مرحبا انا فتاه فى. عمر ال19 وقعت فى حب شخص لدرجه عمياء ولا استطيع الابتعاد عنه مهما فعل ودائما أتحسس من أفعاله وابكى وأحاول الابتعاد واكن لا اعرف وأعود مره اخرى دائما أنا هكذا تعبت جدا ولا اعرف ماذا افعل
أتمنى أن أبتعد عنه أنا كنت تلك الفتاه السعيده والان تحولت إلى فتاة منطفئة احاول ولا اعرف يئست جدا 😢💔
مرحبا حبيبتي، أشعر بألمك وتعبك، وأنتِ مش عارفة إزاي تخرجي من الدورة دي… ده حب غير صحي، زي الإدمان، وده بيحصل لأقوى البنات، بس أنتِ قادرة تتغلبي عليه إن شاء الله 💪❤️ خطوات عملية عشان تبتعدي نهائيًا: اقطعي الاتصال كليًا : احذفي رقمه، احظريه في كل التطبيقات والسوشيال ميديا، ولو عندك صور أو رسائل، امسحيها فورًا. متفتحيش أي باب للرجوع. ركزي على نفسك يوميًا : ابدئي جدول بسيط – صلي الفرائض في وقتها، اقرئي قرآن يوميًا، ومارسي رياضة خفيفة زي المشي نص ساعة. تعلمي مهارة جديدة زي الطبخ أو لغة، عشان تشغلي وقتك وترجعي الفتاة السعيدة اللي كنتِها. ادعي الله بقلب صادق : تذكري قوله تعالى: {وَمَنْ يَتَّقِ اللَّهَ يَجْعَلْ لَهُ مَخْرَجًا}. الصبر مفتاح الفرج، وهو ربنا هيبدلك خير كتير. أنتِ في سن 19، عندك حياة كاملة قدامك مليانة سعادة حقيقية، مش وهم ده. متيأسيش، خطوة صغيرة كل يوم هتغير كل حاجة. لو عايزة دعم أكتر، ابحثي في فدني عن أسئلة مشابهة زي "كيف أتخلص من حب غير متبادل" "كيف أتخلص من التعلق"، أو شوفي الخبراء هنا: https://www.fedni.net/experts – فيه متخصصين في الإرشاد النفسي والروحي هيساعدوكِ. أنتِ قوية يا قمر، هترجعي أحلى وأسعد إن شاء الله! متردديش تكتبيلي تاني 😘
تم النشر الأربعاء، ٧ يناير ٢٠٢٦
بصي يا ستي، من الآخر وعشان نلحق نرجع البنت اللي كانت بتضحك دي تاني: * اقفلي الحنفية: مفيش حاجة اسمها "هراقب من بعيد" أو "هعرف أخباره بس". بلوك في كل حتة، وامسحي الشات والصور فوراً. طول ما عينك عليه، قلبك مش هيهدا. * افتكرِي الوجع مش الحب: أول ما تحني، افتكري اللحظة اللي بكيتي فيها بسببه أو الحركة اللي ضايقتك. اكتبي المواقف دي في "نوت" على موبايلك واقرئيها كل ما تضعفي. * اشغلي نفسك بالعافية: الفراغ هو اللي بيرجعك ليه. انزلي، روحي جيم، ذاكري، كلمي صحابك القدام.. المهم يومك يبقى مليان لدرجة إنك تحطي راسك وتنامي من التعب. * انتي أغلى من كدة: الشخص اللي يطفيكي ويخليكي "يائسة" وهو لسه موجود، ده مش حب ده استنزاف. اللي بيحبك بجد بيخليكي تنوري مش تذبلِ. أول أسبوعين هيبقوا صعبين، استحملي وهتلاقي نفسك فجأة فوقتي وبقيتي أحسن بكتير.
تم النشر الخميس، ٨ يناير ٢٠٢٦
طيب انا مش هقولك ان ده حرام لانك اكيد عارفه لكن اديكي شايفه لما بتقربي منه بتكوني تعيسة ازاي ربنا مش بيحرم حاجة الا عشان مصلحتنا. وصدقيني اللي انتي فيه ده مش حب. مفيش حد بيحب الوجع ولا الألم ده اسمه تعلق مرضى. الحب أنقى من كده. استعيني بالله واقطعي أي سبل للتواصل بينكم و انتي هتنسي لوحدك واصلا هتكتشفي ان راحة البال احسن مليون مرة من شوية مشاعر لحظية
تم النشر الخميس، ٨ يناير ٢٠٢٦
معاكى حق شكرا
تم النشر الخميس، ٨ يناير ٢٠٢٦
اللهم امين شكرا
تم النشر الخميس، ٨ يناير ٢٠٢٦
لازم تحاولى تبعدى عنه وتتوبى لربنا او حل تانى ممكن تنزلى فيديوهات خطب لشيوخ او شيخ بتحبيه عن الموضوع دا وافتحى فيديو وانتى بترتبى اوضتك وانتى تعملى شغل البيت وهكذا هتلاقى قلبك بقى متعلق بربنا وبقيتى عايزه تسمعى خطب اكتر وهتلاقى نفسك بتسحبى نفسك منه واحده واحده وربنا يهديكى وييسرلك آمورك وينسيكى الشاب دا وهديه هو كمان ويرزقك الزوج الصالح والزرية الصالحة
تم النشر الأربعاء، ٧ يناير ٢٠٢٦
اقطعي التواصل في الواقع أو في الهاتف ... البعد مؤلم بل ومرعب في البداية فقط ثم يخف الألم تدريجيا ... الجأي لله
تم النشر الجمعة، ٩ يناير ٢٠٢٦
لعرض السؤال في فدني اضغط هنا