Habiba Hassun

اسعافات أولية(تطبيق مفيد لان فيه حوادث بسيطة بتتحول لمصيبة لجهل التطبيب) غريب القرآن(فيه تفسير كلمات الغريبة في القران) تطبيق فجر (منبه ذكي للفجر و باقي صلوات فيه مصحف ) تطبيق مكتبتي (تطبيق اسلامي شامل اذكار و قران و قصص اسلامية و متنوعة )

د/ محمد طه ايهاب معوض نظرية الفستق علي يوتيوب في قنوات "عمرو عابدين " منهم اسئلة نص الليل ، مفيدة جدا بتخليك تفهم و يكون عندك اجابات لكتير من اسئلة بنفكرها بديهية ، و طريقة الحديث هادية و فيديو قصير فيه قناة دحيح بس معلوماتها دسمة شويه و عندك دكتور/ياسر الحزيمي

الجهر في الصلاة (رفع الصوت) جائز وسنة في الصلوات الجهرية (المغرب، العشاء، الفجر) للإمام والمنفرد، بينما يسن الإسرار في الصلوات السرية (الظهر، العصر). يجوز للمنفرد رفع صوته بقدر ما يسمع نفسه، ويستحب زيادة الجهر إذا كان أخشع لقلبه، بشرط عدم التشويش على غيره.

هو ممكن يعيش من غيرك عادي ،و للاسف هو بيستغلك عاطفياً ، و جزء انه كلم مامته عليكي ف كل شباب إلا من رحم ربي بيقولوا كدا و ممكن حتي يخليكي تكلميها عادي و مش هتفرق معاه ، بس المهم انتي فكري في نفسك و اياكي تخسري نفسك ولا مستقبلك ولا ثقة اهلك فيكي بسبب حد ، و قبل دا كله لو انتي راضية بالكلام دا يكون قدام ربك يبقي مفيش حد يقدر ينصحك

فيه مختص علاقات قال جملة جميلة بخصوص موضوع جواز صالونات ( جواز عن الحب ميفرقش عن جواز عن الصالونات غير في حاجه وحده ، الفرق ان في جواز عن الحب انت بتقابلها و بتحبها بر البيت وجواز الصالونات انت بتقابلها و بتحب جو البيت) علشان كدا متقلقش من الموضوع دا اولا ، ثانيا لم تختار وحده كويس حاول تكون صريح معاها و اطلب منها تكون صريحة معاك بلاش حب الي بيبقي فترة الخطوبة دا ، اتعرفوا علي بعض حقيقي اكنكم صحاب ، كمان العمر من 22 لـ 25 معقول ، بس هو مش شرط اساسي لان ممكن تلاقي بنت اصغر من كدا بكتير و واعية و ناضجة. اخيرا انصحك تقراء لـ دكتور /محمد طه

الاحلام مش مجرد فيلم بنشوفه و احنا نايمين ، دا سيناريو كامل بيعمله العقل توقعا للمخاطر الي ممكن تحصل ، انت لم حلمت اكتر من مرة انك بتقع ، عقلك كان بيوريك انك ممكن تتعرض لحادثة السقوط دا و بيحذرك و بيخلي ليك دافع انك تنتبه اكتر في وقوفك في بلكونة

راقب نفسك الاول ، لو لقيت نفسك بتكرر نفس الفكرة في اكتر من مكان عالي يبقي احتمال يكون عندك خوف من المرتفعات ، ولو دا فعلا ف لازم تقراء اكتر عن الفوبيا لان فيه فرق بين الخوف و الفوبيا ، لان الاخيرة محتاجة تنتبه ليها اكتر . كمان متقلقش انا بتجيلي حاجات مشابه ، احساس لو اني طالعه سلم اني هقع او لو ماسكة تلفون من مكان عالي هرميه ، او اني ممكن اضرب حد ماشي جنبي

احنا نعمل جروب بقي ، واضح ان مشكلة عدم تواصل دي منتشرة

لو الحاجه دي مش بتأثر في باقي يومك فحاولي تتقبليها ، لان عندي حد قريب لمجرد ان حد يصحيه بهدوء بيتفزع برضوا ، انما لو الموضوع ماثر عليكي يبقى استشارة حد متخصص افضل

الافضل انك تشوفي حد متخصص لان كل شخص هيتكلم برأيه و من جهته و منظوره ، و في العموم ، اسألي نفسك ياترا الشخص دا لما تكبري هتقدري تعتمدي عليه ؟ , لو معاكي اولاد يا ترا دا اب مناسب ليهم ، بيهينك و بيسب دين قدامهم ، متفكريش في طلاق لنفسك بس فكري في نفسية الاولاد ، لو انتي هترجعي تعيشي معاه بس علشان بيصرف عليهم فبصي على الجانب الاهم ، نفسيتهم دا حاجه مش بتتصلح ، و الاذى الي بتحسي بيه بسببه اولادك برضوا هيحسوا بيه و هيعيشوا بيه طول حياتهم

فيه دكاتر بتقدم جلسات بمبلغ ، و في هيئات و مبادرات مصرية لدعم نفسي مجانية ، تقدر تبحثي عنهم علي جوجل

لو مش متاح انك تروحي عند دكتور ف في جلسات اون لاين ، حاولي تاخدي ميعاد ، لان مشكلتك نفسية

خلي أملك واقعي ، و متتوقعش حاجه من حد