السلام عليكم ورحمه الله
انا عاوز اتغير حاليا انا خلصت ثانوى مجموعي مش احسن حاجه و عندى دور تاني عاوز اتغير ابدا اتعلم مهارات و كل هذا الكلام اللي من زمان كنت ناوي اعمله اتمنى أبدأ اتغير و انتظم فى كل شىء و كمان انتظم بصلاتي
انا اول مره هنا في البرنامج مش عارف ابدا منين او اذاى اتمنى لو عندك حل او اقتراح يساعد تقوله و شكرا لك
السلام عليكم ورحمه الله وبركاته يعني انت بدأت التغيير من بدايه نيتك الطيبه دي فانت خلاص بدات التغيير بدات ترسم لنفسك طريق وهو طريق انت تكون راضي عن نفسك فيه. وعشان نرسم الطريق لازم نبقى عارفين هو احنا عايزين ايه يكون في نهايه الطريق فحدد هدف يكون واضح يعني بشكل ما يعني قول انا عايز مثلا بعد ما أخلص الجامعه ايا كانت كلنا هخشها بعد ما اخلص الجامعه يكون عندي المهارات 1 2 3 4 او انا عايز بانتهاء الكليه اكون جبت تقدير كذا واكون اتعلمت المهارات الفلانيه اكون اخذت خبره في حاجه معينه اكون مثلا اشتغلت أون لاين يعني حط هدف محدد قدامك ويكون ليه زمن محدد علشان ده بيفرق قوي قوي انك تقدر تكمل وتفضل ماشي على نفس الطريق وما تلاقيش حاجات طلعت لك كده صاحبتك في طرق فرعية واخذتك من الطريق بتاعك طبعا الحفاظ على الاساسيات اللي علاقتك بربنا دي حاجه ما فيهاش كلام تعمل ده ازاي كل ما ربطت الحاجات اللي انت هتعملها في يومك بالصلاه كل ما تلاقي نفسك حافظت على الصلاه من غير ما تاخد بالك اللي هو انا هقعد اعمل سيرش بس بعد ما اصلي الظهر فانا هقوم اصلي الظهر على طول بعد الاذان وبعد كده هقعد اعمل سيرش على كذا انا هعمل حاجه لوالدتي علشان ده يبقى باب الابواب البر لوالدتي بعد صلاه العصر وهكذا اربط الصلاه بالحاجات اللي انت بتعملها قبل الصلاه بعد الصلاه قبل الصلاه بعد الصلاه وهكذا هتلاقي الموضوع بقى مرتب وبقى منظم وبقت الامور ان شاء الله كويسه احنا معك هنا سواء تدخل على نفس السؤال بتاعك تجيبه من على البروفايل بتاعك وتدخل تسألنا ثاني تدخل يعني تكتب تعليق ثاني او تعدل في السؤال براحتك. او تسال سؤال جديد لو هو متعلق بحاجه مختلفه غير اللي انت بتسأل عليها دي وعندك بقى البحث بص هنا في حاجات كتير جدا هتلاقي ناس سألت في حاجات ممكن تكون انت عايز تسال فيها بدل ما تستنى اجابات ممكن تشوف الاجابات الناس جاوبتها في نفس الموضوع إن شاء الله تستفيد كثير وباذن الله ربنا يوفقك كل اللي انت هتتجه له.
تم النشر الثلاثاء، ٥ أغسطس ٢٠٢٥
لازم تهتم بصلاتك وتقرب من ربنا، اسمع بودكاست وبلاش اغاني بلاش تخلي حاجه تلهيك حط ف دماغك حلم او هدف حلو نفسك تحققه ف انت بتدرس عشان تحققه عشان تكون مبسوط ، ادعي ربنا كتير، ذاكر كل ماده علي طول متراكمش حاجه لما تبدا ابدا بعلاقته مع ربنا اولا ثم ابدا مع المذاكره وكلمك ومصلحتك وبلاش اغاني عشان ممكن تلهيك اسمع بودكاست احلي وحلال كمان... لو حاسس نفسك مضغوط زعلان مكتوم جواك مشاعر اكتبها ف ورقه او كراسه فرغ افكارك ومشاعرك في ورقه، اعمل لنفسك ورقه او برواز فيها كلام انت نفسك تسمعه كل يوم لو محدش بيقولك كلام حلو زي مثلا انا مكمل حلمي ومش هوقف، او كلام حلو زي ما انت حابب وتزلثه ف حته تبقي بتشوفها كل يوم وتبتسم ... بتمني لك التوفيق والنجاح يارب ♥
تم النشر الاثنين، ٤ أغسطس ٢٠٢٥
خلص الأول الدور التاني وبعدها أعمل إللي أنت عايز تعمله وتتعلم إللي عايزه وربنا يكتب ليك إللي فيه الخير إن شاء ﷲ ولا تيأس من رحمة ﷲ فقط وبإذن ﷲ كل مر سيمر أجتهد فقط وأعمل إللي عليك عندكم مادة ولا 2 وأنت أدبي ولا علمي علوم
تم النشر الأحد، ٣ أغسطس ٢٠٢٥
اسمع بودكاست بدل الاغاني ، حاول تذاكر كتير مش علشان الدور التاني لا علشان دا هيعليك في نظر نفسك و اكتب كل حاجة حاسس بيها من ضغط و أمور ، فضي كل الي جواك من زعل و اكتئاب و خوف و كل شيء ، دي اول مرحله و على كل اسبوع تستمر بيه كدا كافئ نفسك بحاجة بتحبها ، أكله ، تزرع زرعه بتحبها ، اي حاجة ، و بعد كل شهر كدا و لما تنتظم على كدا هتعرف تكمل الباقي معرفتش اعمل تعليق على البوست بعد شهرين و نشوف المشكله فين و نحلها بإذن الله
تم النشر الأحد، ٣ أغسطس ٢٠٢٥
وعليكم السلام ورحمة الله أخي العزيز، بارك الله فيك على رغبتك الجادة في التغيير وبدأ حياة جديدة أفضل بإذن الله. التغيير شيء رائع يبدأ بخطوات صغيرة ولكن ثابتة، وأنا هنا معك لأسهل عليك الطريق وأدعمك بنصائح بسيطة وعملية. بداية التغيير: كيف وماذا تفعل؟ حدد أهدافك بشكل واضح ومحدد مثلاً: تنظيم الصلاة وأداءها في وقتها. تعلم مهارة معينة (اختر مهارة واحدة في البداية لتبني عليها). تحسين مستواك الدراسي أو التعلمي. كتابة هذه الأهداف في دفتر صغير أو جوالك تساعدك على تذكّرها دائماً. جهز جدول يومي صغير لا تحاول أن تغير كل شيء دفعة واحدة. خذ خطوة خطوة: قسم يومك أوقات للصلاة، للتعلم، وأوقات للراحة. ابدأ بتنظيم وقت الصلاة أولاً لأن التواصل مع الله يمنحك طاقة وصبر. ابدأ بخطوات بسيطة مثلاً، إذا كنت تكافح لأداء الصلاة في وقتها، حدد وقتاً معيناً كل يوم تدعو فيه الله أن يرزقك الثبات، وابتدِ به. تعلم مهارات من مصادر موثوقة يمكنك البدء بدورات إلكترونية مجانية على الإنترنت في مجالات تهمك (مثل الحاسوب، اللغات، التصميم، أو أي مهارة تحبها). حاول التزام صفحة تعلمية يومياً ولو 15-30 دقيقة. توكل على الله وكن صبوراً التغيير يحتاج صبر واستمرارية. لا تحبط إذا أخطأت أو تقصّرت في البداية، المهم العودة وإعادة المحاولة. نصيحة إضافية للصلاة حاول أن تجعل مكان صلاتك مرتب وهادئ، يساعدك على التركيز. اقرأ أدعية الاستعانة بالله في الثبات، وذكّر نفسك دائماً أن الليلة مهما كانت صعبة، الصبح قريب. وإن شاء الله مع الوقت ستشعر بفرق كبير في حياتك. أتمنى لك بداية موفقة، ولا تتردد بالسؤال أو طلب المساعدة في أي وقت. كذلك، أنصحك بزيارة صفحة الخبراء في فدني https://www.fedni.net/experts حيث تجد مختصين في التطوير الذاتي والديني يمكنهم مساعدتك بشكل أعمق حسب حاجتك. هل تحب أن أساعدك في وضع خطة يومية أو في اختيار مهارة معينة تبدأ بها؟ أنا هنا معك، ذكية.
تم النشر الخميس، ٣١ يوليو ٢٠٢٥
عندك دور تاني إيه وإيه يعني مواد إيه
تم النشر الأحد، ٣ أغسطس ٢٠٢٥
و متنساش اولا و ثانيا و اخرا علاقتك بربنا دي مفتاح الحياة أصلا
تم النشر الأحد، ٣ أغسطس ٢٠٢٥
ابدأ بالبسيط
تم النشر الأحد، ٣ أغسطس ٢٠٢٥
الاحياء
تم النشر السبت، ١٦ أغسطس ٢٠٢٥
وبعد كده تبقي تشوف انت حابب تتعلم ايه واتعلمه
تم النشر الاثنين، ٤ أغسطس ٢٠٢٥
لعرض السؤال في فدني اضغط هنا