Shahd elshayal

هو حل سحري لحب الشباب بس لو الحبوب عندك مش كتير هما كام حبايه استخدميه و بعدين رطبي و بعدين حطي الاكرتين على الحبايه و هتتبسطي اوي من النتيجة لكن لو وشك مليان حبوب استخدميه و حطي الاكرتين على المناطق الي فيها الحبوب و مع الترطيب ، استخدميهم بليل الصبح نغسل بالماء عادي و نرطب

اعملي صلاة استخارة و شوفي قلبك بيقول اي و مبادئك و الحاجات المهمه بالنسبه ليكي ، بعدين متبنيش قلبك و مشاعرك و افكارك على حاجة لسه محصلتش يا حبيبتي لأن قلبك دا غالي جداً في حاله انه اتقدم و لسه بتحبيه و حاسه انه دا الزوج الصالح و الاب الصالح لأولادك وافقي و توكلي على الله و بعدين الارتباط بيقلل من قيمه المرأة اوي اوي و حرام كمان و بيجي على دماغ الست بعد الزواج المظهر العام بيكون كويس بس من جوا البيت بيبقى مدمر ربنا معاكي❤️

و عليكم السلام و رحمه الله و بركاته ، المرض دا غالباً بيظهر وراثيا يعني اهله حاملي الجين الي فيه الاصابه هما مش مصابين بس حاملي الجين ، المرض دا بيعمل خطر على الحياة لو دخل في الامراض القلبيه الشديدة و هو ليه اسباب كتير بس الوراثي بيتم اكتشافه ما بين سن 5 الي 15 سنه و بيبقى هو في حالة عدم اتزان لا في الطعام و لا النظر و لا المشي و المرض ممكن يتطور لليد و القدم كمان ، بس هو ليه علاج امريكي و يحافظ على الاكل اوي خصوصاً الاكل الي بيغذي النخاع الشوكي و الجهازالعصبي لا التلف بيحصل فيهم بروتينات و البان و خضروات ورقيه مكسرات و حاجات من دي و ابحث عن الموضوع دا في جوجل و اليوتيوب و هتلاقي كتب بتتكلم عنه إن شاء الله

حضرتك دا معتمد على عجز و إرادة منك ، لازم نفضي وقت للمذاكرة بليل حتى لو كل اسبوع ساعتين و تكافىء نفسك على دا بحاجة لنفسك تقدرها بيها على التعب ، صلي صلاة قضاء الحاجة قبل كل امتحان و اقرأ سورة يس و لما الامتحانات تقرب اعمل انت وقت لمذاكرتك حتى لو تاخد من وقت خطيبتك شويه لحد ما الدنيا تظبط و تخلص الكلية بإذن الله

تتقل عليه و خليها تتعامل عموماً بتقل معاه و خليها تتابع هند أبو يوسف على أي منصه بتحبها المهم أنها تتابعها لأن في الحالة دي زوجها بيحبها بس مش حاسس بقيمتها و مش حاسس بإنها حاجة حلوة يتبصلها او تقدر تتاخد منه ، و الشيء دا جاي من إنها متاحة ليه طول الوقت مشاعرها معاه طول الوقت فالشيء دا بيجعل زوجها شبعان منها ، و الإنسان عموماً مش بيقدر قيمه حاجة الا لما يحسها بنقصها او فقدها وخليها تثير فضوله بمعني يشوفها مش مهتمه هيسألها بتعملي أي فينك ، تقوله عادي بعمل شويه حاجات بصوت و بنبره توقف ، خليها تثق في نفسها و تكتشف ذلك و تجعله ينظر للحلو الي فيها و كل حاجة هتظبط على فضلت ماشيه على الرتم دا ، ممكن تميل شويه و ترجع زي الاول و بعدين تعمل stop و تكمل في الي هي فيه و هكذا علشان مشاعرها كمان

اسمع بودكاست بدل الاغاني ، حاول تذاكر كتير مش علشان الدور التاني لا علشان دا هيعليك في نظر نفسك و اكتب كل حاجة حاسس بيها من ضغط و أمور ، فضي كل الي جواك من زعل و اكتئاب و خوف و كل شيء ، دي اول مرحله و على كل اسبوع تستمر بيه كدا كافئ نفسك بحاجة بتحبها ، أكله ، تزرع زرعه بتحبها ، اي حاجة ، و بعد كل شهر كدا و لما تنتظم على كدا هتعرف تكمل الباقي معرفتش اعمل تعليق على البوست بعد شهرين و نشوف المشكله فين و نحلها بإذن الله

الانسان الي بيجري ورا حاجة ، الحاجة بتجري منه ، استعينوا بالله مش شرط تعمل أهم حاجة نفضل نطمح لبكرا نجحت و عملت خيرا ممتاز بسبب توفيق ربنا ، معملتش خلاص بسبب حاجة عند ربنا و لا تيأسوا أبدا ، لحظة اليأس النهاردة هي لحظة الفرج بكرا ، حضرتك بتسعى علشان زوجتك او علشان اولادك او علشان اهلك ، فكل دا علشان ترضي الحاجة الي ربنا كلفك بيها و امرك بيها خلاص و هيوفقك ليها ، الحياة نمط صغير يا تعيشه بالطريقة الي تحبها و ارضى بكل حاجة فى حياتك صغيرة و كبيرة و اعرف أن ربنا هيوقف معانا ، حضرتك كل انسان له اماني و طموح و ربنا الي طلع سيدنا ابراهيم من النار و نجى سيدنا موسى من الغرق و من فرعون و زوجه بزوجه صالحة و كل دا منه فحضرتك سيبها عليه وحده و الاستغفار ليه كل الحلول

و الله مش عارفه حضرتك بالظبط بس تقدر تزور دكتور علشان تشخيصه أكيد هيكون احسن و ادق

و متسمعيش أغاني لأن الاغاني بتفتن القلب و بطلع المشاعر و لو سمعتي استغفري كتير ، و غالبا يا حبيبتي أنتي عندك فراغ عاطفي

لا تنتظري أي تشجيع من أي شخص ، شجعي نفسك بنفسك لما تتمي صلاة اليوم اعملي لنفسك مكافأة على اتمامك للصلاة مش شرط حاجة كبيرة ممكن أكله ممكن ترسمي و أفكار كتير ، و اعملي جدول هتلاقيهم على Pinterest كتير خدي الجدول الي تحبيه و اطبعيهم 7 صور و كل صلاة اعملي عليها صح ، كل ما تحسي بفقدان قلبك للإحساس بالعبادة أفتكري إن دا ابتلاء من ربنا علشان تصبري عليه و يجازيكي و متستنيش الاقامه لا قومي بعد الآذان علطول و صلي و عموماً اتخذي وضع المكافأت دا في حياتك كلها على كل كبيرة و صغيرة كافئ نفسك

بصي نختصر الموضوع دا و هاتيلها حاجة بسيطة كل شهر حاجة حلوة ما بين فترة و التانيه شنطة بسيطة و حلوة في نفس الوقت كدا الحاجات دي بتجبر بخاطرهم جامد اوي و افتكري أن كل جنيه هتدفعي هيرجعلك " . قال تعالى ﴿ قل ما أنفقتم من خير فللوالدين والأقربين﴾ ﴿ وَأُولُوا الأرحام بعضهم أَوْلى ببعضٍ فِي كِتابِ الله﴾ فهي مش فكرة مادية و مين مقتدر اكتر من التاني و لكن هي فكرة رحمة و جبر خاطر و زكاة عنك و عن صحتك و عن زوجك و صدقة و جبر خاطر ليهم و قرض حسن عند ربنا في الاخرة و حضرتك شكلك طيبة يعني دي حاجة هينه عليكي بإذن الله ربنا ييسرك أمورك

حاول تروح لدكتور بدال الموضوع زاد اوي كدا ، و قرب من ربنا اوي و صلي قيام الليل و حمل الفيديو بتاع قوم لوط و اتفرج عليه دائماً هيذكر نفسك بخطائها و هيرجعك لطريق السليم بإذن الله ، و لما تحس بالميول دا حاول تلهي نفسك في حاجة مهمه و اشتغل كتير علشان تنوي نية أنك تتزوج بسرعة علشان تعف نفسك و ربنا هيساعدك متيأسش من نفسك ، إن النفس لأمارةٌ بالسوء لأن أحنا مخلوقين من طين الارض في الدنيا و و روحنا من ربنا عز و جل فعادي انك تحس بالفساد و الشيطان بيساعدك على دا ، حاول تتجاوز ما مر في حياتك و اكتبه و فضي كل الي حصلك و بعدين احرقه او بله و اقطعه و لما تحس بالميول دا قول لنفسك اي القرف دا و متيأسش من نفسك أبدا لحد ما تتغير و متنساش الصلاة تنهى عن الفحشاء و المنكر و ربنا يساعدك و ييسرك الأمر

هل الكره دا ناتج عن طريق الاهل يعني مثلا والدتك او والدك ، و لا حصل مواقف منهم ضايقتك و كرهتك فيهم ، و الاتنين ، لو الكره دا من كلام اهلك عليهم شوف هل هما عملوا معاك اي موقف وحش فعلي و لا لا و لو عملوا دا تقدر ازاي ترجع حقك مع الوقت بهدوء و بكل زوق ، نصيحة مني تسامح و تعدي و تنتظر رجوع الحق دا من ربنا و تستعوض ربنا و تعزم نفسك على النجاح كلما زادت مهاراتك و نجاحك زادت حاجة الناس اليك و كلما قلت مهاراتك زادت حاجتك انت لناس

و غيري فكرة إنك علشان في الارياف فمش هتلاقي غير دول غيري الفكرة دي اقداركم بأفواهكم ، غيري فكرتك و لسانك قولي هتجوز راجل صالح إن شاء الله ، و أكتبي كل حاجة مريتي بيها ووجعتك او فكرتك بمواقف معينه ، و حاولي تساعدي اي حد لوجه الله و اقعدي و اكتبي الصفات الي أنتي متقدريش تستغني عنها و الصفات الي لو مش موجودة عادي و العيوب الي فى نظرك ممكن تتحمليها ، تابعي قناة حبيبة الهادي هتفيدك اوي اوي ، البنوتة دي كانت مخطوبة لواحد قبل كدا مش كويس و دلوقتي متجوزة واحد ما شاء الله تبارك الله كويس جداً و متنسيش تفرحي لكل الناس وكل واحدة مخطوبة او متجوزة تدعيلها ربنا ييسرها امورها الملائكة هتأم عليكي و تدعيلك بالمثل بالتوفيق يا حبيبتي ❤️

اطلبي من ربنا دا أولاً ، بصي سيدنا موسى لما كان راح يهرب من فرعون و راح مدينة تانيه راح قعد و هو تعبان من السفر و الجري على قدمه و راح يرتاح و لقى البنتين ( وَلَمَّا وَرَدَ مَاء مَدْيَنَ وَجَدَ عَلَيْهِ أُمَّةً مِّنَ النَّاسِ يَسْقُونَ وَوَجَدَ مِن دُونِهِمُ امْرَأتَيْنِ تَذُودَانِ قَالَ مَا خَطْبُكُمَا قَالَتَا لا نَسْقِي حَتَّى يُصْدِرَ الرِّعَاء وَأَبُونَا شَيْخٌ كَبِيرٌ )[القصص: 23]. و راح ساعدهم فوراً بدون ما ينتظر الاجر او المقابل و بعدين آوى الي ظل شجرة و راح نادى ربي إني لما أنزلت إلي من خيرٍ فقير هو سيدنا موسى حس بالوحشه و دعى ربنا ، و جاءته إحدهما تمشي على إستحياء و تزوجها إمراة صالحة ✨فالحل من هنا أي أشتغلي على إنك تكوني أم صالحة و زوجة صالحة ، اقرأي سورة البقرة كل يوم و تبعي قناة محمد حجازي يمكن فيه تعطيل ، أشتغلي على التروما الي عندك و فضي كل احتياج و نقص حاسه بيه لأن كل حاجة حاسه بيها بتجيلك على هيئه شخص علشان دماغك تفضي التروما و الحزن الي جواها فلازم تساعدي نفسك و تتخلصي منها ، و الدعاء ثم الدعاء ثم الدعاء و احكي لربنا همك و حزنك و متسمعيش كلام حد في إن الجواز وحش او مش هتلاقي الي انتي عايزة لا لا لا انتي بتدور على العادي و الي انتي كأنثى تستحقيه و دي اقل حاجة

و هيجيلك وقت للإنتكاس عادي متيأسيش كملي و شوفي الفيديو بتاع الدورة الانثويه لبودكاست ذات هتفهمي جسمك و حالتك النفسيه بتمر بأي كل أسبوع من الشهر و بدال انتي اكتشفتي أن دا عيب فيكي يبقي دا بدايه العلاج و متنسيش تصارحي نفسك و تواجهيها من كل ضعف و ضرب و هجر و زعل مريتي بيه و اكتبي انتي بتحسي بأي في كل مرة بيحصلك أي ظرف محزن او حصلك زمان بصي على قد ما هتعيطي على قد ما هتهديء و هتتحكمي في أعصابك و هتبقى انثي كل الناس تتمني تكلمها بس متقلقيش ربنا معاكي ❤️❤️

لا تضعي نفسك أبدا في وضع الضحيه دي اول خطوة هتقومي بيها من الي انتي فيه و انتي ملتزمة ديناً ما شاء الله تبارك الله ، اتعرفي على امك و امسكي ورقه و قلم و اكتبي هيه ليه طول الوقت عصبيه و ليه هي ضحت كتير افرغي كل الي داخلك من حزن و هترتاحي و التروما هتخف شويه ، بعدين اتفرجي على بودكاست حب الذات و الطاقة الأنثويه و ضعي نية التغيير من داخلك جداً ، و كل ما تحسي بالحزن او الضرب استأذني منها بكل احترام و روحي أي حته و اعتزري و متحاوليش تلوميها او تفكريها بالي بتعمله أبداً لأن دا مش هيغيرها نهائي ، و لكن انتي اشتغلي على نفسك و اتغيري و مع الوقت لما تتفرجي على ستات هاديه و تسمعي بودكاست هتتغير فكرتك تماماً و طبعاً القراءن الكريم سورة البقرة كل 3 آيام و مع الوقت هتتغيري خالص إن شاء الله ❤️

بصي خلي حدود لنفسك بس خليكي اجتماعية مع كل البنات ادخلي الحمام هتلاقي كتير بيحطوا مكياج روحي للي مرتاحلها الله شكل الروج دا تحفه عليكي ، و اتعرفي عليها و بعد متروحي متكلميهمش ، ادعي ربنا دايما بصحبه الصالحة ، و اشتغلي على نفسك اوي في الطاقة الانثويه و حب الذات ، الحاجات دي مع ثقتك بنفسك بتخليكي كريزما قدامها اوي ، و خلي ثقتك بنفسك قويه جداً و هتلقي شلل كتير كويسه ادخلي في كذا واحده و اتعرفي عليهم اقعدي معاهم ، ضحكيهم و خلي طاقتك حلوة إلي يشوفك يبتسم و الي تحسي انهم كويسين امشي و تعالي معاهم لحد ما تدخلي في وسطهم و تتمكني منهم و صدقيني بعد سنه و لا اتنين اتفرجي انتي مين عندهم 👏🏻❤️✨

بصي ربنا عطيلنا الإحساس دا لسبب فمتتجاهليش إحساسك و ثقي في إحساسك ، صلي صلاة إستخارة ، و بعدين شوفي قلبك بيقول أي ، يعني أنا صحبتي كان بتقدملها شخص و حست أنها مش حباه و انه مش كويس بس هو مش مبين دا أبداً ، و بعد كدا شخصية بشعة و كل اهلها فضلوا يشكروا متقلقيش و سيبيها على ربنا

و متنساش اولا و ثانيا و اخرا علاقتك بربنا دي مفتاح الحياة أصلا

ابدأ بالبسيط

بصي حاولي تخلقي ليكي وضعك أنتي اتفرجي على بودكاست كتير و حاولي تظهري للمدرسين أنتي تغيري فكرتهم و متيأسيش ثقي في ربنا انه معاكي و في ظهرك الي خلقهم واقف معاكي متخيله و حاربي علشان نفسك و بعد ما تعدي السنين هتشكري نفسك على ذلك و افتكري أن كل حاجة ربنا شايفها و ليها آخر قوي نفسك ❤️

ثانيا ، الانسان دايما مبتلى في حياته في شيء هدف الشيطان الاغواء علشان تقنطي من رحمه ربنا زي ما عمل مع سيدنا ايوب و راح لربنا يقوله سلطني عليه اخد اولاده و ساعتها مش هيرضى ، خد اولاده كلهم و شبابه و ماله و صحابه و كل الناس حواليه و زله و خلى مراته خدامه لدرجة الناس بقت تخاف منها لتنشر مرضه و اخد صحته و رغم كدا حمد ربنا و شكر نعمته و دعا ربه

بصي أنا مقدرة لظروفك و خوفك الحقيقي من كل حاجة هناك ، بس عايزة أقولك حاجة احنا معانا ربنا متخافيش ، استغفري ربنا كل يوم بليل على الاقل 100 مرة الاستغفار بيحل كل حاجة ، و قولي لا اله الا انت سبحانك أني كنت من الظالمين 100 مرة و متخافيش دا أولاً