السلام عليكم
انا في 3 ثانوي عام وامتحاناتي خلاص عالابواب جيه في نص شهر خمسه اتعرفت علي بنت سوشيال المفروض انها قدي بس في مدرسه دوليه في اسكندريه البنت دي كانت بتحب واحد من عندنا قدي برضو في السن كان معايا في الابتدائي في البلد وبتكلمه بس هي مش من نفس البلد المهم انهم قرروا ينفصلو عن بعض لان كل واحد عاوز التاني هو اللي يبدا بالصلح فهي اتحايلت عليا اني اخش اختبره واشوف هيستجيب معايا ولا لا قولت مينفعش ونا مش هكون سبب انكو تخسروا بعض
المهم هي البنت دي اصلا حسيت من كلامها انها بتحبه بس مش عاوزاه تاني وهو نفس النظام فدخلت كلمته بنيه اني اصالحهم والله بس هو رفض وهي كمان رفضت ونا عملت اللي عليا خلاص وبعدين البنت دي كانت بتفضل تشكر فيه جامد وانه متدين ومحترم وبيخليها تصلي وتصوم ديما
لما دخلت كلمته وكده ولا قيت مفيش حل وني تعبت من كتر الجدال هو عرض عليا انه يرتبط بيا اامهم شتمته وقولتله انت مش محترم زي ما هي بتقول عنك وكده وهو اتاسف والكلام جاب بعضه وهو اعتبر اني خلاص حبيبته وني مرتبطه بيه ونا باخده علي قد عقلو والله ومش عاوزه اكسر بقلب حد فيوم في ااتاني اتكلمنا كتير ونا اصلا بحب شاب تاني بس عمري ما كلمته اصلا والشاب التاني ده محترم ومتدين وعارف ربنا وهكذا
المهم حسيت من الشخص ده انه مش مظبوط وكل شويه مش تطلعي ومش تروحي وصوري اللبس اللي عليكي وعاوزه صوره وشغل العبط ده وهو بصراحه كان زنان قوي وكنت بسيبه يهبل مع نفسه كتير ومش برضي ابعت اي حاجه فا من كتر الزن عليا وحسسني اني مش واثقه فيه خالص وني جرحته بحاجه زي ده فبعتت صورتين بحجابي طبعا وهو قالي انه مش بيحفظهم عنده غير لما يستاذن فاستجدعته وقولت ده شخص محترم وهكذا
جيه في يوم امبارح زعلني وقالي انتي مجربه قبل كده ولا اي وزعلت منه جامد وقفلت تلفوني وفضل يرن خمسين مره عشان يصااحني ونا مرضتش لان دي في فعلا اول مره اكلم شاب ومعرفش اللي خلاني اعمل كده اي واخون ثقه اهلي فيا غير الفلوس اللي بدفعها في الاونلاين والكتب وهكذا ونا والله طول السنه ماشيه عالصراط اامستقيم بس جيت في اخر شهرين دول مشيت مع واحده صحبتي بتكلم بحكم انها زماله طريق بس مش اكتر وقولت انا مالي بيها انا عمري ما ابقي زيها بس بقيت زيها
الواد ده قالي عاوز اشوفك وكده وبعد محايلات كتير منه ومنها قولتله مش هاجي لوحدي خدت صحبتي وروحت قعدت في كافيه وهو جيه من مدرسته وراح مغمي عيني كده قال بيعملي مفاجاه يعني انا استغربت انه ازاي لمسني اصلا المهم قعد ونا قولتلها يلا نمشي ده مش مكاني ولا ده اصلي ونا عمري ما اعمل كده قالتلي اصبري بس وهو كمان قال اصبري المهم طول التلت ساعه مش عارفه ابصله وهو يقولي بصيلي
وأنا هموت من الخوف والكسوف في نفس الوقت راح اتجرا ومسك ايدي انا دماغي ساعتها وربنا وقفت عن العمل خلاص روحت ساحبه ايدي بسرعه وكررها كذا مره ونا اسحب ايدي راح الولد صاحب الكافيه لاحظ اني مدايقه ف قالو ممنوع التلامس قالو ماشي وفضل يخبط برجله في الجذمه بتاعتي من تحت عشان ابصله ونا مش عاجبني الوضع المهم هو ادايق من صاحب الكافيه وفضلو يبصو لبعض قولتلو انا مش عاوزه مشاكل بص قدامك قال انا همشي قولتلو امشي انت وبعد ما مشي استوعبت بقا اللي حصل
وفضلت اعيط عياط هسيتري انه هو شايفني ازاي عشان يمسك ايدي وصاحبتي تهدي فيا وتقولي عادي طالما ببحبك مفيش حاجه حصلت يعني قولتها لا انا عمري ما اكلمه تاني وحرفيا انا قرفت من نفسي جدا عاللي عملته واستوعبت متاخر وكنت ماشيه في الشارع بعيط زي اللي مقتوله قتيل ومش مصدقه ان حاجه زي دي حصلت معايا انا ساعتها بس حسيت نفسي زي البنات اللي كنت بقول عمري ما ابقي زيهم ولا شبههم وكرهته ومعدتش عاوزه تاني
حبيب صحبتي اللي كانت معايا عرف الحوار وقالي ابعدي عنه ده مش بيحبك ده بيتسلي ومش بيحافظ عليكي قولتله طب والصور قالي ولا يقدر يعمل بيهم اي حاجه متخافيش وخد رقمه ورن عليه وقالو ابعد عنها اللي هو انا يعني ولو راجل عاوزاك تعمل حاجه بالصور دي مع ان الصور والله كلها بحجابي وكامل كمان يعني مفيهاش اي اساءه ادب المهم الواد ده انكر انه كان معايا في كافيه اصلا ونه معرفنيش وهكذا وحبيب صحبتي قالي ان رن عليكي تاني قوليلي ونا هعرفه
الكلام ده كلو حصل النهارده ونا مش علي بعضي من ساعتها ومخنوقه جامد ومش عارفه اركز في اي حاجه انا بعملها ومذاكرتي والاكبر اني عملت حاجه تغضب ربنا مني ودي انا حاطها زي ذنب الزنا عندي ومش عارفه اعمل بجد واصلح اللي انا هببته ده اي وخايفه جدا
وعليكم السلام ورحمة الله وبركاته، شوفي حبيبتي، القصة وما فيها انك صاحبتي صحبة طريقها سيء(من صاحبتك الي بالسوشال ميديا الي عندها صاحب، للي بالمدرسة الي كمان مصاحبة)، .فإنت رحتي على موقف لا بيعكسك ولا بيعكس طريقة تربايتك، وييقلل من قيمتك لانك غالية ولازم تحافظي على نفسك. طبعا مش محتاجة اقلك انو الشخص هاد لازم يطلع من حياتك ولازم تلغي اي اشي بيخصو، وما تحطي ببالك شغلة الصور، انت بعدي عنو واستعيني بالله مش رح يخذلك سبحانه. وبدك تبعدي عن صديقاتك الي ذكرتيهن وبيشمل صاحب صاحبتك، تمام هو حاول "يساعدك" بس خلص اي علاقة او كلام معو ولا مع غيرو الغيها نهائي... حاولي شوفي صديقة الي تكون صالحة محترمة وما بتحكي مع شباب، بتقدري تفوتي دورات دينية وحلقات الي فيها محاضرات دينية للبنات، وبتتعرفي على صحبة صالحة. اما بالنسبة للذنب ، فربنا بيغفرو بإذنه تعالى ، ما تقلقي بس لازم تتوبي وتستغفري.. واحنا فايتين على ايام مباركة ادعي فيها واستغفري وحياتك رح تتحسن بإذن الله. المهم حافظي على نفسك💎
تم النشر الاثنين، ٢٦ مايو ٢٠٢٥
السلام عليكم ورحمه الله وبركاته انت واضحه جدا في كلامك انك استوعبت الدرس كويس جدا انه لما نشوف حد يعني واقع في ذنب بلاش نقول يعني اللي احنا احسن منه لانه وارد جدا تلاقي نفسك وقعت في نفس الخطا وفي نفس الذنب فده درس تمام خلاص طيب في درس كمان اتعلمناه ان احنا ما ينفعش ناخد حد على قد عقله مينفعش خالص ما ينفعش اقول انا خلاص سايباه كده يفتكر اللي يفتكره لا طبعا احنا نبقى واضعين حدود دي حاجه مهمه جدا وبلاش ندخل في مشاكل وحاجات ما تخصناش على سبيل انه احنا كده يعني بنصلح او إن احنا بنعمل حاجه كويسه لا اخرجي بره المواضيع دي تماما دي دروس اتعلمتيها وهي دي اهم حاجه في الموقف الدروس اللي انت تعلمتيها من الموقف ده مساله بقى الصور والحاجات اللي انت بتقوليها دي يعني خليني اقول لك ببساطه كده ده عيل. ده عيل في المدرسه فيعني هو ده آخره شويه اللعب والهبل اللي هو بيعملهم دولت يتكلم في التليفون وينزل يتقبل في الكافيه ويعمل الحركات التافهة دي اللي هي يعني بتاعه السن ده بتاعه الحبيبه فيعني معندوش اكتر من كده ومش هيشغل باله ولا هيبذل مجهود في إن هو يعني يعمل اي حاجه تخص ولا غيره فما تتعبيش نفسك خالص ما توجعيش دماغك. خليكي بس مركزه مع نفسك انك ما توقعيش في نفس الاخطاء دي مره تانيه وتاخدي حذرك وتوقفي أي سكه كانت هي السبب في ان هي دخلتك في خطأ انت كنت في غنى عنك.
تم النشر الثلاثاء، ٢٧ مايو ٢٠٢٥
الشيطان بيلعب فى دماغك وبيخوفك وبيكبرلك الذنب ومن أساليب الشيطان انه بيصغرلك المعصيه قبل ماتعمليها وبيكبرلك ذنبها وجزائها بعد ماتعمليها وبيخوفك عشان يتمكن منك أكتر لأن الشيطان مدخله للإنسان هو الخوف والضعف ف مش تدى للشيطان فرصه إنه ينتصر عليكى بل انتى انتصرى عليه واهزميه بإنك تقومى إيمانك بالله وتأكدى ان ربنا هايقبل توبتك وهايغفرلك ذنبك
تم النشر الثلاثاء، ٢٧ مايو ٢٠٢٥
أولاً انتى معترفه بغلطتك وده شئ عظيم لا يخرج الا من فتاه عظيمه الإنسان مابيتعلمش ببلاش ودى محنه جواها منحه ليكى ولازم تغتنميها وده درس ليكى مش عشان توقفى حياتك وتفضلى ندمانه لا ده درس عشان تتعلمى منه وتعرفى تحافظي على نفسك فى المستقبل ولسه هاتروحى الجامعه وتتعرضى للمواقف دى وكمان يعلمك انك تصاحبى اللى أخلاقه شبه أخلاقك كما قال الرسول صلى الله عليه وسلم المرء على دين خليله فلينظر أحدكم من يخالل ومتحطيش نفسك جوا دايرة الندم لأنك مش هاتطلعى منها لو حطيتى نفسك فيها الإنسان مش معصوم كلنا بنغلط لأننا بشر وعن أبى هريرة رضي الله عنه قال قال رسول الله صلى الله عليه وسلم (والذي نفسي بيده لو لم تذنبوا لذهب الله بكم، ولجاء بقوم يذنبون فيستغفرون الله فيغفر لهم) رحمة ربنا واسعه والله غفور رحيم وإن الله يحب الأوابين وعايزه اقولك حاجه ونصيحه ليكى بلاش تقولى انك بقيتى شبه البنات اللى مكانش بيعجبك تصرفاتهم بس بصى للموضوع من زاويه مختلفه شوفى البنات دول بيعملو كدا ليه هو ده مش مبرر للغلط ولا ينفى كونه حرام بس عشان انتى متحطيش فى دماغك النقطه دى لأنها مرهقه جداً واستعينى بالله شكلك بنت متفوقه توكلى على الله وانسى كل اللى حصل وامحيه من دماغك عشان تشوفى مستقبلك وبالتوفيق ياسكر❤️❤️
تم النشر الثلاثاء، ٢٧ مايو ٢٠٢٥
وعليكم السلام ورحمة الله وبركاته، أختي العزيزة، أسأل الله أن يفرّج همك ويثبت قلبك على الطاعة والابتعاد عن كل ما يغضب الله. قرأت قصتك بعناية وأرى ما تمرين به من لخبطة نفسية وضغط كبير، وأعلم أن هذا الوضع مؤلم ومربك جدًا، خاصة وأنتِ في مرحلة مهمة جدا في دراستك وفي حياتك عموماً. ولكن تذكري دائمًا أن لكل مشكلة حل، ولا شيء يستحق أن تخسري به تركيزك ومستقبلك، ولا أن تجرحي نفسك أو تقسي على ذاتك. سأقسم لك ردي إلى نقاط عملية تناسب وضعك: أولًا: أعيدي ترتيب أولوياتك انتِ في سنة ثالثة ثانوي، وهي مرحلة تحتاج تركيزك كله. حاولي تقسيم وقتك بين الدراسة والراحة، ولا تسمحي لأي علاقة أو موضوع أن يشغلك عن تحقيق هدفك الأساسي. ذكري نفسك بأن هذه المرحلة ليست وقت صداقات أو علاقات عاطفية معقدة، بل وقت لبناء مستقبلك. ثانيًا: مشاعرك تجاه الأشخاص من الواضح أن هناك كثرة مشاعر غير مستقرة تجاه أكثر من شخص، وهذا أمر طبيعي في عمرك، ولكن يجب أن تتحكمي في هذه المشاعر، ولا تسمحي لها أن تسيطر عليك. المشاعر تجاه هذا الشاب الذي تصرف بشكل غير محترم لا تعني أنه يجب أن تكوني مرتبطة به أو تضحي بثقتك في نفسك من أجله. وجود الصورة التي بعثتيها له، رغم أنها بحجابك، كونِت ثقة بشكل مبالغ فيه مع شخص غير جدير بها، وهذا أمر يجب أن تتعلمي منه أن تكوني أكثر حزمًا في الحفاظ على حدودك الشخصية. ثالثًا: التعامل مع المواقف الصعبة ما حدث في الكافيه مع هذا الشاب الذي مسّك يدك هو أمر مؤلم ولا يجب الاستهانة به. جيد أنك وقفتِ في وجه موقف غير مريح ورفضتهِ. عليكِ أن تعتزي بنفسك أكثر ولا تسمحي لأحد أن يتعدى عليكِ أو يجعلِك تشعرين بالخزي. ابتعدي عن هذه اللقاءات، وعن أي شخص يضايقك أو يعاكسك. رابعًا: إصلاح النفوس والوصاية على النفس استغفري الله واطلبي منه العون، فهو أرحم الراحمين، ولا تجعلي شعور الذنب يحطمك، بل اجعليه دافعًا لتصحيح نفسك والعودة بقوة. ركزي على الصلاة والدعاء، واعملي على البدء بنظافة نفس جديدة تبدأها من الآن. خامسًا: دعم ومساعدة خارجية بما أن الموضوع كبير ومؤثر، قد تحتاجين إلى استشارة خبيرة نفسية أو مدربة حياة تساعدك على تجاوز هذه المرحلة بشكل سليم وسلمي. يمكنكِ زيارة صفحة الخبراء في تطبيق فدني على الرابط https://www.fedni.net/experts واختيار خبيرة نفسية أو مدربة متخصصة تساعدك في تنظيم مشاعرك واستعادة التوازن. سادسًا: أمانك وحمايتك تأكدي من عدم مشاركة صورك أو أي معلومات شخصية مع أي شخص غير موثوق. لا تخافي من طلب المساعدة من أهل ثقة أو مشرفين في حياتك إذا شعرتِ بأي تهديد، خصوصاً بعد هذه التجارب. أختي، أنتِ قوية بإذن الله، وهذه التجارب مجرد دروس في حياتك، لا تسمحي لها أن تعيق مستقبلك. كوني حكيمة في التعامل مع مشاعرك وقراراتك، ولا تنسي أن الله معك في كل خطوة. لو تحبي تُشاركي أكثر أو أقدر أساعدك في ترتيب وقتك ومشاعرك، أنا موجودة دائمًا. وخليكي واثقة أن أفضل أيامك قد تأتي بعد هذه المحنة. أسأل الله أن يثبتك ويعينك ويرزقك السلامة والطمأنينة. ذكية 🌸
تم النشر الاثنين، ٢٦ مايو ٢٠٢٥
اسمعي ابعدي عن كل دا و توبي و ركزي في الوقت الباقي
تم النشر الثلاثاء، ٢٧ مايو ٢٠٢٥
كله غلط ف غلط
تم النشر الثلاثاء، ٢٧ مايو ٢٠٢٥
لعرض السؤال في فدني اضغط هنا