jhjjh

الافضل بلاش اي مكملات أو اي كيماويات مصنعه يعني ممكن نجرب المكسرات لكن طبعاً كل حاجه بكميه معينه ده احلى وآمن وممكن ميحصلش زياده فالوزن بفرق كبير يعني بعد كده لان ممكن الحرق سريع وده شئ صحي وكويس ف المكسرات والبروتينات والحاجات دي هتساعد إن شاء الله وكمان بناكلها في حياتنا عادي يعني معروفه أنها وسيله آمنه جدا لكن ليس بكثره،بحدود

طيب ممكن تدخلها انتساب عادي لو مجموعك جايب انتساب توكل على الله زيها زي انتظام بس بتدفع أعلى من انتظام شويه حاجه بسيطه يعني وكمان بلاش اعاده بجد يعني خلاص وبإذن الله هتلاقي نفسك في الكليه اللي هتدخلها وخلاص في دلوقتي كورسات كتير لو حابب تتعلم مجال معين معرفتش تدخله فالكليه أو حتى لو درسته هتحتاج كورسات خارجيه عشان تطور نفسك ف ليه تعيد تضيع سنه وتعب تاني أنا ثانوي الحمدلله خلصت بردو السنه دي ف طبعاً اللي تشوفه أنت وأهلك بردو لكن فكر في الكلام كويس ممكن أساساً بدال ماتعيد سنه كامله فالسنه دي تدخل الكليه وتاخد كورسات احسن من دروس ثانويه وتتعلم حاجات مطلوبه فالشغل وتعمل سي ڤي حلو مع الوقت وكده ف خلي في مرونه وممكن والله كنت تدخل كليه احلامك دي وتفقد شغفك وتلاقي نفسك مش حاببها اوي أو بنتعب فيها وزهقان ف ربنا بيختار الخير لينا دايماً تمام ومعلش طولت بس كان لازم اقول الكلام ده وفكر كويس انت قد قرارك وانت اللي هتعيشه متصعبش على نفسك دي مجرد خطوه فالحياه

جربي كدا تصلي كل صلواتك وتخلي وقت لذكر الله وبعدها قراءة ورد من القرآن على قد ما تقدري ما يوم صفحه صفحتين وقبل ماتنامي صلي الشفع والوتر وادعي ربنا بكل حاجه تتمنيها هتلاقي نفسك مرتاحه عن تجربه إنك تأدي العبادات دي حاجه مريحه جداً وعلى فكره هتلاقي ليهم وقت لان أصلا مش بياخدوا وقت كبير لا والله جربي كده ومش لازم كله ورا بعضه يعني على مدار اليوم حاجه حاجه هتلاقي نفسك مرتاحه أنا بعمل كده وبحس إن دي احلى حاجه في اليوم وهحاول استمر على الشفع والوتر وعادي أصلا كلنا لازم نحاول اصلاح أنفسنا واحده واحده وكل حاجه هتبقى كويسه طول ما ربنا رزقك نفس مش حابه المعصيه والبعد عن الله ف دي نعمه كبيره اوي وربنا يريح بالك يارب.

ماشاءالله عليكي ربنا يثبتك يارب وبإذن الله تشوفي كل خير في حياتك واولادك

ربنا يرحمه ويغفرله يارب،وانتي معاكي ربنا متزعليش أجرك عند الله وهو اللي غلطان وأهله ربنا يسامحهم لا وكمان محدش فيهم عارف يوقفوا عند حده،انتي مش ضعيفه وتقديري تعيشي وتبسطي نفسك وربنا يعوضك بشخص يعوضك عن كل الدنيا ويعوض اطفالك،ياعمري خلي بالك منهم ومن نفسك ومتعلميش يمكن في حكمه من ده وإن ربنا مخبيلك كل خير

لا خلاص طول ما في مد ايد اسفه بس مترجعيش دا عايز يتعالج ولو رجعتي ع الحال ده انتي واطفالك هتتأثروا اوي بالسلب وخليكي مع القضيه لان دي مسؤوليته مش من حقه يتهرب منها،ربنا يثبتك ويزيدك يارب ويجيبلك حقك بالنسبالي بعد مد الايد مفيش كلام لانه حرام وغلط وتأثيروا صعب اوي خصوصاً عليكي وخصوصاً انه مش اي مد ايد اكيد بتوصل للتعنيف ،امرك لله خليكي بعيد منعاً للضرر اكتر من كده وحاولي تعيشي حياتك عادي وتبسطي نفسك سيبي اطفالك عند أهلك واشتغلي حتى لو هو بعت مصاريف هتحتاجي بردو فلوس ليكي،ومفيش راجل بيخاف ربنا هيطرد واحده لو اي حصل،معلش هو غالباً اختيار غلط زي اغلب البنات بتنخدع وتتجوز وبتكون مش عارفه الشخص كفايه ف ربنا يعوضك بجد

وبصي بردو يعني لو كلام بس مش بيمد أيده وكده ف حاولي تجربي تطنشي شويه وكل مايغلط قوليليوا أنا نصحتك قبل كده وانت حر ربنا هيحاسب كل واحد لوحده،مش بقولك تستحملي اهانه بس جربي ممكن تلاقيه بعد فتره من تجاهلك لألفاظه يبطل فاهمه يعني ممكن بيستفزك لكن لو مد أيده يبقى حرام عليكي نفسك ترجعيله وهتظلمي نفسك واطفالك اوي اوي الموضوع ده حصل كتير في بيتنا والأذى مليون وربنا يعوضك ووالله ونا بكلمك خايفه بتكلم بحذر بس انا فعلا ربنا يعلم بحط نفسي مكانك مش قصدي خالص خراب بيت واي حد يقولك بلاش تخربي بيتك ع الطلاق يعني لو بيمد أيده أو بيعمل اي حاجه الواحد ميستحملهاش سيبك من الجمله دي دا أصلا فحد ذاته خراب كبير وحرام يحصل

لا حول ولا قوة إلا بالله هو في ناس كده ربنا يهديهم بقى،طيب جربتي تتكلمي مع حد من أهله يكون كويس؟بصي عموماً لو كلمتي حد وخلاص مفيش فايده أولا انتي التزمي خليكي مع ربنا على طول على كل حال وصلي وادعي ربنا يفرج همك ودي اهم خطوه تخديها لو مش بتصلي مثلاً أو ملهيه عن العبادات لأن ربنا هو القادر على كل شيء ومن غير اي مشاكل لازم اصلا نحاول نعمل لاخرتنا فهماني،عن موضوعك بقى بما انك مش مرتاحه اوي عند أهلك ودا طبيعي عشان الاطفال ف روحي بيتك وسيبك منه اعملي اللي ربنا امرك بيه وكل الواجبات زي منتي عادي جداً وربي اطفالك اعتبري نفسك عند أهلك الفكره بس أنك انتي واطفالك تكونوا مرتاحين فالمكان وربنا يهديه يارب متقلقيش ياحبيبتي لعل الله يحدث بعد ذلك أمراً ولو في ايديكي تسيبي الاطفال عند أهلك وتشتغلي على نفسك دا يبقى افضل حاجه تعمليها هتنفعك جداً وبإذن الله مش هتحتاجي تدخلي في مواضيع محاكم ولا حاجة بجد بتمنالك ربنا يهديه الموضوع بيبقى رخم اكيد ربنا يعينك يارب واسفه على الإطالة والقرار بردو ليكي ربنا يصلح بينكم ع الأقل عشان تعيشوا من غير توتر واطفالك يطلعوا ناس سويه النفس من غير عقد.

الشك صح او لأ دي عند ربنا هو اللي يعلم عشان انتي مشوفتيش حاجه بعينك وبعدين ليه علاقات محرمه كتير وبيكلمك بالطريقه دي ليه دا يكون خطيبك ياحبيبتي يعني حتى لو هو شخص تاب وربنا هداه بتقولي اتخانق معاكي وكلمك بطريقه مش كويسه ونتي معملتيش حاجه يبقى ليه تسمحي لنفسك انه يكون خطيبك أصلا بصي أنا بحط نفسي مكان الشخص ونا مش بقولك سيبيه على طول كده يمكن دا شخص كويس الله اعلم لكن لازم تعيدي تفكيرك وتاخدي بالك كويس قبل مايكون زوجك وعادي لو محصلش نصيب إن شاء الله يجيلك شخص كويس تقدري تكملي معاه لكن كده مينفعش صراحه خصوصاً بعد الشك

أنا بقول قبل قرار الانفصال أو اي حاجه اقعدي معاه وكلميه عادي جداً في وقت يكون رايق أو مرتاح فيه صارحيه وخلي الكلام فالاول من غير اي عتاب قوليله انك عايزه حياتكم تكون كويسه ومتخربش بسبب حاجه زي دي وان اللي بيقوله بيزعلك وانك خايفه عليه من الذنوب لانه حرام وشوفيه لو حد من أهله كان كان كده ممكن جداً انه تطبع بطبع حد غصب عنه طبعاً غلط جدا وملوش حق خالص يعمل كده حتى لو حد عنده بيشتم لازم هو ميكونش كده ع الأقل يحاول وعشان ربنا يباركله ويرضى عنه بس انتي الاول جربي بهدوء خالص مش هتخسري بإذن الله وشوفي هيقولك اي وهيستجيب ليكي ولا لأ ودخلي الدين فالكلام لعله يخاف ويهتدي وبعدها انتي خدي قرارك وربنا يهديهولك يارب خصوصاً لو في اطفال ممكن ياخدوا انطباع سئ منه ف ربنا ييسر حالك

اعتبريه اختبار من ربنا ولازم تنجحي فيه حطي في دماغك الجنه ولا النار واختاري بقى كل ماتحتاري اعملي كده خلي إيمانك قوي مش حاجه زي دي اللي هتخليكي تاخدي ذنوب قد كده بالعكس انتي اللي انصحي اي حد عارفاه رايح قوليلوا مينفعش لعل حد يرجع في قراره وأصلا مغني اي دول ندعيلهم ربنا يهديهم مش نتصور معاهم ونحبهم ف بلاش طبعاً ولا عرض ولا حتى لو بجنيه أنا لو مكانك واي شخص محترم بيخاف من ربنا مش هيروح مهما كانت المغريات

هصبر مش قدامي اساسا اي حاجه تاني،عملت زي منا قولت وفعلاً بقيت فحالي لكن مفيش فايده جت بهدلتني ومدت ايديها بردو بحجة اني مش يساعدها ونا مليون مره قولتلها شوفي عايزه اي وهعملهولك على طول مش هتكلم بس انا عارفه غرضها، وتعمل اي حاجه وتعجزني فالكلام لان كلامي أنا صح فتقوم تضرب براحتها بقت هوايتها تقريباً حسبي الله ونعم الوكيل عايزه تخلص مني بأي شكل والحل اطلع من البيت أو اموت ونا مليش حد اروحله أصلا ولا بهم حد لما قرأت الايه ارتحت شويه قولت كله عند ربنا بس الواقع مؤلم والله اللي يحزن اكتر ان خلاص مفيش حل حتى ونا فحالي لوحدي بتعرض للقرف ده من غير ذنب حتى،ادعيلي وخلاص يمكن ربنا ليه حكمه فكده وهيعوضني بعدين والحمدلله على كل حاجه

بالله عليكي بلاش تهملي المواقف دي يعني اي الكلام ده لو مش عاجبه خلاص يبقى كل واحد يروح فحاله لان ده اللي هتكملي معاه بقيت حياتك لازم يكون في قبول وتفاهم بينكم وإلا ممكن تندمي وساعتها مش هيكون فارق معاكي لا حب ولا اي حاجه ف صلي وادعي ربنا وإن شاء الله يكون من نصيبك كل خير بس بلاش تهملي المواضيع دي بجد لانها اكيد هتفرق كتير في علاقتكم بعدين واللي بتقوليه ده ممكن لا قدر الله يكون سبب في مشاكل كبيره بين زوجين بتحصل طبعاً ف فكري واحكمي بهدوء خالص ومتخليش العاطفه تغلب عليكي وربنا يهديهولك ويجعلك فيه الخير كله

بحاول اتعايش مع المواضيع دي لانها بقت جزء كبير من حياتي أو يومي ومبقتش انسى واعرف اعدي المواقف الصعبه دي زي زمان لكن معايا ربنا قادر يهدي بالي ويرزقني الراحه الحمدلله نعم ربنا كتير هحاول مهتمش بكل الهموم والأذى على طول وانسى نعم ربنا اكيد لأ والشكر لله ،جزاك الله كل خير

ياحبيبتي ربنا يعينك انتي كمان ويسعدك يارب ويهدي الجميع حتى أنا بردو يعني المصاريف مش قد كده ومش بتكفي خالص لكن الحمدلله على كل شيء احنا كدا من زمان حتى قبل غلاء الأسعار بكتير الحمدلله واهم حاجه اللي هنفوز بيها إن شاء الله هي أننا نحاول نجاهد أنفسنا ونلتزم ونتوب ونستغفر من كل ذنب وربنا هيكرمنا بناس كويسه وحياه افضل تعوضنا💗💗

وفي حاجه كدا يعني والله صعبه عليا لما بيحصل الموقف وتعنفني بالكلام والضرب والشتم بعدها فتره قصيره (مش نفس اليوم)بتتكلم معايا عادي شويه في خشونه فالكلام لكن عادي ف هي بتكون مستنيه مني اتكلم عادي ولا كأن حاجه حصلت ونا والله غصب عني اي حد عموماً بيحصلي أذى بسببه أو بشوف منه حاجه تقهرني خصوصاً لو ضرب مش بعرف اتعامل معاه تاني كويس إلا بقى بعد فتره وبكون بردو زعلانه لكن بحاول انسى ف مش بعرف اتكلم عادي بتكلم بالعافيه كده مش ببردو ولابعصبيه بس نبرة شخص زعلان ومش ناسي ومتأثر جداً ودي الحقيقه ف هي بتزعل من كده ونا بخاف لان لما تلاقيني كده تبدأ تشتم وأحياناً تضرب تاني بدون اي حاجه غير اني رديت بضيق بس ف بجد اعمل اي فالموضوع ده وفعلاً أنا دي طبيعتي مش كبرياء ولا عند بس بحس اللي عادي عنده كده بيكون مهان طبعاً كلنا غير عن بعض بس انا بالنسبالي اهانه فوق اهانتي واني يثبت الي قدامي انه اللي عمله عادي جداً وهو أكبر غلط فحقي أصلا

مظبوط وكلامك واقعي جداً تسلم ،اه انا ملتزمه الحمدلله لكن اعتقد من العنف يعني بقيت عصبيه جداً ممكن اغلط أنا مش هقول مش بغلط لكن غلط يعني ربنا يشهد ميستحقش ابدا التعنيف اللي بشوفه بسبب مثلاً اسلوبي بقى مش افضل حاجه او بقيت اعلي صوتي وانا يعني من زمان مستحمله كتير جداً خناقات فالبيت وبين الاب والام وطبعاً الضرب والالفاظ وكلام هنا وكلام هنا من ونا طفله للان هي طيبه ونا والله مش بشكر فنفسي بس انا كمان طيبه خالص اصلا وبزعل من نفسي لما اتكلم بأسلوب مش افضل حاجه لكن مش التجاوزات أو الأخطاء اللي توصلني اني اتعرض لكل ده لكن الحمدلله والعوض من ربنا ان حياتي الجايه تكون افضل إن شاء الله ونا حالياً قولت لنفسي اتعامل معاهم فالبيت عادي يعني لا اتكلم كتير واهزر بطيب خاطر ولا اتعصب زي عادتي وهمشي الأمور وهداري قهري اللي بيجيبلي الضرب والكلام كل مره وطبعاً هتقرب اكتر من ربنا واللي هي هتقول عليه فالبيت هعمله وخلاص وربنا قادر يهدي بالي ويهديها

حسبي الله ونعم الوكيل ربنا يهديهم ويهدينا والله حاجه تقهر أنا كمان للاسف بتعرض للعنف ضرب وكلام حاجه مش كويسه خالص وشعور وحش اوي خصوصاً لما يكون ملكيش حد يكون جنبك ويحميكي منهم ويتفاهم معاكي طبعاً معانا ربنا افضل من الكل لكن بردو كنت بتمنى حد يكون معايا الحمدلله على كل حال معنديش كلام لرسالتك لاني مش عارفه وبحاول اساعد نفسي أنا كمان اللي هقولهولك ارضي ربنا وخليكي قريبه منه والتزمي وربنا يعوضك ويعوضنا الموضوع تقيل جداً لكن هنعمل اي حتى لو جه يوم واتغيروا معانا للاحسن احنا مش هنقدر هتكون خلاص تعبنا واحنا تعبانين من دلوقتي أساساً أنا عن نفسي قررت اتعامل معاهم فالبيت عادي مش هكون أنا العفويه اللي بحب اهزر واضحك ولا اللي بتبين عصبيتها وطيبتها ومش بتقدر تخبي كلام ف قلبها كتير وهحاول اتقرب من ربنا اكتر والتزم اكتر واسحب نفسي عن دا كله واركز في جامعتي واشوفلي شغل اساعد نفسي وربنا يعوضنا باللي فيه الخير عشان لما ربنا يسألنا نكون حاولنا نعمل اللي نقدر عليه على الاقل وربنا يهدينا جميعاً

هتعامل زي اي انسان طبيعي لكن بحذر لان الظروف اللي مريت بيها غير الحمدلله على كل شيء فالاول كنت عادي شويه بزعل وبتقهر زي منا لكن كنت بنسى وخلاص بس دلوقتي كل ده اتراكم عليا وبقى في ذهني على طول في كل موقف يحصل لكن الحمدلله طبعاً هرضى علشان ربنا يراضيني

كلامك مظبوط طبعاً مقدر اقول حاجه بس انا متضايقه ان مهما كانت علاقتنا كويسه يعني بنهزر ونتكلم عادي بتكون بردو مش قد كده وفي حاجه بردو إن هي مش بتخلي مجال ليا اني احبها بجد وعلاقتنا تتصلح مش بس بسبب الضرب والعنف لا حاجات تانيه يوميه كلام زي السم فعلاً وعدم مراعاة فالكلام وكل ده عشان غلطة بسيطه مني مثلاً وبيتعبني جداً لما تيجي تكلمني عادي ولا كأن حاجه حصلت أنا من ضربها مش عارفه احرك رقبتي كويس وشعري حرفياً تقطعه ف ايديها وكذا علامه والله تعبت وخلاص هراجع نفسي وهشوف اللي يرضي ربنا واعمله لاني هتحاسب لوحدي هاجي على نفسي زي منا والعوض من ربنا على المعاناة دي مش هستنى منها تتغير ولا حاجه ولا تكلمني أنا هحاول هعمل اللي ربنا قال عليه واتغلب على نفسي وعزتي وقهري لان خلاص مفيش غير كده بس عندي سؤال انا دلوقتي هحاول اتعامل معاهم أو معاها خصوصاً بطريقه عاديه جداً يعني ارد على قد الكلام ولا اهزر ولا اسيب نفسي للكلام هل دا عادي حتى لو معجبهاش وبردو قللت مني ومن اسلوبي يعني دا يرضي ربنا؟لان خلاص مش هرجع زي منا لان قل حاجه بتتقلب عليا حتى لو قلت كلام هزار مش ف نيتي حاجه وحشه ف أنا عايزه أتجنب

ياحبيبتي ربنا يسعدك يارب ويعوضنا كلنا خير وتسلميلي على عرض مساعدتك أنا هصارحك أنا حتى بخاف اتكلم مع اي حد فالمواضيع دي تيجي فجأة وتشوف تلفوني والكلام وتزعل وتزعلني بخاف من اي حاجه تخص المواضيع دي بسببها عارفه إن احتمال جداً متتفهمنيش وتيجي عليا،ادعيلي اقدر اتغير وان ربنا يهديها وتتغير هي كمان لاني بعاني بجد ضرب وكل شويه اهانه ودعاء بالشر وصوت عالي اتمنى فعلاً دا كله يتغير ف يوم من الايام واقدر اكون انسانه سويه بعد كل ده لان مش عايزه ابدا حد بعدي يعاني بسببي،اتشرف بيكي اصلا💗💗

آمين يارب بس والله غصب عني أنا من النوع اللي مع الناس اللي اعرفها كويس بكون بتكلم كتير وعفويه شويه وبحب اهزر ونا بحسهم ميستاهلونيش حقيقي لأنهم بس بيركزوا على جانب اني لساني طويل والكلام ده وبيقلبوا عليا مع ان كلامي عادي ونا متعوده ف بزعل منهم جداً وحاولت اقلل كلام واختلاط بيهم بس معرفتش ف قولت مكلمهمش افضل لكن ماما للاسف تمد أيدها عليا بكل عنف والله وحتى متقعدش تقولي معلش أو تتكلم معايا لأ تيجي تكلمني بعد فتره عادي جداً ولا كاني بني ادمه بحس ونا مش بقدر اتأسف لاني مقهوره اوي ومهانه منها امي ربنا يهديها ويهدي الجميع مش بتبلى عليها لكنها تلفظ ألفاظ مش كويسه وتسيئ الظن وهي مش عارفه وتدعي بالشر وحتى لما بنصحها تكابر مع اني بنصحها بطريقه عاديه جدا وبيني وبينها لكنها بتقلب عليا وتكلمني وحش ونا والله مش عارفه اتغير بفكر في دكتوره نفسيه لاني مش عايزه حياتي بعدين تكون كده واعيش كارهه نفسي لكني مجرد طالبه جامعيه مفيش ف ايدي اي سلطه حتى على نفسي زهقت فعلاً وكل مره تخوفني وبتستقوى عليا معاناتي من زمان اتمنى اللي جاي من حياتي الباقيه يكون زي منا بتمنى وربنا يعوضني