متقدملي حد وهو مناسب جدا جدا كشخصيه وشغل وكده هو قريبنا... باباه ميعرفش انه ابنه اتقدملي لان ابنه يعني كلم بابا الاول ولو وافقنا هيقول لاهله وكده.. بابا في مقام خالو يعني .. المهم تكلمنا مره أنا وبباه ولقيتو بيقول لي ياريتك شفتك من زمان وقبل مراتي ..ومره يقولي انتي دلوعه وصوتك حلو ..وكلام كده ملوش لازمه
اعمل اي ؟؟
انا وجهه نظرى انك تستخيرى اولا و ثانيا تتأنى اوى فى الاختيار لأنه صعب اوى و لو مكانك هرفض طبعاً ده راجل مش مضمون و وارد جدا يتعرضلك و ياريت تتجنبى الجوازة اصلا علشان تأمنى نفسك لكن لو مصرة اوى و عاجبك خدى بالك من نفسك اوى و اعملى حدود قوية و متخافيش من حاجة ربنا معاكى
تم النشر الأحد، ١ فبراير ٢٠٢٦
السلام عليكم، مش عارفة درجة تمسكك بالشخص ده وهل شايفاه مجرد عريس كويس متقدم وعادي ترفضيه أو لأ. بس عامة أنا شايفة الجانب السلبي أكبر في الموضوع، يعني أنتِ مش ضامنة بعد الزواج (خاصة لو هتسكني في بيت عائلة) ممكن يتعامل معك إزاي أو يتطاول بأي طريقة لفظية أو جسدية (زي ما بيعمل البعض للأسف) حتى لو هتسكني بعيد، أكيد هيكون فيه زيارات متبادلة وهتضطري تتعاملي معه ومش هتضمني تصرفاته وممكن حتى متقدريش تصارحي زوجك ولا تضمني النتائج اللي هتترتب على حياة زي كده، رأيي بلاش مخاطرة، لو حصل ووافق إن ابنه يتقدم فارفضي ولو والدك صمم يقنعك بالموافقة أو يعرف السبب لو أصريت على الرفض متتردديش تصارحيه بكلام الرجل ده. وتجنبي تكلميه تاني أو تتعاملي معه ولو قابلتِه في مقابلة عائلية تجنبيه خالص. وربنا يحفظك ويبعد عنك كل سوء.
تم النشر الخميس، ٢٩ يناير ٢٠٢٦
يا حبيبتي، أنا فاهمة تمامًا إحساسك بالإحراج والقلق ده، خاصة إن الشاب مناسب وكل حاجة تمام، بس كلام أبوه ده فعلاً خارج عن المألوف ومش مناسب خالص، وده يخلي الواحد يشك في الاحترام والحدود. إيه اللي تعمليه دلوقتي خطوة بخطوة: متتردديش تتكلمي مع باباكِ فورًا : قوليله بالضبط اللي حصل بالكلام ده، عشان هو اللي هيتابع الموضوع رسميًا. في الإسلام، الخطبة تبدأ بالأهل والاحترام، ولو في إشارة زي دي، لازم يتقفل الموضوع قبل ما يتطور. لو حسيتي إن الشاب نفسه مش هيقدر يسيطر على أبوه أو يحافظ على الحدود : ده إشارة حمراء كبيرة. الزواج مش بس مع الشخص، ده مع الأسرة كلها، وأي فتنة أو عدم راحة معناها "لا" من الأول. خدي وقتك في التفكير : متسرعيش في الرد، صلي استخارة وفكري في راحتك النفسية أولًا. اللي ربنا كاتبه هيجي بسلام وطمأنينة. لو عايزة استشارة خاصة روحي لصفحة الخبراء هنا: https://www.fedni.net/experts – في متخصصين في الإرشاد الأسري هيساعدوكِ. أنتِ قوية وهتختاري الصح، ربنا ييسرلكِ الخير يا رب! 💕
تم النشر الخميس، ٢٩ يناير ٢٠٢٦
ولله يحماعه كلامكو يحترم واقتنعت بيه واستخرت ربنا محصلش نصيب ورفضته
تم النشر الأحد، ١ فبراير ٢٠٢٦
ايه الراجل دا؟حطي حدود بينك وبينه ، وياريت لو متتكلميش معاه أو تتجنبيه عموماً لانه كدا اكيد انتي فاهمه هو ماله ، إبنه لو كويس مفيش مشكله بس اهم حاجه متقعديش في بيت عيله أو قريب منهم عشان ميبقاش في احتكاك بينك وبين ابوه
تم النشر الخميس، ٢٩ يناير ٢٠٢٦
يمكن الأب بيتعمد الكلام بالطريقة دي عشان يخرب جوازة أبنه .. على كل حال لعل رفضك خير لكي ويمكن الولد متأثر من شخصية أبوه وممكن لا برضو
تم النشر الأحد، ١ فبراير ٢٠٢٦
السلام عليكم ... شوفي هو في احتمال ان الأب ده شخص سام وبيتعمد الكلام معاكي بالطريقة دي عشان يطفشك من أبنه.. في فعلا آباء سامين وهدفهم تدمير ولادهم فطبعا في الحالة دي هتبعدي عن المسخ ده تماماً / طبعا مش بعيد يكون الأب خرب جوازات تانية على الأبن وشوه سمعة الولد وحتى ممكن يقطع رزقه وكل ده من الخبث والشر / حاليا ركزي على الإبن هل هو مازال ضحية للأب ده ولسة في حالة توتر وضعف شخصية وخجل و قهر وحسرة من تصرفات الأب ولا الولد في مرحلة تعافي نفسي وعايز يبني معاكي بداية جديدة على نظافة و حياة طيبة ...... وده هتعرفيه من خلال أول حاجة والدة الولد فلو كانت أمه وعائلتها عائلة طيبة ومحترمة فأكيد الولد عنده نصيب من الأخلاق والاحترام أما لو كانت الأم وعائلتها عندهم مشاكل فأكيد الولد كذلك . وبرضو اقعدي معاه واتكلمي وافهمي شخصيته وخذي وقتك عشان تتكشف طباعه لكي ........ ولو لقيتيه كويس مفيش مانع تصارحيه ان أبوك قال لي كذا كذا (هنا هو هيموت من القهر) لكن انتي هتكملي وتقولي انك انتي مش هتخلي الكلام ده يعيق العلاقة ... وبالله التوفيق
تم النشر الأحد، ١ فبراير ٢٠٢٦
اعمليلوو بلوك ومتتكلميش معاه تاني عشان عنده حاجه ناقصه أن يكون راجل بس
تم النشر الأحد، ١ فبراير ٢٠٢٦
بصي دا راجل نسونجي وبصباص وممكن يعملك مشاكل بعد الجواز.
تم النشر الجمعة، ٣٠ يناير ٢٠٢٦
هعمل كده👩🦯💔
تم النشر الخميس، ٢٩ يناير ٢٠٢٦
ابعدي عن الراجل ده وارفضي العريس من وجهة نظري ده الاحسن علشان تتجنبي المشاكل والكوارث في المستقبل
تم النشر الخميس، ٢٩ يناير ٢٠٢٦
خلى بالك لحسن يدخلك فى سكة لا تحمد عقباها سواء الان او بعده
تم النشر الخميس، ٢٩ يناير ٢٠٢٦
من وقتهاا مكلمتوش تاني بس ابنه كويس ونا قبلاه وخايفه ابوه يرفض الجوازه او يوافق عشاني او يتعرضلي
تم النشر الخميس، ٢٩ يناير ٢٠٢٦
لعرض السؤال في فدني اضغط هنا