السلام عليكم و رحمة الله و بركاته ،
أنا ثانوية عامه و دخلنا ف فترة المراجعات بقا يومي كله مشغول ف الدراسة بس بفضل الله مثبته وِرد يومي ، الحاجه الوحيده اللي بفصل بيها هي قراءة القرآن و حاطه تقسيم لسورة البقرة بشكل يومي ،
بدخل على السورة اقرأ ببقا مخي مش مع السورة خالص ببقا تفكيري كله ف الدراسة و مش عارفه اتدبر و الموضوع ده مدايقني اوي اوي انا مش حاسه بنفس الإحساس اللي كنت بحسه وأنا بقرأ قرآن و بتدبر ،
بجد مش عارفه اعمل ايه بقرأ السورة و عقلي ف المذاكرة لدرجه ان ممكن اعمل جدول ونا بقرأ السورة و كل ده غصب عني و ده تاعبني اوي عشان انا عايزه افصل دماغي من المذاكرة لحاجه بحبها مش حتى ونا بعمل الحاجه اللي بحبها مخي يبقا ف المذاكرة
ارجوكم عايزه حل لإن ده مش ف قرآن بس ده ف التسبيح حتى و الصلاة عقلي مش معايا و ف الدراسة ، حاولت افكر ف حل ذي مثلا قبلها مذاكرش او كدا ، بس مفيش وقت ان اعمل كدا و اوقف دراسة قبل القرآن مفيش وقت لأي حاجه بجد
و لاحظت ده بيحصلي ف السور اللي بكررها يعني لو سورة مش متعودة اقرأها بقرأها بتركيز لكن لو سورة ذي البقرة او الملك عشان بتتكرر عقلي مبيبقاش موجود و مش عارفه احل الموضوع ده ازاي خالص
بصي يا بنت الناس الموضوع ده طبيعي جدا عشان عقلك شغال زي المكنة في المذاكرة فبيسحبك غصب عنك فالحل ببساطة إنك تغيري مكانك خالص يعني لو بتذاكري على المكتب روحي اقعدي في الصالة أو البلكونة المهم تخرجي من جو أوضة المذاكرة وتاني حاجة حاولي تعلي صوتك وأنتي بتقرأي عشان ودانك تجبر عقلك إنه يركز مع الآيات مش مع الجدول اللي وراكي ولو حافظة سورة البقرة صم وبقيتي بتقرأيها نلقائي جربي تقرأي سور تانية مش متعودة عليها عشان مخك ينتبه ويصحصح معاكي وقبل ما تبدأي هاتي ورقة وقلم واكتبي فيها كل الحاجات اللي شاغلة بالك في المذاكرة واركنيها على جنب قولي لنفسك دي لسه موجودة بس دلوقتي أنا مع ربنا وأهم حاجة متجلديش ذاتك ربنا عالم بنيتك ومجازيكي خير على تعبك ده فاهدي خالص واستعيذي بالله وكملي وكل حاجة هتبقى تمام وزي الفل وجد والله ربنا يحفظك ويسعدك ويثبتك 🌷
تم النشر الاثنين، ١٣ أبريل ٢٠٢٦
في مقطع شهير للشيخ امجد سمير بيقول فيه هتقولي انا عندي مذاكره هقولك قوم افتح المصحف و ذاكر
تم النشر الأربعاء، ١٥ أبريل ٢٠٢٦
السلام عليكم لو كان مكتوبلنا أننا نحس طول الوقت بحلاوة العباده .. فلما إذا (الصبر على العباده) للرسول صلى الله عليه و سلم حديث شهير نصه "يا حنظله ساعة و ساعه" حنظله كان بيشكو للرسول أنه لما بيكون في مجلسه بيحس بإقبال على العباده و لذه و لما ليخرج مبيكونش بنفس الهمه فالرسول قاله ساعة و ساعه و في حكم فقهي كمان أن في حالة إدبار القلب عن العباده يبقى على الإنسان أن يأتي بالفرائض و لا يجبر نفسه على النوافل و هذا من رحمة الإنسان بنفسه و هفكرك بحاجه كمان كان الرسول بيقول لأصحابه "لو بقيتم على حالكم هذه لصافحتكم الملائكة في الطرقات" يعني لو فضلوا على حالهم اللي بيكونوا عليها في مجالس الرسول لقابلتهم الملايكه في الطرقات و سلمت عليهم كمان .. الإنسان خلق من طين و نور بيتقلب بينهم و عشان كده وجد ما يسمى جهاد النفس في الطاعات و كان من أنواع الصبر الصبر على الطاعه و العباده
تم النشر الأربعاء، ١٥ أبريل ٢٠٢٦
وعليكم السلام ورحمة الله وبركاته يا حبيبتي، أولاً، أشكركِ على صراحتكِ وإصراركِ على وردكِ اليومي رغم ضغط الثانوية العامة – ده دليل قوة إيمانكِ ومحبتكِ للقرآن، وده لوحده عبادة عظيمة. اللي بيحصل معاكِ طبيعي جدًا في فترة المراجعات؛ الشيطان يزيد الوساوس، والدنيا تضغط، لكن الله سبحانه يقول: {الَّذِينَ هُمْ فِي صَلَاتِهِمْ خَاشِعُونَ} (المؤمنون:2)، والخشوع يُبنى بالممارسة والدعاء. حلول عملية سريعة وقابلة للتطبيق فورًا: ابدئي بالدعاء قبل القراءة : قولي "اللهم اجعل قلبي معكِ، وأصلح لي شأني كله" 3 مرات، أو ادعي بـ"رب اشرح لي صدري ويسر أمري". الدعاء مفتاح الخشوع، وهو أقوى سلاح ضد الوساوس. اختصري الورد مؤقتًا للجودة لا الكم : بدل سورة البقرة كاملة، اقرئي صفحة أو ربع صفحة واحدة بتدبر بطيء. قال الرسول ﷺ: "من قرأ حرفًا من كتاب الله فله به حسنة" – التركيز أفضل من القراءة الآلية. ضعيها في نهاية اليوم قبل النوم (5 دقائق فقط)، عشان دماغكِ يرتاح شوية. ربطي الدراسة بالعبادة : قبل المذاكرة، قولي "اللهم اجعل هذه المذاكرة طاعة لكِ ولخدمة دينكِ". كده تحولي الدراسة لعبادة، ويقل الصراع بينهما. وفي الصلاة، ركزي على الفاتحة أولًا بقلب حاضر، ثم الباقي يتبع. جدول ذكي بدون توقف : اقرئي القرآن أثناء استراحة قصيرة (مثل 3 دقائق كل ساعة مذاكرة)، أو بعد صلاة الفجر مباشرة. لو مفيش وقت، اجعلي السماع جزءًا من المذاكرة – اسمعي السورة بصوت قارئ (مثل مشاري راشد) وأنتِ تذاكرين، يساعد على التركيز التدريجي. علاج الوساوس : و جاء تفكير الدراسة، قولي "أعوذ بالله من الشيطان الرجيم" واقطعيها فورًا، ثم عودي للقراءة. كرري يوميًا، هيختفي مع الوقت إن شاء الله. أنتِ مش لوحدكِ يا قمر، ده اختبار من الله ليرفع درجاتكِ. استمري، وخلال أسابيع هتلاحظي الفرق. لو عايزةِ نصائح أكتر، ابحثي في فدني عن "خشوع في الصلاة" أو زوري صفحة الخبراء https://www.fedni.net/experts لاستشارة متخصصة. ربنا ييسر أمركِ ويفتح قلبكِ لكتابه، ويوفقكِ في الامتحانات يا رب! 💕
تم النشر الاثنين، ١٣ أبريل ٢٠٢٦
@أحمد سعيد @hesham abdalghfar شكراً جدا لنصايح حضراتكم جزاكم الله كل خير
تم النشر الثلاثاء، ١٤ أبريل ٢٠٢٦
حاولى تاخدى بالك من آفة التكرار والتلقائيه ، اقرأى بتأنى اوى لما تحسى انك لا تعى ما تقولين
تم النشر الاثنين، ١٣ أبريل ٢٠٢٦
لما تيجى تقرأي قومى من المكان اللى بتذاكرى فيه روحى مكان تانى بس اللى انتى فيه دا طبيعى نتيجة ان خلاص الامتحانات على الأبواب بس استغفرى الله دايما وادعيلة وحاولى لما تيجى تقرأى مثلا تكونى مخلصة جزء معين من المذاكرة بحيث يكون فية راحة كدا وطمأنينة ودا هيساعدك جدا فى انك تفصلى ربنا يوفقك يارب وتعدى السنة ديه على خير 🤍
تم النشر الاثنين، ١٣ أبريل ٢٠٢٦
لعرض السؤال في فدني اضغط هنا