إزاى اقدر اتخطى علاقه سامه كانت ف حياتى او حاجه وحشه حصلت ماثره ع نفسيتى وخايفه حد يعرفها
السلام عليكم ورحمه الله وبركاته. طيب اولا احنا لازم نكتشف ايه النقطه اللي موجوده فينا اللي خلف فينا احتياج يخلينا نروح للشخص ده اصلا ونوافق انه يكون في شخص مؤذي سام موجود في حياتنا واحنا ما بنبعدش عنه ومش بنرفض وجوده لان هو لما بيكون في عندنا احتياج او حاجه هو بيلعب عليه نقطه ضعف هو ده اللي بيخلينا للاسف مستمر معاه فتره ويفضل يبخ فينا السم او يؤذينا واحنا مش قادرين نخرج من الدائره فده ضروري جدا ان احنا يعني نكتشفه مع نفسنا ازاي بقى يعني نتخطى اللي حصل ده؟ هنحتاج ان احنا نعبر عنه بشكل ما حتى لو على ورقه من غير ما نتكلم مع حد ونبدأ نسامح نفسنا على الوقت ده لان احنا كنا نجهل الموضوع يعني احنا مش عارفين انه وقتها اللي احنا بنعمله ده كان غلط أو كنا عارفين بس كنا ضعاف واحنا دلوقتي اقوى ومعترفين ان ده كان غلط واحنا هنبدا ناخذ كل الخطوات وكل الاحتياطات اللي تخلينا ما نوقعش في نفس الغلط ده مره ثانيه وفعلا نبدأ نبدأ نغير حاجات حياتنا او في اسلوبنا في التعامل يعني لو كان الغلطه او الحاجه اللي مهدت في الغلطه هو ان احنا كنا بنختلط بناس. مناسب نحن نختلط بيهم يبقى احنا لازم نغير حاجه في الروتين حياتنا خلينا منختلطش بناس مش مناسبين مره ثانيه ده ضروري جدا والا هنبقى بنضحك على نفسنا. واحده واحده الاثر هيبدأ يروح واحده واحده هنثق في نفسنا عشان خاطر احنا هنبدأ نشوف نفسنا بنعمل حاجات كويسه فهتبقى بتعادل الحاجات الوحشه اللي حصلت والموضوع لازم طبعا اكيد هياخذ وقته لحد ما يروح الاثر لانه اذا كان الجرح اللي في الجسم ياخد مدة على بال ما يخف طبعا على حسب عمق الجرح طبعا الحاجات اللي في النفسيه بتبقى بنفس الطريقه بالظبط على حسب الجرح او عمق الجرح على حسب ما اتعافي هياخد وقت قد ايه.
تم النشر السبت، ١٤ يونيو ٢٠٢٥
انك تتخطي علاقه سامه كانت في حياتك مش حاجه سهله لكن في حاجات ممكن تساعدك اولا ابعدي اي حاجه تفكرك بالشخص ده بعيد عنك لانك كل ما تشوفيهم هتفتكري... ثانيا بلاش تجبري نفسك انك تنسيه انتي كده هتفتكريه اكتر تحسي ان عقلك بيقولك هتغصبي عليا اني انسهولك؟ طيب هو اهو صوت وصوره... 😅 ثالثا حاولي تعملي اي حاجه تلهيكي عن القديم اي حاجه تكون creative اول مره تعمليها انتي دماغك هتفكر في الجديد وتمسح الي مش مهتمه بيه وكده خايفه حد يعرفها دي بقى حاولي تكتمي على قد ما تقدري بس افتكري في الاول او في الاخر مفيش ساتر او كاشف الا الله فادعي ربنا انه يستر على الحاجه دي وربنا هيستجيب باذن الله اتمنى اكون فيدتك بحاجه مع اني عارف ان اكيد غيري قال الكلام ده 😁✌🏻
تم النشر السبت، ١٤ يونيو ٢٠٢٥
مرحباً يا عزيزتي، شكراً لمشاركتك هذه المشاعر الصعبة، وأول شيء أود أن أقول لكِ: أنكِ لستِ وحدك، والندم أو تجربة علاقة سامة أو شيء مؤلم يؤثر كثيراً على النفسية، وهذا شيء طبيعي وكلنا معرضين له في حياتنا. كيف تتخلصي من الندم وتكملي حياتكِ بشكل طبيعي؟ قبول المشاعر: ابدئي بقبول أن الندم أو الحزن هو جزء من تجربة إنسانية ولا يعني أنكِ ضعيفة أو فاشلة. المشاعر دي مش عيب ولا خطأ، دي خطوات في طريق التعافي. تعلمي من التجربة: حاولي تخرجي درس أو عبرة، مش بالضرورة عن الطرف التاني، لكن عن نفسك كيف تحميها وتحافظ على سلامتها العاطفية في المستقبل. اغفري لنفسك: الندم أحياناً بيتولد من لوم الذات، فاحرصي على أن تسامحي نفسك، فبدون ذلك سيكون من الصعب التقدم. ابني أهدافا جديدة: ركزي على تطوير نفسك، تعلّمي مهارة جديدة، أو تابعي حلم أو هدف كنتِ مؤجلة العمل عليه، هذا يعطيكِ حافز قوي للمضي قدماً. الروحانية: تذكري دوماً أن الله رحيم وغفور، يمكنكِ اللجوء إليه بالدعاء والاستغفار، وطلب القوة والثبات لتجاوز هذه المرحلة. كيف تتجاوزي علاقة سامة أو تجربة مؤلمة وتبقي الكتمان عن الآخرين؟ حافظي على خصوصيتكِ: لا داعي لأن تعلني كل شيء، هذا أمر شخصي، والأهم هو أنكِ تعتنين بنفسك ولا تسمحي لتلك التجربة أن تسيطر على حياتك. ابحثي عن دعم نفسي: إذا شعرتِ بثقل كبير، يمكنكِ البحث عن مرشدة نفسية أو خبير في الصحة النفسية من خلال منصة فدني صفحة الخبراء . وجود من يستمع ويقدم لكِ أدوات التعامل الصحيحة مهم جداً. استبدلي الأفكار السلبية بأفكار إيجابية: كلما خطر لكِ شيء سيء عن الماضي، حاولي تعويضه بفكرة أو ذكرى طيبة أو حتى تصور نجاحات قادمة. أنتِ قوية وقادرة على الشفاء والعبور لمرحلة أفضل بإذن الله. إذا كان لديكِ أي استفسار أو تحتاجين دعم أكثر، أنا دوماً هنا معك. هل تودين أن أساعدكِ بخطة خطوات عملية للتعافي؟
تم النشر السبت، ١٤ يونيو ٢٠٢٥
لعرض السؤال في فدني اضغط هنا