ..." بعد الذنب تعملي طاعة لا الحسنات يذهبن السيئات "وَأَقِمِ الصَّلَاةَ طَرَفَيِ النَّهَارِ وَزُلَفًا مِّنَ اللَّيْلِ ۚ إِنَّ الْحَسَنَاتِ يُذْهِبْنَ السَّيِّئَاتِ أنني تكوني فهمتيني
تم النشر الخميس، ١٥ يناير ٢٠٢٦
ابدئي واحده واحده وحاولي تبطلي الذنب ده مع القرب من ربنا وكمان اشغلي نفسك وحطي اهداف قدامك عايزه تعمليها فمع الوقت هتنسي الذنب ده اصلا وهتركزي في الي انتي فيه وربنا يصلح حالك ويعفو عنك
تم النشر الخميس، ١٥ يناير ٢٠٢٦
ربنا يهديك ويصلح حالك
تم النشر الخميس، ١٥ يناير ٢٠٢٦
ربنا يدخلك في رحمته ويعفو عنك
تم النشر الخميس، ١٥ يناير ٢٠٢٦
ربنا سبحانه وتعالى غفور رحيم مهما عملت ذنوب ربنا يغفر لك اهم حاجه انك تتوبي وما تيأسيش من التوبه وما تكرهيش نفسك ولا حاجه ولانك لو كنت مش كويسه ما كنتيش هتحسي بذنب ما كنتيش هتضايقي لما تعملي معصيه فكون انك بتضايقي ده معناه ان انت نيتك صالحه وعايزه تقربي من ربنا سبحانه وتعالى وانصحك تتعلمي أسماء الله الحسنى وصفاته في سلسله جميله على اليوتيوب اسمها شرح أسماء الله الحسنى لبيسان الباز جميله جدا لو بدأت بيها باذن الله
تم النشر الخميس، ١٥ يناير ٢٠٢٦
لعرض السؤال في فدني اضغط هنا