دايما بحس أن كل الناس بتتكلم عليا لدرجه انى خلاص بقا شىء أساسي كل ما انزل احس أن كل الناس بتبص عليا وبتتكلم عليا وببقا متاكده من ده بسبب نظراتهم وف الحقيقه الموضوع ده مدايقنى جدا وكمان دايما بحس أن مفيش فيا اى قبول ف الدنيا نهائيييي ودايما كلام الناس عليا مش كويس يعنى لما حد بيسأل علي حد بيقولوا ده كويس وطيب وهكذا لكن انا بيقولوا عليا انى حد مؤذى وانى فضوليه يعنى بحب اعرف اسرار كل الناس وانى نقالة كلام وكلام مؤذى كتير وعلي الانستجرام البنات الي عندى دايما لما اجى تشوفهم علي الحقيقه يبصولي ويعاملونى كأنى أقل منهم بكتير وكأنى مش من مستواهم بقيت بحس انى أقل من كل حد لدرجه انى فى واحده أعرفها من زمان وبرغم من ده بردو بقت تبصلي بقرف وبعدت عنى كأن فى حد بينشر كلام وحش او ممكن ربنا بيعاقبنى من حاجه عملتها من زمان بإنو يخلي الناس متقبلنيش
هو انتي حاسه ولا متاكدة؟ علشان هي تفرق كتير .. فيه فرق انه يكون عندك قلة ثقة في النفس، وفيه فرق تاني انك تكوني فعلا الشخصية اللي وصفتيها في كلامك. ممكن توضحي ده بأمثلة!
تم النشر الثلاثاء، ٧ نوفمبر ٢٠٢٣
لو انتى مش بتبصيلهم مش هتعرفى انهم بصولك اصلا ولا لا . اهتمامك بالناس واضح اوى اوى وده اكيد ظاهر لكل اللى حواليكى نوعية كلامك وتصرفاتك اللى ممكن تطلع منك بهدف معين ..بتبان للناس بشكل تانى مثال ( انتى بتبصى على واحده وبتحاولى تشوفى فى بصتها ليكى هل هى متقبلاكى ولا لا ...هى هتشوف فى نظرتك انك متنحه ليها بدون داعى وكأنك بتراقبيها مثلا ) احساسك بنفسك بيظهر فى افعالك وكلامك ...حتى لو انتى متخيله انك بتخبى ده .. انتى ذكرتى فى التعليقات هنا انك مش بتحبى نفسك عاوزة اللى حواليكى يحبوكى ازاى لو حاسه ان الدنيا معاكى مش مظبوطة لذنب قديم ...جددى توبتك وحسنى صلتك بربنا اكتر ...بس نيتك تبقى مغفرة الذنب مش تحسن علاقتك بالناس
تم النشر الأربعاء، ٨ نوفمبر ٢٠٢٣
انتي اي رايك في نفسك ؟؟ احكي لينا بالتفصيل...... سيبك من الناس انتي شايفة نفسك اذي انتي راضية عن نفسك.....
تم النشر الأربعاء، ٨ نوفمبر ٢٠٢٣
عندك حق والله كلهم فيهم العبر ورغم كده بيعيبوا فى الواحد بس سعات الواحد بيصاحب عليه نفسو من الكلام ده ف بيحس أنهم صح وانو فعلا حد وحش وخصوصاً لما الاقي الي بيتكلم عليا ناس كتيررررر اوى اوى مصدقاه ف بحس انى مهما دافعت عن نفسي محدش هيصدقنى وبعيش ف دايره بحاول اقنع فيها الناس أنهم واخدين فكره غلط عنى عشان محسش انى حد مكروه
تم النشر الثلاثاء، ٧ نوفمبر ٢٠٢٣
حبيبتي دي ثقه ثقه ثقه خليكي واثقه من نفسك اكتر من كده اعرفي أن اللي بيتكلم عليكي ده حاجه في علم النفس اسمها بيلبسك بيلبسك الحاجه اللي فيه فيكي شخص شايف نفسه اناني هيقول علي غيره اناني شخص شايف نفسيه فضولي عشان ميحسش أن الصفه دي فيه هيلبسها لحد تاني هياخدوكي كبش فداء عشان شايفينك مش وااااثقه من نفسك اقلعي... اقلعي كلام الناس اللي لبسولك لأن بسهوله الكلام في الاول والاخر فيهم هما ♥️
تم النشر الثلاثاء، ٧ نوفمبر ٢٠٢٣
ده مجرد قلق إجتماعي. محتاجة تعالجيه علشان تمارسي حياتك بشكل طبيعي
تم النشر الخميس، ٩ نوفمبر ٢٠٢٣
سيبك من الناس و ركزي مع نفسك و شوفي ايه الي فيكي واقعدي مع نفسك لو فيها حاجه صححيها
تم النشر الأربعاء، ٨ نوفمبر ٢٠٢٣
طيب انتي بتقولي كل الناس شايفاني كدا وانا شايفه اغلب التعليقات قالولك ثقه انا شايفه حاجه تانيه شايفه انه مش عيب الانسان يبقي فيه عيوب العيب انه ميغيرهاش كلنا فينا عيوب الشاطر اللي يغير لو انا فضوليه ابطل ابقي فضوليه واركز ع نفسي وانجح ومهتمش بعيوب الناس ولا محاسنهم اتطور من نفسي ولو الناس شايفاني بنقل كلام ومؤذيه ابطل اعمل كدا لو بعمل كدا ولو مبعملش كدا يبقي فورا ابعد عنهم لانهم وصلوني اني بسأل نفسي وأسد وداني عنهم .
تم النشر الثلاثاء، ٧ نوفمبر ٢٠٢٣
انا عندي نفس المشكله
تم النشر الثلاثاء، ٧ نوفمبر ٢٠٢٣
كان عندي نفس المشكلة نوعا ما بس من عائلتي أعمامي وعماتي وولادهم بقي وحرفيا كلام مؤذي ووحش ونظرات ومكنتش بعرف أرد وكمية تنمر ومعايرة بس بقيت بكبر دماغي علشان وربنا ما في حد فيهم أحسن مني محروقين كل اللي بيبصولك دول عارفين انك احسن منهم حبي نفسك.. نفسك لما تحبيها هتغنيكي عن كل الناس والله ثقي في قدراتك وطوري من نفسك وأوعي تضيعي طاقتك في انك تشغلي نفسك بالحاجات دي
تم النشر الثلاثاء، ٧ نوفمبر ٢٠٢٣
انا بس عايزاكي تمشي تقولي انا استاهل استاهل اكتر من كدا استاهل اتحب واستاهل افرح واستاهل اعيش وانك تلعبي بفن اللاه مبالاه ♥️
تم النشر الثلاثاء، ٧ نوفمبر ٢٠٢٣
لعرض السؤال في فدني اضغط هنا