أنا اعاني من اضطراب نفسي بيخليني صعب أبعد عن شخص بحبه و وفرلي احتياجاتي و دلوقتي خطيبي بعد سنه ونص بيخوني وبيبجح عشان أنا مخدتش الخطوه دي رغم عيوب كتير قبلتها زي شذوذه مش عايزه اوضح بس كل حاجه تيجي في عقلكم هو تفكيره شاذ وانا تجاهلت ده وقبلت قصاد انه موفرلي حب واهتمام ودعم نفسي وحنيه دلوقتي اصبح قاسي جدا وسحب كل الحب اللي كان بيدهوني وانا بقيت هذيلة منهارة مش عارفه ابعد ولا عايزه افضل في المكان ده ومفيش حد يساعدني
نصيحة مني الحقي نفسك في الأول وفشكلي الخطوبة فترة الخطوبة معمولة عشان كل واحد يتعرف عالتاني اكتر ودي إشارات من ربنا ليكي انو بان قدامك اكتر وفكرة الشذوذ دي لوحدها كفيلة انها تنهي اي علاقة مهما كانت قوتها وحتى ولو بعد الجواز وفكرة انو موفرلك كل حاجة انتي بتحتاجيها دي مش كفاية قصاد المشاكل اللي ذكرتيها.
تم النشر الاثنين، ٢٩ ديسمبر ٢٠٢٥
السلام عليكم... معندكيش اضطراب نفسي ولكنك ضحية شخصية سامة أيا كانت نرجسية أو سيكوباثية (ودي شخصيات نادرة فمحدش يحكم على حد من أهله).... اللي حصل ان الشخص ده مش بني آدم طبيعي هو عبارة عن مسخ بلا مبدأ لدرجة أنه ممكن يعمل اي حاجة زي الشذوذ .... وبرضو ممكن يعمل أي حاجة زي التلاعب بعقول الناس وبرمجته عقولهم ..... فهو في فترة الخطوبة خاصة في البدايات خلاكي تدمني عليه زي ادمان المخدرات بدليل انك بتقولي كان بيديكي حنية فبعد ما وقعتي في الفخ ظهر وشه الحقيقي .... والإدمان ده صعب جدا لأن الشخصيات دي حقيرة وبتبرمج عقول الناس يعني هو حلل شخصيتك وبرمجك على التعلق بيه .... مثلا لو انتي متدينة هتلاقيه جايب مصاحف مثلا ... فهو خد شخصيتك وكل أفكارك وأعاد ترتيبها وبرمجتها بطريقة تخليكي متعرفيش تبعدي عنه ...وانا اسف عاللي هقوله لكن ايضا من الحاجات اللي بتزيد تعلقك بيه وبتكون في الدماغ حاجات زي الانزيمات اللي بتسبب التعلق هو العملية الجسدية اللي بتحصل بين المتزوجين .. الشخصيات دي مثلا بتوصل للضحايا ان لو بعدتي عنه هتهلكي وهتفقري وهتفقدي دينك وبيجيبلك الأدلة من الدين .. فين الدين وهو شاذ ؟ / باختصار متضغطيش على نفسك وعاملي نفسك كمدمنة عليه وعايزة تتعافي والتعلق بالله ينقذك من أي تعلق ... ده ابتلاء عظيم والشخصيات دي فاجرة في الخصومة فالله ينجيكي .... وأعيد وأكرر انت يا اللي بتقرأ التعليق وحكمت على حد من أهلك انه سيكوباثي فهو غالبا مش كدا لأن دول نادرين
تم النشر الاثنين، ٢٩ ديسمبر ٢٠٢٥
السلام عليكم، طيب أنتِ أصلا محددة مشكلتك وعارفة علاجها مش باقي غير تاخدي الخطوة. مش محتاجة حتى تنتظري لحد ما تروحي لطبيبة نفسية عشان تاخدي أول خطوة وهي إنك تنفصلي عنه. بعد كده ممكن تتابعي مع طبيبة عشان تعالجي المشكلة النفسية والتعلق المرضي لحد ما تتعافي إن شاء الله. اقعدي مع نفسك واكتبي كل العيوب والمشاكل والأسباب اللي تخليكِ تبعدي عن الشخص ده وخذي القرار إنك تتوجعي دلوقتي شوية أحسن ما تتوجعي سنين أو تنكسري بصورة صعبة يكون التعافي منها شبه مستحيل لا قدر الله. أنتِ نفسك قلتِ إن الدعم والاهتمام والحب مبقاش بيعطيهم لك أصلا وده كان أساس تمسكك به فإيه اللي يخليكِ مستمرة في علاقة مدمرة مش هتفيدك بأي شيء. توكلي على الله واستعيني به وإن شاء الله ربنا يقويكِ ويساعدك على التعافي بإذن الله.
تم النشر الأحد، ٢٨ ديسمبر ٢٠٢٥
يا حبيبتي، أنا ذكية هنا معاكي، وأنا حزينة جداً إنك بتمري باللي ده كله. أنتِ قوية وبتستاهلي حياة مليانة احترام وحب حقيقي، مش اللي بيجي مع خيانة وقسوة. اللي بتحسي بيه ده زي "ارتباط عاطفي مرضي" (codependency)، بيخليكِ صعبة الابتعاد رغم الضرر، بس ممكن تتخلصي منه خطوة بخطوة. خلينا نركز على حلول عملية، ومن منظور إسلامي: الزواج مش هيكون بركة لو مبني على عيوب كبيرة زي الخيانة أو الشذوذ، وده يشمل اللي مش ملتزم أخلاقياً. خطوات فورية عشان تبتعدي: اقطعي الاتصال تماماً : بلوك كل وسائل التواصل، مش هتقدري تتحكمي في مشاعرك لو شايفاه. ابدئي دلوقتي، ولو صعب، حددي وقت (مثل 24 ساعة أول يوم، بعدين زديه). ركزي على نفسك يومياً : كلي وجبات منتظمة مغذية (بروتين + خضار) عشان ترجعي وزنك وقوتك. مارسي رياضة خفيفة زي المشي 30 دقيقة يومياً، هتفرز هرمونات سعادة طبيعية. حددي هدف صغير كل يوم، زي "النهارده هقرأ صفحة قرآن" أو "هعمل حاجة أحبها زي الرسم". دعم روحي : صلي النوافل، ادعي ربنا يقويكِ ويبدلك خير (سورة الشرح: "فَإِنَّ مَعَ الْعُسْرِ يُسْرًا"). تذكري قيمتك عند الله أعلى من أي راجل. تابعي تقدمك : اكتبي يومياتك في دفتر: "النهارده عملت إيه عشان نفسي؟" هتشوفي التحسن خلال أسبوعين. أنتِ مش لوحدك، بس اللي هيساعدك أنتِ نفسك أولاً. لو عايزة دعم أكتر، روحي على صفحة الخبراء في فدني: https://www.fedni.net/experts وابحثي عن متخصص نفسي أو مدرب حياة إسلامي لاستشارة شخصية. كمان، ابحثي في فدني عن "كيف أتخلص من علاقة سامة" هتلاقي إجابات تانية مفيدة. أنتِ هتخرجي أقوى، صدقيني! لو عايزة تحكي أكتر، أنا هنا. 💕
تم النشر السبت، ٢٧ ديسمبر ٢٠٢٥
ابعدى عن خطيبك عشان هو هيسببلك كميات عقد نفسيه مهوله واطلبي اهتمام زياده من اهلك الفتره دى و اهتمى بنفسك اوى اوى اوى واشتغلى على نفسك كتير وإن شاء الله ربنا يكرمك باللي أحسن منو يا حبيبتى
تم النشر الاثنين، ٢٩ ديسمبر ٢٠٢٥
لو خلاص متأكده انه مش الشخص المناسب يفضل تبعدي عنه... انتي قولتي انه هو بقى قاسي وصعب خلاص فمفيش داعي للتعلق العاطفي بيه عشان مش بيوفرلك الي انتي محتاجاه
تم النشر الأحد، ٢٨ ديسمبر ٢٠٢٥
لازم تشوفي طبيب نفسي يخلصك من حالتك وكل حاجه هتتحل انا اتعاملت مع ناس عندها اضطرابات نفسية وكان عندهم مشاكل بس الحمد لله أو ما المشكله النفسيه تتحل هترجعي طبيعيه وابعدي عن خطيبك فتره لحد ما تتعالجي وبعد كدا قرري هتكملى معاه ولا لاء لأن ممكن المشاكل دي مكنتش عندو
تم النشر الأحد، ٢٨ ديسمبر ٢٠٢٥
لعرض السؤال في فدني اضغط هنا