انا كنت اعرف شخص وكنا سوا لمده مش قليله مع مرور الوقت حصلت بنا مشاكل كتير بس كانت عادي بتعدي بس دايما كان بيحسسني ان مش كفايه وان اي رأي أو أي حاجه اعملها او اقولها مش حلوه
هو بس الكل في الكل دا غير ان العلاقه بينا كانت ارجع سيب وهكذا اخر مره حسيت ان بيخوني ويعرف عليا واحده اهتمامه قل مشاكل كتير مش متقبل ليا اي كلمه او حتى اي اهتمام دا بالعكس بقا بيهاجمني اكتر بيقولي كلام بياذيني نفسيا وحقيقي هو حتى بطل بفكر يكلمني اصلا مع ان انا معملتش معاه الا كل خير ولو كان فيه خلافات ف كانت عشان بحبه مش عشان انا وحشه أو مقرفه أو نكديه زي ما كان بيقول
دلوقتي انا وهو خلاص سيبنا بعض وهو انسان انا بجد بقيت عايزه اولع فيه من كتر ما بقيت بكرهه... بس انا مش عارفه امسح رقمه من تلفوني ببقا عايزه اعمل كدا اشيله من واتساب بس بحس ان لا مش قادره وف نفس الوقت ببقا عايزه اثبتله ان انا حلوه وان كويسه عادي وعايشه حياتي وانا فعلا كدا انا من غيره بجد برجع طبيعيه هو بيخليني زي الانسانه ال عطول بتعيط وتعبانه.... مع العلم هو عندي بس انا الحمد لله بجد كويسه ووجوده مش مأثر عليا بجد وبعيش يومي عادي زي ما عايزه وشايفه حياتي بس بردو محتاجه اعرف رايكم
ياريت حد يساعدني وشكرا ❤️
السلام عليكم ورحمه الله اهم حاجه في الموضوع انك عرفتي انك افضل بكثير وانت بره الكلام ده كله دي اهم حاجه في الموضوع هو بقى رقمه موجود موجود على الواتساب موجود على اي سوشيال ميديا مش مهم خالص مين قال انه علشان نتأكد ان انت يعني خلاص بقيتي بعيده عنه تماما او انك تخطيتي الموضوع تماما انك تكوني عامله بلوك او سايبه او ماسحه الرقم او كل الكلام ده لا مش ضروري خالص على فكره هو اهم حاجه ان انت نفسيا من جواك عارفه انك خلاص ما بينك وما بين الشخص ده مسافه وانك مش هتقربي المسافه دي ثاني وانك هتقدري نفسك اكثر ما انت كنت مقلله منها وانت حاطه نفسك جوه الزون دي والبني ادم ده معاكي ما بيقدملكيش غير كل اذى وبس فدي اهم حاجه والمرحله اللي انت فيها طبيعيه انك حاسه انك عاوزة تقولي له إنك كويسه وانك الدنيا تمام معاكي وزي الفل دي مرحله طبيعيه برده عاديه جدا ولكن مش المهم الاثبات ليه المهم الاثبات لنفسك انك فعلا. بتمري بحاله احسن وانك بتتحركي للافضل لقدام ومش هترجعي لورا ابدا دي اهم حاجه لو بداتي تخافي من نفسك كده بقول لك اه لا امسحي الرقم خالص ما تحفظيهوش في اي حته عشان ما تعرفيش ترجعي له ثاني امسحي كل المسجات وكل الرسايل واعملي بلوكات وكل حاجه ده لو انت خايفه من نفسك لكن كده كده لو انت نفسك غلبتك يعني لو الرقم في المريخ هتجيبيه فالموضوع مش موضوع الرقم وانك تمسحيه والكلام ده كله خالص خليه واهم حاجه انك تكوني عرفتي فعلا تخلي الشخص ده بعد ما كان شخص قريب ومؤذي إنك عرفتي تخلي ما بينك وما بين المسافه نفسيه كبيره بقى شخص عادي بقى شخص غريب عنك هو ده اهم حاجه.
تم النشر السبت، ٣ مايو ٢٠٢٥
عزيزتي، أشعر بما تمرين به، ومن الواضح أنك تواجهين تجربة مؤلمة وصعبة. التخلص من علاقة سلبية تُشكل ضغطًا نفسيًا كبيرًا هو خطوة شجاعة وضرورية لصحتك النفسية والاستقرار الداخلي. أولاً، عليك أن تدركي أن مشاعرك مبنية على واقع تعرضك للأذى. من الطبيعي أن تشعري بالاستياء والكره تجاه شخص كان له تأثير سلبي على حياتك. إذا كنت ترغبين حقًا في المضي قدمًا، يجب أن تستخدمي هذا الشعور كدافع للتخلص من كل ما يذكرك به. إليك بعض الخطوات التي قد تساعدك: احذفي رقمه: يمكنك البدء بالخطوة السهلة، وهي حذف رقمه من هاتفك. قد تشعرين بصعوبة في هذه الخطوة، لكن تذكري أن الحفاظ على رقم شخص يؤذيك لن يزيدك إلا أذى. ابدئي بحذف المحادثات القديمة، ثم الرقم نفسه. أغلقي قنوات الاتصال: على الرغم من أنك قد ترغبين في إثبات قوتك له، إلا أنه من المهم أن تتركيه في الماضي. قومي بحظره على تطبيقات الدردشة ومواقع التواصل، حتى لا تتعرضي لإغراء التواصل معه. قومي بتوجيه طاقتك لنفسك: استثمري وقتك وجهودك في تطوير نفسك. يمكنك التركيز على اهتماماتك، وممارسة ما يجعلك سعيدة، مثل ممارسة الهوايات، وتكوين صداقات جديدة، أو حتى الانغماس في عادات جديدة تعزز من روحك الإيجابية. تحدثي مع شخص تثقين به: العملية أسهل بكثير إذا كان لديك شخص يدعمك. يمكنك التحدث مع صديقة مقربة أو أحد أفراد الأسرة حول ما تشعرين به. الدعم الاجتماعي يلعب دورًا مهمًا في الشفاء. تذكري أنك تستحقين السعادة: احرصي على أن تدركي أنك تستحقين علاقة صحية، قائمة على الاحترام والتقدير المتبادل. ما حصل هو تجربة تعليمية، ولكنها ليست نهاية الطريق. ستجدين من يستحقك في المستقبل. كوني قوية، وثقي بأنك ستتجاوزين هذه المرحلة. إذا شعرت بالحاجة إلى المساعدة الأفضل، لا تترددي في البحث عن مساعدة المتخصصين في الصحة النفسية. أنت لست وحدك في هذه الرحلة، وأنت قادرة على المضي قدمًا نحو حياة أفضل. 💖
تم النشر السبت، ٣ مايو ٢٠٢٥
انا مش عارفه اخد الخطوه دي لو اخدتها برجع فيها بردو انا فعلا بدأت اشوف حياتي وفعلا مش متأثره بس انا كل ال اذيني انه عرف واحده تانيه وان انا مفرقتش ولا أثرت فيه بعد كل المده دي ازاي
تم النشر السبت، ٣ مايو ٢٠٢٥
لعرض السؤال في فدني اضغط هنا