Hosny Basha 💫

ربنا يوفقك ويسعدك يارب ونشوفك كمان شهرين بس عايز اقولك ع حاجه مهمه اي معروف انتي عملتيه دا دليل ع اصلك طيب وانك نبته صالحة ودائما احنا بنعمل إلا يرضي ربنا ، الآية الكريمة : "إِنَّمَا نَطْعِمُكُمْ لِوَجْهِ اللَّهِ لَا نُرِيدُ مِنْكُمْ جَزَاءً وَلَا شُكُورًا" (الإنسان: 9) هذه الآية من سورة الإنسان، وتُظهر نية الصالحين في تقديم الطعام والمساعدة للآخرين لوجه الله تعالى، دون انتظار أي مقابل أو شكر. كذلك كوني انتي كده ، واحنا معاك وبنشجعك هنا ورحمه وربنا يوفقك، وعندي ليك نصيحه ع طاير ،، علشان تستعيدي طاقتك غيري جو اخرجي مع اهلك يوم او اتنين ، اسمعي فلم جديد ف سينما المهم تغيري جو هيفرق معاك خالص ، وانتي قاعده ع المكتب بتذكري اعملي لنفسك كوب من القهوة ودخلي غرفتك ، اغلقي نور الغرفة تمام خليها ضلمه ، ولو بتخافي شغلي نور الهاتف اجلسي ع كرسي المكتب معك القهوة ، معك نصف ساعة تذكري هدفك ، مستقبلك ، اهلك ، اتكلمي مع نفسك في كل حاجه. 🫡⚖️✨

عليكم السلام ورحمه الله وبركاته أهلاً وسهلاً بأهل القانون بشوات العالم ⚖️✨ الشريعه والقانون من اجمل الكليات لذ حضرتك لديك هدف واضح من رسالتك ، لتحقيق ذلك الهدف ، يجب عليك التركيز على المذكرة ومعرفة نظام الكلية ، جميعاً يعلم أن كلية الحقوق كليه فهم ثم حفظ لازم تفهمي كل حاجه ونصيحه اود ذكرها من البداية انزل شغل مع محامي عيشي الحياة عملي ونظري ، علشان تفهمي والا حاولي تفهمي من خلال سماع فديوهات ، ومرافعات المحامين في المحاكم ، نقابة المحامين المصرية لها ابلكيشن ممكن تنزليه ، نرجع تاني المذكرة ، الحفظ ثم الحفظ ثم الحفظ ، لو عاوز تحصلي ع تقدير أقل حاجه جيد جداً تقدير بيفرق حتي لو مفيش نصيب لتعيين ف الهيئات القضائية ، لكن بيعطيك ثقة في نفسك ، وبيعرف الناس إلا حواليك نك شاطرة ، نرجع تاني المذكره ، عندك دكتور ف قانون الإداري لازم تسالي الدفعة السابقة ع نظامه ف المذكرة ، و في الامتحانات ، وفيه دكتور ممكن يلغي حاجه في ترم وتتفاجئي أنه جايبها ف الامتحان دا معروف '' بالخائن "" ملوش أمان ، ذكري اول بأول ، اياك وتوقعات اياك ذكري كل حاجه ، وبكده نضمن ليك الامتياز ✨✨✨ والله الموفق و المستعان ⚖️ ✨

عرفيني بنفسك اكتر ف كليه ؟ بتحبي اي من الأنشطة ؟ نفسك تطلعي اي لما تخلصي دراسة ؟ اخبارك ايه مع ربنا ؟ اخبار مع الأسرة ؟ بتحبي تقراي الروايات ؟ افيديني اكتر عن نفسك

اسلام عليكم ورحمه الله وبركاته حل سريع اي رايك تسافري تغيري جو ، مثلا تروحي مكان سياحي ، الاهرامات ، مكان ديني ذي الأزهر ، تروحي مكان فيه زرع وشجر و خضار ذي ريف لو عندكم ارض فيه حل اخر ، اي رايك تصلي في المسجد جميع الفروض مع باقي النساء ، وتحفظي ورد جديد من القرن تختاري سوره ذي سورة يس تحفظيها. خلال فترة الثانوية العامة قبل الامتحان جالي ملل بحاولي 3 شهور قبل الامتحان ونفسيتي ادمرت تعرفي ليه علشان كنت بدأت بداية قوية جدا جدا ، وستنفذت جميع طاقتي ولكن لم يكن معي حد لنصحي ، وكان عندي هوس وقلق أن الوقت بيضيع انا عندي تركامات كتير اوووووي ، لكن كان المفروض اني اعطي نفسي جزاء من الراحة ، وغير النشاط فترة من الوقت مع عدم البعد عن المذكرة ولكن اقلل مثلاً كل يوم 6 ساعات مذاكره فقط لا غير وبقيت اليوم اشغل نفسي بحاجات اخر بقول لنفسي ياريت كنت نزلت الچيم كان هيفرق جدا جدا معي اه والله الرياضه بتعطي حيويه للجسد ، الهوس. القلق ، التوتر ، كل دا عوامل تعطيك انطباع ان الوقت قد نفذ ولكن لو فكرت شوي انك لو عندك طاقة ذي الاول ممكن تخلص كل إلا عليك في اسبوع بخلاف لو انت معندكش طاقه ، مهم اووي انك تغيري نشاط ، بمعني افصلي اخرجي من جو المذكرة شوي ، غيري غرفتك ، مكان المكتب ، خبي جميع الكتب داخل دولاب ، علشان تفصلي اشغلي نفسك مؤقتا بأنشطة اخري باقي يومك مع عدم البعد تام عن المذكرة. والله الموفق و المستعان ⚖️✨

السلام عليكم ورحمه الله وبركاته،، تحياتي التعليقات ردا على سؤال حضرتك جت بتقول لا يجوز التجاوز في الخطبه ونحن مع ذلك ولكن سؤال حضرتك يتكلم عن التعارف في الخطبه وده امر صحيح جدا طب ازاي اتعرف على شخص اثناء الخطبه الشخص اللي انا هعيش معاه وهتجوزه ازاي اتعرف عليه يعني ايه اتعرف عليه يعني افهم دماغه اشوف هو ماشي مع دماغي ولا عكس دماغي انا في طريقه سهله هي عباره عن سؤال انتي بتسالني سؤال وانا بجاوب على السؤال مثلا مثلا تقول لي انت بتحب لون ايه من الالوان اقول لها بحب لون كذا انت بتحب اكل ايه من الاكل اه بحب اكل كذا تمام فكان الحوار ما بينا بيدور حول سؤال وجواب وبناء عليه بنفهم بعض اكثر فاكثر وبعرف ذوقها وبعرف العقليه اللي انا بتحدث معاها في نفس اتجاه عقليتي ولا مخالفه ليا وكان اكتر كلامنا بيكون عن طريق الوتساب وعن طريق انستقرام، كمان ممكن يكون فيه مشاركة مع بعض بعض الانشطه مثل حفظ القران وعلى سبيل المثال حفظ سوره ياسين مع بعض وبكده بيكون بنا ذكريات جميله ، كمان ممكن تشجعيه على ممارسه الرياضه وبالذات الجيم ، وبلاش فتره الخطوبه نظهر بالمظهر احسن مظهر اللائق خلينا نتعامل عاديين اتعاملي بطبيعتك وهو يتعامل بطبيعته علشان لما يحصل نصيب فعلا ونتجوز ما يحصلش مفاجاه ونكتشف ان الشخصيه اللي انا كنت بتكلم معاها اثناء الخطبه تختلف عن الشخصيه اللي انا حاليا عايشه معاه فلابد ان يكون ما بيننا هو الشفافيه في التعامل وبلاش نخبي اي حاجه عن بعض بالذات في فتره الخطبه لان اصعب حاجه هي الكذب لان الراجل مننا بيشوف البنت الكذابه بالمنظور الخائنه وكمان لازم تشوفي هل هو ملتزم دينيا ام لا والحاجة إلا حبها تكون فيه لازم تتوفر فيك قبل ما تكون فيه اوتطلبيها منه مثل لاهتمام ، الثقافة ، الدين ، الرقي ف تعامل ، الاحترام المتبادل ، وهكذا.. لابد أن يمر علي الخطبه الحول اي سنة ع الأقل بلاش الاستعجال ، من ممكن يكون مريض نفسي ، أو عقليته عكس عقليتك انت متدينة وهو عكس ذلك تماما أو العكس لذلك فترة الخطوبة لازم تكون سنه ، ونكتشف بعض صح ، لازم تصلي صلاه الاستخاره ف هذا الأمر لأنه شديد الأهمية.. ⚖️✨

دا أمر طبيعي جدا علشان انت بتغير من مسار حياتك للأحسن فلازم توجه صعوبة في تغير انا مثلك تماما اوجه صعوبة في تغير ولكن بستمر رغم تكاسل مره و مره اخرى اكون افضل وافضل وهكذا الالتزام صعب جدا جدا ولو كان سهلا لكان كل ناس ملتزمة عليك بالاستمرار في طريق وتبع الخطه ولا تتبع المزاج ⚖️

أولا سلام عليكم ورحمه الله وبركاته الحب نصيب ويأتي في الميعاد المحدد له ولكن يجب عليك حسن الاختيار وان تختار من تصلح ان تكون لك ام قبل أن تكون زوجة أم لك والأطفالك ، ولكن يحتاج ارجل منا ان يكون ذكي ف تعامل مع النساء ، هم علاقة معقدة جداً جداً يا صديقي ، ولكن هعطيك جزء بسيط من الحل والباقي عليك ، اعمل ع نفسك من حيث البس ، اهتم اوووووي بلبسك ، شكلك ، نظافتك الشخصية ، رائحتك ، بشرتك ، اهتم بنفسك ، ثم يأتي ف المرحلة الثانية الاهتمام بجسدك طبعا رياضه جري چيم اعمل فورمه تكون بسيطة بحيث ترسم جسدك ف لبس وتعطيك الثقة في نفسك ، الرياضه بتقوي الثقة في النفس جدا جدا جدا ، الرياضه هترسم جسدك وتبظبط البس عليك جدا اهتم اوووووي بلبس الكلاسيك ، وليس القميص ، ودائما تلبس جزمة ، قلل من كوتش وجو الفرافير دا ، هنا ستأتي لك صاحبة العقل وليس البنت تافه وما أكثر النساء التافهين ف مجتمعنا .. ثم تاتي المرحلة الثالثة وهي الاهتمام بعقلك الثقافة في كل شئ حتي ف لبس النساء تعلم كل حاجه ، بمعني خليك صايع اعرف شئ عن كل شئ بدون تعمق افهم مثلاً في السيارات و الموضه ، أعرف بعض روايات ، ودوار ع بعض الحاجات تافها وعرفها بردو بحبوا كده اووي 😂 اه والله وهنا تأتي المرحله الرابعه بس لحظه نسيت اقولك اهم حاجه صلي لازم تصلي وتنظم كمان علشان الطيور ع أشكالها تقع هتلاقي إلا شبهك وتعلم ف دين من حفظ القرآن والسنة النبوية لازم لازم ودا أمر ليس اختيار...ناتي الي إلي المرحلة الرابعة وهي شغلك البنات تحب اوووووي الولد الشاطر النجاح بذات لو بنت بتفهم واحنا في البداية الكلام قولنا أهم حاجة حاجه موش نحب لا اهم حاجه حسن الاختيار ، لو انت شاطر هتفرق معاك اوووووي ولله الموافق والمستعان ⚖️✨

دا شركة بطلع بالقسط ذي مشروعي؟؟ ولا عبارة عن معرض موتو سيكل وغيره ؟

مفيش حل بيدك لكن الحل عنده هو لكن ربنا يشفيه أمتي من هذا المرض الخبيث الله اعلم ،لكن نصيحه غاليه ليك ممنوع تتعملي معاه نهائي ممنوع هو واصل لحاله صعبه جدا جدا لكن هي هيرجع مع نفسه اهم حاجه انتي حتي لا يصيبك اي ضرر.

اسلام عليكم ورحمه الله وبركاته ،، بما اني شب فاقرب الي الواقع عن الآخرين لذلك تقدري تعرفي من خلال سؤالك ع يومه انت بتعمل اي في يومك ؟؟؟ ثانيا/ تقدري تعرفي لو لقتيه مهموم وكان سبب ذلك هو تقصيره في الصلاة ، ثالثا/ تقدري تعرفي من خلال حبه للأهل القران انت بتسمع شيخ مين؟ انت حافظ قرآن ؟؟ شكرا جدا انك تنظري إلى الجوهر وتبحثي عنه وليس عن المظهر 🌹✨

ممكن تطرحي عليه سؤال مهم جدا انت نفسك تبقي اي ؟؟ بناء على الإجابة الصادرة منه تقدري تضحي بوقتك من اجله وتقدري انك أيضا تساعدعن طريق دورس خصوصية منفرد لواحدة مع مذاكره مكثفة لازم ياخد دروس خصوصيه ويكون لواحدة من غير مجموعة. شكرا على اهتمامك بأخيك 🌹✨

ممتاز ✨ 🤍 استمر في تقدم وطرح الأسئلة لتعرف ع نفسك وإمكانياتك وتطوير من ذاتك..

بسم الله الرحمن الرحيم تعلم جيداً أن ضعيف القلب قليل كل شئ الخبرة ، الرزق ، الفرص ، ، لذا عليك أن تكون عينك قويه انت شايف أنه مستغل وعيل زباله خليك بالبلدي كده بجح معاه وتعلم أنك تقول ( لا) الكل هيهيبك جدا جدا تحياتي 🌹✨

لقد وقعت في فخ الذكاء الاصطناعي الذي الهدف منه البعد عن البحث وتحري من خلال الكتب

كل شيء عنده بقدر ، كل شيء عنده بميعاد... الزواج ، الحب ، العمل ولكن ما الواجب علينا فعله حتى نحصل على ما كتبه الله العمل ثم العمل ثم العمل ما انتي فيه هو فراغ شديد حاولي تدوري على شيء من خلاله تستفيدي من شهاداتك ، تعلمي مهارة جديده ، مهارة القراءة هتفيدك. هطلع طاقتك السلبية وهتفيدك.

نصيحه اغلي من الذهب اذا نجحت في علاقتك مع ربنا هتنجح فكل حاجه.

"مجرد ما يحب غيرها هينساها " لكن المهم هو مسقبله دورك هو انك تخليه يركز في مستقبله ، خليه يملي حياته اليومية بكل انشطه من رياضه من قراءة ، ويقرب من ربنا ، البنات عموما بيحبوا الإنسان الطموح الشاطر لازم تفهميه كده ، اتكلمي معاه ، فما أعظم الصداقه بين الأخ والاخت لكن بدون ما تسأليه عن الماضي ، وقربي منه شوي ، بشوي ، مينفعش كلام فجأة لازم تقربي منه خطوه خطوه ونسأل الله له التوفيق والسداد

انا محامي وبقولك من واقع خبرتي بلاش الانفصال فكري في الأمر واعطي له فرصة مره والف مره وفيه اساسيات ف الحياة لا غني عنها ومنها الانفاق ، العلاقة ، الكلمة الطيبة ولو قليل ، وفتكري جيدا انك ف زمن صعب جدا جدا .

مساء النور . انتي علي حد قولك (بتصلي ، بتقرائي قرأن ، عندك شغل خاص بخلاف الشغل الحكومي ) ودا في حد ذاته ممتاز 🤲🏻 🌸 النقطه المهمة انتي نفسك تعملي اي جديد في حياتك أو تتعلمي اي جديد.؟؟ حضرتك مشكلتك كما ذاكرتي انك غير منتظمه أو عدم الاستمراريه في فعل الشيء علشان كده انتي محتاجه اولا تشجيع ولو حتي من نفسك ، ثانيا محتاجه تبدأ ولو بداية بسيطة حاولي تسهيلي الأمور علي نفسك خالص يعني انا عن نفسي عاوز اروح الچيم فكان عندي كسل كبير اووي علي رغم إن دا كان احسن شي بحب اعمله كل يوم لكن سبحان الله أصبح اثقل شئ علي قلبي موش عارف ليه ومن هنا حبيت اشوف اي المعوقات أو الحجج التافه إلا في دماغي وبدأت اسهل الأمر علي نفسي يعني بلاش چيم كل يوم ، نخليها يوم ويوم. ملابس الچيم هخليها في چيم لو دا مشكله ، هروح الچيم بعد شغل حاولت اني ايسر علي نفسي هكذا انتي يسري علي نفسك ونجزي ولو شئ بسيط كل يوم من أهدافك الجديدة. ممكن حضرتك تشاركينا أهدافك الجديدة تحياتي 🕊️ 🤍🌸

يا صباح الورد 🌹 أولا احب اشكرك على طرح سؤالك لثقتك في فدني " الموضوع: انا رفيعه جدا ، نتجه عن ذلك عدم ثقه في نفسك من خلال ايمانك برأي الآخرين وهم قله قليله تافه . فيه ناس شكلها موش اووي ومع ذلك عندها ثقه في نفسها تخليك تحس ان هي هند روستم من كلامها عن نفسها من حبها لنفسها واحب اقول لحضرتك بما أن انا رجل اهم حاجه في البنت هي اهتمامها بنفسها ، وطريقة تفكيرها ، يما شوفت عن تجربه شخصيه اجمل بنات لكن سبحان الله لا تصلح أن تكون زوجة ولا تصلح أن تكون ام ، لكن انا مع ذلك لا اقول ان شكل غير مهم بل هو مهم بس فيه حاجات أخري اهم .. ولكن ما عندك "رفيعه جدا" ليس عيب لا شكلي ولا أخلاقي دا أمر طبيعي جدا ممكن يتغير مع الوقت . انا شخصيا اعرف بنات لما تتجوز وزنها بيزيد ودا ممكن تسالي فيه دكتور للتأكيد من ذلك لكن رجاء لا تلتافتي الي ارء الآخرين، بل اهتم بنفسك ومظهرك جدا ، اهتمي بثقافتك ، وان كان هذا الشاب المقدم اليك ترا فيه خير خوضي التجربة وعسي أن يكون خير . ثقي ف نفسك وعتزي بحالك ولا تجعلي اراء الآخرين تؤثر فيك 🌸 تحياتي

ابداء الاول بقرب الناس ليك ويكونوا في مرحلة الدراسة ، ابدأ مجاني ، شوي شوي الدنيا هتضحك لك

عليكم السلام ورحمه الله وبركاته 🌸 أولا: رجاءا ممنوع تروحي لشيخ تاني في هذا الأمر انتي انسانه متعلمه موش جاهله... ثانيا/ انتي ليه موش بتروحي الكلية ؟؟ اول كليه وبتفكري في الزواج موش معقول الأهم من الزواج هو شهاده التعليم حتي لو موش حبه الكلية أو موش هتشتغلي بها ، لكن احصلي على الشهادة وبتقدير كويس وخلال سعي هيجي الزواج لأن الزواج من الحاجات إلا بتجي لوحدها لكن عليك سعي من خلال حسن العبادة ، حسن الأدب والأخلاق ، اهتمي اووي بمظهرك الخارجي من البس وغير ذلك ... مطلوب منك تطوير من نفسك اقرائي عن الزواج مثلا وكيف تكوني زوجه ممتاز ، اقرائي في دين ، خلي عندك ثقافة بوجه عام علشان لما يحصل خطوبه لشخص ما يحترم دماغك موش مجرد بنت وسلام افهمي في لبس تعلمي كل شيء علشان لما يجي وقت تستخدمي تعليمك دا ، ومترضيش باي شخص يتقدم لك ،خالي عندك طموح في الاحسن والافضل دائما .... مستقبلك اولا ..... مازل امامك المشوار طويل.. تحياتي 🕊️🌸

انتي محتاجه تساعدي نفسك وبعد كده تفكري فيه حياتك اهم أولا ظبط حياتك وشوفي انتي محتاجه اي ورجعي تاني بس وانتي أحسن من كده قربي من ربنا اووي خلي الروحانيات تكون عالية عندك هتظبط نفسيتك في وقت قصير بعد كده شوفي دارستك اي اخبارها أو شغلك اي اخبارها الخطوه إلا بعد كده اعطي اهتمام لنفسك من حيث المظهر الخارجي اهتمي بنفسك اخرجي كل يوم لواحد قبل المغرب بساعة وتمشي علي البحر وحكي مع نفسك كل ده وانتي غيب عنه مفيش كلام بينكم ممكن بعد كده تاخدي قرار في سؤالك ؟؟؟ تحياتي 🕊️ 🌸

نبذه مختصره عن يومك يعني لما تقومي من نوم بتعملي اي و من خلال يومك نقدر نقيم انتي محتاجه اي

اعجبني سؤلك ولكن بكل ما تفعليه لان ستصبحي سلعة معروفه لدي الجميع وسيعرف الكل من انتي وسيحكي لآخر للآخر عنك ومن هنا ستكون لديك سمعه مقرفه لأن بطبع انتي معروفه عند كل ، ولكن هذا الأمر يوجد شئ يقوي قلبك عليه وعلي فعله قد تكوني جميله وقد تكوني غير ذلك ولكن تسعي لوقوع الشباب في حبك ولكن علي راي المثل "موش كل مره تسلم الجره" احذري ياختي فما نراه الآن في مجتمعنا من أن يقوم شب في مقتبل عمره بذبح حبيبت قلبه امام أعين الناس كما حصل في جامعة المنصورة وحصل في بورسعيد وحصل بعد ذلك في كفر الشيخ كان سبب ذلك هي فتاة مثلك وهكذا تبدأ القصة وتنتهي بهذه النهاية المؤلمة ، والله اني للاخاف عليك ، فكري فيما قلتي في البداية " انا عندي اهداف" اريدك ان تسعى لتحقيقها ، وخاف أن تلطخي سمعتك بل هي ليس سمعتك فقط بل سمعة ابيك امك اختك اخوك .... تحياتي أخاف عليك🕊️🌸

القاعدة العامة عند المرأة بتقول أن " المرأة تحب الرجل المتفائل الشجاع صاحب الأهداف الطموح" بالنسبة للرجل مننا اصح إن هو ما يشتكي للمرأة بذات لو الانسانيه دا هتكون زوجته في المستقبل القريب فلازم يظهر باحسن صوره قدمها .... ولكن هذا يدل علي أن هذا الشخص هذه صفه فيه موش مجرد ظروف اي هو هيشتكي في الحلوه والمره هكذا هو طبعه ولكن حتي نتأكد من ذلك يجب علينا أن نضعه في اختبار وهذا الاختبار سيكون من صنعك انتي شوفي رادت فعله يعني مثلا لو عيد ميلاده "هو" موش انتي هاتي ليه هديه وتكلموا مع بعض وأثناء كلام شوفي هل هو يشتكي بردو حتي في الأوقات الجميلة ولا اي .... وسؤال هل هو صاحب انجازات في حياته ؟؟ هل هو حاليا صاحب هدف ؟؟ هل هو ناجح في عمله ؟؟ كيفيه علاقته مع أهله ؟؟ كيفيه علاقته مع ربنا سبحانه وتعالى ؟؟ ..... وبناء على الإجابة ممكن تاخدي القرار. تحياتي 🌸

قد اي انت انسان محترم وربنا هيكرمك،، تعرف لي ؟ علشان انت خايف علي زعل امك يا لك من ابن بار وربنا هيكفأك في الدنيا والآخرة إن شاء الله 🤍✨ ندخل في الموضوع ،،،، اولا علشان نرجع تاني احسن من الاول لازم يكون القرار دا نابع من جونا موش مجرد قرار نفذ علي أرض الواقع. ثانيا انت عاوز تكسب ثقة امك إلا كانت اصلا ثقتها فيك قليله ، لازم يكون عندك علم دا موش عدم ثقه دا خوف عليك والله هي فعلا حاليا بعد إلا حصل دا اكيد موش واثقة فيك لذلك احنا عاوزين قبل شهر رمضان وفي رمضان وبعد رمضان نخلي امك الفاضلة الكريمة تعرف انك اتغيرت بلفعل صلي في البيت بعض الفروض ، ساعدها في المطبخ ، حاضر ونعم ، اقرأ القرآن بصوت عالي في غرفة نومك ، خد اخوك ونزل صلي، تناقش معهم في البيت عن موضوع مهم استمر في ذلك ومع الوقت هتثق فيك ولكن موش هتبطل خوف عليك .. تحياتي لك 🌸🤍🌸

هي دائما بتبداء كده فيها جوا من الاحترام والأدب ولكن سرعان ما ندخل في تفصيل لا يتحدث فيها إلا المتزوجين لذلك كلما ادخل علي مواقع التواصل الاجتماعي اجد عبارة من كثرة ما لقيتها صدفه اشعرت أنها تطردني ألا وهي " البداية في العلاقات التي لا ترضى الله لن ترضيك نهايتها" ... ولكن عندي ملحوظه صغيره جدا شعرت في كلامك الثقه الزائدة التي تكاد تصل إلى الغرور ،مثلا ،انا عارفه حدودي كويس ، محدش هيعرف يوقعني ، محدش هيعرف يضحك على ، وغيره.......،.. اختي كفاك ضحك علي نفسك انا اتحدث معكي من صميم التجربة الشخصية فلا تستهيني فنحن في زمان كثرة فيه الذئاب. كفي عن هذا ..، ونصيبك من الحب سيأتي لك ، فمثل ما تقومي معاليك به ما هو إلا تضيع وقت ولكن قد تكوني انت الفريسة ، واكيد طبعا دا اول علاقة لك علي سوشل ميديا ، .... تحياتي 🌸

عجبني اسلوبك الراقي وتربيتك علي الاحترام عجبني خوف أهلك عليك وحرصهم علي سمعتك لذلك نسأل الله العظيم رب العرش العظيم ان يهديك الي طريق الحق وأن يرزقك برجل تكمن فيه مواصفات الرجولة... ندخل في الموضوع حتي لا أطيل عليك ؛ باختصار شديد جدا الواضح من كلام معاليك انك تعلقتي به تعلق جزئيا وليس كلي وهذا هو افضل شئ في الموضوع. ليه؟؟؟ علشان دا شخص بحب واحده تانيه وموش قادر ينسها ،دا شخص محاولش يفهمك هو ليه بيعمل كده دانا فكرة إلا مات "امه" الموضوع اكبر من كده وانتي ليس علي البر واكيد موش هتعرفي تعومي في جوا الكذب دا فبلاش ندخل جوا اوووي انا عارف إن البداية كانت جميله ، بس فيه بدايات احسن وافضل ليس هتجي هو لو شريك موش هيكلمك بالعكس هيجي ليكم البيت وهيتقدم ودا إلا كان المفروض يحصل في الاول ... انا ملاحظ انك موش مراهقه خالص بالعكس عند نضج ودا ظاهر في كلامك . المفروض إلا يحصل أي _ اعملي ليه بلوك تاني امسحي الماضي كله بحلوه أو مره ارجعي شغلك وفكري في مستقبلك حافظي علي أهلك وسمعتك إلا رزقك قبل هيرزقك بعد فرب الماضي هو رب المستقبل 🕊️🌸

😂😂 عجبتني اوووي خايفه لما اتخطب يكون اقصر مني.. اولا اشكر علي اصرارك العظيم وحبك لدراسه وانك تكملي تعلميك انتي قدوة لكل واحد أهله موفرين ليه جميع سبل الراحة ومع ذلك فاشل. ثانيا/ مبروك علي العمل فانتي في مهنه عظيمه تبني فيها اجيال فهم زهره هذه الدنيا فانتي بطبع لك بصمه مؤثره في حياتهم ومن منا ينسي استاذاته ومعلميه الأفاضل جعلك الله نافعه. ثالثا/ مين قال انك موش عندك ثقه في نفسك انتي عندك ثقه قوي جدا ودل علي ذلك قولك( انا جميله اوي) فانتي عارفه نفسك ، انتي شتغلتي ، انتي موقفتيش محلك سر . رابعاً/ انا راجل طولي١٧٨ فانتي موش طويل اووي موش اوفر مع العلم أن انا عارف انك مميزه بالنسبه لجنسك (المرأة) فهذه ميزه موش عيب خالص ، وكمان علشان لما تتجوزي هو يزعلك تعرفي تضربيه هخاف منك 😂 رجاءا سمحي أهلك 🌸

اولا احب ان اشكرك علي حسن إدراكك للموقف والمحاولة مرات عده للعلاج. لكن انا لي طلب عند حضرتك كما ذكرتي انك حاولتي مرات عده نقطه ومن اول اسطر.. استوب هنا . انسي امك اخواتك ابوك لا فائدة معهم ولكن انظري الي الجانب الآخر من هو الجانب الآخر. هو ... اخيك ، زوجة اخيك ، احسني معاملة زوجة اخيك جدا وكوني لها اخت وصديقه وان حاولت الخروج والغضب وهي بالفعل ستفعل ولكن عليك لمي شمل العائلة ودائما هدي الموقف خليها ترتاح الي الحديث معك فتكون اصدقاء وستحكي لكي عن أفعال امك وأبيك وهنا عليك أن تكوني برهم لها داء للجروح والألم صبريها حتي تعيش وتحملي عنها بالمساعدة في العمل والخروج معا وستكوني انتي الشئ الوحيد إلا مصبرها ومحببها في البيت . النصيحه الأخيرة والمهمه جدا (شغلي في البيت دائما القران)🌸

اولا احب اوضح لك حاجه مهمه ،انتي حزنك واكتيابك دا نتيجة علي انسانياتك ولكن الذنب ليس عليك علي سائق سيارة الذي لم يراعي اي شئ علي الطريق الذنب الدوله بل كان من ممكن أن تتسببي في حادث سير فظيع لو عرفتي أنها كانت تعدي الطريق معك كنتي هتحاولي تنقذيها علي طريق كما ذكرتي سريع فالحمد لله أن نجاك الله.🌸

انت عندك ٢٦ سنه يعني تقدر تعقد مع نفسك وتحل مشاكلك كلها لواحدك علي رغم إن فراق صعب واكيد بياثر فينا بس لازم تقعد مع نفسك وتتكلم معاها وتعرفها إن اعز اصدقائك راح خالقه بالنسبة ماضي العائلة والفراق إلا حصل انت موش ليك يد فيه ومع الوقت هتنسي واكيد دا ينفعك في تعامل مع اولادك بعد كده أخرج غير روتين يومك روح چيم كون اصدقاء هناك الماضي هو عدي فبلاش تخليه يسرق منك الحاضر ويضيع منك المستقبل ، كلنا عندنا مشاكل ولكن مكملين ولكن تذاكر دائما إن الايام موش ذي بعضها. خالص العزاء والمواساة علي صديقك للهم اجعل قبره روضه من رياض الجنه هو وجميع المسلمين 🤲

اذهبي الي دكتور مختص "نفسي" ويفضل أن يكون دكتور معروف عنه أنه ذو خبرة بلاش اي دكتور وخلاص العلاج النفسي يحتاج إلى صبر واستمرارية في العلاج علشان العلاج النفسي بذات يحتاج دكتور متميز في عمله معروف عنه التفوق في تشخيص الحالة والعلاج ،ونسال الله العظيم رب العرش العظيم ان يشفيك 🤲🌸

اهتم بالعناصر الغذائية اوي وافضل العناصر الغذائية عن تجربه شخصيه (الجرجير) ممتاز جدا وفيه زيت لشعر يصنع منه لكن اكله احسن وافيد اهتم بالعناصر الغذائية مثل الخضار والفواكه الطازجة واكل السمك إلا نه يحتوي علي اوميجا ٣ بلاش تضع أي كريم علي شعرك أو تغسل شعرك بالصابون العادي بل يجب الغسل بنوع معين من الشامبو ولا تغير في نوع ثبت علي نوع واحد غير مغشوش. واخيرا اعرف إن سقوط الشعر يوجد له سبب رئيسي هو (كثر المشاكل والتي ينتج عنها تغيير المزاج والغضب وهذا أمر أكد عليه الجميع ابعد عن الزعل والغضب)🌸🤲

شك زيادة نتج عنه القلقل والتوتر النفسي إلا حضرتك فيه ليس ناتج عن تجارب سابقة بل عن تجارب أشخاص سابقة تحدثوا امامك عنها وتظني أن جميع مثلهم .. القاعدة المهمة في التعامل مع الناس هو ليس لنا منهم إلا ظاهر اما الباطن فو فعلم الله لكن دا موش معناه اني أسلم نفسي واسراري في ايد اي شخص فلاحتياط واجب في كل الأحوال ، شك زيادة إلا عندك هخلي كل الاحولك ينفر منك ... ستكوني شخص غير محبوب لذلك نتعامل عادي مع الناس حتي يظهر لنا العكس .🌸

عليكم السلام ورحمه الله وبركاته ، سؤالك بيوحي لينا انك علي علم بالناس إلا حواليك وعارفه مين ينفع احكي ليه ومين مينفعش ودا خطوة كويسه جدا هتبعد عنك الخذلان مره اخرى ، لكن هو كل إلا حوليك موش فيهم حد ينفع اني أمنه علي أسراري ؟ اكيد فيه ولو امك مثلا او اختك وهم اقرب الناس اليك وكمان المعروف إن سر البنت بيكون مع امها .. ولو نفترض العكس يبقي حياة بدون صديقة أو صاحبة افضل بكتير ررر من حياة هتاتي لي بمشاكل نفسية فيما بعد.... 🌸

عليكم السلام ورحمه الله وبركاته ، مبررررروك علي شغل 🤍💫 ٩٠٠ج مبلغ كويس في البداية واكيد هيزيد بعد كده لكن من حيث الإدارة للمال بيكون حسب اولاوياتك يعني مثلا فيه حاجات لازم تكون رقم واحد في حياتك وانتي ادرا بيها منا . لكن في بداية الشغل اي شغل يفضل اني اركز اوي علي مظهري فشتري لبس خروج ، واهتم بشكلي ، بعد كده بفكر هو شغل محتاج اني اطور من نفسي ولا .... فاخد كورسات في مجالي ..لو موش محتاج انا طور من نفسي اخد كورس كمبيوتر (ICD ) ، الاكل والترفيه موش مطلوب في الاول .. المطلوب منك انك تثبتي وجودك في الشغل وكفاءتك علشان المرتب يزيد شوي عن كده ... ولو جيت احسبها بالارقام الأمر يختلف من شهر لآخر وحسب الاحتياجات+ أن المرتب موش كبير لكن المفروض عليك انك تكوني عارفه اي المهم أو ي العكس ، الاكل بلاش افتري فيه هتتعودي علي كده ليس الالتزامات جاي... موش هتكلم علي الصدقة بس اعطي للفقراء والمحتاجين وانتي راحة الشغل بنية إن ربنا يوفقك ويكرمك. لكن عندي ليك نصيحه من ذهب ( إعلمي جيدا ان الفلوس إلا في جيبك هي سندك في الدنيا فلا تفرطي في قرش واحد علي فاضي )🌸

اقطعي علاقتك بيه فورا العلاقة دا نهايتها موش كويسه خالص موش هدخل في الحديث عن تفاصيل لكن هكتفي إني اقولك إن خطيبك دا هيدمر كيان العائلة.

حضرتك مخطوبه بقالك قد اي ؟ المطلوب منك حاجه واحده بس ، اعطي نفسك فرصة تتعرفي علي شخص دا (خطيبك) فرصه وخليها طويلة الأجل انا عارف انك هتعملي مقارنة بين دا ودا بس حرام نعمل مقارنة دلوقتي شخص انا اتعارفت عليه من سنتين وشخص جاد تقدم لي وليس احنا في بداية التعارف ، مفيش وجه مقارنه دلوقتي..... لكن فيه دراسة لخطيبي وبعد الدراسة انتي حره في قرارك بس اوعي تئذي خطيبك...... ودوري علي مصلحتك... كان فيه كتاب بتكلم عن العلاقات وقال حاجه مهمه جدا قال(إن الحب الحقيقي فعلا هو إلا بيجي بعد الزواج أم البداية فدائما فيها الاحتياج العاطفي والجنسي بكيون مسيطر .) #إعطي فرصة لنفسك لتعفي من الماضي. #إعطي فرصة لخطيبك.🌸

دا ناتج عن الخلافات السابقة إلا حضرتك عشتيها دا سبب ليك انك تتعملي كالاطفال لابد من عرض نفسك علي دكتور ودا أمر مهم جدا علشان ١٦ سنه دا سن المفروض انك في حالة ذي دا تكلمي معاهم تهدي بنهم ...موش تبكي ذي الاطفال... لابد من علاج .... ولازم دكتور يقعد مع امك وأبيك 🌸

هو انا موش مطالب اني اغير فكرة الناس عني ، المطلوب مني اني اكون راضي عن نفسي ، واثق في نفسي ، ام راي الناس أو نظرتهم ستكون منبع من مصلحة ليهم ، فلو مصلحتي عندك هحبك ، لو انتي هتساعدني هحبك ، لكن انا راي اي في نفسي موش مهم راي الناس..... لكن في المجمل احب اقولك كويس انك غيرة الناس المريضة عسي أن تجد من يهتم بك ويعطيك وضعك فتغير مهم حتي في الأشخاص..🌸

فتره وتعدي ؛ يمكن علشان انت قلق بسب الدراسة ولامتحانات. كمان الثانويه العامه فترة من عمر صعب بمعني الكلمة. لذلك المفروض عليك انك تقرب من ربنا من حيث الصلاة وقراءة القرآن هتجيب نتيجة إن شاء الله ومتنساس كمان أن العالم كله حزين جدا علي ما يحصل في غزة كل دا كفيل يتعب النفسية علشان كده دايما التعب النفسي يحب التغيير وتخفيف لو بكلمة دائما سمع نفسك كلام إيجابي وحفز نفسك علي قد ما تقدر ، محتاج كمان اتهتم بصحتك ، بالنسبة الموت دا امر واقع تذكرك به يخليك تقرب من ربنا قرب ..... #فترة وهتعدي .🌸

رزان * اسمعي كلام زوجك وحافظي علي بيتك ، وغير ذلك لا تتبعي وان كان هو مسافر فهو مسافر علشان يوفر لك حياه كريمه وسعيدة اصبر ثم اصبر ودائما ركزي على الأساسيات لو هو موفرها خلاص كل بعد كده يعدي عادي ،وبكرة الدنيا تحلي لما يرجع واكيد ذي مانتي بتحبيه هو كمان بحبك ، الحياة الحلوه محتاجة تضحيه تعب الفلوس بتجي بصعب معدش فيه سهل ، من نفسه هيقولك روحي عند أهلك بس بلاش ندخل في جو مشاكل ، لكن ممكن انك تتوصلي معاهم عن طريق الفون أو سوشل ميديا 🌸

عليك استشارة الطبيب المختص عليك الصبر فما أنت فيه ليس هين ولكن هو عند الله ثوابه عظيم. نسال الله العظيم رب العرش العظيم ان يشفيك ويشفي كل مريض يارب العالمين ❤️✨🤲

من المجتمع ؟ المصلحه العليا هي مصلحتك وليس المجتمع. اما بالنسبة لنظرة اقرابك لك فهي موش مهمة . المهم انتي رايك اي شايفة اي ؟؟ وكمان ٢٩سنه موش كبير خالص ؟؟ وبالنسبة (ابنه) اكيد ممكن عند أمه يتربي أو العكس عادي مفيش مشكله. لكن المطلوب منك الآتي ؛ عايزك تركزي معاه وتفترضي إن هو موش متجوز قبل كده وموش معاه اولاد ، وتبدأ تدوري فيه علي عيوبه ومميزاته بلاش تركزي دلوقتي علي حاجات موش مهمة ركزي علي شخص نفسه لو هو ممتاز وفيه الخير نتوكل علي الله لكن قولك أن هو حنين دا موش ميزه ، فيه حاجات اهم . ولاهم في الموضوع بداية علاقته مع زوجته السابقة لازم تدريسها كويس جدا جدا من جميع النواحي وهل هو مازل يفكر فيها ؟؟؟ أما لا .. الموضوع محتاج دراسة وليس مجرد عواطف وحب . وليس معني ذلك أن زواج السابق يعيبه أو أن معه اولاد ذلك ليس عيب . فما يعيب الرجل منا واضح وضوح الشمس 🌸

انت تحافظ علي صلواتك ومتدين كما إنك حريص علي صلاة قيام الليل فلما كل هذا القلل . وما معني لديك وسواس في الدين ؟؟ فانت ذكرت لنا فضل الله عليك ، ورحمته التي تصيبك من يسر وتوفيق وحفظ ورعاية. فاي وسواس هذا؟؟

عليكم السلام ورحمه الله وبركاته ؛ اربط بين الخلاف إلا حاصل بينك وبين عماتك علي الميراث وان هما سبب في عدم إتمام اي خطوبة لكي سابقة "ليس له أساس من صحة" يعني حضرتك بتصلي و بتصومي بسم الله ماشاء الله واكيد بتقراء قرآن فد كله موش كفيل أنه بحفظك من الأعمال ولاشك فإنه كفيل بذلك. دوري بسبب الأساسي ممكن يكون انتي سبب أو العريس موش مناسب دوري صح 🌸

عليكم السلام ورحمه الله وبركاته ؛ خلال فترة الحمل تعرف هذه الفترة باصعب فترة تمر بها المرأة و ذلك نظرا الي تقلبات المزاجية والنفسية فمن الصعب أن تاخذي قرار فيها ولكن حضرتك ذكرتي انك كنتي ترتدي النقاب خلال الفترة الحمل وبعد ذلك لم تقومي بلبس النقاب مره اخرى وسؤال المفروض إلا حضرتك تسالي نفسك عنه لماذا تريدي لبس النقاب ولن نتحدث عن فترة الحمل فهي فترة لها ظروفها الخاصة ولكن لبسك وثباتك علي النقاب دا امر خاص بيك انتي فقط هو بينك وبين الله فلازم تكوني قد القرار بمعنى موش كل شوي نخلع النقاب نرجع نلبس النقاب ودا أمر غير مقبول ونسأل الله لك التوفيق في الأمر والثبات على الحق 🌸🤲

احكي مشكلتك وكل هيشارك بالإجابة وهيرد عليك مختصين في فدني هم هنا علي وعي وإلمام بالمشاكل الخياة

انا عندي وجهه نظر مختلفة الحب قبل الزواج مهم جدا ودا رأي ع الأقل بنعيش حاجات حلوه مع بعض ومشاعر جميله بدون تعدي يعني شوق ، الحنان ، الاهتمام ، الحديث المشترك وحاجات كتير جميله تخلق مع الحب ولكن البعض يعيش ف العاطفه ويقضيها كلام جميل ، مشاعر جميله ، بذات ف الخطوبه. ومفكرش حتي يعرفها مين هو بيحب اي. ،بكرة اي. بخطط اذي للمستقبل ، وفيه حاجه حلوه اووي ونصيحه للاخواتي الشباب والبنات أيضا اووع أو اوعي تعدل ف شريك حياتك أثناء الخطوبه حاول كده قبل ما تعلق تركز ع أفعاله ، ركز على طبيعته بدون تعليق منك ع اي حاجه ركز معاه فقط حاول تكتشفها أو العكس ، الخطوبه ليست كلها عاطفه.. ⚖️✨

برنامج جميل جدا جدا انا بستخدمه وسهل الاستخدام اسمه digital detox

يعني ممكن ٩٠ يوم غير احتلام لو عد عليك الفترة دا من غير احتلام روح لدكتور مسالك بوليه واشرح ليه وهو هيفيدك.

قوي ثقتك بنفسك اكتر من خلال القراءة ، تعرفي إن قراءه القران بتعالج حاجات كتير اوووووي ومنها عدم التركيز ، عدم الثقة بنفس وبذات لو بتقراءي بتدبر وصوت عالي.

فيه برنامج قوي جدا جدا لتركيز انا فعلياً مشغله ع طول ع هاتفي اسمه digital detox

كلنا كده

هو من أقام شرط وهو من قام بإلغاء الشرط لذلك لا يقع الطلاق لانه أباح لك أن تتوصلي معاها ولم تحدث مخالفة منك لكلامه.

هو انا مش فاهم ليه انت ربطت المرض إلا عندك ف المعدة بالاكتئاب ، بمعني آخر اي إلا جاب الاكتئاب لحضرتك ؟؟ ع قولك انك انسان شاطر بتحب نفسك ،بتحب الحياة ، اي المشكلة ؟

ارمي كل حاجه وراء ظهرك ، وركزي معي ف حاجه واحده بس طول الشهر دا مفيش غيرها " علاقتك ربنا" وكل حاجه هتظبط لواحدة..

ركزي في كلية واحده هو مش بزنيس دا مذاكرة ومجهود ومستقبل

ع حد قولك انك مش ذننه بالعكس مكالمه واحده ف اليوم تكفي ليك وليه ، لازم تتعرفي علي شخصيته ، وذكاء منك حاولي تعرفي اي سبب اطلاق ، وكان أمتي ، عسي أن يكون قريب ودا سبب أنه ليس عنده ازمه نفسيه بسبب الطلاق ، غير كده عنده اطفال الأمر ليس هين بالنسبة ، لو شيفاه خير فيه حاولي تعرفي عنه كل حاجه بس بشويش ع هادي ، خليك فاكره ان الراحه النفسيه اهم من الفلوس ، ممكن يكون مبسوط بس يتعبك نفسياً فيما بعد ويريحك مادياً ، عليك ب الاستخارة مهم اووي انك ترجعي لربنا ، لكن بسال نفسي هو ليه مش بتكلم معاك ، الأمر الآخر ليه خايف من فكرة الاطفال ، من الممكن يكون خايف من الفشل مره اخرى ،ممكن

اه ينفع اسمها صنيه ف الفرن علي ما تذكر بتكون شرائح بطاطس ، مع شرائح طماطم ، مع شرائح بصل ، مع بعض شوربه الفرخ ، وتسويها ف عرقها.

السلام عليكم ورحمه الله وبركاته ، هو هيروح لدكتور هيعرفه إزاي يتعامل صح ، والطريقة المناسبة في تلك الحالة ، وانتي هتروحي لدكتورة وليس دكتور ، هتعرفك تتعاملي صح مع التشنج ودا أمر طبيعي جدا جدا ، وخدي الأمور عادي ببساطه دا مش مرض دا أمر طبيعي جدا جدا انت مش مريضه ولا هو وإن شاء الله خيرا وتكوني احسن ام في الدنيا ، ولازم تكوني متفهمه مع زوجك ، وتقنعيه بذهب لدكتور. رجاء حلو الأمر بينكم في سريه تامه بلاش تدخل الأهل الأمر بسيط جدا ⚖️✨

اتكلمي مع اقرب حد ليك

بتستخدمي الموبايل كتير؟

ممتاز ✨ توكل ع الله عسى أن تكون قارب نجاة لها ولاسرتها

العقد شريعة المتعاقدين واحب أقول لحضرتك هو بفعلته بين سوء نيته في عدم البيع وبكده البيع لم يتم لاختلاف البيانات الجوهرية من اسم رقم قومي عدم وجود شاهد على الاوراق فهو بيع باطل

هنا المفروض نرجع للرقم القومي علشان هو اللي هيفصل بين حازم احمد و حازم محمد. ومن الممكن أيضا الرجوع إلى بصمه الاصبع

كم عمرك ؟؟

انتي محتاجه تقوي نفسك ودا من الناحية الشخصية يعني مثلا موش كل حاجه بتتحل بلخناق لا فيه قوة الرد من خلال الكلام ودا محتاج شخصية قوية ، وبذات إن حضرتك بنت لازم نراعي داه "حضرتك بنت" يعني تحلي امورك بالاسلوب القوي في الرد وهنا مطلوب منك تتعلمي "فنون الرد " وبعد كده انتي سنك كويس انك تنزلي الچيم انزلي ونحاول يا ملاك نبعد عن المشاكل موش كل واحد لازم نرد عليه وممكن كمان الجاء الي اخي الكبير لكي يرد مكاني .. تحياتي ملاك 🌸

كم عمرك ؟؟

💐

أسأل الله العظيم رب العرش العظيم ان يشفيك.

🌸

لم استخدمه من قبل

العفو 🌸

عندما تتزوجي ستجدي من يقف معك كما فعلتي ما زوجة اخيك 🌸

كنت متوقع هذه النتيجة ورد الفعل من امك ولكن انتي أنه هي غلط وفعلها غلط خاليك انتي مع صح والا زوجة اخيك لن تبقي يوم واحد في البيت "كل البيت أصبح فريق عليها وهي وحدها تواجه"

خسارة الإسم الحلو ده يموت ، انتي ليه طرحتي سؤالك هنا في (فدني) موش علشان احنا هنا نساعدك علشان كده بقولك لو جاهزة ومستعده فحنا مستعدين للمساعدة ، غير ذلك فلخيار لك ، ولكن تذكري جيدا أن مانتي فيه من شقاء انتي سبب فيه وتذكري جيد أن لا ييأس من رحمة الله إلا القوم الكفرين، فدائما يوجد شئ يعيش العالم جميعا عليه بل هو سبب فإن اعيش حتي لان شخصيا اسمه. ( الأمل) .🥀

الحياه فيها حاجات حلوه كتير

ليه كل هذا الإصرار على الموت

مثل ما كنت ! هو انتي كنت اي الأول ؟

الرجوع بيكون صعب لكن لما بنحاول بنرجع ... انا بحاول اساعدك تخرجي من دائرة المظلمة

انتي حافظه القران

علاقتك مع ربنا عامله اي ؟

كونك مسلمه ، انتي اكيد بتحبي ربنا واكيد كمان نفسك إن ربنا يوفقك ويكرمك في حياتك ، علشان تمري من المرحلة الصعبة إلا انتي فيها لازم تقربي من ربنا ، انا عارف إن عندك مشاكل مع أهلك ودا مآثر عليك بس كل إلا انا عاوز منك انك تتعفي نفسياً وتقبلي ظروفك بقلب قوي 🌸

انتي مسلمه ؟

كليه الفنون الجميله من اجمل الكليات ، انا عايزك تمحي فكرة الانتحار من دماغك خالص ، وكمان انتي في كلية صعبه موش اي حد بيدحل فنون دا عايزه موهبة ومنين تقولي انك موش ذكية ، وكمان عندك حلم فيه يعني هي بالنسبة لك موش كليه وخلاص... كملي في الدراسة ، بس قبل ما نتكلم في المهم المفروض انك تقعدي مع نفسك وتكلمي وتاخدي عهدي على نفسك انك متفكريش في الانتحار تاني ... احكي لينا انتي نفسك تعمل اي ؟ كمان لو حبه نتوصل مع حد من أهلك انا مستعد

الموت موش حل ، احنا هنا علشان ندور مع بعض علي حل ،في البداية كده لازم تغيري تفكرك عن نفسك ، ممكن تعرفينا بنفسك اكتر من هي Em وبتحب اي ؟ من حيث الدراسة انتي في كلية اي؟

اعطي لنفسك فرصة اخري واحنا هنساعدك...فرصه ثانيه

دا اصعب مرحله بتمر علي الواحد مننا " المرهقة" وفيها تقلبات مزجية وبيكون الإنسان مننا في المرحلة دا بذات نفسي

عندك كم سنه

Emily سيبك من الهبل دا انتي ضعيفة اوووي لدرجة أنك بتقولي إن هما اذكي مني يعني اي انتي اكيد فيك مميزات موش فيهم واكيد انتي شطرة ومتفوقة بس انتي موش عارفه تعرفي نفسك موش عارفه حتي انك تثبتي ليهم انك بنت راجل قد المسؤلية ، انتي يا Em ممكن اسالك انتي عملتي اي في حياتك في الدراسة في علاقة مع الآخرين حققتي اي يخلي الناس واهلك خصوصا يقولو عنك انك متميزه بلاش الضعف دا وننشف بقا موش خايفة من عقاب ربنا إلا انا موش عارف علاقتك مع ربنا عامله ايه ؟ انا متاكد انك فيك حاجات كتيره حلوه بس انتي كسوله موش بتحبي الموجهة لازم تحبي الفشل وتتقبلي أهلك وتصممي علي تغير وجهه نظرهم 🌸

ليه بيعملوك واحش

أصبحتم اصدقاء ودا اجمل شي 🌸🤍

اسال الله العظيم لك الشفاء والعافية 🤲

اضافه لذلك ( استخدم الماء الساخن دائما و ممكن تجلس فيه اي تقعد في إناء واسع مع استخدام مطهر في الماء+ فيه علاج بالاعشاب الطبيعيه جميل جدا ممكن تسال عليه عند اي عطار بس يكون فاهم موش اي عطار+ لا تمارس الرياضة لأن وبذات الچيم لحين الشفاء بعد ذلك يمكنك ممارسته الرياضه+ لا تجلس فترات طويلة علي كرسي ، تحرك ، وفيه بعض البراهم تساعد علي تخفيف الالم . واسال الله العظيم رب العرش العظيم ان يشفيك 🌸🤲

اتبع نصائح روبوت

*ومن قلبي ادعوا الله العظيم رب العرش العظيم ان يهديك الي صراط مستقيم وان يشفيك من اي داء وان يمن عليك بفضلة* 🤲💗

علشان كده بقولك الشغل هيكون مفيد ليك جدا وهينسيك الخلافات والماضي كمان