ربنا لما بيبعتلنا صعوبات بيبقى قاصد يربينا و يهذبنا و يقوينا و يختبر يقيننا فيه و يعلمنا عن نفسنا اللي منعرفهوش عنها .. يعني تخيلي معايا كده لو عمرك ما مشيتي على الارض حافيه و مره واحده لقيت نفسك واقفه على رمله سخنه🤔 التجربه اللي بتكون ممتعه لناس كتير و بيستنوا المصيف كل سنه عشان يستمتعوا بإحساس صوابعهم و هي بتغوص في رملة الشط هتبقى بالنسبالك انتي تجربه مؤلمه جدا لأنك مختبرتهاش قبل كده ولا حتى اختبرتي حاجات شبهها .. أما عن مشاعر اليأس فأحب اقولك أن اليقين مش انك تكوني شايفه النور اللي في آخر النفق اليقين هو انك متبقيش شايفه كف ايديكي من الضلمه و برغم من كده مصدقه إن في مخرج و في نور في آخر النفق .. ادعي طول الوقت يارب اللهم اجعل يقيني فيك يقين و رددي هذا الذكر "ليس لها من دون الله كاشفة" و كوني واثقه إن دي فتره اختبار و تنقيه و تمحيص لقلبك هتاخد وقتها و تعدي اصبري و واحتسبي و اعلمي أن كل دقيقة في الصبر عظيمه عند الله
شكرا ليكي ولكلامك
تم النشر الاثنين، ١٣ أبريل ٢٠٢٦
صح لسانك
تم النشر الاثنين، ١٣ أبريل ٢٠٢٦
لعرض الإجابة في فدني اضغط هنا