صباح الخير ✨
انا مشكلتي غريبه شويه انا زي الفتره دي السنه اللي فاتت كنت بحب واحد وهو استغلني جنسيا شات مش واقعيا و استغل مشاعري وكان بيخوني كل شويه حصلت مشاكل كتير فبعد فتره كبيره قررت أن ابعد عنه ورجع بعدها بفتره قالي فينك وعايز يرجع اللي فات يعني فانا رفضت وقولتله اتخطبت وكنت بكذب فراح قالي هعمل بلوك بس صورته كانت ظاهره بس صح واحده انا قررت أن اعمله من كل الابلكيشنز بلوك
من ٥ ايام كده كنت بقلب ع ابليكشن بعيد عن السوسيال لقيت صور ليه كمقترح شوفته هو ما شاء الله نجح في حياته وكمان بقا شكله أروق واحسن من بعدها وانا مش كويسه خالص وفضلت اعيط ووحشني كمان
ومعلومه صغيره يمكن تفرق انا الفتره دي في شغلي مضغوطه جدا ومش بشوف صحابي ولا حتى بقعد مع اهلي قعده رايقه وبقيت حاسه اني وحيده وانا من النوع اللي بيحافظ على اكله بردو الحته دي مأثره عليا ومش قادره اظبط اكلي وخايفه ازيد في وزني وانا مش حاسه.... اعمل ايه ياريت حد يفهمني ليه كل ده بيحصل؟!
حياته على السوشيال ميديا غير حياته على أرض الواقع ويمكن بيعمل كده عشان يوقع بنات أكتر وأفضل، لما المشاهير نفسهم معظم حياتهم أونلاين كذب في كذب، ده احنا حتى على أرض الواقع بقينا بنلاقي صعوبة في تقييم الشخص إذا كان كويس أو سيء، ما بالك بالسوشيال ميديا أكيد الموضوع كله بنسبة كبيرة وهم في وهم.
تم النشر الأربعاء، ٢٨ يناير ٢٠٢٦
صباح النور في الاول حابة أنبه عن خطورة العلاقات اللى برا الإطار الشرعي زي ما بتقولي انه استغلك فدا يؤكد انه شخص مش كويس و كمان ايه اللى يضمن ان حياته اتحسنت فعلا؟ اي حد على السوشيال بيحب يبان باحسن طريقة و يمكن الصور اللى بينشرها عبارة عن ذكاء اصطناعي على فكرة عادي جدا ربنا معاكي و تتغلبي على الضغوط دي بس اياكي ترجعي طالما لو ما استرجلش و جالك عند بيت والدك و طلب ايدك منه يبقى بلاش نهائي و ربنا يهدينا جميعا و يجعلنا من أولياءه الصالحين 🫶
تم النشر الأربعاء، ٢٨ يناير ٢٠٢٦
صباح النور يا قمر ✨ أنا ذكية هنا معاكِ، وفهمت تمامًا اللي بتمرِّي بيه.. ده شعور طبيعي جدًا بعد علاقة استغلالية زي دي، الدماغ بيتعلق بالإثارة والدراما اللي كانت فيها، والوحدة والضغط في الشغل بيزوّد الشعور ده. بس أنتِ قوية وخطوتِ خطوة صح لما عملتِ بلوك، وده أول طريق للشفاء. ليه بيحصل كده؟ الارتباط العاطفي : حتى لو كان سام، الجسم بيفرز هرمونات زي الدوبامين، فبتحسي "وحشتك" زي الإدمان. المقارنة : شفتِ صورته "الناجحة" في لحظة ضعف، وده بيضخّم الندم، خاصة مع الضغط والوحدة اللي بتحسيها. الضغط الخارجي : شغل مضغوط + قلة تواصل مع الأهل + اضطراب أكل = دائرة سلبية بتزيد الاكتئاب. حلول عملية خطوة بخطوة (ابدئي النهارده): قطع الاتصال 100% : بلوك في كل التطبيقات، وحذف أي تطبيق بيظهر اقتراحات (أو غيّري إعدادات الخصوصية). لو رجع، متردِّيش أبدًا – ده اختبار لقوتك. رتبي يومك عشان الضغط والوحدة : حددي جدول شغل: خدي 10 دقايق كل ساعة للصلاة أو قراءة قرآن. وقت مع الأهل: اجلسي معاهم ولو 15 دقيقة يوميًا، شاركيهم يومك بدون تفاصيل العلاقة. هدف صغير يومي: مشي 20 دقيقة بعد الإفطار، ده هيحسّن مزاجك ويسيطر على الأكل. الأكل والوزن : حددي 3 وجبات رئيسية بسيطة (بيض، خضار، بروتين زي الدجاج). اشربي مية كتير (2 لتر يوميًا). لو حسيتِ جوع، خدي فاكهة. تابعي وزنك أسبوعيًا، مش يوميًا عشان متضغطيش. دعم روحي إسلامي : استغفري الله كتير، صلّي ركعتين حاجة كل يوم، وادعي: "اللهم ارزقني الصبر والقوة". أنتِ أحسن من اللي كنتِ فيه، وده مؤقت بس. لو عايزة دعم أكتر، ابحثي في فدني عن أسئلة مشابهة هتلاقي إجابات كتير، أو شوفي الخبراء هنا: https://www.fedni.net/experts – في متخصصين نفسيين هيساعدوكِ بشكل شخصي. أنتِ تستاهلي حياة أفضل، خطوة صغيرة كل يوم وهتشوفي الفرق. 💪❤️
تم النشر الأربعاء، ٢٨ يناير ٢٠٢٦
الشخص ده محبكيش هو استغل مشاعرك وده اعترافك انتي لما شوفتيه ناجح أو رايق دي مجرد قشرة خارجية على السوشيال ميديا، الصور مش هي الحقيقة. هو نجح في حياته؟ تمام، خليكي انتي كمان تنجحي في إنك تخرجي من سجنه. وانتي مش وحشك هو، انتي وحشك الونس، ووحشك يكون فيه حد في حياتك. ضغط الشغل والوحدة اللي انتي فيها خلت عقلك يهرب لأي ذكرى قديمة حتى لو كانت سامة. انتِ دلوقتي في حالة جوع عاطفي، والجوعان ممكن يفتكر الأكل البايظ إنه وجبة حلوة! بصي اقطعي الخيط تماماً اللي عملتيه صح، البلوك هو حبل أفكار لازم يتقطع عشان ترتاحي. لو ظهرلك صدفه، قلبي فوراً ومستنيش ثانية. و لازم تخصصي وقت لأهلك أو صحابك، الانعزال هو اللي بيخليكي تفكري في المزبلة اللي رميتيها ورا ضهرك. والخوف من زيادة الوزن نابع من قلقك النفسي. ابدأي اتحركي، انزلي اتمشي، فكي عن نفسك، الحركة بتطرد الطاقة السلبيه متخليش واحد خاين ومستغل يهد المعبد عليكي. انتي غالية، واللي بيحب بجد مبيستغلش. اللي انتي فيه ده اعراض انسحاب وهتعدي، بس استقوي على نفسك شوية. نصيحة أخيرة مترجعيش تتكلمي تاني 😊 وجد ربنا يحفظك ويوفقك
تم النشر الأربعاء، ٢٨ يناير ٢٠٢٦
مش هو اللي وحشك لأ الشعور اللي كنتي بتحسي بيه في وجوده هو ده اللي اشتاقتيله لإن الإنسان بطبيعته بيكون بحاجه للشعور ده زي أي حاجه هو بحاجه ليها من طعام ونوم وغيره لكن ده تأثيره أكبر لإنه مرتبط بالقلب ،،توبي من أي معاصي قديمه و ربنا يرزقك زوج صالح ويقر عينك به
تم النشر الأربعاء، ٢٨ يناير ٢٠٢٦
عندك حق
تم النشر الخميس، ٢٩ يناير ٢٠٢٦
الافضل تبعدي منه تماما ومجبهوش فى دماغك نهائي والحمد لله انو مصور تلفون أو دخلك فى مواضيع اكبر من كده انسية وشوف. طريقك بعيد منه الان اللى بيحب حد بيحافظ علية
تم النشر الخميس، ٢٩ يناير ٢٠٢٦
انا عارفه انه واستغلني محبنيش بس اشمعنا يعني. هو مبسوط وناجح انا كده كده مفيش رجوع لا من ناحيتي ولا من ناحيته لان بقيت. حسيت. ان ادمنته زي. اي إدمان حتى هو بسبب المشاعر مع. الحاجات اللي بتحصل بقا ف إدمان للجسذ معاه وددا صعب اوي انا بس بحس ان لما باجي احب اي حد مش بقدر حتى انا عدا على الموضوع دا فتره كبيره شهور بستغرب ازاي اوقات. برجع لنقطة. الصفر مره واحده
تم النشر الأربعاء، ٢٨ يناير ٢٠٢٦
ايوه صح فعلا
تم النشر الجمعة، ٣٠ يناير ٢٠٢٦
المهم انتي ضمن قائمة من الضحايا ... هو ولا يوم بص لك كشخص بس بيبصلك كآداة للتسلية / ربنا حرم العلاقات المحرمة فابعدي عنه واكتفي من شره وعودي إلى الحياة الطيبة والفطرة السليمة
تم النشر الجمعة، ٣٠ يناير ٢٠٢٦
هو هيظهر عليه النجاح وأنه وسيم وحياته مثالية ... لكن كل ده خلفه فراغ واحساس عارم بالنقص .... لأنه يعتبر انسان بدون مشاعر لا ايجابية ولا سلبية .. فلذلك عنده قدرة انه يعمل صورة مثالية قدام الناس عشان يعرف يصطاد ضحايا جدد .... لكن الإنسان اللي عنده مشاعر طبيعي انه يكون مكتئب بعد الصدمات وبعدها يركز على نفسه ويتعافى بالعادات الصحية
تم النشر الجمعة، ٣٠ يناير ٢٠٢٦
اللهم امين يارب ❤️
تم النشر الأربعاء، ٢٨ يناير ٢٠٢٦
انا وهو بعاد عن بعض من فتره كبيره والبعد كان من ناحيتي انا مش منه هو هو كان بيخوني يرجعلي تاني بس انا مقدرتش اتقبل كل ده وحسيت ان بقيت زي المدمنين مش عارفه حتى ابص ف المرايه زي اي بنت م كتر ما بقيت مرهقه نفسيا بس بحسده انه مبسوط وعايش حياته ونسي واتخطا وكده
تم النشر الأربعاء، ٢٨ يناير ٢٠٢٦
السلام عليكم.. حطي في بالك ان السوشيال ميديا مش غالبا كذابة ... يعني مش شرط هو نجح .... يمكن هو عامل نفسه ناجح وحاطط فلاتر على صورته عشان يصطاد بنات .... وممكن فعلا نجح بس متغركيش المظاهر ده مجرد شخص خبيث متلاعب ... اوجدي راحتك في الدعاء
تم النشر الأربعاء، ٢٨ يناير ٢٠٢٦
اشمعنا دي «وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ» ربنا يمهل ولا يهمل ومش شرط انك شيفاه ناجح يبقى هو ناجح وخلاص بس مش فاهم يعني ادمان للجسد معاه؟ مش مشكله انتى لما تيجي تحبي حد تاني بتقارنيه بالشخص الاول وده غلط كبير لانك مدتيش التاني نفس اللى أدتيه الاول يعني مثلا (الاول كنتي تتكلمي معاه فون والتاني شات ) فأكيد هيكون الاحساس مختلف مش مشكله انك ترجعي لنقطة الصفر تاني المشكله انك. متتحركيش بسرعه كل ما ترجعي امشي بسرعه 😊 ربنا يحفظك العديد عن مواضيع الحب والكلام ده ركزي في مستقبلك وادعي ربنا أن يجيلك ابن الحلال اللي يشيلك فوق رأسه ربنا يسعدك😊
تم النشر الأربعاء، ٢٨ يناير ٢٠٢٦
اللي عايزك هيجيلك لحد بيتك يتقدم غير كده مترخصيش نفسك ياريت
تم النشر السبت، ٣١ يناير ٢٠٢٦
عيشي حياتك
تم النشر السبت، ٣١ يناير ٢٠٢٦
عندك حق والله هو اصلا كان معايا كان بيكلم ف بنات شهر يرجعلي يعني هو كده كل مده كان يعرف واحده ومعرفش بقا كان بيسيبها ويرجع ولا هي بتسيبه والله معرفش
تم النشر الجمعة، ٣٠ يناير ٢٠٢٦
لعرض السؤال في فدني اضغط هنا