بابا اتوفى وانا صغيرة وماما اتجوزت وعايشة مع جوزها وعيالها منه حاليا وانا عايشة مع جدتي وعشان دا بيت جدتي فعلى طول يجي فيه ولاد خالاتي وخالاتي يعني المكان اللي بيتجمعو فيه كلهم وليا ابن خالة هو أولى كلية دلوقتي على طول يجي لوحده من غير تجمعات وكان على طول يحاول يقرب مني وفي مرة لما بدأ يتمادى زعقتله وقلتله اني هقول لتيتا تقول لابوك وهو يتصرف معاك
هو اتضايق من تهديدي ليه وعمل حاجه مش كويسة معايا هو اضخم مني كتير في الجسم فعرف يسيطر عليا انا ساعتها نزفت نزيف مش طبيعي وهو اتخض من دا ولم الموضوع ومشي وقالي لو قولتي لحد انتي كمان هتيجي في الرجلين يعني مش انا لوحدي فسكت
وانا كمان مكنتش هقدر أقول حاجه زي دي لأي حد وبعد الحوار دا مجاش شهر كامل ولا شوفته والمشكله اني لسه بنزف مش عارفه في ايه والوجع مش طبيعي انا تعبانه من الحوار دا جسديا ونفسيا مبقتش عارفه اعمل حاجه وعاوزة حد يساعدني ومش عارفه اقول لمين خايفه انهم يلوموني معاه زي ماهو بيقول وانا لسه صغيرة في السن فمش عارفه اتعامل كويس والموضوع مأثر عليا اوي
دي جريمة اغتصاب واضحة و انتي محتاجة مساعدة طبية ونفسية فورية مش نصيحة. اسف اني اتاخرت في الرد بس انا مش برد بترتيب معين و اغلب الأعضاء هنا و الخبراء في شغلهم دلوقتي.. بصي يا اختي اللي حصل معاكي ده جريمة كبيرة مش ذنبك فيها خالص، ومينفعش تسكتي. النزيف اللي عندك ده مش طبيعي، ده بسبب إن جسمك اتأذى جامد لازم تروحي مستشفى أو وحدة طوارئ فورًا علشان يوقفوا النزيف ويطمنوا إن مفيش ضرر داخلي . ما تستنيش، قولي لأي حد كبيرة بتثقي فيها جدتك، خالتك، أو حتى مدرسة إنك محتاجة تروحي مستشفى ضروري. ما تخافيش من كلام الناس، اللي غلط هو اللي اعتدى مش إنتِ . وبعد ما تتعالجي، لازم تحكي لحد كبير مسؤول يساعدك تاخدي حقك وتتحمي منه. إنتِ محتاجة أمان وعلاج، مش لوم. أول خطوة دلوقتي: روحي تتكشفي فورًا. بعد كده تصارحني الدكتورة باللي حصل.. بينك و بينها و تقولي انك عايزة تعملي تقرير طبي بحالتك.. تعمل تقرير طبي مبدئي بالحالة.. ده أول ورقة قانونية بتثبت الإصابة. تحاول تخلي الطبيبة تكتب كل التفاصيل.. نزيف، تمزقات، ألم، إلخ.. و بعد كده هتحرري محضر انتي بنفسك او اي ولي أمر ليكي تقبلي بيه و يتفهم الموضوع.. و ملحوظة مش معني ان امك عايشة مع جوزها و عيالها منه انها مش عايزاكي.. او مش مهتمة.. انتي بنتها روحي احكي ليها اللي حصل.. و ممكن تتصرف بنسبة كبيرة.. سكوتك دلوقتي مش في مصلحتك.. في مشكلة أكبر لازم كمان تعملي تحليل أمراض معدية علشان لو الإنسان القذر اللي معندوش دين ولا عرض ولا شرف ده كان متعود علي العلاقات بره وارد يبقي عنده مرض جنسي معدي دي نقطة النقطة التانية.. لازم يوفروا منع طارئ للحمل حبّة أو أفضل لولب نحاسي خلال 5 أيام من حدوث الواقعة وفحوصات وقاية للأمراض المنقولة جنسيًا ضرورة قصوي مش خيار.. ((( بس بما ان الوقت فات لازم تنقذي ما يمكن انقاذه))) انتي كده كده خسرانة علي كذا مستوي.. لازم تاخدي حقك في الأول اعتداء عليكي وفي الاخر تهديد غلطك انك انتظرني شهر.. للبنات بصفة عامة اي واحدة يحصل ليها الموقف ده بلاش تستحمي مفيش دش ولا ميه تكتفي بإيقاف النزيف بفوطة و تروح المستشفي مع الاب او الام و متستحماش نهائي غير لما الطبيبة او الطبيب الشرعي يكشف عليها ، يعني ايوه غالبا الدكتور هيتصل بالنجدة لو انتي قاصر او بالقسم او هيطالبك تروحي تعملي محضر الأول تثبتي حالة بس لو قاصر الشرطة هتيجي لحد المستشفي .. و من هناك الشرطة هتحولك علي المستشفي.. ليه. علشان الأدلة و في المحضر قولي كل كبيرة و صغيرة بكل تفصيل حتي لو غلطانة و بكل تهديد سمعتيه كله..
تم النشر الثلاثاء، ٧ أكتوبر ٢٠٢٥
بسبب القوة الجسمانية ...والعنف اللى حصل معاكى دة سبب لك شبة جرح وتهتك بالاعضاء التناسلية ...ولازم يتم الكشف عليكى فورا من خلال طبيب نساء ...لان الامر ممكن يتفاقكم معاكى لان اكيد فى عندك جروح داخلية ودة متوقع بسبب الشد والجذب ورفضك للموضوع من الاساس يرجى الاهتمام
تم النشر الأحد، ١٢ أكتوبر ٢٠٢٥
اللي حصل ده جريمه ولازم تبليغ عنو وانتي ملكيش اي ذنب ومتخافيش منو نهائي ولازم تروحي لدكتور عشان موضوع النزيف وكمان تتعالجي نفسيا من اللي حصل متخافيش نهائي وخدي الخطوه ويلغي عنو واستعيني بالله وطول مانتي معاكي الحق ربنا هيكرمك بتمنى تقدري تتخطي اللي حصلك وهو ياخد جزاته
تم النشر الأربعاء، ٨ أكتوبر ٢٠٢٥
تهديده لك اسلوب ضعف منه لانه اجرم في حقك وضروري تقولي لجدتك علشان تكشفي وتطمني على نفسك وتعالجي المشكلة اللي حصلت وما زالت مستمرة ثم تطمني اذا كان حصل اذى لمستقبلك او لا وعلشان كده مهم انك تتكلمي مع خال او عمه او جدتك او اي حد لان استمرار السكوت خطر على حياتك ومستقبلك
تم النشر الأربعاء، ٨ أكتوبر ٢٠٢٥
عزيزتي، أولًا أود أن أقول لكِ أنني أشعر بمدى صعوبة الموقف الذي تمرين به، وما حدث لكِ ليس خطأك أبدًا. أنتِ ضحية وتستحقين كل الدعم والرعاية، ولا يجب أن تضعي اللوم على نفسك أبداً. موقفكِ خطير جدًا، خاصة وأنه تضمن اعتداء جسدي ونزيف غير طبيعي يجب أن يؤخذ على محمل الجد. هذا الأمر يتطلب تدخلاً فوريًا لحمايتك وللحفاظ على صحتك الجسدية والنفسية. إليكِ بعض الخطوات المهمة التي أنصحك بها الآن: الاهتمام الصحي العاجل: النزيف والألم الذي تعانين منه يجب أن يُفحص على الفور من قبل طبيب نسائي مختص في أقرب مستشفى أو عيادة. هذا ضروري ليس فقط لعلاج النزيف، بل للتأكد من سلامتك الجسدية بعد ما حدث. طلب المساعدة من شخص موثوق: أنتِ تشعرين بالخوف وهذا طبيعي، لكن من المهم أن تخبري شخصًا كبيرًا تثقين به—مثل جدتك أو أي فرد بالغ لطيف من العائلة أو الجيران—ليساعدك ويحميك. لا تبقي هذا العبء وحدك. الإبلاغ عن الاعتداء: الاعتداء الذي تعرضتِ له ليس جريمة صغيرة، ويجب أن يتم التعامل معه بجدية. أنتِ ليستِ مذنبة ولا تستحقين أن تخافي أو تُلومي. يمكنك أن تطلبي الدعم من الجهات المختصة، مثل الشرطة، أو المنظمات النسائية التي تتخصص في دعم ضحايا العنف. دعم نفسي: الموقف الذي مررتِ به له أثر نفسي عميق. قد يكون من الصعب عليك تحمل هذا الوزن بنفسك، فالتحدث مع مستشارة نفسية أو مدربة حياة متخصصة يمكن أن يساعدك كثيرًا على تخطي هذه الصدمة واستعادة قوتك. الحفاظ على السلامة: من المهم أن تحاولي الابتعاد عن صاحب التصرف السيء، واتخذي إجراءات للحفاظ على سلامتك منعا لأي اعتداء جديد. عزيزتي، لا تهتمي بما قاله لكِ المعتدي أو الألم النفسي الذي قد تشعرين به بسبب سماع أحكام الآخرين. أنتِ قوية، وهذا الظلم لن يحدد مستقبلك. إذا أردت، يمكنني مساعدتك في الوصول إلى خبراء في "فدني" يستطيعون توجيهك بشكل أفضل أو تقديم المشورة المناسبة. فقط أخبريني. وأخيرًا، أود أن أقول لكِ: لا تحقري من قيمة نفسك أبدًا، واطلبي الحماية والدعم، فأنتِ تستحقين حياة آمنة وسعيدة بإذن الله. هل ترغبين أن أقدم لكِ روابط لبعض الخبراء في الحماية النفسية أو القانونية؟ أنا هنا معك.
تم النشر الثلاثاء، ٧ أكتوبر ٢٠٢٥
قولي لجدتك ومتخافيش ضروري تعرفي حد يساعدك ومحتاجة تكشفي وهو محتاج يتحاسب واوعي تخافي هو كدا كدا متضرر لانه اكبر منك وفاهم اما انتي مكنتيش فاهمة واحكيلهم الي حصل زي م بتحكي هنا انه سيطر عليكي واجبرك على كدا ومتخافيش ..قولي لجدتك او اي حد من عيلتك كبير زي امك خالتك شوفي مين بقا بتثقي فيه وقولي اوعي اسكتي
تم النشر الأربعاء، ٨ أكتوبر ٢٠٢٥
لعرض السؤال في فدني اضغط هنا