كيفيه التعامل مع خطيبي للعلم هو عصبي جدا جدا
وبيعلق ع كل كلمه. انا بحبه اوي بس هو بقى بيصدني وبيكلمني ببرود. وعايزني ارد عليه رد زكي.
التعامل مع الشخص العصبي محتاج هدوء وصبر. أهم حاجة ما ترديش عليه بنفس العصبية، وحاولي تختاري وقت مناسب للكلام لما يكون أهدى. وضحي له بهدوء إيه اللي بيضايقك من أسلوبه، وحطي حدود واضحة لو حسيتِ إن عصبيته بتأذيك نفسيًا. لو لقيتي الوضع بيأثر على راحتك أو كرامتك، يبقى لازم تعيدي التفكير في العلاقة بشكل جاد.
تم النشر الثلاثاء، ١٢ أغسطس ٢٠٢٥
السلام عليكم ورحمه الله وبركاته امين طيب خطيبك عصبي احنا محتاجين الاول نشوف يعني هو الاول عصبيته بدون سبب يعني طول الوقت كده هو بيتكلم بنرفزه ولا بيكون في سبب وبعد ما بتطلع عصبيته بعد السبب ده خلاص هو ما بيعرفش يهدى او بيبقى منتظر حاجه معينه عشان خاطر يهدى والحاجه دي انت مش بتعرفي تعمليها قولي لي برضه كده ايه اكثر الحاجات الجمل اللي هو بيكررها مثلا وهو متعصب مساله انك تردي عليه رد ذكي لو هو بيقول لك ردي عليا بذكاء بدل ما تتعاملي معايا بطريقه يعني يظهر فيها الغباء عشان كده هم ما بيعرفش يهدى فخلينا نقول هنا هو الذكاء ما يكون فين الذكاء بيكون في ان انا اراعي اللي متعصب ده مش محتاج دلوقتي حد يعدل عليه مش محتا بس انا متاكده ان انت تقدر تحتوي الموقف بس انا متاكده ان انت هتقدر تعدي ده يعني النوعيه دي من من الردود هي اللي ممكن تساعد الشخص اللي متعصب في الوقت ده ان هو يحس انه اللي قدامه قادر يحتوي الموقف معاه وقادر يهديه بس قولي لي برده على الحاجات اللي بتحصل معايا بشكل خاص عشان نقدر نفيدك ان شاء الله.ج دلوقتي حد ينصحه مش محتاجه اي حاجه من الحاجات دي اللي هي هتبقى كاني بقول له انت غلط بلاش اي رد يكون في حواه مباشر او غير مباشر انت غلط وما ينفعش ان انت بتعمله ده اللي محتاج ان انا اعمله في الوقت ده ممكن ازكى حاجه تكون هي الاحتواء اللي هو انا حاسه بيك جدا انت حقك انك تتعصب ازاي كده؟
تم النشر الأربعاء، ١٣ أغسطس ٢٠٢٥
مرحبًا عزيزتي، شكرًا لمشاركتك مشاعرك وتجربتك بصراحة. التعامل مع شخصية عصبية، وخاصة إذا كان هذا الشخص هو خطيبك الذي تحبينه، يحتاج إلى حساسية وفهم عميق للوضع، وفي نفس الوقت أسلوب ذكي يدعم العلاقة ويقلل من التوتر. إليك بعض النقاط التي قد تساعدك في التعامل مع خطيبك العصبي بطريقة ذكية ومحترمة: اختاري الوقت المناسب للكلام لا تحاولي مناقشة الأمور المهمة أو تصحيح سلوكه وهو في حالة غضب. انتظري حتى يهدأ قليلاً لأن في حالة العصبية الحادة، الكلمات قد تُفسر بشكل سلبي. استخدمي نبرة هادئة ومعتدلة ردودك الهادئة تقلل من التصعيد وتساعده على الاستماع بدلًا من الانفعال. كوني لطيفة وواثقة، ولا تسمحي له بتحطيم هدوء الحوار بالردود الساخنة. تجنبي الدخول في جدال أو الانفعال بالمثل ردود الفعل الحادة قد تزيد من المشكلة. بدلًا من ذلك، حاولي أن تُظهري له أنك تتفهمين مشاعره، مثلًا: "أنا شايفة إن الموضوع مهم بالنسبة لك، خلينا نفهم بعض أكتر." حددي حدودك بأسلوب ذكي من حقك أن تطلبي احترام مشاعرك، ولا تسمحي له بالتحدث ببرود أو بأسلوب جاف يؤذيك. يمكنك قول: "أنا بحب الحوارات بيننا تكون بصراحة واحترام، لما تحكيلي ببرود بحس إني بعيدة عنك." احكي عن مشاعرك بطريقة شخصية بدلاً من لومه، تحدثي عن أثر سلوكه عليك، مثلاً: "لما بتتعصب وبترد عليا ببرود أشعر إن بينا مسافة وأنا محتاجة أتقرب منك أكتر." ضيفي لمسة إيجابية ومحبة في كلامك ذكريه دايمًا إنك تحبيه وتهتمي به، وده هدفك الحفاظ على العلاقة، وهذا يعزز الروابط بدلًا من أن يسبب توتر. شجعيه على التعبير عن مشاعره بطرق بناءة في لحظات هدوئه، ممكن تناقشي سويًا كيفية التعامل مع العصبية أو التوتر، وكيف يمكنه التحكم في انفعالاته. وأخيرًا، تذكري أن العلاقة تحتاج لصبر ومرونة من الطرفين، ومن المهم ألا تتأذِّي نفسيًا أو تهملي مشاعرك. إذا شعرتِ أن الأمور متكررة وتضغط عليك، لا تترددي في الاستعانة بخبير نفسي أو مدرب علاقات يساعدكما. لو حابة، يمكنك زيارة صفحة الخبراء في تطبيق فدني (https://www.fedni.net/experts) للبحث عن متخصصين يقدمون استشارات شخصية تناسب وضعكما. أنا معك خطوة خطوة، وإذا حابة تشرحي لي أكثر عن المواقف اللي بتواجهك، سأكون سعيدة أساعدك أكثر. :)
تم النشر الاثنين، ١١ أغسطس ٢٠٢٥
بيعلق على كل كلمة !! ليه يعني هو عايزك تتكلمي انجليزي وتغيري كل الكلمات ؟!!.. تخيلي نفسك معاه في البيت و٢٤ ساعة يعلق لك على كل كلمة وكل حركة وكل فعل ! .. دا مبقاش بيت دا بقا حفلة تريقة .. هل هتتحملي اسبوع على نفس النظام ؟ ومتقوليش الحب فوق كل شئ مش عشان قال لك كلمتين حلوين يبقا معجب ممكن يكون كله وهم
تم النشر الثلاثاء، ١٢ أغسطس ٢٠٢٥
بالله عليكي بلاش تهملي المواقف دي يعني اي الكلام ده لو مش عاجبه خلاص يبقى كل واحد يروح فحاله لان ده اللي هتكملي معاه بقيت حياتك لازم يكون في قبول وتفاهم بينكم وإلا ممكن تندمي وساعتها مش هيكون فارق معاكي لا حب ولا اي حاجه ف صلي وادعي ربنا وإن شاء الله يكون من نصيبك كل خير بس بلاش تهملي المواضيع دي بجد لانها اكيد هتفرق كتير في علاقتكم بعدين واللي بتقوليه ده ممكن لا قدر الله يكون سبب في مشاكل كبيره بين زوجين بتحصل طبعاً ف فكري واحكمي بهدوء خالص ومتخليش العاطفه تغلب عليكي وربنا يهديهولك ويجعلك فيه الخير كله
تم النشر الثلاثاء، ١٢ أغسطس ٢٠٢٥
يا بنتي بالطريقة دي ممكن والله اعلم تحصل مشاكل كتير بعد الجواز لكن برضه اسمعيه هو بيشتكي من ايه وايه اللي بيضايقه وحاولي تدعميه نفسياً
تم النشر الثلاثاء، ١٢ أغسطس ٢٠٢٥
انا رايي اننا نتجنب العلاقات المجهدة طالما الدنيا مش ماشيه بردودك وطبيعتك العاديه ... ممكن يكون اشارة انك متكمليش ... خدى بالك "وعسى أن تحبوا شيئًا وهو شر لكم" ... ربنا يصلح لك الحال
تم النشر الجمعة، ١٥ أغسطس ٢٠٢٥
بلاش العلاقه اللي من طرف واحد دي عشان هو طول مهو شايفك هتموتي عليه هيتتنك عليكي اكتر
تم النشر الأربعاء، ١٣ أغسطس ٢٠٢٥
ده انسان توكسيك و نرجسي اخلعي ي بنتي بدل ما تعيشي حياتك مع انسان عصبي .. اخلعي قبل م تلبسي ف بيت و عيال و تضطري تطلقي .. اختاري انسان سوي و هادي و عارف اللي ليه و اللي عليه هي حياة واحدة و مش ناقصة نضيعها مع ناس معفنة ولا عايزة تضيعي زهرة شبابك؟
تم النشر الثلاثاء، ١٢ أغسطس ٢٠٢٥
لعرض السؤال في فدني اضغط هنا