عارفين أما تكون في طريق والطريق دا طويل اوي اوي وانت طول الطريق بتشجع اللي ماشيين نفس الطريق وتحفزهم وتقولهم انتم أقوي وتسندهم وتخليهم يكملو بعد ما وقعو وتيجي انت يا حزين طاقتك تتسحب وميبقاش عندك طاقه وتكمل برضو وفجأه تتكعبل وانت ماشي فتقع فرجليك تتكسر فتيجي تزحف مش قادر طاقتك راحت فتيجي تدور على حد يسندك ما تلاقيش ومهما تنادي محدش يسمعك مهما تحاول انت مفيش طاقه ولا رجل تساعدك تقف عليها،
اختصرت حياتي في تشبيهات انا لا رجلي مكسوره ولا غيره بس نفس الإحساس بالعجز
إحساس بالعجز والندم علي مساعدة غيرك وانهم شافوه واتخلو عنه إحساس التخلي دا وحش اوي المفروض حد يسندك حد في الدنيا دي مفيش، ازاي أكمل لوحدي ومبقاش غير شهرين علي امتحاناتي
في قاعدة بسيطة: “اللي بيدي أكتر من طاقته، طبيعي ييجي عليه وقت وميلقاش حاجة لنفسه.” انتي اتعودتي تكوني مصدر القوة لغيرك، بس محدش علمك تبقي مصدر راحة لنفسك. فبقيتي واقفة في النص… لا قادرة تكملي بنفس القوة، ولا لاقية حد يسندك زي ما بتسندي. مش كل الناس بتعرف تدي زيك، ومش كل القلوب شبه بعض… فمش عدل تقيسيهم عليكي. العدل الحقيقي إنك تبدأي تدي لنفسك الأول. افتكري دايمًا: اللي مش بيريّح نفسه، عمره ما هيكمل في طريق طويل. ربنا يعوض قلبك براحة وسند يليق بيكي 🤍
تم النشر الخميس، ٩ أبريل ٢٠٢٦
احنا بشر طبيعي بنتعب اوقات و نقع اوقات و أفكارنا تكون بمنتهى السلبيه اوقات تانيه .. مش مطلوب ابدا اننا نكون ايجابيين على طول الخط .. محتاجين نكون رحماء بأنفسنا لما نقع و و مع الرحمه دي نكون واعيين كفايه نبقى قادرين نحتوي نفسنا و مننكرش عليها أي شعور بتحسه مجرد ما تسمحي لنفسك بانك تحسي المشاعر دي هتخرج و تاخد وقتها و تلاقي نفسك قادره تقفي تاني على رجلك اما بالنسبه لانك ساعدني ناس كتير و ملقتهمش جنبك لما وقعتي .. فحاولي لما تكوني احسن تراجعي مركزيتك في مساعدة غيرك هل أنا كنت يساعدهم عشان كنت مستنيه منهم نفس الحاجه و لا كنت يساعدهم طاعه و عباده لله بقضاء حوائج الغير و تيسير أمورهم و جبر خاطرهم و صدقيني لو عملتي كل خطوه فيها نفع في حياتك حتى لو كانت اكله لحد بتحبيه و انتي قاصده بيها وجه الله تعالى .. فهي مراحتش دي متشالالك لوقتها و ممكن كمان تكوني عايشه خير اعمالك النافعه لوجه الله بس الحزن مشوش عليكي و مش واخده بالك
تم النشر الأربعاء، ٨ أبريل ٢٠٢٦
ربنا يوفقك ويسعدك يارب ونشوفك كمان شهرين بس عايز اقولك ع حاجه مهمه اي معروف انتي عملتيه دا دليل ع اصلك طيب وانك نبته صالحة ودائما احنا بنعمل إلا يرضي ربنا ، الآية الكريمة : "إِنَّمَا نَطْعِمُكُمْ لِوَجْهِ اللَّهِ لَا نُرِيدُ مِنْكُمْ جَزَاءً وَلَا شُكُورًا" (الإنسان: 9) هذه الآية من سورة الإنسان، وتُظهر نية الصالحين في تقديم الطعام والمساعدة للآخرين لوجه الله تعالى، دون انتظار أي مقابل أو شكر. كذلك كوني انتي كده ، واحنا معاك وبنشجعك هنا ورحمه وربنا يوفقك، وعندي ليك نصيحه ع طاير ،، علشان تستعيدي طاقتك غيري جو اخرجي مع اهلك يوم او اتنين ، اسمعي فلم جديد ف سينما المهم تغيري جو هيفرق معاك خالص ، وانتي قاعده ع المكتب بتذكري اعملي لنفسك كوب من القهوة ودخلي غرفتك ، اغلقي نور الغرفة تمام خليها ضلمه ، ولو بتخافي شغلي نور الهاتف اجلسي ع كرسي المكتب معك القهوة ، معك نصف ساعة تذكري هدفك ، مستقبلك ، اهلك ، اتكلمي مع نفسك في كل حاجه. 🫡⚖️✨
تم النشر الأحد، ٥ أبريل ٢٠٢٦
بصي هو عادي انك تشجعي غيرك بس مش عادي انك تستني حد يساعدك في الدنيا دي متعتمديش علي حد خالص لانك في الغالب انتي اللي هتتوجعي في الاخر - شجعي نفسك انتي كمان وانك هتقدري ومتستنيش مساعدة غير من اللي خلقك وبس - ادعي وقولي يا رب الدعاء بيغير القدر وحطي حلمك قدامك وجاهدي نفسك في المذاكرة حتي لو ملكيش نفس معلش اقعدي واجبري نفسك علي المذاكرة والاحسن انك تلاقي طريقة ممتعة تحفزك علي المذاكرة او اعملي لنفسك جو يشجع علي المذاكرة وشدي حيلك احنا فعلا دخلنا في الوقت الجد وخلاص المراجعات هتبدا - بس حابة اقولك ان ثانوية عامة مش نهاية الدنيا والنجاح الحقيقي اننا ننجح في المجال اللي ربنا هيختاره لينا - شدي حيلك وربنا يوفقك يا رب ويوفقنا جميعا ويعدي السنة دي علي خير
تم النشر الأحد، ٥ أبريل ٢٠٢٦
يا حبيبتي، أنا فاهمة تمامًا الإحساس ده بالعجز والتخلي، زي ما وصفتيه بالتشبيه اللي يوجع القلب. أنتِ كنتِ سند لكتير، وده خير كبير في ميزانك عند ربنا، بس دلوقتي وقتك إنك تسندي نفسك الأول. الشغف مش هيرجع لوحده، بس هترجعيه بخطوات صغيرة وعملية، خاصة مع الشهرين دول قبل الامتحانات – ده فرصة ذهبية! خطة سريعة لترجعي شغفك وطاقتك: ابدئي بالتوكل على الله : كل صباح بعد الفجر، ادعي ربنا يعطيكِ قوة وقدرة. قولي: "اللهم أعنِّي على نفسي واجعل لي من أمري فرجًا". الدعاء بيجدد الطاقة زي السحر (من تجارب ناس كتير!). رتبي يومك بـ"3 مهام بس" : مش كل حاجة مرة واحدة. النهارده: درس ساعة واحدة، مراجعة صفحتين، وشيء واحد يخليكِ فخورة بنفسك (زي ترتيب مكتبك). كل يوم كده، وهتشوفي التقدم يرجع الشغف. اقطعي الندم : اللي ساعدتيهم وشايفة إنهم تخلوا عنك، ده اختبار من ربنا عشان تقوى. اكتبي 3 حاجات شاكرة عليها كل ليلة (صحتك، عيلتك، نجاحاتك السابقة ولو صغيرة). ده بيحول الطاقة السلبية لإيجابية. اعتني بجسمك عشان الروح : نامي 7 ساعات، كلي وجبة صحية قبل الدراسة، وامشي 10 دقايق في الشارع (مش تمارين معقدة). الجسم يسند الروح. أنتِ أقوى مما تتخيلي، يا قمر – وقعتِ مرتين هتقومي عشرة! لو عايزة دعم أكتر، دوري في فدني على أسئلة زي "ازاي أرجع شغفي للدراسة" هتلاقي إجابات كتير، أو شوفي الخبراء هنا: https://www.fedni.net/experts. هتقدري، وأنا معاكِ! 💪❤️
تم النشر الأحد، ٥ أبريل ٢٠٢٦
ان شاء الله، ربنا يكرمك ويوفقك يارب
تم النشر الاثنين، ٦ أبريل ٢٠٢٦
الشكر لله. واسأل الله التوفيق لنا واياكي
تم النشر الأحد، ٥ أبريل ٢٠٢٦
ان شاء الله شكرا لحضرتك جدا
تم النشر الأحد، ٥ أبريل ٢٠٢٦
فعلا التابلت بيساعد بس مش شرط يكون معاك حمل برنامج اسمو "Stay focused" واقفل الريلز وكل ما تفتح ريلز هيقفله تلقائي .... وانا التابلت عندي محتواه كلو كان بيشدني بس عشان كنت حالف عليه فمكنتش اقدر اخلف حلفاني واروح اسمع فيديوهات شداني فانت جرب موضوع الحلف ده لمده اسبوع عل تلفونك وحمل تطبيقات تساندك في الموضوع ده
تم النشر الأحد، ٥ أبريل ٢٠٢٦
اللهم آمين 🤍
تم النشر الاثنين، ٦ أبريل ٢٠٢٦
ربنا يوفقك ويكرمك ويعديلك إمتحاناتك على خير يارب ركزى الوقت دا مش محتاج زعل على حد أو على ناس ساعتدك أو مساعدتش مش وقتة قومى نفسك بنفسك وعدى المرحلة ديه بأفضل النتائج ساعتها بس هتحسى بقيمة نفسك بالتوفيق 🤍
تم النشر الاثنين، ٦ أبريل ٢٠٢٦
خلاص ماشي شكرا لحضرتك جدا
تم النشر الأحد، ٥ أبريل ٢٠٢٦
صراحه معرفش برنامج يعمل كده عشان احل المشكله زي دي بحلف يمين عل نفسي اني مش هفتح البرنامج الا لما يجي يوم كذا مثلا وحاطت في برنامج بتاع قفل تطبيقات يعملي ملاحظه اني حالف ولو خالفت هطر بقا اطعم عشر مساكين
تم النشر الأحد، ٥ أبريل ٢٠٢٦
ملحوظه بس، يعني انا لو حددت يوم كامل مثلا حاظره موقع زي فيس بوك اقدر بعدها ب كم ساعه افك الحظر عادي ولا لازم المده تتنفذ وبعد كدا اعمل اللي عاوزاه وانا حددت الأيام كلها
تم النشر الأحد، ٥ أبريل ٢٠٢٦
حد يسندني فعلا وانا ازهر ومذاكرتي كلها يوتيوب وحاولت اخد تابلت اخويا هو عام واولي ثانوي مهكره بس مش بيرضي وممكن يقعد طول النهار يلعب عليه ويفتح فيديوهات بس اقوله عليه ميرضاش لما كنت باخده كان بيوفر عليا وقت ومجهود من حيث الرؤية ومش بفتح ريلزات لان مفيش فيديوهات تشدني اليوتيوب كله كوره حرفيا ف مفيش فيديو بيشدني زي فوني وبحاول برضو
تم النشر الأحد، ٥ أبريل ٢٠٢٦
حب فاهم الي بتمر بيه بس انت مش عاجز ولا حاجه وانت مش محتاج حد يسندك اصلا... شوف نفسك كده اي الي موقفك عل المذاكره واي السبب الي كل ما تفتح كتاب تدايق؟؟؟... في الغالب هو انك اتعرضت لدوبامين رخيص وسريع كتير فعايزك تجرب حاجه انا جربتها في ثانويه عامه وعملت مفعول سحري ... سلمت الاب توب لاحد من افراد عيلتي عشان متلهيش حملت برنامج يقفل اليوتيوب لاني مدمن يوتيوب وحلفت يمين اني مش هفتح يوتيوب الا يوم الجمعه (يوم الراحه) وحلفت اني مش هفتح اي فيديو متعه عل التابلت لاني هستعمله في المذاكره لحاد اخر يوم امتحانات وحملت نوشن وعملت زي تحليل لعدد النقاط الي باخدها كل يوم لما انجز مهمه ولما احل اسئله وكنت بحسب السؤال بنقطه وتنفيذ المهمه عل حسب صعوبتها وحرفيا خلاني اخد دوبامين كل ما انجز (حولت المذاكره لللعبه).... فانت ظبط الدنيا عل حسب انت اي مشكلتك وابدأ لان انت مش محتاج تحفيذ رخيص انت محتاج اراده
تم النشر الأحد، ٥ أبريل ٢٠٢٦
لعرض السؤال في فدني اضغط هنا