عارفه سؤالي مش مهم اوي زي أسئلة الناس الي هنا بس انا بجد في علاقه الطرف التاني كان سام اويي بس انا كنت بحبه وبشكل ما يعني بعدت عنه وعدا شهرين ومش عارفه انساه شايفاه بيمشي في حياته وأتخطى وأنا لسا واقفه في مكاني محدش يقولي انشغلي في حياتك واعملي لأن انا حياتي مفهاش الاثاره دي بجد
أنا فاهمة تمامًا إحساسك، ومش هقولك كلام عام زي "انشغلي بحياتك" لأنك واضحة إن حياتك دلوقتي مش مليانة بالإثارة دي، وده طبيعي بعد علاقة سامة كنتِ بتحبي فيها. الشخص السام بيخلي الواحد يتعلق بيه أكتر من الطبيعي، لأنه بيخلط بين الإيذاء والاهتمام، وده بيخلي النسيان أصعب. مر شهرين بس، وده وقت قصير جدًا على قلب اتأذى، فمتلوميش نفسك إنك لسه واقفة في مكانك. عشان تنسي فعلاً، ابدئي بخطوات صغيرة وداخلية مش خارجية. أول حاجة، اكتبي كل اللحظات السامة اللي حصلت، حتى لو كانت مؤلمة، واقرئيها كل يوم لما تحسي بالحنين. ده بيساعد عقلك يربط الشخص بالألم مش بالحب. تاني حاجة، ركزي على بناء علاقة مع نفسك: اختاري نشاط واحد صغير كل يوم بتحبيه حتى لو بسيط زي قراءة صفحة أو سماع أغنية هادية، وخليه روتين يومي يملى الفراغ ده تدريجيًا. كمان، ادعي ربنا بالشفاء والقوة، لأن الدعاء بيخفف الضغط النفسي وبيذكرك إنك مش لوحدك في الرحلة دي. الأهم إنك تتذكري إن الشخص ده مش هيغير طبيعته، وإن وقوفك في مكانك دلوقتي مش ضعف، ده دليل إنك بتحاولي تحمي نفسك. لو حسيتِ إن الأمر بيطول ومأثر على نومك أو مزاجك، ابحثي عن أسئلة مشابهة على فدني عشان تشوفي تجارب بنات تانيين مروا بنفس الشعور. أنتِ أقوى مما تتخيلي، وهتعدي الفترة دي خطوة بخطوة.
تم النشر الاثنين، ١٠ أغسطس ٢٠٢٦
السلام عليكم، الحل في حاجتين، إنك أولا تتفهمي مشاعرك وإن طبيعي تمري بالفترة دي ومش محتاجة تجبري نفسك على النسيان بسرعة، عادي ممكن تحتاجي وقت فتفهمي النقطة دي. ومتحاوليش تقاومي التفكير وتجبري نفسك، مقاومة الشيء بتزوده. خلي الأمور تاخد مجراها الطبيعي. وتقبلي إن دي كانت تجربة ودرس صعب تعلمتِ منه عشان متكرريش الخطأ تاني. *** الحاجة التانية، ودي اللي قلتِ منقولهاش.. بس مش هقدر مقولهاش لأن الحل فعلا في الانشغال مش في المقاومة. مفهمتش يعني إيه حياتك مش فيها الإثارة دي. يعني قصدك مفيهاش اللي يشغلك أو حياتك رتيبة مش محتاجة تعملي حاجة فيها؟ لو ده قصدك فعادي، الحياة احنا اللي بنملأها. أكبر مشكلة هي الفراغ وطول ما فيه فراغ وعقلك لاقي وقت للتفكير واجترار الذكريات والأفكار السلبية هتلاقي نفسك عاجزة عن التجاوز بسرعة. عشان كده أنصحك لو حياتك مفيهاش أهداف أو حاجات تشغلك، اخترعي أنتِ الحاجات دي. ابدئي راجعي جوانب حياتك كلها وشوفي إيه ناقصها عشان تشتغلي عليه بحيث تكوني كل يوم أفضل نسخة عن اليوم اللي قبله. ممكن تشوفي نموذج عجلة الحياة المتوازنة، هيخليكِ تعرفي إزاي تراجعي كل جوانب حياتك وتبدئي تضعي أهداف وتشتغلي عليها واحدة واحدة وده اللي هيشغل وقتك ويخليكِ تحسي بقيمة نفسك أكتر وبالتالي هتتجاوزي بتلقائية وبشكل أفضل وكمان تقديرك لنفسك هيزيد فمش هتقعي إن شاء الله في فخاخ الأشخاص السامة دي وهتعرفي إزاي تحمي نفسك وتخليها دايما أولوية. ** دي روابط شرح لنموذج عجلة الحياة، أرجو إنها تفيدك. وربنا يوفقك إن شاء الله.💚💚 https://www.youtube.com/playlist?list=PL9qj2CGqAHHH2OZCzkiKTLzd2YQQe6pEm https://www.youtube.com/watch?v=eFLyTB9GC8Q&list=PLCnYSnTcuIm8GFg9ONsOZZPv0oUeoy7BD&index=1
تم النشر الاثنين، ١٠ أغسطس ٢٠٢٦
السلام عليكم اولا بصي يا حبيبتي فكره ان هو مؤذي وان انت حابه تخلي فيه علاقه بينك وبينه. يبقى انت حابه الاذى. انت لو قعدتي مع نفسك عقلك نفسه وهيرفض ان الشخص ده يخش حياتك تاني بس انت مسلمه قلبك بتفكري في الحاجات البمبي اللي بينكم بتفكري في كلامه الحلو اما في الاسلوب او فعله اللي هو اذاكي بيه انت ما فكرتيش فيه بالعكس انت بتتخطي الاذى اللي هو سببه لك يبقى الحل الصح ان احنا ما نخطاش الاذى انت لو فكرتي؟ شويه في الاذى اللي هو سببه لك انت هترفضي وهتتغطيه بس انت ليه مش عايزه كده؟ انا اسفه في كلامي بس انت. اييي مريضه بمرض ما وانت رافضه تتعالجي والمرض ده هو الشخص اللي بياذيكي اللي انت حابه تكملي معاه؟
تم النشر الاثنين، ١٠ أغسطس ٢٠٢٦
هتتعودي شئتي ام ابيتي هتتعودي وفكري انه لو كان راجل كان نفذ وعده وكلامه ليكي لكن لما لقي انك جد خاف وهرب وراح لواحده بتحب اللعب زيه غيري حياتك بأشياء بسيطه نضفي اوضتك طبقي هدومك بشكل مختلف احكي مع حد من اهلك اعملي فشار وشوفي فيلم كرتون او فيلم بتحبيه اي حاجه بسيطه هتعمليها ف يومك هتفرق وافتكري دايما انه خسر واحده نضيفه مش زي الي يعرفهم ولو بعتلك اياكي تحني هو جاي بس يبوظ حياتك بعد مارجعت كويسه ويسيبك تاني دا غير انه اختبار من ربنا وصلي وقربي من ربنا صلي السنن اجبري نفسك متقوليش ربنا مش عايزني لا ربنا بيحب العبد اللحوح واستغفريه وتوبي عن ذنبك وادعي ربنا يعوضك بالحلال قريبا وينسيكي كل دا
تم النشر الاثنين، ١٠ أغسطس ٢٠٢٦
واغلى نصيحة هي : قليل دائم خير من كثير منقطع..... اعملي أي حاجة فيها خير ولو قليل ولو لايك على مقطع قرآن لأن الفراغ قاتل وهو اللي بيحوجنا لحاجات تضرنا
تم النشر الاثنين، ١٠ أغسطس ٢٠٢٦
اكيد فرق الإعتراف بالخطأ لأن كدا اكتسبتي خبرة وإن شاء الله مش هتقعي في الفخ مرة ثانية .. واحمدي الله انه خلصك منه لأن غيرك بيقع في ابتزاز
تم النشر الاثنين، ١٠ أغسطس ٢٠٢٦
مسلمتش نفسي بسهوله بالعكس انا كل لما حد يدخلي اقول انا مش بتاعت الكلام ده ومش بحب الارتباط وكده حتى لما عرفت الشب ده كله انصدم حتى انا انصدمت من نفسي لأني مش بحب ابان بالضعاف ده عشان حد وأنا معترفه اني غلطانه هل فرق فحاجه؟
تم النشر الاثنين، ١٠ أغسطس ٢٠٢٦
شكرا والله بجد كلامك ريحني🤍🤍🤍
تم النشر الاثنين، ١٠ أغسطس ٢٠٢٦
لا تيأسي .. الموضوع مش صعب .. اكون واقعي الحياة فيها ألم ومحتاجة صبر بس ربك موجود ورحيم بعباده ... صلي وقومي الليل وادعي وكل ما تغلطي استغفري ... وأبشري بكل خير وكل ألم بيتعرض له المؤمن بيبقا مغفرة لذنوبه
تم النشر الاثنين، ١٠ أغسطس ٢٠٢٦
انا كنت مستنياه يرجع عموما او يحاول بس عرفت انه توكسيك ولو رجع هكون ان شاء الله اتخطيت ومش عايزه علاقتنا ترجع يعني
تم النشر الاثنين، ١٠ أغسطس ٢٠٢٦
انا كنت بحب اصلي اويي يعني مرت فتره كنت بصلي فيها جامد اوي مش فاكره حصل ايه وبطلت اصلي وقتها (نفسيتي كانت مرتاحه مع ان حياتي بايظه) لما وقفتها بقا بقت حياتي ونفسيتي بايظين وبتجهه لحاجات غلط زي الشخص ده يعني وبرضو جبت درجه مش احسن حاجه وبقيت بخسر علاقات كتير عشان معنديش قدره اكلم حد ودي طبيعتي عموما دايما مش قادره ارد علي الناس وكل ما اقول هصلي بصلي الفجر والباقي لا او كله والمغرب والعشا لا وسمعت فيد بيقول لو في حاجه منعاك تصلي ف ربنا معادش عايزك استغفر الله ف انا بجد مش عارفه اعمل ايه
تم النشر الاثنين، ١٠ أغسطس ٢٠٢٦
أولا لا يجوز العلاقات دي نقطة معروفة ..... ثانيا التعلق بالذكريات بيه شئ طبيعي بحسب مدة فترة العلاقة وعمق العلاقة وشطارة الشخص ده في التلاعب بعقلك والسيطرة على كل مشاعرك وتفاصيلك واسرارك .... فباختصار اعترفي بالخطأ لأن التجربة دي كشفت عن احتياج عاطفي عندك وعن ضعف لأنك سلمتي نفسك بسهولة .
تم النشر الاثنين، ١٠ أغسطس ٢٠٢٦
لعرض السؤال في فدني اضغط هنا