Fatma Fathi

بالإضافة ان احنا لازم نسأل نفسنا انا ليه بغش؟ ليه بعمل الفعل دع وعشان ايه وايه اول حاجه بتيجى فى دماغى بتلهمنى على ان انا اغش ومن هنا نقدر نوصل لحل مع نفسنا ونحل المشكله لما نعرف الجواب لأننا كدا هانكون مسكنا المشكله الأساسيه وإذا انحلت المشكله الأساسيه هتلاقى المشاكل الفرعيه بتنحل وممكن الغش ده يكون مشكله فرعيه ناضجه عن مشكله اساسيه ولو فى اى توضيح تقدر/ى تسأل/ وتستفسر/ى

السلام عليكم ورحمة الله وبركاته أولاً/أحييك/ى على هذه الشجاعه والاعتراف بالحق فضيله ومحدش فينا معصوم من الخطأ لأننا بإختصار بشر وكلنا بنغلط بس الأهم إننا نتوب ونرجع لربنا يعنى توب من الذنب ولو أذنبته ألف مره ثانياً/ بالفعل الغش فى الإمتحانات حرام وده لأنك بتاخد حاجه مش من حقك وبتاخد درجات انت متعبتش فيها و الرسول صلى الله عليه وسلم قال من غشنا ليس منا ف ايه اللى يستاهل ان انت ينطبق عليك الحديث ده ثالثاً/فى ناس مقتنعه انها لما تغش هاتجيب درجات أعلى ومش قادرين يستوعبو ان الدرجه دى نصيب وإن بالغش او من غيره هما مش هياخدو اكتر من نصيبهم وأكيد انت هتسأل نفسك وتقول ازاى انا مثلاً لو داخل مش عارف ولا نقطه فى الإمتحان هاجيب نفس الدرجه اللى لو غشيت الإمتحان كله هاجيبها ف احب اقولك ان انت لما تعرف ربنا بيدبر الأمور ازاى هاتستعجب من حكمته وقدرته رابعاً/لو انت خدت الشهاده بالغش واشتغلت بيها فى ناس قالو ان الفلوس اللى هاتيجى من خلال الشهاده دى هاتبقى حرام لأن انت موصلتش للشهادة دى بمجهودك والله أعلى واعلم فى الختام ف انا عايزه اقول حاجه الموضوع ده لازم تتغلب/ى عليه ومنخليش الشيطان هو اللى يغلبنا ومره فى مره كله هايبقى تمام ولازم يكون الموقف حازم ومفهوش تهاون وخدها قاعده حطها قدامك وامشى عليها وهى ان درجتك مكتوبالك من قبل ماتتولد/ى وسواء كانت بالغش او بالمجهود الذاتي ف هى مش هاتتغير ومش هتاخد اكتر منها ف ادخل جيبها بالحلال احسن ماتجيبها بالحرام بالتوفيق🌸

بصى ياسكر من كلامك واضح انك مجتهده وانتى بتجيب علامات كويسه قبل ما تتعبي بس بصى محدش فينا مبيتعبش كلنا بنتعب وبننتكس ومبنبقاش قادرين نعمل اى حاجه ف دى حاجه متأثرة على نفسيتك بالعكس هى تقويكى لأن وجودك فى الحياه ومعاملتك للنجاح هى قوه فى حد ذاتها اما بقى بالنسبه للنجاح ذات نفسه ف كل إنسان منا مأمور بالسعى لا بالسعه و الله عز وجل هيحاسبنا على السعى وليس السعه ف انتى اعملى اللى عليكى وتوكلى على الله واحسنى الظن بالله وبالنسبه لخالك ف ميهمكيش مين يتكسف منك أو لا لأن محدش هيشاركك رحلتك غير والدك ووالدتك وحتى لو هما كمان مش فخورين بيكى ف ولا يهمك برضو لأن بإختصار السنه دى مش نهايه العالم ولا الفشل نهايه العالم والعالم ملوش نهايه غير يوم القيامه وطالما لسه فيكى روح بتتنفس يبقى لسه معاكى فرصه للنجاح وانك تثبتى نفسك اما بقى بالنسبه للمدرس ف ده مينفعش يتقال عليه مدرس لأن المعلم هو لازم يكون عنده ثقافه اسلوب وتربيه قبل مايكون مثقف فى العلم واللى هو عمله ده يتنافى تماماً مع أخلاقيات وتعاليم مهنته ورجوع ليه او لا ف انا برشح انه لا لأن ده انسان مريض وسواء كنتى موجوده معاه او مع مدرس غيره ف انتى فى كل الأحوال هتقدرى تثبتيله انك قدرتى تنجحى فعلاً وهاحكيلك قصه صغيره فى مره كنا قاعدين فى درس وكنا عند مستر معروف بحزمه وشدته ف كان معانا طالب على قده شويه فى العلم ف المستر طرده ووالله عايزهاقولك ان المستر حاليا ندمان انه طرد الولد ده بعد ما الولد مشى وقدر يثبت فعلاً انه شاطر وطلع من الأوائل ف نجاحك كدا كدا هايوصله لو كنتى فى اى مكان ف دورى على راحتك النفسيه وإما بقى خوفك من الإنتكاسه ف احب اقولك انك لازم تشيلى كلمه انتكاسة دى من قاموسك نهائى لأن الإنسان الناجح هو اللى ميسم للفشل انه حتى يكون مجرد كلمه فى حياته ومهما شوفتى المشوار طويل ف عايزه اقولك ان مشوار الألف ميل بيبدأ بخطوه وخطوه فى خطوه بيخلص الألف ميل اما اللى بيقف يفكر هايخلص الألف ميل ازاى بيفضل واقف مكانه

بصى ياغاليه اللى المفروض انه يتعمل هو انك تبعدي وتقطعى العلاقه دى لأنها ليست فى إطار شرعى بمعنى انها علاقه محرمه ولا ترضى الله عز وجل ونهايتها لن ترضيك ومش بقولك متخليش بس حتى الحب احنا أُمرنا بكتمه وعدم الإعتراف بيه بمعنى ان حرام اروح اقول للأجنبى (ليس من محارمى) انا بحبك فاللى المفروض يتعمل فعلا ياسكر انك تبلغيه ان اللى بينكم لازم يقف وكل واحد فيكم يشوف دراسته وهو يشوف مستقبله ولو عايزك فبيتكم موجود يتفضل ويطلب إيدك من والدك ولو مش قادر مادياً يصبر شويه وبعدين يتقدم وبحكم انك بتحبيه فهاتستنيه ثانيا انتى بتدرسى والدراسه مش محتاجه جهد قد ما هى محتاجه توفيق واى حاجه فى حياتنا عموماً فازاى ربنا هايوفقنى وانا بعصيه وبغضبه وخافى على نفسك لو انتى بتعصى ربنا وحياتك موفقه ثالثاً المطلوب ان الشخص اللى هكمل معاه حياتى وهايكون شريك ليا فى كل حاجة انه يكون راجل والراجل اللى يتقال عليه راجل بجد هو اللى لما يعوزك يدخل البيت من بابه ويقعد مع رجالة البيت ويطلبك للجواز منهم اما اللى بيدخل للبنت وبحبك وعايزك ومش عايز غيرك عشان يدخل البيت فده مش راجل ولا يصلح ان يكون شريك يوم واحد وليس حياة بأكملها فانتى غاليه وهاتفضلى طول عمرك غاليه واللى عايزك ييجى لحد بيتك ويطلب إيدك من أهلك انا حاسه بيكى وعارفه ان البعد هايكون مؤلم جدا وصعب خصوصا لو انتى متعوده على وجود الشخص ده فى حياتك بس من ترك شيئاً لله عوضه الله خيراً منه وانتى لازم تشغلى وقتك سواء بإكتساب مهاره جديده او تركيز فى دراسه او تخرجى تتفسحى وتنجحى فى حياتك فكل دى بتكون مفاتيح للحياة يعنى لازم تشغل وقتك فراغك لأن الفراغ كارثه وهو سبب كتير من الأوجاع والمشاكل اللى فى حياتنا واعتذر منك لو كان أسلوبي فيه حده بس ده نابع من خوف عليكى ربنا يوفقك ويسدد خطاك ولو الشخص ده هو الخير ليكى يقربه منك ولو شر يبعده عنك

لو الإمكانية تسمح جيبى لابتوب لأنه هاينفعك اكتر من التابلت هيمشي معاكى دراسه وشغل وهتحتاجيه فيما بعد وده غير انه فيه مميزات افضل من التابلت وعملى أكتر والتالت زيه زى التليفون بس على شاشه أكبر يعنى كأنك بتستخدمى تليفون كبير فلو فى إمكانية انك تزودى على تمن التابلت وتجيبى لابتوب هايبقى أفضل ولو عندك مشكله انه هايكون تقيل فدلوقتى فيه لابتوبات كتير وزنها خفيف جدا اما لو على نوع التابلت فأنا لا افتيكى

الصح انك تخليها تقطع معاه مش تعملوها اختبار ولو نجح فى الإختبار يكملو مع بعض دى علاقه محرمه ف لو انتى بتحبى صاحبتك ماتساعديهاش على الحرام انصحيها ووجهيها ان قبلت النصيحه كان بها وإن لم تقبلها ف انتى بريئه منها أمام رب العالمين بس متكونيش معين ليها فى انها تكمل فى العلاقه دى حتى لو الولد ده بيحبها وهو لو راجل فعلا وبحبها هاييجى يتقدم ليها وهايدخل البيت من بابه ويقعد ويكلم رجالة البيت أما اللى بيدخل البيت عن طريق حريم البيت ف ده حطيه بره خانة الرجال لأن الراجل اللى بجد بيتكلم مع راجل زيه ودوغرى من غير لف ودوران

بس فيه حاجه انتى عملتيها حرام وهى اعترافك بحبك ليه ودى خطوه غلط وانك تروحى بيتهم وانتى عارفه انك هاتشوفيه ده برضو غلط بس انتي المفروض تتعلمي بقى خلاص جه وقت الاستفاده بس أولا تقربي إلى الله وتوكلى عليه وابدأى حياه جديده وربنا يوفقك

الأكيد إن أي علاقة بندخلها عمرنا ما بنخرج منها بنفس الشخصية اللي دخلنا بيها، لأنها تجربة بتغيّر جوانب جوانا حتى لو خرجنا منها خسرانين. فطبيعي جدًا إن شخصيتك تتغيّر كمان انك نسيتي الحب ده بالإجبار مش حاجة سهلة وده ممكن يكون سبب إحساسك بالضياع أو الكره لنفسك والناس والحياة، لأن قلبك حاسس إنك فقدت حاجة كان شايفها غالية وده بيخليه يقفل على نفسه ويحاول يحميك من أي وجع تاني وفوق ده كله انتي اتصدمتي في الشخص اللي كنتي شايفاه بيحاول يختم القرآن وبقى فجأة إنسان مختلف تمامًا الصدمة دي كفيلة تغيّر أي حد وكان ممكن تكوني في موقف أصعب لو كنتي كملتي معاه أما إنك نسيتيه فعلًا فده معناه إن مشاعرك كانت نابعة من فترة لسه كنتي فيها بتكتشفي نفسك ومشاعرك الحب الحقيقي بييجي لما نكون وعيين ومستقرين جوه نفسنا وفي الآخر متخليش التجربة دي تفضل خسارة في حياتك خدي منها دروسها وطلعي بيها أقوى لأنها مش محنة دي منحة فيها حكمة افتحي قلبك من جديد لأنك تستحقي تحبي وتتحبي بصدق وبطريقة تليق بيك وبقلبك النضيف❤️

انا معرفش حاجه عن السياحه ولا اعرف الشغل فيها كويس ولا لا بس اللى اعرفه ان دايماً اتعود تجرب بنفسك ومش بقولك مش تستشير بس دايما خلى حكمك وقرارك مبنيين على تجربتك لأن انت مثلا لما تجرب بنفسك هاتعرف هل الحاجه دى مناسبه ليك ولا لا لأنها ممكن تكون مش مناسبه لغيرك ولما تسأله يقولك لا مش حلوه بس ممكن لو انت جربتها تكون مناسبه ليك وتبقى حلوه

كلامك جميل على فكره وتفكيرك حلو وبتسألى سؤال كويس وبيفتح باب حلو للنقاش بصى بقى ياست البنات أولا هل احنا ربنا هايعوضنا عن كل حاجة حصلت لينا =أيوه طبعاً وعوض كبير اوى كمان وفعلاً هو عوض عن اى حاجه تتخيلها او متتخيليهاش اما بقى هايعوضنا ازاى ف دى حاجه بتاعة ربنا مش بتاعتنا احنا لينا أن ربنا وعدنا انه هايعوضنا عن الصبر والألم والحزن والشقاء وكل حاجه وما أدراكى ماعوض الله اما بقى عن والدك ف لا أحد يعوض مكانة الأب ولا حنيته ومساندته ووجوده فى حياتك ولكن هذا فى الحياة محدش هايقدر يعوضك عن والدك فى الحياه الدنيا إلا رب العالمين طبعاً طب فى الأخره انا هنا بقى عايزه اقولك حاجه احنا مش محتاجين اى حاجه فى الجنه عشان نعرف ان ربنا عوضنا ازاى انا اقولك دخولنا الجنه اصلا ده أكبر عوض ربنا هايعوضهولنا لأن أصلا ليس عمل المؤمن هو ما يدخله الجنه بل يدخل الجنه برحمة الله عز وجل لا بعمله ف دخولك الجنه أصلا هو العوض ذات نفسه طب هل الله عز وجل اكتفى ان دخولنا الجنه يكون عوض لينا =لا بل الله عز وجل قال أعددت لهم فيها مالا عينٌ رأت ولا أذن سمعت ولا خطر على قلب بشر ف انتى اول ماهاتدخلى الجنه هاتنسى كل حاجة ومش هاتبقى عايزه حاجه تانيه أصلا ولو قعدتى بس على باب الجنه هاتبقى راضيه وعايزه اقولك حاجه مش غلط ولا عيب انك تدعى ربنا يعوضك بشخص فى الدنيا يقدر انه يعوضك عن والدك مفيش حد بيعوض غياب الأب لكن الله عز وجل قادر على كل شيء ولة اجابتى افادتك قوليلى ولو فى نقطه تانيه تحبى نتناقش فيها ف انا هاكون سعيده بالنقاش ده

اعتقد انك انغمست بزياده وتعمفت جدا فى مشاكل الناس وازاى تدور على حلول ليها وتحلها كمان ف نسيا نفسك ومن غير ماتحس لقيت نفسك متورط وأعتقد أن مشاعرك دى مش من جواك احس انها من الوسط المحيط اللى انت غرقت فيه من غير ماتحمل نفسك بس بجد انا مش بزعل ولا حاجه بس هايبقى حلو اوى لو خدت هدنه كده وعملت وقت لنفسك وتفضي دماغك وتنسى انك فى يوم من الأيام كنت بتحل مشاكل الناس وتلبى طلب جسمك لأنه بيستغيث

رسائل من القرأن وهو كتاب جدا جدا رائع وفيه فوايد كتيره جدا وبيتكلم عن القرأن وبيفصل الحكمه من الآيات وكتاب الأب الغنى والأب الفقير وده يخص الحياه الإجتماعيه بإمورها كتاب عقدك النفسيه سجنك الأبدي وده كتاب جميل بتعلمنا ازاى نعرف العقده وكمان ازاى اننا نعالجها

انتظرى لما ابنك يعرف يعتمد على نفسه زى انه يعتمد على نفسه فى اللبس الأكل دخول التويلت يعنى على ٤ او٥ سنين ووقتها يكون جسمك استرد صحته وعافيته وتقدري انك تعوضى الكالسيوم والفيتامينات اللى انسحبت من جسمك فى فترة الرضاعه او من ناحيه تانيه خالص لما تكونى حاسه انك مستعدة نفسياً تعملى ده

بصى ياست البنات يا أشطر واحده فى المجال اللى انتى حباه وعيزاه وهاتدخليه بإذن الله بس قبل ما اقولك اى حاجه عايزه اقولك انك متضغطيش نفسك وتشيليها أكبر من طاقتها ولازم تكونى عارفه ان الفتره دى مش نهايه العالم ولا نهايه المستقبل لأن بإختصار شديد مفيش نهايه للعالم غير يوم القيامه وطول ما العالم منتهاش ف فى فرصه للنجاح والتقدم ودلوقتى انتى عايزه تزودى ثقتك فى نفسك من ناحية المذاكره ودى بتتبنى على انك 1-تقنعى عقلك باللى انتى عايزاه يحصل ازاى انا اقولك عندنا العقل اللاواعى بينفذ ويطبق اللى بيتقال ليه بمعنى انك لو فضلتي تقولى انا مش هاعرف او نش هاقدر او انا مش قد الفتره دى ف أبشرى لأن بالفعل ده اللى هايحصل حتى لو قدراتك عكس كدا طب ايه الحل الحل هو اقناع العقل اللاواعى بما هو مراد تحقيقه يعنى افضل اقول لنفسى انها شاطره وقويه وذكيه والدليل ان كان فى شخص محكوم عليه بالإعدام ف فى مجموعه من الأطباء حبو انهم يعملو تجربه علميه وجابو المحكوم عليه بالإعدام وقالولو انت هايتم لدغك عن طريق نوع من العقارب الساعه المميته ووضعو غطاء على عينه وتم شكه بكبره عاديه جدا والمفاجأة انه مات لمجرد ان العقل اللاواعى اقتنع انه هايتم لدغه بعقرب سام وإن اللدغه دى هتأدى للوفاه 2-لازم يكون لدماغى حدود بمعنى ان مينفعش فى الفتره دى ولا فى اى فتره من فترات حياتى ان دماغى تكون مفتوحه لكل حاجه وكل حاجه تكون واخده حجم أكبر من حجمها لأن ده هيأثر عليكى 3-متحطيش نفسك فى اى مقارنه مع حد والحاجه الوحيده اللى تقارنى نفسك بيها انهارده هى نفسك امبارح قارنى بين اليوم والامس وشوفى هل فيه تغيير ولا لا ولو كان فيه يبقى انتى كدا ماشيه صح لكن لو فضلتي تقارنى بينك وبين الناس والله كل الناس هاتتقدم وانتى هاتفضلى مكانك ف اعملى لنفسك قوقعه متشوفيش فيها غيرك وبس 4- متخليش على المذاكره وانتى مضايقه ومخنوقه وفى نفس الوقت اكيد لازم نذاكر طب ايه الحل الحل اننا نخلق لنفسنا الجو اللى احنا عايزين نذاكر فيه ومفيش مشكله اننا لما نفهم ناخد نفسنا وننزل نشترى ليها اى حاجه بتحبها ونكافئها انها لسه بتعافر وتكافح عشان توصل للى هى عايزاه وبلاش تاخدى المذاكره على انها إجبار خديها على انها رحله بتكتشفى فيها حاجات جديده وبعد كل درس تخلصين سجلى بيه فيديو كأنك أستاذ بيشرب لطلابه 5-بالنسبه بقى للتليفون ف الحل الأمثل هو Digital Detox وده تطبيق حلو اوى بيقفل التليفون ويمنعك من فتح اى تطبيق على التليفون وبيكون على حسب عدد الساعات اللى انتى عيزاه 💞(الحاجه اللى جايه دى بقى هى جوهر الحل كله وعشان كدا حبيت اختم بيها وهى الصلاة على وقتها والصدقه والله ماتخافى على مستقبلك طول مانتي قريبه من رب العالمين وبتسعى انك تعملى اللى يرضى ربنا والصدقه هى حل لكل المشاكل واى مشكله مع الصدقه بتتحل وجبر الخواطر انك تجبرى خاطر إنسان ف تأكدي أن ربنا هايجبر خاطرك)💞 اتمنى اكون قدرت تفيدك بالتوفيق يافخر بلدك وأهلك فى المستقبل وفى اى وقت💞💞

ممكن تزور أخصائي تخاطب يكون سعره رمزى وكويس وشاطر وممكن كمان المشكله دى يكون حل من حلولها هى الممارسه وتكرار نطق الحرف مش إخفائه لأن فى ناس كتير بتتجنب تنطق الكلام اللى بيحتوى على حرف هى لثغة فيه بس بشوف ان كتر التكرار بيحسنها وبالذات لما تتعمد تنطق كلمات فيها حرف الراء وتشوف مخارج حرف الراء وتحاول تخرجه صح وحتى لو معرفتش فلثغة الراء مش أزمه بس اعمل زى ماقولتلك ومش عيب ان الإنسان يحاول يساعد نفسه بنفسه

بصى ياست البنات اتعودي وعودى نفسك ان رحلتك فى الحياه دى تكون فرديه جه حد اهو هنتونس مجاش هنكمل اه الصحاب مهمين جدا بس ميأثروش على نفسيتنا وتقدري تعملى بدل صداقتها صداقه أجمل منها اما هى فحسسيها وعرفيها ان غيابها مفروش فى حياتك واستمرى انتى فى تطوير نفسك وسيبك من اللى يروح وييجى اللى عايز يدخل حياتك يا أهلا وسهلا واللى مش عايز مع السلامه

مبارك ليكى وعليكى انجازك فعلاً عظيم ولو كل الدنيا دى ضيعت عليكى فرحتك إنجازات ف متضيعيهاش انتى على نفسك وفى حاجه اسمها منك السعى ومن الله السعه انتى عليكى تسعى بس النتيجه مش بتاعتنا انتى معترفه ان والدتك مقصرتش معاكى ماديا وأكيد انتى مقدرتش فى دراستك فمتشيليش الهم وتزعلى نفسك وكل اللى هاتعمليه انك بكل هدوء هاتقوليلها على التقدير وأيا كان رد فعلها ف انتى لازم تكونى فخوره بنفسك وراضيه عن نفسك لأنك تعبتى واجتهدي ودخلت كليه صعبه وعافرتى عشان توصليلها واستمرى فى السعى ورا أحلامك ومتشوفيش حاجه قدامك غير نفسك وانجازاتك

محدش فينا معصوم من الخطأ والاعتراف بالحق فريضه وانتى غلطتى واعترفتى بغلطتك ف مش هانقيم عليكى الحد لأن كلنا مليانين عيوب وغلطات بس كل اللى تركزي عليه فعلا هو إرضاء رب العباد وليس ارضاء العبادى اه رضى اهلك مهمين ولازم تراضيها لكن رضا ربك اهم وانا معاكى ان اهلك غلطانين فى اهمالهم فيكى واهمالهم ليكى لكن برضومتحطيش ده مبرر بس انتى اهم حاجه تنسى اللى فات وهو درس عظيم لازم تتعلمي منه انتى فى منحه جواها منحة كتير ف اغتنيميها وربنا يوفقك ياسكر واه عشان تتخطى لازم تشغل وقتك ويومك ويفضل انك تشغليها بالعيادات واقولك على ٣ حاجات سحر كدا هاتتعجبى من مفعولهم وآثرهم الجميل فى حياتك وهما 1- سورة البقرة يومياً 2- الصلاة على النبي 3- الحوقلة وأبشرى بالمعجزات وبرضواسمعى ناس من اللى بتتكلم عم المواضيع دى هايفيدوكى

فى حاجه كمان انا نسيت اقولهالك انتى لازم تفوقى لنفسك وتاخد عهد على نفسك انك هاتغيرى حياة اليأس وتستبدليها بحياه مريحه وفيها أولوية لنفسك وبس وتقفلى على نفسك بعيد عن كلام الناس وتنجحى ووقتها تقفى بكل قوه وتستغنى عن اللى كان بيستغنى عنك وتثبت للكل إن حتى وانتى لوحدك قادره تعتمدى على نفسك وتثبت وجودك وقوتك

بصى بقى ياست البنات انتى ربنا بيحبك هاتقوليلى ازاى وليه هاقولك لأن ربنا عايزك ربنا عايزك ترجعيله وتتمسكى بالقرب منه وتستنجى بيه وتستعينى بيه ربنا عايز يتولى حياتك بمعنى توضيحى أكتر ربنا بيبعد عنك كل اللى يقدرو يساعدوك عشان تلجئى ليه بيبعد عنك كل الل بيمدوكى بالقوه عشان تستمدى قوتك منه بإختصار ربنا مش عايز حد يكون ليه فضل عليكى حتى لو الفضل ده كان عباره عن مشاعر ..ربنا عايز يغنيكى برحمته عن العالمين ومش هتلاقى راحه غير فى القرب من ربنا وليتك تحلو والحياة مريرة بمعنى انك محافظة على صلاتك وصيامك وقيامك والصدقات والأذكار ووردك ف تولع الدنيا ولا يهمك انتى كدا كسبانه الدنيا والأخره وفى قول تانى وهو إذ صح منك الود فالكل هين يعنى لو تحبني بس يارب مش هاعوز حاجه تانيه وهاعوز ايه غير ان انول حب رب العالمين وافتكرى قول الإمام الشافعى رحمه الله وليتك تحلو والحياة مريرة وليتك ترضى والإنام غضاب وليت الذى بينى وبينك عامر وبينى وبين العالمين خراب إذ صح منك الود ف الكل هين وكل الذى فوق الترابِ تراب أما بقى نفسك ف مستنيه من حد اى حاجه خلى نفسك عندها إختفاء عن حاجه الأخرين عايزه حد يشجعك شجعى نفسك محتاجه حد يفرحك فرحت نفسك خدى نفسك واعزميها على حاجه حلوه او خروجه هى بتحبها مش شرط حاجه مكلفه بس حاجه تفرحك خليكى انتى سند لنفسك بعد ربنا اما بقى اللى عايزين يشتو فيكى دول ف انتى شيليهم من دماغك خالص أولاً لأن دول ناس مريضه ومش من المنطق والعقل ان أشغل بالى بإنسان ماخلف عقليا ثانياً أى حاجه فى حياتنا هى نصيب وقدر ومكتوب لينا وهاضربلك مثال واحد كان عايز يدخل طب وخايف يكسر ثقة اهله وخايف الناس تشمت فيه وبالفعل مجاش طب وجاب كليه تانيه فى الموقف ده فيه نوعين نوع هايقعد يندب حظه ويلهم فى نفسه انه خذل اهله ويحط شماتت الناس فى دماغه ويشوف ان الحياه انتهت ونوع تانى هايشوف انه عمل كل اللى عليه بس الكليه دى مش من نصيبه وهايدي ويسعى ل حلم جديد وهايمشى فى الطريق اللى ربنا كتبه ليه وينجح فى دراسته ومجاله ويبقى حاجه مشرفه ووقتها قدر يرجع ثقة أهله وقدر يخلى الناس اللى بتشمت فيه ولا حاجه بالنسباله والفرق فى التصرف بين الموقفين بسيط بس منهم اختيار بنى حياة واختيار تانى هدم حياة وأساس كل ده هو اليقين بالله والقرب منه وحاجه اخيره حافظه على صلاتك لأمها اما ان تشقيك وإما ان تسعدك وافتكرى دايما أنه من خان حى على الصلاة خانته حى على الفلاح عذراً إن ثقلت عليكى فى الجواب

من الحاجات اللى هاتفيدك فعلا هى البروتين وأفضل بروتين للفطار هو البيئه المسلوق ولو مش بتحبيه ف ممكن تزوديني زيت زيتون مع ملح وفلفل أسمر وقطعى جمبه نوع خضار بتحبيه ومعاهم فنجان قهوه ف دى وجبه تفضل مشبعاكى فتره طويله اما بالنسبه وانتى فى لمحاضرة ف وجود ثمرة فاكهه معاكى او عصير فريش متجوز فى البيت يكون معاكى فى نص اليوم ف ده هايفرق معاكى جدا ودايما جسمك بالطاقه واهم حاجه الأكل لما ترجعى البين وأوقات كتير سد الشهيه ده بيكون اول ماتشوف الأكل از تفكرى فيه حتى بتحسى ان شهيتك مقفوله لكن اول ماتبدأى تاكلي بتفتح عادى وحاولى تاكلي آلات بتحبيه وتغيرى من طريقة الأكل التقليدية وممكن تعرفى حالتك على دكتور تغذيه

فى الأول احنا نبدأ بالعلاج اليدوى يعنى نحاول نعالج نفسنا بنفسنا يعنى شوف نظام يومك ومواعيد النوم وهل بتنام عدد ساعات كافى ولا لا وهل جسمك بيدخله غذاء بشكل سليم ولا لا وهل الغذاء ده مفيد ولا ضار وتعمل أنشطه لزياده التركيز وتقليل النسيان وانشطه تنشط الدوره الدمويه طب لو عملنا كدا والوضع زى ماهو وقتها بقى نبدأ نشوف الجانب الطبى و حضرتك ممكن تراجع طبيب متخصص أنف وأذن وحنجره لأن أوقات كتير بيكون الصداع والتقل فى الدماغ بسبب مشاكل فى الأنف وكمان الدكتور هايشوف لو فى التهاب فى الأذن الوسطى او الداخليه واعمل تحليل B12 لأن نقص الهيموجلوبين يسبب دوخه وصداع ونسيان وقلة تركيز وبيبهدل الجسم حرفياً اما بقى بالنسبه للخيول والكسل ف لو انت شايف ان الخمول والكسل وضعهم عندك مش طبيعى ف الأفضل اننا نعمل تحليل غده لأن خمول الغده بيعمل كسل وخمول وقلة نشاط وتعب من أقل مجهود إلخ الضغط الواطى بسبب بعض الأعراض ولو فيه أنيميا مع ضغط واطى بيعملو الأعراض دى بس انت أبدأ بالحجات الصغيره زى الروتين منفعش نشوف الضغط والأنيميا منفعش نشوف تخصص الأنف والأذن والحنجرة منفعش نشوف الغده يعنى خد من الأسهل شفاك الله وعافاك

بص هاقولك على حاجه انا معرفش العلاج صح ولا غلط بس العلاج مش لازم يكون ادويه ودكاتره انت بس صلى وقرب من ربنا وادعى انه يعافيك من الذنب ده ويقويك على نفسك ولما تحس انك عايز تعمل الحاجه دى اشغل نفسك بأى حاجه تانيه وابعد عن الحجات اللى بتسهلك فعل الحاجه دى ومتيأسش من نفسك ولا من رحمة ربنا والله لا يقيم للعبد نفسه حتى يراها تجاهد فى ان تستقيم وكل ماتقع ارجع لربنا وتوب واستغفر واستعيذ بالله من الشيطان وادعى ربنا انه يعافيك من هذا الذنب وحاول انك تشغل حياتك ووقتك لأن أول طريق للذنوب بعد البعد عن ربنا هو الفراغ

ماجعل الله لرجل من قلبين فى جوفه إما ان نملأ القلب بالقرآن او بالأغانى ولا يجتمع كلام الله مع لحن الشياطين وهى خطوه صعبه لكنها لا تحتاج الا الصبر إصبرى على سماع القرآن حتى يطهر قلبك من حب الأغانى وسماعها وهذا من الجانب الدينى ومن ناحيه الاحتياج الإنساني الرقص مش مجرد حركة جسم… هو لغة جسدية للتعبير، وتفريغ مشاعر، وتواصل مع الذات. كتير من الناس بيلاقوا فيه شفاء نفسي، وده واضح جدًا في كلامك: > "بحس ان الرقص بيخليني احسن… زي ما بيقولوا الرقص مفيد وبيخلي النفسية احسن." ده حقيقي جدًا. الرقص ممكن يكون شكل من أشكال التأمل أو التفريغ العاطفي، خصوصًا لما بيكون في مكان آمن ومع نفسك. انتي في مرحلة وعي ونضج روحي، وده واضح من جملتك: > "في نفس الوقت مش مقتنعه انا باغاني دينيه كونك بتسألي السؤال ده بصدق وبدون إنكار، فده في حد ذاته بداية قوية. مفيش إجابة واحدة تنفع لكل الناس، لكن في ميزان داخلي مهم تسألي نفسك فيه: هل الأغنية دي بتقرّبني من نفسي ومن ربي؟ هل بتخلي قلبي أنقى وألطف؟ أحيانًا الأغاني فعلًا بتستنزف مشاعرنا (زي ما قلتي: "الأغاني دمرت قلبي"). وفي الحالة دي، يبقى مش بس الدين، حتى القلب بيقول "كفاية". الرقص على الصمت: أو على صوت دقات قلبك/تنفسك… تجربة روحية جدًا ومحررة جدًا. اما انك مبتعرفيش ترقصي من غير أغانى ف انا اتفق معاكى ان الأغانى بتساعد على الحماس وبتزيد من متعة الحركات بس برضو الرقص بدون أغانى مش مستحيل وده وهم من الشيطان لأنك لما تسمعى أغانى ده فى مصلحته وهذا رأيى الشخصى واسأل الله التوفيق والهدايه لى ولكم

الفكره كلها فى انك تاخد الخطوه ومش لازم ترهق نفسك مش لوهاتحفظ كل يوم آيه بس أهم حاجه الإستمرار والسبب الرئيسى فى الكسل والنسيان هو الإنقطاع عن الحفظ وزى ماقولتلك ماتجيش على نفسك وانت لسه فى الأول ف قليل دائم خيرا من كثير منقطع لو آيه واحده فى اليوم بس تكون كل يوم

ممكن تتجهى للجانب الطبى وتشوفى دكتور مخ وأعصاب وتعملى تحاليل واكيد هايكتبلك حاجه للنسيان وكل ده وانا بعانى من نفس المشكله واكتر حاجه جابت معايا نتيجه كانت أوميجا3 بصراحه كانت ممتازه ومفيش مانع من زياره دكتور نفسى او متابعة فيديوهات على النت لأن كل حاجه بقت موجوده اونلاين وناس شاطره جدا بتقدم محتوى هادف ومفيد وربنا يوفقك ويحققلك اللى بتتمنيه ويمنحك حياه هاديه ومستقره

الشيطان بيلعب فى دماغك وبيخوفك وبيكبرلك الذنب ومن أساليب الشيطان انه بيصغرلك المعصيه قبل ماتعمليها وبيكبرلك ذنبها وجزائها بعد ماتعمليها وبيخوفك عشان يتمكن منك أكتر لأن الشيطان مدخله للإنسان هو الخوف والضعف ف مش تدى للشيطان فرصه إنه ينتصر عليكى بل انتى انتصرى عليه واهزميه بإنك تقومى إيمانك بالله وتأكدى ان ربنا هايقبل توبتك وهايغفرلك ذنبك

أولاً انتى معترفه بغلطتك وده شئ عظيم لا يخرج الا من فتاه عظيمه الإنسان مابيتعلمش ببلاش ودى محنه جواها منحه ليكى ولازم تغتنميها وده درس ليكى مش عشان توقفى حياتك وتفضلى ندمانه لا ده درس عشان تتعلمى منه وتعرفى تحافظي على نفسك فى المستقبل ولسه هاتروحى الجامعه وتتعرضى للمواقف دى وكمان يعلمك انك تصاحبى اللى أخلاقه شبه أخلاقك كما قال الرسول صلى الله عليه وسلم المرء على دين خليله فلينظر أحدكم من يخالل ومتحطيش نفسك جوا دايرة الندم لأنك مش هاتطلعى منها لو حطيتى نفسك فيها الإنسان مش معصوم كلنا بنغلط لأننا بشر وعن أبى هريرة رضي الله عنه قال قال رسول الله صلى الله عليه وسلم (والذي نفسي بيده لو لم تذنبوا لذهب الله بكم، ولجاء بقوم يذنبون فيستغفرون الله فيغفر لهم) رحمة ربنا واسعه والله غفور رحيم وإن الله يحب الأوابين وعايزه اقولك حاجه ونصيحه ليكى بلاش تقولى انك بقيتى شبه البنات اللى مكانش بيعجبك تصرفاتهم بس بصى للموضوع من زاويه مختلفه شوفى البنات دول بيعملو كدا ليه هو ده مش مبرر للغلط ولا ينفى كونه حرام بس عشان انتى متحطيش فى دماغك النقطه دى لأنها مرهقه جداً واستعينى بالله شكلك بنت متفوقه توكلى على الله وانسى كل اللى حصل وامحيه من دماغك عشان تشوفى مستقبلك وبالتوفيق ياسكر❤️❤️

اما بالنسبه للخوف من الموت ف طالما أنتى تقدمتى بتوبه لله عز وجل وملتزمه بالصلاة وأمور الدين ولستى ظالمه لأحد وباره بوالديك فلا تقلقى فكل من عليها فانى ويبقى وجه ربك ذو الجلال والإكرام وأهم شئ هو ان لا تظلمى أحداً وان كنتى فعلتي ف اطلبى منه السماح لأن الله يغفر للعبد ذنوبه الا ذنوب عبيده لا يغفرها الا بعفو المظلوم عن الظالم

على قدر معرفتى أنها وساوس من الشيطان وخاصة انك بدأتى فى الإلتزام بما يرضي الله عز وجل ومن هذه النقطه يبدأ الشيطان فى تخويف الإنسان وجعل الحياة كئيبه ويضيق على الإنسان وخاصة لو كان الإنسان منغمر بالمعاصى ثم عاد الى الله ليريه ويسول له أن الرجوع الى الله لم يغير شئ وجعل الحياة كئيبة أكثر مما كانت عليه وسأضرب لكى مثال بسيط ف فتره كنت لما انام أحلم أحلام بشعه وقيل لى ان انا اصلى ركعتين قبل النوم وانام على طهاره وبالفعل بدأت اعمل كدا وإذ بالأحلام تزدادُ بشاعة مما كانت عليه ولما بحثت عرفت ان الشيطان يحاول بكل الطرق انه يبين لى أننى عندما اتبعت الركعتين قبل نومى والنوم على طهاره لم يكن وقاية لى من بشاعة الأحلام بل زودها على والنفس ضعيفه الإيمان بالله تستسلم وبذلك قد يكون تم تنفيذ مراد الشيطان

وجزاكم مثله

لا شكر على واجب ياحبيبة قلبى ربنا يباركلك ويسدد خطاكى وتبقى ذات شأن عالى جدا فى بلدك

لا شكر على واجب ياغاليه

هو فعلا زى ماقلتى على حسب الإستخدام

ربنا يهديها ويباركلها فى صحبتك

المفروض والصح انك توضحى موقفك

بصى هنا المشكله بتختلف تماما وبتكون محتاجه متخصص لأن انتى لازم تتخطى النقطه دى عشان تعرفى تدخلى تجربه بعد كدا والا هاتفضلى شايفه ان كل التجارب التانيه والاختبارات التانيه نفس الإختيار الأول

هل انا طريقتى ومعلوماتى تأهلنا ان انا اكون متخصصة او معالجه او حتى اقدر اقدم دعم كويس

بس محتاجه رأي حضرتك فى حاجه

لا شكر على واجب وبإذن الله لها حل

مش معنى أن محاوله فشلت ان كل المحاولات هاتفشل حتى لو المحاوله اللى جايه هاتكون المليون لازم نحاول ونشوف ازاى نعرف اننا نعمل ده كويس واصلا وجود شخص تتكلم معاه وتتعامل معاه ده مش بالسهل وجوده بل انا بشوف انه بيطلب من ربنا لأنه رزق والأرزاق دى ملك لله و حتى لو ملقتش ف يكفيك جلسه مع رب العالمين فى الثلث الأخير من الليل تدعو فيها بكل اللى فى نفسك وصاحب نفسك صدقنى هى هاتسمعك وهاتكون مرحبه بيك فى اى وقت ولما تضيق بيك روح كلم نفسك فى المرايه ومش هاتبقى مجنون متقلقش بس الفكره كلها يابن الحلال ان محدش هاينتشلك من اللى انت فيه غير نفسك

انك تحافظ على نفسك دى حاجه وانك تعزل نفسك عن الناس وتحس بالوحده دى حاجه تانيه بمعنى ان شغلك انت مش غلط انك تكمل فيه لكن وانت عامل لنفسك وقايه وحامى مشاعرك ونفسيتك كويس لأن فى حاجه انا متأكده انك كنت بتعملها وهى انك كنت بتعيش المشكله اللى انت بتحبها وكأنها بتاعتك بتربط ذهنك دايماً بالمشكلة مغ ان الصح هو ان انا اتعامل مع المشكله بكل ود ورحمه وضمير لكن اكون حاطط قدامى كدا ان المشكله دى مش بتاعتى ومشغله بالى بيها بمجرد ما الشخص ينتهى من مشكلته اكون انا كمان شايل المشكله دى من دماغى اما بقى بالنسبه إنك مش عايز تكلم حد ف انا بشوف ان ده طبيعى لأن انت الفتره الأخيره تعاملاتك مع الناس كلها عباره عن ناس بتحكى مشاكل وانت بتسمع وتحل وده رسخ عندك فكره ان الكلام مع الناس بقى مرهق ومبقاش يحتوى على حاجه غير المشاكل فده رفض من العقل او بمعنى آخر العقل بقى بيحاول يحمى نفسه من آخر الحاجه دى فالحل انك تاخد نفس عميق وتواصل لكن وانت حاطط حدود أمان لنفسك ومشاعرك ولو حاسس إن البدايه انت مش قادر عليها فمتبدأش مع الناس مباشرة ممكن تبدأ اونلاين والدوريات كمان تمون اونلاين ولما تحس انك بدأت تهدى شويه تبقى وقتها ترجع تانى وحاول تعرف ناس جديده بس تعرفهم بشخصيتك انت مش بشخصيه اللى بيحل مشاكل الناس وعنده استعداد يفضل قاعد يسمع ويحل وبس وكمان حاجه احنا مسؤلين عن نفسنا يعنى لما نفسك تطلب راحه تريحها ولما تطلب فرفشه فرفشها وآخر حاجه متسمحش للإحباط يتمكن منك لمجرد ان الحاله دى خدت منك وقت ده طبيعى انت بتجدد روح مش باقة نت

لا شكر على واجب ياحبيتى💞

لا شكر على واجب ياسكر❤️❤️

الله اعلم ولكن توكلى على الله وربنا يتم شفاكى على خير

بصى هو الأصح انك تستشيرى طبيب وانا أسمع ان الكليه لما بيكون فيها تعب بتسبب توهان وخمول وط

من وجهة نظري ان الإنشغال هو حل من حلول تلك المشكله ان تشغلى عقلك بالتعلم او اكتساب مهارات او اى شئ

اللى أعرفه وأقدر أفيد بيه ان ده بيدخل تحت مسمى الغش والخداع وده أمر نهى عنه الرسول صلى الله عليه وسلم اما الباقى ف انا مقدرش أفتى فى شئ لا أعلم موقف الدين منه