ممكن نصيحة ومن وجهة نظركم ده ايه بالظبط
السلام عليكم، فيه احتمال كبير إنه يكون لاحظ مشاعرك وبالتالي دي طريقته في إنه يبعدك أو يضع حدود بينكم ويعرفك إن مشاعرك غير متبادلة. أنتِ 15 سنة وده عمر المشاعر فيه بتكون خضراء وبتتعرفي لسه على عالم جديد وبتنتبهي للجنس الآخر وبتشوفي البنات والأولاد حواليكِ بيتكلموا عن الحب والارتباط فمن غير ما تحسي بتبدئي تبحثي عن الشخص اللي توجهي إليه المشاعر دي. ويمكن أسقطتِ مشاعرك على أقرب حد في محيطك، لكن ده مش معناه إن مشاعرك دي حقيقية ومستمرة. المشاعر مع الوقت بتتغير وكل ما بتكبري كل ما بتتغيري أنتِ نفسك ونظرتك للدنيا وكمان للجنس الآخر بتتغيري وممكن الشخص اللي شايفاه دلوقتي فتى الأحلام والحب الوحيد اللي مش هتقدري تعيشي من غيره بعد كم سنة ولا حتى بعد كم شهر تلاقيه مبقاش زي ما كنتِ فاكرة وممكن قوي تعجبي بحد تاني، عشان كده نصيحة، ركزي في دراستك دلوقتي وطوري من نفسك وعقلك عشان وقت ما تيجي تختاري الإنسان اللي هترتبطي به في الحلال تعرفي تختاري صح. بالتوفيق.
تم النشر الثلاثاء، ٢٩ أبريل ٢٠٢٥
بصي فكك انا زيك وبرده على فكره لسه بحبه بس بركز في دراستي وعلى فكره لما ابينلو حاجه مش بحب كده او مش حابه ان انا اعمل حاجه زي كده هو لو بيحبني هو هيجي يعترف لان الولد اللي بيعترف وانا شايفه بصراحه هو لو عايز حاجه هيجي يقولي بس انا ابين أو اقولو ده صعب جداااا في انتي فكك وهو لو بيحبك هيجيلك ركزي في الدراسه وادعي لربنا واسمعي فديوهات ازاي ادعي أن يكون حد من نصيبي بطريقه الصح وخير أن شاء الله
تم النشر الأربعاء، ٣٠ أبريل ٢٠٢٥
السلام عليكم ورحمه الله وبركاته. لو انت سؤالك هو ده ايه اللي حصل معاكي فده كده يعني ايه انت بتجربي لسه المشاعر بتاعه الاعجاب والانجذاب في ناحيه الولاد عموما وده أقرب حد اتكلمتِ معاه او في يعني مساحه انك تتكلمي معاه وتهزري وتحسي ان هو بيرد عليك فتترجمي ده على ان هو اهتمام متبادل وتبدئي تركزي بقى في صفاته بشكل يعني دي كلها بس حاجات لها علاقه بالمرحله العمريه اللي انت فيها والتطور العاطفي بتاعك بس مش اكتر مش عايزاك تترجمي الموضوع اكثر من كده ولا تفتكر ان انت كده بتحبيه ولا حاجه انت هتبدئي تتحركي في الحياه وهتعرفي ان ده مكانش حب ولا اي حاجه ده كده لسه البني ادم بيجرب يعني ايه
تم النشر الثلاثاء، ٢٩ أبريل ٢٠٢٥
ممكن حد يقولي اعمل ايه
تم النشر الثلاثاء، ٢٩ أبريل ٢٠٢٥
لعرض السؤال في فدني اضغط هنا