samar mahfouz

فى مصادر كتير على اليوتيوب منهم محمد ابو هدهود، اسامة الزيرو، كودزيلا، اتعلم ببساطة خدى وقتك و اتعلم من أكتر من مصدر فى الاول علشان تتأكدى أنك مش حباها فعلا لان أوقات اللى بيدرس مش قادر يوصلك بالطريقة اللى تحببك فى البرمجة و المهم كونى حابه الحاجة اللى بتتعلميها فعلا أيا كان هى ايه و دى هتعرفيها بالممارسة يعنى مثلا مجال تصميم الشعارات و الجرافيك بيجيب فلوس للمحترف فيه بس أنا أول ما تعلمت مقدرتش و ملقتشى نفسى فيه زى البرمجة و كان صعب و انا مش مستمتعة بيه أن أنافس الموهوبين فيه و خصوصا فى المسابقات الخلاصة أنتى هتعرفى بالممارسة و أنك تشوفى أكتر من مصدر و الوقت اللى هتلاقى نفسك ممكن تعملى الحاجة دى حتى لو مجانى تقدرى تحوليها لمصدر رزق، بالتوفيق المهم خلال التعلم اتعرفى على الناس و اتكلمى فى الجروبات علشان يتعرف شغلك و ممكن حد يطلب منك شغل أو يرشحك لحد عاوز شغل، بالتوفيق

مرحبًا أختى الفكرة مش انت أكبر أم أصغر أعرف حالات الزوجة أكبر و حياتهم سعيدة زى ما هتفكرى فى نفسك و تعامليها هتعاملك الناس ايه معنى كلمتك أنك عجزتى ؟ أنتى وصلتى ل 80 سنه؟ ركزى الفترة دى على نفسك طورى من نفسك و صحتك و حبى نفسك لنفسك مش علشان جوزك يشوفك حلوة لأ علشان نفسك تستحق تحبيها وقت فراغك شوفى هواية بتحبيها و اشغلى نفسك بيها أعملى اللى عليكى معاه قدام ربنا علشان يكون ضميرك مرتاح و قولى عوضى عليك يارب و وقت ما تحبى نفسك هتلاقى دنيتك بتتحسن فكرى كده وقت ما قابلك و حبك كنتى ايه ؟ غيرى أفكارك عن نفسك و حبيها و قدريها و ساعتها هتشوفى بنفسك النتيجة ربنا يريح بالك

فى طريقين لتعلم البرمجة الأول أنك تشوف عاوز تعمل بيها ايه بالضبط و تدرس اللغات اللى بتعمل الحاجة دى و تطور نفسك باستمرار فيهم مثلا عاوز تتعلم تطوير الويب أكتب web development roadmap 2024 و تطور نفسك بعد كده فى الخوازميات و التفكير المنطقى و غيرهم من أساسيات البرمجة التانى أنك تتعلم البرمجة على أصولها و أساسياتها علشان تفكر صح و ساعتها هتلاقى أى مجال فيها سهل ليك تعلمه و تقدر تستمر فى المجال و خصوصا مع وجود الذكاء الصناعى هتلاقى قنوات على اليوتيوب كتير اختار اللى تعجبك و لو هتختار الخيار التانى ممكن تشوف قناة المهندس محمد أبو هدهود

مع الإجابات السابقة شوفى بردو قناة المهندس محمد ابو هدهود علشان تتعلمى البرمجة من الأساس و حل المشكلات و التفكير المنطقى بعد كده أختارى المجال اللى حابه تكملى فيه و خصوصا مع دخول الذكاء الصناعى لازم تكونى متميزة فى البرمجة مش مجرد كتابة الكود

مرحبًا ألف مبروك مقدمًا و بالتوفيق إن شاء الله شوفى أنت هاوية ايه لأن حبك للمجال ايا كان هو ايه و أنك تطورى من نفسك فيه هيخليكى متميزة فيه سواء دكتورة أو مهندسة أو محاسبة أو مدرسة أو غيره و كمان هتكون قدامك فرص أكبر من اللى الدولة مقدماها بأنك تشتغلى مع شركات أو مستشفيات دولية طالما أنت متميزة فى مجالك. بالتوفيق

مرحبًا ممكن تبدأي بقناة المهندس محمد أبو هدهود أما الاحتراف عن طريق القراءة فيها وخصوصًا باللغة الإنجليزية سواء من المواقع أو الكتب و تنفيذ مشاريع متنوعة وحل مشكلات كتير بالتوفيق

1- التدرج قرر أنك تذاكر بس 15 دقيقة أو تمارس رياضة 5 دقايق مثلًا و زود كل أسبوع أو أسبوعين وقت بسيط عليهم علشان نفسك تتعود براحة و بدون ضغط. 2- اكتب فى ورقة ليه عاوز تذاكر أو تمارس رياضة أو أى هدف عاوز تحققه علشان لو حصل ملل تفتكر و ترجع تتحمس تانى. 3- صاحب و أتعرف على الناس الصالحة و الناجحة و بالتوفيق.

مرحبًا لاحظت أن الناس اللى قريبه من ربنا بتحس بده فعلًا و دا وساوس تغاضى عنه و تجاهليه كأن حد بيقول أنك مش كويسة هل تصدقيه؟ أفعالك هى اللى بتحدد أنت مين حتى لو أخطأت فعادى استغفرى واعتذرى و بلاش تجلدى فى نفسك كل البشر بيخطئوا عادى. و لو هتعملى خير زى الصلاة أو تشيلي طوبة من على الأرض مثلًا و جه فى بالك أنك بتعملى كده علشان الناس تقول عليكى كويسة مثلًا فكرى نفسك أنك بردو هتعمليه حتى لو محدش شايفك.

مرحبا أولا و أنت بتعملى الخطوات اللى هاقولك عليها روحى لطبيب موثوق علشان تكونى مطمنة من جميع النواحى و متقلقيش اللى أنت فيه دا نوع من الوساوس و حتى بيجى للأشخاص اللى بيقربوا من ربنا بانه كأنه بيتكلموا جواهم عن ربنا بصورة و كلام مينفعشى الحل فى إيدك أهم حاجة تداومى عليه اعتبريه كأن حد رخم و رزل قاعد بيقولك اعملى و سوى و تجاهليه كأن مش موجود و ممنوع تسمعى الكلام علشان ميزيدشى عليكى و تأكيدى أن مش أنتى اللى بتتكلمى حاولى تقرأى سورة البقرة قسميهما على تلت ايام على الأقل و داومى عليها و نصيحة هامة جدًا بلاش تقطعيها لحد ما تتأكدى من الشفاء لو كنتى بتسمعى فى مواضيع الطاقة و فتح العين الثالثة و غيره من المواضيع دى فأوقات الحاجات دى بتدخل فى مس فاحذرى من تطبيق الحاجات بدون رجوع للدين و العقل و إن شاء الله هيروح بالتدريج و هيختفى أهم حاجة الصبر و خصوصا فى البداية ربنا يريح بالك و يسعدك

أكتر من تلت مرات بلاش تكرر الدرس الأفضل التكرار على مراحل على مدى الشهور بمعنى ذاكرت الدرس و لخصته تيجى مع الدرس التانى و تراجع مراجعة سريعة الدرس اللى فات و فى بداية كل شهر راجع بردو اللى درسته خلال الشهور اللى فاتت و هكذا هتلاقى نفسك كررت كل الدروس كتير فى نهاية السنة و حفظتها بتوفيق ربنا أهم خطوة فى الثانوية أنك تاخدها زى أى سنة بدون ضغط و تعمل اللى عليك و تعرف أن ربنا هيختار لك الخير ما دام أتقنت عملك بالتوفيق

بصى فى شباب بيعرفوا بنات بنية أنهم يرفهوا عن نفسهم بيهم أيا كان هو بيعمل زى ما أنتى شاكة و لا لأ غلى نفسك يا بنتى هتتعبى فترة بس أحسن ما وقتك و مشاعرك يضيعوا على الفاضى و لو هو شاريكى فعلا هيجى يتقدملك غير كده كان هيسيبك كده كده متضيعيش عمرك و مشاعرك فى علاقة أنت مش عارفة نهايتها و اشغلى نفسك فى دراستك أو شغلك و ربنا معاكى

حرام أو حلال دا اللى يحدده فقيه فى الدين و من أهل الذكر أما الفكرة فى خطورته أنك مش عارف الفيديو فيه ايه، أنت مش فاهم الرسائل اللى بتبعتها لعقلك فممكن يكون فى حاجة مخفيه تأثر بالسلب عليك زى ما الرقية بتأثر علينا بالإيجاب. الأفضل أنك تستخدم التوكيدات الأيجابية بنفسك مدعمة بلماذا و تكررها على عقلك يعنى مثلًا حد زرع فيك قناعة سلبية زى مثلًا أنت إنسان شكلك مش حلو تبتدى تقول لنفسك أنا شكلى حلو لأن ربنا هو اللى خلقنى و رأى الناس فيا دا رأيهم الشخصى و الناس أذواق هما مش هيقيموا خلق ربنا و هكذا أو حد قال إنك إنسان سئ فاعكس و قول كل ابن ادم خطاء و خير الخطائين التوابين و افتكر أفعال كويسة ليك علشان الموضوع ميزيدش عليك.

و عليكم السلام و رحمة الله و بركاته بحكم أنى مريت بفترة ثانوية صعبة بردو فاحسه بيكى و إن شاء الله الدنيا هتبقى أحلى قدام الأول أنتى مش عارفة ايه السبب فلو أنت حسه انه ذنب فاستغفرى و ربنا غفور رحيم تانى حاجة عليكى و الرقية الشرعية و سورة البقرة و استمرى فترة طويلة بدون أنقطاع علشان نتأكد أن مفيش سبب خارج عن إرادتك ثالثًا لو أنت داخلة الثانوى معتبراه حاجة كبيرة و مستقبلك معتمد عليها فدا ممكن سبب ليكى توتر فمش عارفة تركزى فبلاش تجهدى نفسك أيا كان مجموعك فعادى ممكن يكون سبب أنك تكتشفى مجال أفضل زى أنا مدخلتش الكلية اللى عاوزاها بس أكتشفت مجال بحبه و هواياتى ليه. بلاش تقولى لنفسك أى كلام وحش بدلى علطول أنتى كنتى شاطرة فترة كبيرة فعادى تقدرى ترجعى تكونى شاطرة تانى أنتى بشر مفيش مشكلة لو قصرتى أو مكنتيش زى ما أنتى عاوزة أو اللى حواليكى عاوزين. أما بخصوص العبادة فحطى لنفسك عبادة و استمرى عليها حتى لو مش بنفس مستوى عبادتك زمان و إن شاء الله هتلاقى نفسك أحسن بعد فترة و أفتكرى إن ربنا غفور رحيم و أن أحب الأعمال إليه أدومها و إن قل بتمنى تبقى تطمنينا عليكى و إن شاء الله الأيام دى هتعدى و هتلاقى سعادة و نجاح تانى قدام بالتوفيق.

أنت عندك نت استغليه ممكن تتعلمى مهارة أو لو عندك هواية تنميها و تشتغلى من على النت اقرأى عن العمل الحر أو Freelancing و شاركى فى الجروبات علشان الناس تعرفك و تعرف شغلك بالتوفيق

ممكن فى المتاجر الالكترونية تعرضيهم و بردو اشتركى فى الجروبات الخاصة بمحبين الحاجات دى علشان يكون ليكى جمهور علقى و تفاعلى هناك الموضوع محتاج تسويق و صبر فى الاول منك بالتوفيق

ألف سلامة حلك فى التجاهل، و دا من نصايح 2 شيوخ يعنى أطمنى على دينك و صلاتك ربنا غفور رحيم الوضوء مرة واحدة و الصلاة مرة واحدة حتى يتم الشفاء الأفكار تجاهليها زى ما يكون حد مزعج جنبك و بلاش تقاوميها علشان متزدتشى عليكى حاولى تقرأى سورة البقرة و لو تقسميها على تلت ايام و داومى عليها حتى لو حسيتى أنك شفيتى صدقينى هترتاحى إن شاء الله

كويس أنك قريبة من ربنا و صدقينى حتى الصحابة كان بردو بيجى ليهم حاجات و الرسول عليه الصلاة و السلام قالهم دا صريح الايمان بس قراءة القرأن نفسه غير العلاج به زى بالضبط ما فى ناس قريبة من ربنا بس عندها وساوس فى الصلاة أو الطهارة هنا هتقرأى سورة البقرة لو تقدرى كل يوم مرة أو قسميها على تلت أيام و معاها أواخر سورة الحشر و ايه الكرسى على قد ما تقدرى بنية الرقية و العلاج مخصوص و زى ما قولتلك دى أنا اتعلمتها من شيوخ اعتبريه كأنه حد غلس يقول يمين اعملى عكسه و مع مرور الوقت إن شاء الله هتشوفى نتيجة ترضيكى و هترتاحى و لو احتجتى أى حاجة فى أى وقت ابقى اكتبى تعليق ألف سلامة

ما دام الدكتورة شايفاه عادى فممكن أنت اللى شايفه أنها مشكلة و الأجسام مختلفة فحاولى تحبى نفسك زى ما أنت. بس على العموم فى تمارين مخصصة للمنطقة العلوية من الجسم و تمارين للزراعين هتلاقيها على النت و بتتعمل فى البيت عادى و إن شاء الله مع الأكل الصحى هتلاحظى نتيجة حلوة مع الوقت. بلاش تعملى تمارين بدون أكل، لأن هتخسى زيادة و اعملى حوالى تلت أيام من كل أسبوع و بلاش تتوترى و تضعطى على نفسك علشان توصلى للنتيجة اللى أنت عاوزاها

طالما مبتعملشى حاجة تعضب ربنا اتجوز بالطريقة اللى تعجبك أديها اللى ربنا أمرك بيه و انسى القايمة و اللى يفرض عليك تمضى قايمة و أنت اللى مجهز بيتك كله بنفسك ابعد عنه و ابحث عن بنت من محيط دارسى الفقه من الرجال اللى تعرفهم علشان تسهل على نفسك الأمور و تعرف حال البيت قبل الدخول لأهله موافقين على النظام دا و لا لأ أما أهلك فافهمم أنك عاوز ترضى ربنا و إن شاء الله يفرحوا بفرحك فى الحلال و رؤية أولادك بالتوفيق

شوف قناة محمد أبو هدهود هتتعلم البرمجة على أصولها من التفكير المنطقى و حل المشكلات قبل ما تتعلم كتابة الكود بعد كده شوف عاوز تتخصص فى ايه ساعتها اكتب مثلًا full stack web developer roadmap or mobile developer roadmap و هكذا لأى مجال تختاره و ادرس المسار بتاعه و نفذ مشاريع خاص بيه و ابتدى قدم على شغل

المجتمع بيفرق حتى بين الأخوات البنات كمان، أنا شوفت فيه اللى بيفرق بين الـأخوات البنات لو واحدة مستوى جمالها أحلى و بردو بين الأخيين لو حد متفوق عن التانى فالتركيز على المشاكل اللى فيه مش هيتعب غيرنا أما بالنسبة للبنت فأنتى بنفسك قولتى أن السبب فى المشكلة هى المرأة اللى بتميز، فمتشغليش بالك هيحصل ايه للبنت فى الدنيا أشغلى نفسك أنت هيحصلك ايه فى الدنيا خلى ليكى هدف يكون ربنا راضى عنه و مارسى هواية بتحبيها و إن شاء الله لما ربنا يكرمك بأطفال ساوى بينهم بما يرضى الله و بكده هيتغير المحيط اللى حواليكى و كمان ممكن نجاحك و طريقتك تأثر فى اللى حواليكى أتأنى فى اختياراتك للأشخاص اللى بيدخلوا حياتك بمراقبة تصرفاتهم مع الناس من حواليهم و أختارى اللى أفكارهم صالحة و أبعدى بهدوء عن الأخرين. و فى النهاية من يعمل مثقال ذرة خير يرى و من يعمل مثقال ذرة شر يرى فأى ظلم أتعرضتى له قولى حسبى الله و نعم الوكيل و زكرى فى اللى وراكى و على الحلو اللى فى الدنيا

كل مجتمع هتلاقى فيه الحلو و الوحش حتى فى امريكا لقيت بردو عندهم عيوب تركيزك على السلبى فى المجتمع هيتعبك أنت لأن تغييره محتاج سنين أكتر من عمرنا أنا جدتى الله يرحمها كانت مهتمه بأخى أكتر بس عادى هو فى النهاية أخويا و هى بتحبنى أنا كمان أحنا جايين فترة فى الدنيا خلينا نعيشها سعداء و ربنا هيحاسب فى النهاية الولد العاصى حتى لو المجتمع سامحه أما السجاير فهى شئ مضر و بيخلى شكل السنان سئ و بيعجز الوش فاحنا فى غنى عنه. ركزى على الحاجات الإيجابيه في المجتمع و اختارى يكون حواليكى الأشخاص الكويسين