السلام عليكم ورحمة الله وبركاته
أنا بفضل الله شخصيه ملتزمه دينيا وخاتمه القرآن الحمد لله وكان مستواي كويس جدا في الدراسه وكنت بطلع دائما الأولى لحد أولى ثانوي قبل ما أمسك الفون
إحنا في بيتنا متداخلين مع قرايبي جدا فسبب التداخل ده أنا اتعلقت بشخص قريبي أكبر مني بسنتين وكنا بنتكلم واتساب بس مش كتير وهو مش عارف مشاعري تجاهه ولا أنا برضو أعرف مشاعره تجاهي بس أنا اتعلقت بيه جدا حتى الشات اللي بينا كله كلام عادي خالص بيكلمني يطمن على دراستي مثلا ودروسي وكده
دلوقتي أنا خلصت تالته ثانوي والتعلق ده بيزيد مع الوقت ومبقتش قادره إني مكلموش مع إننا مش بنتكلم في أي حاجه تغضب ربنا بنتكلم على سبيل القرابه مثلا ووالدتي عارفه إننا بنتواصل شات وكده وأنا الشخص ده راسمه حياتي اللي جايه كلها معاه ومش متخيله حياتي من غيره وبصراحه مش عارفه اللي أنا بعمله حلال ولا حرام بس حاولت كذا مره إني أقطع تواصل معاه بقطع فتره وبعدها برجع تاني
وحاسه إن ممكن ربنا يبعد عني خير بسبب الذنب ده وفي نفس الوقت أنا مش عارفه أوقف كلام معاه مع العلم إننا كنا مش بنتكلم غير قليل خالص والكلام زاد جدا بعد ما خلصت امتحانات
وعليكم السلام ورحمة الله وبركاته، يا بنتي. أولاً، أحييكِ على التزامك الديني وحفظك للقرآن، وهذا دليل على قوة إيمانك رغم التحدي الذي تواجهينه. أنتِ تمرين بمرحلة طبيعية من التعلق العاطفي، خاصة مع التداخل الأسري والتواصل المستمر، لكن الشعور بالذنب الذي يراودكِ يعكس وعيكِ بأهمية الحفاظ على الحدود الشرعية. من الناحية الإسلامية، صلة الرحم واجبة، لكن الاختلاط غير الضروري قد يفتح باب الفتنة، حتى لو كان الكلام عادياً. التعلق الذي وصفتهِ يمكن أن يتطور إلى شيء يشغل القلب عن الله، وهذا ما يجعلكِ تشعرين بالقلق. حاولي أن تُعيدي توجيه هذا التواصل إلى إطار أسري أوسع، مثل إشراك والدتكِ أكثر في المحادثات أو تقليل الدردشات الخاصة تدريجياً. يمكنكِ البدء بخطوات عملية مثل: تحديد أوقات محددة للرد على الرسائل (مثل مرة أو مرتين أسبوعياً)، وملء وقتكِ بأنشطة مفيدة كالدراسة أو حفظ المزيد من القرآن أو ممارسة هوايات تساعدكِ على التركيز على نفسكِ. أنتِ لستِ وحدكِ في هذا الصراع، والله يعلم نيتكِ الطيبة. استمري في الدعاء بأن يُبعد الله عنكِ ما يضركِ ويُقربكِ مما ينفعكِ، وتذكري أن التوبة متاحة دائماً. إذا أردتِ المزيد من الآراء، يمكنكِ البحث عن أسئلة مشابهة على فدني لتري تجارب أخرى. أنتِ قادرة على تجاوز هذا بإذن الله، وأنا هنا لأدعمكِ.
تم النشر الخميس، ١٣ أغسطس ٢٠٢٦
تمام جزاكم الله خيرا وجزيتم الجنه ونعيمها
تم النشر السبت، ١٥ أغسطس ٢٠٢٦
عليكي أنك تقطعي التواصل
تم النشر السبت، ١٥ أغسطس ٢٠٢٦
صدقيني ما حدش هينفعك غير نفسك و علمك سيبك من الفون و الكلام ده و انتبهي للدراسه احسن
تم النشر السبت، ١٥ أغسطس ٢٠٢٦
بصي ال عندك ده تعلق، خصوصا انك بيور ع كلامك ده اول شخص من الجنس الاخر، ف ابعدي طبعا انا مش محتاجة اقولك انه حرام، و ربنا مش هيمنع عننا شيء و يحرمه الا و هو يستحق ف بلاش تتبعي هواكي و الشيطان و تعالي ع تعلقك ده و هتتعبي شوية ف الاول بس ده الأفضل لأن مع الوقت الموضوع بيكون اسوأ مع الأسف.. و استعيني بالله و ادعي لنفسك بالخير مش بشخص.و انك متتعلقيش بحد غير الله.
تم النشر السبت، ١٥ أغسطس ٢٠٢٦
عليكم السلام ورحمة الله وبركاته ، لا يهم حدود الكلام بقدر النتيجة ، المهم ان المحظور حصل واتعلقتي بيه ودا هو نتيجة العلاقة المحرمة. (الي بتغضب ربنا ) ، العلاقة محرمة علشان نتيجتها مش بس محتوى الكلام.
تم النشر الجمعة، ١٤ أغسطس ٢٠٢٦
و عليكم السلام و رحمة الله و بركاته ، ما شاء الله ربنا يزيدك إيمان و يثبتك ، هو لا يجوز الكلام مع غير محارمك الشات بينكم يعتبر خلوة و قال النبي صلى الله عليه و سلم «لَا يَخْلُوَنَّ رَجُلٌ بِامْرَأَةٍ إِلَّا كَانَ ثَالِثَهُمَا الشَّيْطَانُ». ما شاء الله عليكي باين عارفه الصح من الغلط و أنتِ نفسك قولتي إن كلامكم زاد طبعا ده مش صح، سبب رجوعك للكلام معاه كل شويه هو إنك مش بتسدي مداخل الشيطان ، انصحك تعملي بلوك ، و تمسحي واتساب فترة لحد متتعودي على عدم وجوده و لو في مقدره إنك تغيري رقمك هيكون أحسن، عشان مترجعيش تفكي البلوك ، خديلك فترة منغير واتساب لو هو ده المكان اللي بتتكلمو عليه ، او ايا كان هو ايه امسحيه اه صعب بس ده الحل الوحيد عشان التعلق ميزدش ، قربي في الفترة دي من ربنا اكتر و ادعي انه يثبتك ، خدي الخطوة دي دلوقتي عشان مش تندمي بعدين ، لو فكرتي ف هتلاقي إن كان احسن حاجه لو عملتيله بلوك من البدايه ، ف صدقيني دلوقتي احسن من بعدين هتندمي اكتر و هتتعلقي اكتر و ده اللي الشيطان عايزه ، و اسأل الله لكِ الهدايه و التوفيق
تم النشر الجمعة، ١٤ أغسطس ٢٠٢٦
سؤالك يدل ان هذا لم يحصل من خبث أو تعمد ولكنه صدفة وخطأ عابر وعليكي ان تصلحي هذا الخطأ
تم النشر السبت، ١٥ أغسطس ٢٠٢٦
لعرض السؤال في فدني اضغط هنا