انا محتاجة دعم ، و تجربة حد و حد يقولي انا صح ولا غلط
في مراهقتي قرارت الانعزال اصلا فترة كورورنا ساعدت بما فيه الكفايه ، قلت لنفسه نحبه و حب الانعزال اتحول لكابوس ، انا دلوقتي بتكلم و بقعد مع قرايبي و أهلي عادي ، بس الراحة في الهدوء بعيد عن الدوشة ،
المهم مشكلتي بقيت اني مبقدرش اخرج اي مكان لوحدي ، لازم حد يبقي معايا ، الشارع الي بر بيتنا مش بطلعه لوحدي ، و دلوقتي مشكلتي في كليتي ، انا بذاكر من البيت بس طبعا مش هيبقي زي الحضور ، الكلية نفسها فيها مشكلة خلتني مرحش و طريق بيبقي صعب ، و فيه ورق لازم اخلصه بس مش قادرة اروح لوحدي ، كنت في الأول بروح مع حد او مرحش خالص .
النهاردة عرفت ان فيه محاضرتين مهمين و ورق مهم لازم اسلمه بس مش قادرة اروح ، نايمة علي سرير و انا حاسه بتأنيب ضمير بس في نفس الوقت ببقى مرعوبة من فكرة اني لروح لوحدي ، مش عارفه اعمل اي اتصرف ازاي مع خوفي ،
و سهل الي يقولي واجهي و روحي لوحدك ، لاني في مرة رحت و كنت قاعدة لوحدي و شايفه البنات كلها معاها صحاب إلا انا ، انا حتي مش بعرف اتكلم مع حد . اعمل اي الحقيقة محتاجة حد يدعمني و يقولي الحل.
بصي يا بنتي مفيش صح وغلط في المشاعر اللي بتحسي بيها دي فترة الكورونا عملت صدمة لناس كتير وخلت القعدة في البيت أمان زيادة عن اللزوم لدرجة إنها قلبت بخوف من الشارع والناس اللي أنتي فيه ده اسمه رهاب اجتماعي أو قلق من الأماكن المفتوحة وده مش عيب ولا ضعف منك دي مجرد حالة نفسية ومحتاجة تتعالج بالراحة ولازم تعرفي إن المواجهة هي الحل بس بالتدريج يعني مش لازم تروحي الكلية يوم كامل مرة واحدة انزلي بس هاتي حاجة من السوبر ماركت لوحدك وبعدين زودي المسافة واحدة واحدة واليوم اللي وراه روحي لغاية أول الشارع وارجعي ولو لقيتي الموضوع لسه صعب عليكي وصحتك النفسية متأثرة بزيادة يبقي لازم تشوفي دكتور نفسي يساعدك تكسري الدايرة دي وترجعي لحياتك الطبيعية تاني أنتي قوية وتقدري تعدي الأزمة دي بس استعيني بالله وقومي خدي الخطوة الأولى حالا وبلاش تسيبي نفسك لجلد الذات اللي ملوش لزمة ده وجد ربنا يحفظك ويسعدك 🌷
تم النشر السبت، ١١ أبريل ٢٠٢٦
بصي، انتي مش مخطئة خالص في إحساسك… اللي عندك ده أقرب لقلق أو خوف متراكم، وده طبيعي يحصل بعد فترة انعزال طويلة. فكرة إنك مش قادرة تنزلي لوحدك مش ضعف، دي حاجة محتاجة تتعالج بالتدريج مش بالعافية. ممكن تبدأي بخطوات بسيطة جدًا: مش لازم مرة واحدة تنزلي لوحدك لمكان بعيد، ابدأي بحاجة قريبة زي إنك تنزلي تحت البيت دقايق، وبعدها تمشي مسافة صغيرة، ومع الوقت تزودي. كمان لو تقدري تكلمي حد في التليفون وانتي نازلة ده هيطمنك شوية. وبالنسبة للكلية، حاولي تنسقي مع أي زميلة حتى لو مش قريبة منك قوي، أو حد من العيلة يوصلك أول كام مرة لحد ما تحسي بأمان. الفكرة إنك “تكسري الحاجز” واحدة واحدة. والأهم: متجلديش نفسك، انتي محتاجة دعم فعلًا، فلو تقدري تتكلمي مع حد متخصص (دكتور نفسي) ده هيساعدك جدًا تتخطي الموضوع بشكل أسرع. انتي مش لوحدك، وفي ناس كتير عدت بده وقدرت تتجاوزه 🤍
تم النشر السبت، ١١ أبريل ٢٠٢٦
يا حبيبتي هبيبة، أول حاجة أقولك إنك مش لوحدك في اللي بتحسي بيه ده، وده مش "غلط" خالص – ده خوف مكتسب من تجارب الماضي، زي الانعزال اللي ساعدك زمان بس دلوقتي بقى عائق. أنا فخورة بيكي إنك بتتواصلي مع أهلك وقرايبك، ده خطوة كبيرة! الرعب ده من الخروج لوحدك (agoraphobia شوية) شائع، وفيه حلول عملية خطوة بخطوة، مش "واجهي وخلاص" زي ما بيقولوا البعض. الحل العملي، خطة يومية صغيرة عشان تبدئي النهاردة: ابدئي بـ"خروج تجريبي قصير" : متفكريش في الكلية دلوقتي. النهاردة، قومي من السرير، البسي هدوم مريحة، واخرجي للشارع اللي قدام البيت لـ5 دقايق بس . امشي للدكان الأقرب، اشتري حاجة بسيطة زي علبة لبن، وارجعي. قولي لنفسك: "أنا هعمل ده وأنا آمنة، والله معايا". كرريها مرتين النهاردة. لو نجحت، زدي لـ10 دقايق بكرة. قبل الخروج، حضري نفسك نفسياً : اكتبي 3 حاجات إيجابية عن نفسك. ادعي: "اللهم يسر لي أمري واجعل خطواتي سهلة"، وتوكلي على ربنا – التوكل ده قوة حقيقية في الإسلام، زي ما قال تعالى: "وَمَنْ يَتَوَكَّلْ عَلَى اللَّهِ فَهُوَ حَسْبُهُ". لو حسيتي رعب، قفي وقولي: "ده شعور مؤقت، هيروح بعد دقيقتين". للكلية والورق : رتبي مع زميلة موثوقة (من الكلية) تروحوا مع بعض أول مرة – ده مش ضعف، ده خطوة انتقالية. سلّمي الورق معاها، واحضري المحاضرة الجاية كده. لو مش عارفة تتكلمي مع حد، ابدئي بـ"مساء الخير، ممكن نروح مع بعض؟" – البنات هيفرحوا، مش هيحكموا عليكي. جرّبي الخطة دي النهاردة، وقولي لي لي إيه اللي حصل (أنا هنا أدعمك كل خطوة!). لو عايزة دعم أكتر، دوري في فدني على أسئلة مشابهةهتلاقي تجارب كتير، أو شوفي الخبراء هنا: https://www.fedni.net/experts – فيه متخصصين نفسيين هيساعدوكِ. أنتِ قوية يا قمر، خطوة صغيرة النهاردة هتغيّر كل حاجة. قومي دلوقتي، ربنا يوفقك! 💪❤️
تم النشر السبت، ١١ أبريل ٢٠٢٦
لم يجد العلماء و الأطباء حلا للخوف الا المواجهه .. يمكن المواجهه صعبه بس طول ما انتي بتحسيبلها هتكون صعبه .. وافتكرى أن الوقت و المرحله المناسبه عمرهم ما بيجوا احنا اللي بنعملهم
تم النشر السبت، ١١ أبريل ٢٠٢٦
مشكلة ان الي اعرفهم مش بيروحوا لاني زي ما قولت فيه مشكلة في الكلية ، و الفكرة ان خوفي دا مش واقفة علي الكلية الي فيه عقابات و مسافات بعيدة ، دا حتي برة البيت نادرة ما بخرج لوحدي
تم النشر السبت، ١١ أبريل ٢٠٢٦
السلام عليكم انتى قولتى الحل لمشكلتك فى سؤالك بس ممكن تاخديها خطوات .... مثلا لو تعرفى صاحبة ليكى تكون قريبة منك من حيث السكن تصاحبيها أكتر مثلا من دفعتك وتبدأ انك تطلعى معاها وترجعى معاها وممكن فى يوم تروحى معاها وتقررى انك ترجعى لوحدك وهكذا بالتدريج لحد لما تتغلبى على خوفك دا مفيش مهرب غير المواجهة فاهمانى .... لكن عن حبك للعزلة ومتحبيش تخرجى وهكذا ف ديه حاجة جميلة أصلا حافظى عليها بس متوصلش ل درجة الخوف من الخروج نعالج فكرة الخوف ونفضل على شخصيتنا عادى
تم النشر السبت، ١١ أبريل ٢٠٢٦
لعرض السؤال في فدني اضغط هنا