السلام عليكم انا قبل العيد بيومين في شخص انا مرتبطة بيه بس فجأة كدا قال إنه تعبان ومسح الواتس و عملي بلوك تيك توك لما صحابوا كلموني وفضلوا يقولوا انه مات انا مصدقتش كلامهم بعدها بيوم كدا لاقيت صاحبه بيقولي انه اتخنق ومكانش عايز يكلم حد وبتاع المهم عيط امبارح وصاحبتي كلمتني وكنت همسح انا كمان الواتس قالتلي هتكلموا معرفش قالتلوا ايه بس قالتلي انه ينزل الواتس ويكلمك المهم نزله وبعتلي وقالي حقك عليا ي نور عيني انا اسف بعدها عاتبته الكلام ده امبارح هل اسيبه ولا لا
و عليكم السلام ، كده هو كان عايز يخلع منك بس لما صاحبتك كلمته حس بتأنيب و كلمك ، لو انتي فعلاً عايزاه ، يبقى ابعدي عنه فترة علشان تعرفي هل كان فعلاً تعبان و محتاج بريك من العلاقة ولا كان عايز يمشي بس ما عرفش ، و خصوصاً ان كلام صحابه بيقول انه كان عايزك تنسيه و ما كانش عنده نيه للرجوع ، فراجعي نفسك و ركزي في احساسك اتجاهه و اتجاه العلاقة ، علشان ما تضيعيش نفسك و تستهلكي طاقتك في الفاضي ، و بالتوفيق 😊
تم النشر الاثنين، ٢٣ مارس ٢٠٢٦
بصي يا بنتي العلاقة اللي بتبدأ بكدب وتلاعب بالمشاعر نهايتها بتبقي صعبة والراجل اللي يخلي صحابه يقولوا إنه مات عشان يهرب من المسؤولية أو يختبر غلاوتك ده شخص مش ناضج ولا يأتمن على قلبك والنبي صلى الله عليه وسلم قال من غشنا فليس منا والمؤمن لا يكذب فما بالك بحد كدب في الموت والحياة عشان يوجع قلبك سيبي الشخص ده لله وعوض ربنا كبير للي بيحفظ كرامته ونفسه واللي يبيعك بالرخيص وبحجة الخنقة ميستهلش تضيعي ثانية من عمرك معاه واستخيري ربنا وهو هينور بصيرتك للخير، دة في حالة أن في حاجه شرعيه مبينكم ،اما لو مفيش وكلام على الفاضي ..ف انتي اغلى من كدا والله ومشاعرك غاليه متضيعيهاش عشان واحد ميستاهلش .. وجد والله ابعدي عن اي حاجه تغضب ربنا..ربنا يحفظك ويسعدك
تم النشر الاثنين، ٢٣ مارس ٢٠٢٦
عليكم السلام ـ شو الجواب الي بدك تسمعيه?
تم النشر الاثنين، ٢٣ مارس ٢٠٢٦
لعرض السؤال في فدني اضغط هنا