السلام عليكم عايزه اعرف اى سبب اللى انا فيه
انا اتفرضت عليا حياه مش عايزاها اتجوزت غصب عني كان عندي وقتها ١٦ سنه واتخطبت وانا ١٤ جوزي اكبر منى ب ١٤ سنه هتقولولى ازاى فى السن ده بس دي طبيعه الارياف البنت تتجوز وهى صغيره ومتعترضش اهلى طبعا الله يسامحهم محدش رضي انى افشكل بعد ما اتخطبت كنت وقتها فرحت اني هتخطب وكده طفله كنت وقتها وبعدها بأسبوع بالظبط حسيت اى اللى انا عملته ده سبحان الله مرتحتش ابدا وقتها واتجوزت و واول سنه جواز كانت كلها مشاكل وطلبت الطلاق كذا مره و برضو بيرجعوني عدت السنه وحملت ب بنتي الاوله و اتوفت بعد الولاده بسبب حماتي منعتني اني اروح اتابع عند دكتور وقتها وان هما كانوا بيخلفوا عادي من غير دكتور وكده الفتره دي كنت عايشه فى الصعيد وبعدين جيت عيشت هنا فى القاهره جوزي معاه خمس اخوات شباب كنت اانا وهو و اخواته و وبناتي الاتنين فى شقه وقتها كنت براعي كل واحد فيهم لحد ما اتجوزو نقلنا فى بيت عيله واكيد عارفين مشاكل بيت العيله وعدم الراحه او الخصوصية فيها ابدا انا دايما نضيفه فى شقتي و مش بعرف اقعد مكاني وفيه حاجه هتتعمل معايا حاليا خمس اطفال ونفسيتي بقالها فتره كبيره جدا تعبانه انا واولادي هما كمان مش مرتاحين ونفسيتهم زي الزفت وللأسف مش فى المقدره اننا ننقل مكان تاني دلوقتي بيتي دلوقتي مش نضيف ببقا شايفه حاجات المفروض تتعمل ومش بقدر اعملها دايما حاسه ان الشقه فيها طاقه سلبيه رهيبه وان برضو من الحاجات المهمه اللى كانت فى حياتي اني كنت ملتزمه جدا بالصلاه وقريبه من ربنا دلوقتي بصلي فتره واقطع وارجع تاني و هكذا مش عارفه حياتي متلغبطه اليوم متلغبط مفيش نظام فى بيتي ولا للأولاد حتي هما زي ممكن يصلوا فتره ويقطعوا انا من ساعت الجواز وانا دايما على خلاف مع جوزي ومشاكل على طول احنا مش متفقين خالص ولا فيه كلام بينا اتمني تقولوا رايكوا انا حاولت اختصر بقدر الإمكان @Mohamed Abouelenein
الله يعينك على ابتلائك طبعا هو اختبار تقيل وصعب وانتي كنتي بتحاولي تتأقلمي وتتعايشي لانك شايفة ان البديل غير متوفر وعدى من العمر شوية وربنا رزقكم بطفلة واتنين وخمسة كل واحد منهم هيكبر ويكون بيت ويجيبلك احفاد باذن الله ... خلي تركيزك الفترة دي على المكتسبات اللي طلعتي بيها من العلاقة ولو كنتي بين اختيارين واحد سيء والتاني اسوء منه فبلاش نروح للاسوء خلينا في السيء ونحاول نقلل سقف التوقعات ونزود التقبل وحاولي تركزي مع نفسك وتشتغلي على تطويرها والتحسين فيها باي شكل وتتعلمي حاجة جديدة او تطوري مهارة عندك وهكذا واستثمري طاقتك في توجيه ابنائك بشكل سليم وتكوين عادات صحيحة تنفعهم في حياتهم ومستقبلهم ... ربنا قال واستعينوا بالصبر والصلاة ...ربنا يقويكي وينور بصيرتك ويصلح لك زوجك
تم النشر الأربعاء، ٨ أبريل ٢٠٢٦
حاولي تنتظمي في صلاتك وتقرأي قران وتنضفي شقه وتهديها وتهدي اولادك وتحاولي تتأقلمي مع جو لانك طول ما انتي شايفه حياتك سلبيه كده هتفضل كده لكن حاولي تتفقي معي جوزك طبطبي عليه اقفي معاه واعتقد اكتر حد يساعدك في كده chat gpt وهدي بيتك وعيالك ولما تتأقلمو حاولي يخرجك مكان حلو وتعيشي حياه وتتأقلمي بجد
تم النشر الجمعة، ١٠ أبريل ٢٠٢٦
انا عارفه ان الوضع صعب من كل النواحي بس الحل انك تحاولي تتأقلمي واهم حاجة هيا علاقتك مع ربنا ارجعي صلي بي انتظام وقراي سور من القران وشغليه دايما في البيت وخلي اولدك دايما يصلو ويعملو ده دي اهم حاجة اما عن زوجك ده ابتلئ صعب من ربنا بس نعمل اي ابدأي ان تظبتي الشقه غير الدكور او تنظيفه كده حلوه زيك وسيقيها بي ميه وملح وجوزك حاول تتكلمي معاه بهدوء افتحي موضيع اهتمي بنفسك اكتر وصدقيني كل حاجة هتحل انتي مكنش ليكي الاختيار و القرار، وقتها اما دلوقتي تقدري تحاولي تحسني كل حاجة هتحل لما تبدي تتقبلي الامر الواقع وتحاولي تغيره اتمنى من كل قلبي ليكي السعاده ورحه البال يارب العالمين
تم النشر الخميس، ٩ أبريل ٢٠٢٦
طيب.. خليني اقولك بداية انك ذكرتي أن معاكي حاليا ٥ اطفال .. اول اولويه هي اطفالك حاليا .. محتاجه تسئلي نفسك اسئله مهمه و تردي عليها بعد هدوء تام و تفكير هل هتقدري تتحملي مسؤوليه الخمس اطفال ؟ هل فأيدك مقومات تقدري تغيري بيها الوضع اللي انتي عايشاه حاليا ؟ جوازك في سن صغيره من راجل اكبر منك ١٤ سنه و وجودك في بيت عيله ده فات عليه سنين طويله و اصبح من الماضي الذي لا يمكن تغييره ف ادعي ربنا يرزقك السكينه اللي تقبلي بيها اللي متقدريش تغيريه.. علاقتك بربنا و صلاتك و الذكر هيفرقوا في نفسيتك ادعي ربنا يساعدك و يمدك بمدد من عنده أنه يراضيكي و يقويكي على مجاهدة نفسك و يصلح حالك و يهديكي للي في ايدك انك تغيري بيه حياتك و حياة اولادك للاحسن بخطوات ثابته بدون غضب أو تهور
تم النشر السبت، ١١ أبريل ٢٠٢٦
لعرض السؤال في فدني اضغط هنا