السلام عليكم
ممكن شيخ او حد فاهم كويس فالدين يرد عليا
أنا مشكلتي مع امي من ونا صغيره بتعنفني بالضرب والكلام والدعاء بالشر مش فارق معايا غير الضرب لانه صعب جداً جداً ربنا يعلم، كبرت وبقيت اكره الصوت العالي والضرب لكن بقيت أنا العصبيه جداً مش من فراغ لكن اقل حاجه ممكن تعجبني جداً
ملقتش اكلم اخواتي وهما كذالك امي ضحت كتير لكن دا مش ذنبي ودائماً تقول بتضربني عشان اسلوبي واني بعلي صوتي عليهم في البيت وبغلط فيهم ونا كرهت نفسي لما بقيت كده
معرفش هل دا بسبب عنفها معايا حتى بعد ما كبرت ولا لأ بس كل اللي اعرفه اني مش كده واي حد غيرهم بتعامل مع الناس بيحبوني جداً وبيحترموني أنا بنت ملتزمه الحمد لله لكن ضاق بيا الحال جداً
مش عارفه أنا كدا بعمل ذنب ونا غلطانه طب ليه بقيت كده معاهم مع العلم بقيت كدا من سنين ومش عارفه الحل ازاي اكون معاهم أنا الحقيقيه الطيبه الهادئه المتفهمه ووالله بيزيد تعبي من عنفها وكلامها وحتى وحنا بنهزر بتقول اني بكرهها وكلامي وقت الهزار بتقلبه عليا وقت الخناق وتشتكيني بيه
بابا يعتبر منفصل عننا بس بيكلمنا وبيصرف علينا مش اكتر وأوقات بشوفه وفي بينه وبينها مشاكل من زمان جداً من قبل ولادتي وعلى الحال ده ونا والله تعبت جداً وحتى لما قررت اكون لوحدي ومكلمهمش إلا على قد كلامهم لقيت اللي حصل حصل وتعصبت وضربتني ودم وبهدله حسبي الله ونعم الوكيل
اعمل اي انا خايفه من ربنا ومش عارفه ازاي هقدر اتغير هل مش هتغير طول منا معاهم؟ونا من طبعي اي حد يشوف منه عنف بكرهه ومش بعرف اتعامل معاه كويس على طول صعبان عليا نفسي جداً محدش جنبي ربنا معايا لكن فعلاً محدش من اهلي ولا اي حد واقف معايا في أي حاجه بالله عليكم اعمل اي وأرضي ربنا ازاي عشان يغفرلي ذنوبي
•طبعا الأم قد تكون ضحية لمن قبلها وتصرفاتها بشكل لا واعي وعلاجها شبه مستحيل •اول شئ الأكيد ان ملكيش ذنب حاولي تقيمي نفسك من جديد تقييم عادل مش تقييم ظالم زي تقييم والدتك من أول ما اتولدتي هل عملتي الأخطاء اللي تعذر والدتك انها تعنفك؟ وخصوصا انك بتقولي انك ملتزمة ! فهل يعقل تعنيف بنت ملتزمة ؟ وليه ؟ وحتى لو انك بتخطأي فمش هتوصل لدرجة للتعنيف ابدا •باختصار بعض الأشخاص عاشوا ظروف صعبة ومحصلوش على الإحترام من أهاليهم فاتبرمجوا غلط فهم ميعرفوش يعني ايه احترام للشخص بلا شروط ولا إنجازات فده سبب أنهم لا بيحترموا نفسهم ولا بيحترموا حد •وده الشئ الخطير انه يقدر يمارس مرضه وفقره للإحترام على أبناءه بحرية بحجة اني بربيهم وبحجة بر الوالدين وبحجة انه محتاج لي عشان يعيش ويظن انه هو اللي وهب الحياة لإبنه •طبعا علاجها مستحيل ومحاولتك لتفهيمها سيعود عليكي بالمزيد والمزيد من الصدمات والخيبات ولن يتوقف الأذى فمن غير المعقول ان شخص عاش ٤٠ سنة على نظام نرجسي أو سيكوباثي وييجي يتوب ويصبح ملاك عشان سواد عينك •فالحل هنا هو انك عقلك الباطن اللي ملوث بالقناعات السلبية توصلي له قناعة انك ملكيش أي ذنب وعليكي بالصبر وفضفضة أفكارك بالكتابة يوميا ولو سطرين •والأهم المحافظة على الصلاة والورد القرآن + تبري بها ومتستنيش منها رد فعل إيجابي ولكن احتسبي الأجر على الله
تم النشر الاثنين، ١١ أغسطس ٢٠٢٥
السلام عليكم ورحمه الله وبركاته بما انك تبداي سؤالك يعني عايزه تشوف الموضوع من اتجاه دينه اكثر فخليني اقول لك انه من اتجاه ديني احنا ملناش اي حق خالص مهما كانوا اهلنا عملوا فينا. ان احنا نقص عليه صوتنا عليهم ان احنا نبص لهم بنظره كره ان احنا نبقى بننصحهم وكاننا بنقول لكم انتم غلط او نقولها بشكل صريح حتى انتم غلط انتوا ما ينفعش تعملوا كده انتوا قصرتوا يعني دي عمرها ابدا ما هتكون الطريقه اللي ربنا يرضى بيها ان حد يتكلم بها مع اهله واخ وشوصا الاب والامم. اكبر دليل على ده انه مش مسموح لحد يقاطع اهله حتى لو هم مشركين بالله يعني دول المشركين بيقولوا انه ربنا مش موجود بيقولوا احنا مش بنؤمن بربنا ده ما يديش السماحيه للشخص انه يكلمهم وحش ولا ان هو يقول لهم لا انتوا غلطوا لا خالص مش مسموح له هم في الاول وفي الاخر وان كان ان هم بيعملوهم اب وام ليهم تقصير حسابهم عند ربنا لينا احنا تقصير حسابنا عند ربنا فكل واحد يؤدي ما عليه وينتظر الحساب. بالحساب احنا مالناش ان احنا نقعد نحاسب الاب والام مش مكاننا ومش بتاعتنا طب نعمل ايه في الحاجات اللي بتاثرنا بيها والله نعمل اللي في ايدينا ما يكلفهم الله به ويعني في استطاعتنا ومتاح لنا في الزمن اللي احنا عايشين فيه فانتي المتاح لك انك توضحي تتكلمي بكل هدوء وبكل الطرق المتاحه انه انا كذا او انه كذا يا ماما على فكره بيضايقني بيوجعني بيزعلني بياثر عليا بيكسرني يعني عبري بالطريقه اللي توصف في عالم احساسك تمام طيب هل انت بتعبري عشان انت مستنيه مامتك بعد ما تعمل كده المفروض. تتغير تماما لا انت بتعملي ده علشان ايه عشان تبقي عملت اللي عليك بانك وصلت لها هي بقى اخذت الكلام ده حاولت تغير من نفسها او حاولي تغير من طريقتها او ردت او او اعتذرت لك دي بقى الحاجه اللي هي هتتحاسب عليها قدام ربنا ربنا يقول ل بما انك بتدوري على التغيير انت تكوني انسان سويه خليني اقول لك انك محتاجه تصلحي من نفسك انت في حاجات في وسط كلامك ان انت جاوبتي بيه على اجابات اخرى قلتيها في التعليقات انك مش بتتاسفي ودي حاجه مش لطيفه خالص عموما انكم في شخصيتك وحتى لو مامتك مزعلاكي فانت لما تغلطي في حقها حتى لو انت غلطت في حق بناء على ان هي ضربتك فانت ضروري جدا تعتذري اييي عدم الاعتذار ده بيؤدي للانسان ان هو يكون عنده كبر فحداري من الكابر حذاري ارجوكي خلي بالك من النقطه دي اييي انا يعني هصيغ معاكي كده موقف مامتك بسبب حاجه بسيطه جت وراحت ضربتك وبهدلتك. وانت وهي بتضربك روحتي روحتي. خلينا نسال هنا هل انت المفروض تعتذري لها عن الزقه ولا لا؟ انا عارفه انك بالنسبه لك ممكن تقولي لا وانا مش هعتذر طبعا هي اصلا وضرباني اقول لك انه لا الحقيقه انت لازم تعتذري عن الجزء الخاص بك انك زقيتي لانك ما ينفعش انك تزقي والدتك فده الجزء اللي انت محتاجه تعتذري عنه تمام هي كمان عندها جزء هي المفروض انها تعتذر عنه ما لكيش دعوه بيها. لان كل واحد هيتحاسب لوحده هيتحاسب عن نفسه فانت خليكي في الجزء الخاص بك مسؤوليتك انت تجاه نفسك انك ما تقفيش قدام ربنا وربنا يسالك انت ما تاسفتيش ليه فتقولي له لا عشان هي ما تستاهل انت في خطا تاسفي عنه بس كده صلحي من نفسك في الجزئيه دي لانها مهمه قوي ما تخليش الشيطان يلعب بيكي ويقول لك ان طول الوقت لك الحق في انك تتعاملي معاهم وحش خلي بالك انه نظرتك تقففك كل الحاجات دي بتظهر في تعاملاتك معاهم فانت برضه ما تنكريش عليهم ان هم متضايقين ومستئين من تعاملك ااا فكره انك طول الوقت بتتعصبي عليهم في البيت انت اسالي نفسك انت اديتي لنفسك الاحقيه دي بناء على ايه ان هما يستحملوا عصبيتك وتعودوا على كده ليه طب ما احنا ممكن نسالك بنفس الطريقه طب ما تتعودي انت كمان بقى على مامتك انها على كده وتعاملي معاها عادي فاا محتاجين نهذب انفسنا وانصحك انك تراعي نفسك كويس قوي قوي في الحته دي في حاجه مضايقاك عبري عنها بكل وضوح وما تقوليش ما بقتش عايزه اتكلم لانك لو قلت كده يبقى انت اللي بتمنعي التغيير انه يحصل اول حاجه محتاجه تعمليها انك تعبرها تقولي على اللي مضايقك في وقتها قصه ان انا عازل في البيت دي صدقيني دي من اخ من من اسوا الممارسات اللي ممكن حد يعملها وده ما بيصلحش اي شيء. وده ما بيغيرش اي شيء وده مش هيخليك انت تطعفي من اي شيء انك تاخدي بعضك على جنبه وما تتعامليش مع اهلك يعني ما ينفعش.ها ليه ما راعيتيش من انه ولادك تاثروا بالطريقه الفلانيه عشان هم مسؤولين منك وهكذا انا مقدره جدا انك في حاجات انت مشتاقه منها ولكن لازم تكوني معايا ومدركه انه ملكيش الاحقيه في انك تصدر منك تصرفات مسيئه لوالدتك بناء على اللي انت متزمه منه طب ازاي هو انا مش هو انا يعني مش بني ادمه وهي بني ادمه لا هنا المساله مش مساله بني ادم اهو عشان خاطر انت ابنه وهي ام وده الحق اللي ربنا اداه لها. ربنا عز وجل ولا تقل لهما يعني كلمه اوف اللي هو بعد ما يعملوا حاجه تبداي تقول اوف يعني ما ينفعش ما ينفعش ارجوكي خلي بالك اتمنى ان انا اكون معاكي يعني ووضحت النقطه اللي انت بتدوري عليها بس في حاجه تانيه انا عايزه اقولها
تم النشر السبت، ٩ أغسطس ٢٠٢٥
وعليكم السلام ورحمة الله وبركاته، "بنتي بتكرهني وبتعلي صوتها عليّ، وانا ما بعرف كيف اتحكم بعصبيتي لهيك بصير بيننا مشاحنات بالضرب، بنتي كمان ما بتتعامل بشكل كويس مع اخواتها، مرّات حتى الابتسامة ما بشوفها منها، بتمنى اشوفها، بتمنى ما يصير بيننا هيك، بتمنى تيجي تبوس راسي وتقلي متأسفة ما رح اعيدها، بتمنى يكون الاسف من قلبها، انا بحبها لانها قطعة من روحي، بس السؤال هل هي بتحبني؟" تخيلي هاد الكلام هو مشكلة الي كتبتها الوالدة... دائما لازم نشوف اكثر من طرف واحد بالقصة، مش بس طرفنا، القصة الوحدة عبارة عن مزيج من القصص.. الحل بسيط، انك تستعيني بالله وتغيري تصرفاتك، لازم تتحلي بالخلق الحسن، زي رسولنا الكريم صلى الله عليه وسلم... استغفري الله وتوبي اليه، واعتذري من الوالدة عن كل اشي بدر منك، حتى لو هي الغلطانة، هي بتضلها امك والأم بكفّة وباقي العالم بكفة. جيبي هدية بسيطة لأجل الاعتذار، وما تتشاحني مع اخواتك، حاولي اكثري من الابتسام وقللي من الحديث، اذا تضايقتي فوتي على الغرفة واستغفري ربنا... ودائما تذكري اسم الله الرقيب، لو حدا من الي بتعرفيهن بالحياة شاف هاي المعاملة(حتى لو نتجت من تراكمات) اكيد ما رح يصدق انه هاي انت(على حسب كلامك)، الله احق ان نخشاه... اخفضي لها جناح الذل، مهما غلطت، بوسي راسها واعتذري ، الابتسامة اهم اشي كمان ، ساعديها بالبيت ، ساعدي اخواتك ، ابني مستقبك....واستغفري الله الله يصلح بينكو
تم النشر الجمعة، ٨ أغسطس ٢٠٢٥
وعليكم السلام ورحمة الله وبركاته، عزيزتي، أولاً أحب أقول لك إنني أقدّر جدًا شجاعتك في مشاركة مشاعرك وتجربتك المؤلمة، وهذا بداية مهمة جداً نحو الشفاء والتغيير. دعيني أُقسّم ما قلته لعدة نقاط حتى نناقشها معاً: أثر العنف الأسري عليكِ وعلى شخصيتك: العنف اللفظي والجسدي مهما كان مصدره، يترك تأثيرًا عميقًا على النفسية، ويؤدي إلى مشاعر الغضب والعصبية والرفض داخل الشخص، خاصة عندما يكون من الأقرباء. طبيعي جدًا أن تكوني عصبية وحساسة للصوت العالي، لأنك تعيشين تجربة مقلقة تتكرر منذ الطفولة. ما تمرين به هو رد فعل نفسي وعاطفي طبيعي، وليس ذنبك أبداً. شعورك بعدم القدرة على التعبير أو التواصل داخل الأسرة: صعوبة التواصل مع إخوتك وأمك وعدم وجود بيئة دعم داخل الأسرة يزيد من شعور الوحدة والتوتر. خلافات والدك مع الأم قد تزيد من التوتر العائلي، وهو أمر خارج عن إرادتكِ. شعورك بالذنب والخوف من الله: من الجميل أنكِ ملتزمة بالخُلق والعبادات، والخوف من الله والشعور بالذنب قد يكون دافعًا لتطوير النفس. لكن من المهم أن تفهمي أن سوء المعاملة التي تلقيتيها ليست ذنبك، ولا يجوز أن تحمّلي نفسك ما لم تفعليه. الرغبة في التغيير والعيش بسلام داخلي مع الأسرة: هذا هدف محمود ويحتاج صبر وعمل مستمر. التغيير يبدأ منكِ: حاولتِ أن تكوني الشخصية الهادئة والمحبوبة، وهذا جيد. لكن لا تقبلي العنف كأمر طبيعي، وهذا حق لكِ أن تضحّي به، لكن أيضاً حتى لا يؤثر عليكِ سلباً. نصائحي العملية لكِ: حاولي التوازن بين التعبير عن مشاعرك بطريقة هادئة وعملية ، أي عندما تغضبين، تحدثي عن مشاعرك من دون رفع صوت أو عنف. اطلبي مساعدة مختص نفسي أو استشاري : يمكنهم مساعدتك على التحكّم بالعصبية والتعامل مع موقفك النفسي بشكل أفضل. استعيذي بالله وقرّبي إلى الله بالدعاء والصلاة وقراءة القرآن ، فهذا يريح النفس ويبهج القلب، واذكري أن الله رحيم غفور. تعلمي وضع حدود واضحة لذاتك ، وأن ترفضي العنف مهما كانت الظروف. حاولي إيجاد نشاطات خارج البيت تمنحك راحة نفسية ، مثل القراءة، التطوع، أو تعلم مهارات جديدة. بالنسبة لخوفك من الله والغفران: تذكري أن الله واسع المغفرة، وإن تظلمتي أو ظلمتي نفسك فلا إثم عليك فيه، ولكن مهم أن تسعي لتصحيح نفسك، وطلب التوبة والرجوع إلى الله. ربما يمكنك قراءة أدعية المظلوم وطلب الحماية من الله والراحة النفسية. إن تجربتك ليست سهلة، ولكنك لست وحدكٍ، والله معكِ، وهو أعلم بضعفك وبمحنتك، وهو أرحم الراحمين. أنصحك باستشارة خبراء متخصصين في الدعم النفسي والعائلي، ويمكنك البحث في موقع فدني عن خبراء في هذا المجال لمساعدتك بالتواصل مع أحدهم. هل ترغبين في أن أنصحك ببعض الخبراء المناسبين؟ وأيضًا، هل لديكِ رغبة في معرفة بعض الخطوات العملية للتحكم في الغضب والعصبية بأسلوب مبسط؟ أنا هنا معكِ دائماً، فلا تترددي في السؤال.
تم النشر الجمعة، ٨ أغسطس ٢٠٢٥
ياحبيبتي ربنا يعينك انتي كمان ويسعدك يارب ويهدي الجميع حتى أنا بردو يعني المصاريف مش قد كده ومش بتكفي خالص لكن الحمدلله على كل شيء احنا كدا من زمان حتى قبل غلاء الأسعار بكتير الحمدلله واهم حاجه اللي هنفوز بيها إن شاء الله هي أننا نحاول نجاهد أنفسنا ونلتزم ونتوب ونستغفر من كل ذنب وربنا هيكرمنا بناس كويسه وحياه افضل تعوضنا💗💗
تم النشر الثلاثاء، ١٢ أغسطس ٢٠٢٥
خليكي ملتزمه وربنا يهدي ماماتك يارب بجد قصتك نفس قصتي بس انا مش ملتزمه اوي وبابا مش بيصرف عليا انا واخويا من تمن سنين وعايشه في مشاكل ربنا معاكي وإن شاء الله ماماتك تتغير للأحسن اهم حاجه ركزي على مذكرتك ومستقبلك ودينك وبس🤍🤍🤍🤍
تم النشر الاثنين، ١١ أغسطس ٢٠٢٥
و هيجيلك وقت للإنتكاس عادي متيأسيش كملي و شوفي الفيديو بتاع الدورة الانثويه لبودكاست ذات هتفهمي جسمك و حالتك النفسيه بتمر بأي كل أسبوع من الشهر و بدال انتي اكتشفتي أن دا عيب فيكي يبقي دا بدايه العلاج و متنسيش تصارحي نفسك و تواجهيها من كل ضعف و ضرب و هجر و زعل مريتي بيه و اكتبي انتي بتحسي بأي في كل مرة بيحصلك أي ظرف محزن او حصلك زمان بصي على قد ما هتعيطي على قد ما هتهديء و هتتحكمي في أعصابك و هتبقى انثي كل الناس تتمني تكلمها بس متقلقيش ربنا معاكي ❤️❤️
تم النشر السبت، ٩ أغسطس ٢٠٢٥
لا تضعي نفسك أبدا في وضع الضحيه دي اول خطوة هتقومي بيها من الي انتي فيه و انتي ملتزمة ديناً ما شاء الله تبارك الله ، اتعرفي على امك و امسكي ورقه و قلم و اكتبي هيه ليه طول الوقت عصبيه و ليه هي ضحت كتير افرغي كل الي داخلك من حزن و هترتاحي و التروما هتخف شويه ، بعدين اتفرجي على بودكاست حب الذات و الطاقة الأنثويه و ضعي نية التغيير من داخلك جداً ، و كل ما تحسي بالحزن او الضرب استأذني منها بكل احترام و روحي أي حته و اعتزري و متحاوليش تلوميها او تفكريها بالي بتعمله أبداً لأن دا مش هيغيرها نهائي ، و لكن انتي اشتغلي على نفسك و اتغيري و مع الوقت لما تتفرجي على ستات هاديه و تسمعي بودكاست هتتغير فكرتك تماماً و طبعاً القراءن الكريم سورة البقرة كل 3 آيام و مع الوقت هتتغيري خالص إن شاء الله ❤️
تم النشر السبت، ٩ أغسطس ٢٠٢٥
شكرا يا روحي 🤍😻
تم النشر الأربعاء، ١٣ أغسطس ٢٠٢٥
لعرض السؤال في فدني اضغط هنا