angie ghareeb

يااااارب🤲🏻

المقصود حبيبتي أن لما حاجه تستصعب عليكي زاحميها بالقرٱن .. يعني مثلا المذاكره كتير و الورد القرٱني هياكل وقت المذاكره (دي فكره شيطانيه) الحقيقه ان القرٱن هيبارك فالوقت القليل اللي هتذاكري فيه و اللي محتاجه تخصليه في تلت أو اربع ساعات هتلاقي نفسك بتحصليه في ساعه ( ما زاحم القرٱن شيئا إلا زاده) يعني القرٱن مش هيتقاطع مع حاجه او يزاحمها فيومك الا و هيطرح فيها البركه و القليل يبقى كتير بفضل بركة كلمات الله

جزاك الله خيرا سترك الله الذي سترني و اراك مني جميلا .. ربنا ينفع بيك يارب و ينفعنا و ينفع بنا و يستخدمنا و لا يستبدلنا 🤲🏻 اللهم ثبتنا بالقول الحسن فالدنيا و الاخره و يجعلني عونا للخير لا عونا للشر و يجعلني عند حسن ظنكم يااارب 🤲🏻

في دعاء بحبه اوي و بقوله كتير لما بحس اني متلخبطه أو زعلانه .. هكتبهولك... اللهم امنحني السكينة لأتقبل الاشياء التي لا استطيع تغييرها و الشجاعة لتغيير الاشياء التي استطيع تغييرها و الحكمة لمعرفة الفرق بينهما

لم يجد العلماء و الأطباء حلا للخوف الا المواجهه .. يمكن المواجهه صعبه بس طول ما انتي بتحسيبلها هتكون صعبه .. وافتكرى أن الوقت و المرحله المناسبه عمرهم ما بيجوا احنا اللي بنعملهم

لما بتكتب مشاعرنا و اللخبطه اللي جوانا بتقدر نشوف الصوره أوضح .. مش طايقه نفسي و لا طايقه حد (دي مشاعر غضب ممكن تكون نابعه من احتراق نفسي) تعبت من اني بمثل اني كويسه محدش يتحمل واحده زيي ( جلد ذات .. شعور بعدم الاستحقاق) كلامك في غضب و يأس و رفض و صوره ضبابيه للواقع .. هقولك على حاجه انتي مش مضطره تمثلي انك كويسه .. وفكره أن محدش يتحملك زي ما انتي دي فكره مغلوطه لأننا جميعا بشر محناش كاملين احنا جايين الدنيا بنحاول نبقى احسن نسخه من نفسنا منغير ما نوصل للكمال.. محتاجين نتقابل الجوانب اللي فيها قصور في نفسنا محتاجين نحب نفسنا و نقدرها و نتصالح عليها قبل ما نتصالح على العالم برانا و اقولك على حاجه متبطليش تكتبي .. اكتبي كل اللي جواكي منغير فلتره منغير ما حد يشوفه منغير ما حد حتى يقراه غيرك و ارجعيله تاني بعد ما تكتبيه وحاولي تقربه بهدوء ده هيساعدك تفكير كل خيوط المتلعبكه في نفسك و ينور جواكي حاجات .. ربنا يراضيكي و يرزقك السكينه و راحة البال و ينور بصيرتك

طيب.. خليني اقولك بداية انك ذكرتي أن معاكي حاليا ٥ اطفال .. اول اولويه هي اطفالك حاليا .. محتاجه تسئلي نفسك اسئله مهمه و تردي عليها بعد هدوء تام و تفكير هل هتقدري تتحملي مسؤوليه الخمس اطفال ؟ هل فأيدك مقومات تقدري تغيري بيها الوضع اللي انتي عايشاه حاليا ؟ جوازك في سن صغيره من راجل اكبر منك ١٤ سنه و وجودك في بيت عيله ده فات عليه سنين طويله و اصبح من الماضي الذي لا يمكن تغييره ف ادعي ربنا يرزقك السكينه اللي تقبلي بيها اللي متقدريش تغيريه.. علاقتك بربنا و صلاتك و الذكر هيفرقوا في نفسيتك ادعي ربنا يساعدك و يمدك بمدد من عنده أنه يراضيكي و يقويكي على مجاهدة نفسك و يصلح حالك و يهديكي للي في ايدك انك تغيري بيه حياتك و حياة اولادك للاحسن بخطوات ثابته بدون غضب أو تهور

علاج الوسواس القهري مش حاجه سهله و بتتطلب من شهور لسنين .. غير انك اوقات كتير بحسب كلامك مش ملتزم بالتمارين اللي يتطلبها منك .. الفكره أن الاخصائي أو المعالج مفيش فأيده عصابه سحريه بتحل كل المشاكل أوقات المعالج مبيقدرش يحدد حالة المريض قبل ٨ جلسات .. حاول تلتزم بالتمارين ز متستعجلش النتائج .. محتاج تركز اكتر على تمارينك النفسيه و الذهنيه و متستعجلش و خليني اقولك الوسواس تحديدا محتاج مجاهدة نفس و معافره و التزام كتير و ده على الدوام مش بس مجرد وقت .. ربنا يقويك و يعينك و يرزقك السكينه و يمدك بمدد من عنده يااارب 🤲🏻

من ترك شيئا لله عوضه الله بخير منه .. طبيعي تتلخبطي لأن الخطوات اللي فيها مجاهده للنفس خطوات مش سهله و بتوجع و الا مكانش يبقى اسمه جهاد لو ليكي نصيب فيه هتاخديه حتى لو بينك و بينه بلاد .. ناجي ربنا و اطلبي منه يصبرك و يراضيكي و يعوضك و اعرفي أن الله إذا أعطى ادهش 🩷

قبل اي نصيحه .. ربنا يراضيك و يجبر كسرك .. هفكرك و افكر نفسي بحاجه .. و عسى أن تحبوا شيئا وهو شر لكم .. من ضمن صدق توجهنا الى الله الصبر على ما لا تطبق ما لا نعلم و ده أمر عظيم .. مهما حسينا أننا ماسكين زمام الأمور وعارفين الصالح من الطالح .. و ايه يفسدنا و ايه يصلحنا.. إلا أن فالنهايه احنا نظرتنا للامور محدوده .. مقدرش انا أو غيري نحكم على تفاصيل علاقتكم من بوست خارج من وجع جواك بيلخص علاقه في كام سطر و مش من حقي انا أو غيري أننا نحكم على مشاعرك أو سبب انفصالكم أو مين معاه الحق و مين ملهوش حق.. لكن اللي اقدر انصحك بي أكثر من قول لعله خير .. لعل الله يحدث بعد ذلك أمرا

ربنا يراضيكي يارب و يشغلك بي عن من سواه و صدقيني صدقيني عن تجربه مش مجرد كلام نظري ما أن شغلكي الله به إلا و لقيتي في كل ما في حياتك بركه و سلام نفسي و هدوء و حلاوه

الانسان لما بيقعد لوحده بيكون خارج إطار اي تشويش على أفكاره كأنه قاعد في اوضه مقفوله عليه هو و نفسه و بس .. عادة الأشخاص اللي عندهم صعوبه فأنهم يكونوا لوحدهم بدون اي ملهيات أو وسائل ترفيه أو دوشه خارجيه .. جواهم دوشة افكار مش قادرين يواجهوها .. الوجود المستمر وسط الزحمه و مع الناس .. بيكون مش قادر يقعد مع نفسه و خايف يواجهها و ليهرب منها بوجوده المستمر مع الناس .. بس صدقيني انتي محتاجه تقعدي مع نفسك بعيد عن أي مشتتات ولو ١٠ دقايق و متخافيش من حزنك حتى لو بكيتي أو انهارتي انتي محتاجه تسمعي صوتك الداخلي و نفسك الحقيقيه عاوزه تقولك ايه ... حاولي و استعيني بالله و ان شاء الله ربنا هيعينك و ينور بصيرتك

ال overthinking عرض .. لفرط القلق ممكن .. للاكتئاب .. فالعموم الأوفر ثينكينج عرض .. بس هقولك حاجه .. نفسك إن لم تشغلها بالحق شغلتك بالباطل .. طب الحق ده ايه .. اي عمل نافع حتى إن كانت مساعده بسيطه فالمنزل .. طبخه معمول بحب و كرم .. دراسه .. موهبه .. قرآءه ..كل ده حق مش بس حق هو عباده إذا أخلص الشخص بهذا العمل التوجه الى الله .. جربي تبدئي يومك بخطه مكتوبه للمهام اللي حابه تعمليها فاليوم .. و ضيفي فيها العبادات و الاذكار و لأوقات الاختباء بنفسك

صعب جدا نحكم على شخص بالتناقض او نحاول نشخص حالته من منظور ظاهري .. منصبه العملي العالي و ثقته في نفسه اللي تبان قصادك ثقه زياده فالنفس .. وارد جدا تكون مجرد قناع لخوف شديد مش باين لحد .. اما بالنسبه للتوتر المفرط لا يتنافى ابدا مع الثقه و البانيك اتاك مجرد عرض لمشاكل مختلفه .. فالظاهر بالنسبالك أن ده تناقض و الحقيقه هما وجهين لعمله واحده .. كل تقدري تعمليه هو أن وقت حدوث البانيك اتاك نصرف تفكير الشخص ده عن اللقطه اللي سببت نوبة الهلع لحد ماهو يقر أنه بيعاني من مشكله و يقرر انه يتكلم مع مختص في مشكلته

وارد جدا تكون الفتره اللي سبقت الشهرين دول كان فيها ضغط كبير عليك .. و صحيح أننا دايما محتاجين لوقت نفصل فيه تماما عن كل الضغوط وقت منعملش فيه كل اللي بنعمله يوميا في مفرمة الدنيا .. لكن لما بنسيب نفسنا كتير للفصلان ده جوه منطقة الراحه بتاعتنا بعيدا عن المواجه و الضغوطات الحياتيه اليومية (بنعطل) و نبتدي نفقد مهارات زي مهارات التواصل الاجتماعي و المرونه و الخبره العمليه .. و النفس اوقات كتير بتحتاج مننا زفه عشان ترجع تاني على تراك الحياه .. تذكر دوما قول الله عز و جل يا أيها الانسان انك كادح إلى ربك كدحا فملاقيه و أن يأكل الإنسان من عمل يديه فهذا عباده مالم تكن تعمل في عملا لا يرضاه الله .. أستعين بالله و تذكر أن الوقت مناسب عمره ما بيجي احنا اللي بنعمله

الجواز صحيح مبني على توافق بين طرفين .. و رغم أن الماديات واحده من ضمن عناصر التوافق بين شريكين فالحياه إلا أنها اخر نقطه في نقاط التوافق .. اللي وصلني من كلامك انك كنتي مبهوره بمركز اجتماعي و مستوى مادي و ده كان أول حاجه بتدوري عليها ده مش عيب .. بس لازم ناخد بالنا أن الفلوس بتروح و تيجي و المال مش دايم و المركز الاجتماعي اوقات بيكون ستار لخلل كبير .. التوافق محتاج بين اي اتنين محتاج يكون توافق فكري و نفسي و توافق فالطباع و الأفكار و الخلفيه الاجتماعيه و بعدين يجي التوافق المادي .. أما كونه واجهك بشجاعه أنه مشاعره اتغيرت و أعاد تفكيره و شاف أن اللي بينكم كان خطوه غلط ف ده تصريح رغم قسوته اللي أنه كان كاشف ل حقيقة اللي جواكي.. وهو انك كنتي داخله العلاقه دي عاوزه تحققي طموح شخصي كان هو وسيله لتحقيقه و ده بعيد كل البعد عن المشاركه .. محتاجه تعيدي ترتيب نفسك و يمكن بعدها تكتشفي أن رغم قسوة الموقف على نفسك إلا أنه كان هديه من ربنا بيساعدك بيها تعرفي نفسك اكتر و تعيدي ترتيب أولوياتك و أفكارك عشان يكون ليكي خط واضح فالحياه أن شاء الله ... حقيقي انا سعيده جدا بصراحتك و شجاعتك و وضوحك مع نفسك قبل ما يكون وضوحك معانا في مشاركتنا مشاعرك .. ربنا يراضيكي يارب و ينور بصيرتك

السلام عليكم من يومين سمعت حلقه من بودكاست فاهم بعنوان لما يعصي الإنسان .. الحقيقه الحلقه مفيده جدا بتتكلم عن سيكولوجية العصيان في نفس الإنسان و اهم ما قاله أننا لو فهمنا طبيعتنا و ليه بنعصي و نقع فالذنب ده هيساعدنا كتير في علاج أنفسنا من تكرار الذنب و الوقوع فالمعصيه هسيب ليكي رابط الحلقه و اتمنى تسمعيها و ان شاء الله هتساعدك كتير و تلاقي فيها اجابه لسؤالك بأذن الله .. رابط الحلقه https://youtu.be/MUjUsDx-NY8?si=z1QwXm9UHhgSOSlK

اكتر و اكبر غلطه بنغلطها في حق نفسنا هي أننا بتحكم على نفسنا و مشاعرنا بتبقى القاضي و الجلاد و الضحيه في نفس الوقت انتي صرختي بمشاعرك و انكرتيها في نفس الوقت كوني رحيمه بنفسك و متنكريش عليها وجعها و متحكمهاش أو تحكمي عليها صحيح الظروف اللي اتربيتي فيها انتي كنتي ضحيتها لكن تعافيكي من الاسائات دلوقتي ده مسؤوليتك و اول خطوه للتعافي هو انك تنفثي عن غضبك و خوفك و مشاعرك من غير ما تمنطقيها أو تناقشيها و تكوني رحيمه بنفسك متحسبيهاش على شعورها بالوجع .. ربنا خلقنا مختلفين اللي بيوجعك غير اللي بيوجعني بس الوجع واحد مفيش فيه كبير و صغير كل الوجع متقدر طبطبي على نفسك و احضنيها .. اكتبي اوجاعك و غضبك في ورقه و بعدين قطعيها خرجي اللي جواكي مع نفسك من غير ما تخافي من نفسك .. حبيبتي انا مقدره وجعك جدا نصيحتي ليكي كوني رحيمه بنفسك و تأكدي أنك مش مطلوب منك تكوني قدوه لأي حد و لا مسؤوله عن تصرفات غيرك تجاهك أو تجاه نفسهم انتي بس محتاجه تكوني افضل نسخه من نفسك لنفسك مش للأخرين

طبعا كلامي ده مش حكم أو تشخيص لكن مجرد صوره مبدئيه لكلام حضرتك .. انصحك نبدء بالتمرين البسيط ده عشان تقدري واحده واحده توصلي لأصل الأفكار اللي بتجاهمك

في نوع من الوسواس اسمه (الوسواس الفكري) هنصحك بتدريب بسيط كل ما تطرق جزاكي فكرت هاتي ورقه و قلم و اقسمي الصفحه نصين في كل نص اكتبي الفكره اللي ظهرت جواكي و عكسها تحت كل فكره اسئلي نفسك لو كملت بالفكره اللي جوايا دي هحس بأيه و ارجعي اسئلي نفسك الشعور اللي حساه تجاه الفكره دي شعور مريح بالنسبالي ولا لاء و تأثير المشاعر اللي اتولدت جوايا نتيجة الفكره دي هيأثر علي حياتي اليوميه و بالسلب ولا بالايجاب ... المشاعر اللي حساها دلوقتي دي بتعطلني ولا بتخليني أنتج و اتقدم في حياتي الكتابه بتنظيم أفكارنا و مشاعرنا و بتساعدنا نعرف الأفكار دي حقيقيه و لا مجرد هواجس ولا حيل دفاعيه عقلي بيلعبها عليا

السلام عليكم

اهم حاجه متستعجلش خد وقتك .. نفسك دلوقتي زي طفل صغير محتاجه تاخد خطوات بسيطه واعيه بدون غشوميه محتاج تهضم و تستوعب كل شعور بتواجهه .. مش ضروري ابدا تكتب كل يوم ممكن تباعد فترات الكتابه .. تاني خطوه محتاج حد يكون متمرس في الاداه دي و هي الكتابه العلاجيه .. تشاركه مشاعرك و يفيدك تغوص جواك بشكل واعي بدون ما حياتك اليوميه تتأثر بالسلب

نعم

انت عملت بالظبط زي اللي فتح باب دولاب مليان كركبه في اوضة الكراكيب اللي مكانش بيدخلها .. اللي اقدر اقولهولك سيب نفسك لمشاعرك و اسمحلها تكون موجوده و مع كل مواجهه اسئل نفسك ياترى اي اسوء فرضيه متوقعه من مواجهتي لمشاعري دي .. و لقيت حد قادر تشاركه المشاعر دي و انت متطمنله و عارف أنه عنده القدره على أنه يساعدك و يكون رفيق رحلتك .. ده هيفرق معاك أن شاء الله

الكتابه اداه .. بتفتح لنا باب على بواطن نفسنا ..مخاوفنا و احتياجاتنا .. و زي ما فهمت من كلامك انك فالبدايه كنت دائما بتهرب من المواجهه مع بداية ممارسه الكتابه أو التدوين اليومي بدأت تواجه كل اللي مستخبي جواك .. الكتابه زي ما فيها تفريغ للي جواك و طبيعي التفريغ ده بيولد راحه بس التفريغ ده كمان في مواجهه و زي ما المواجهه بداية العلاج فهي كمان فيها الم