شوف أنا أخويا كان مثلها بالضبط حاول إنك تروح تشوف ذكائها لأن أخي كان عنده نقص في الذكاء وطبعًا روحنا عند دكاترة تخاطب وتنمية مهارات ودلوقتي حالته أحسن من الأول. روح شوف بس وإن شاء ﷲ خير وياريت بسرعة ومش تتأخر وممكن يكون مش عندها حاجة بس خوف أو إنها معاك على طول ومش بتنزل تلعب مع حد
تم النشر الأحد، ١٧ أغسطس ٢٠٢٥
وعليكم السلام ورحمة ﷲ وبركاته 1. العادات السبع للمراهقين الأكثر فعالية – شون كوفي 2. فن اللامبالاة – مارك مانسون 3. قوة الثقة بالنفس – إبراهيم الفقي 4. أيقظ العملاق بداخلك – أنتوني روبنز 5. دع القلق وابدأ الحياة – ديل كارنيجي 6. ألعاب العقل – كيفين دوتون 7. لأنك ﷲ – علي بن جابر الفيفي 8. رقائق القرآن – إبراهيم السكران
تم النشر الثلاثاء، ١٢ أغسطس ٢٠٢٥
يا سلمى، افتكري دايمًا إنك مش موجودة في الدنيا دي عشان ترضي الناس حتى لو كان أقربهم ليكي، إحنا موجودين عشان نرضي ربنا أولًا. ربنا سبحانه وتعالى قال: "لا يُكلِّف الله نفسًا إلا وُسعها"، وإنتِ مش مطالَبة تعملي حاجة فوق طاقتك أو تضغطي نفسك لدرجة تتعبك وتكسرك. اعلمي إن رضا الوالدين مهم جدًا، لكن الرضا الحقيقي يكون في طاعة الله، ومش في إنك تعيشي حياتك كلها في مجال أنتِ مش حاباه وتكوني طول الوقت مهمومة وحزينة. لما تبيني لباباك إنك بتحاولي وتبذلي جهدك، لكن في نفس الوقت بتشرحي له إن ده مش ميولك، فأنتِ كده بتؤدي الأمانة وبتسعي للحق. خلي نيتك دلوقتي إنك تكمّلي بما تقدري عليه، وتدعي ربنا كل يوم في سجودك: "اللهم هيئ لي من أمري رشدًا، واختر لي ولا تخيرني". واعملي الأسباب، وإن شاء الله ربنا هيفتح لك باب يرضيك ويرضيه، ويمكن يكون أحسن مما كنتِ بتتمني.
تم النشر السبت، ٩ أغسطس ٢٠٢٥
خلص الأول الدور التاني وبعدها أعمل إللي أنت عايز تعمله وتتعلم إللي عايزه وربنا يكتب ليك إللي فيه الخير إن شاء ﷲ ولا تيأس من رحمة ﷲ فقط وبإذن ﷲ كل مر سيمر أجتهد فقط وأعمل إللي عليك عندكم مادة ولا 2 وأنت أدبي ولا علمي علوم
تم النشر الأحد، ٣ أغسطس ٢٠٢٥
يا حبيبتي أول حاجة تعمليها أنك تاخدي الماجستير وكورسات حسب مجال تخصصك في كليتك وبعدين أشتغلي في مجالك عشان يعرف أنك قوية وتقدري تعتمدي علي نفسك أنما هو دلوقتي هيفضل يتخانق معاكي وهو عارف أنك مش هتقدري تبعدي عشان أنتي معتمدة عليه غير كده صلي وأدعي ربنا أن قلبه يلين عليكي وأدعي دايما ربك وإن شاء ﷲ هيستجيب ليكي وكل هم هيفرج بالنسبة لحماتك ما تحاولي تواجهي حماتك كلميها بس بأحترام وأياكي تعلي صوتك مهما علت هي صوتها عشان هي ممكن تمسك أي غلطة عليكي وتعملك مشكلة قولي لها أنتي بتعملي معايا كده ليا ما هو بخدمك وبعمل ليكي كل حاجة واحدة غيري مش كانت عملت نص إللي عملته والحقيقة أن دلوقتي البنات مش بقت زي ما أنتي بتعملي كل واحدة تتشرط أنها تسكن مع زوجها بعيد وده لأسباب ممكن عشان عارفة أنها بيوت العائلة فيها مشاكل أو أن حماتها تعمل مشاكل أو أنها حابة تكبر دماغها ومش عايزة تشيل مسئولية حد الوهم أنك تواجهي حماتك وتعرفي بتعمل كده ليه مش كلمتك وسكتت خلاص أنتي عملتي إللي عليكي شوفي نفسك وعيالك وشغلك وخليكي سيدة نفسك وقومي كده وخليكي قوية لأن لو أنتي فضلتي كده هتعاني كتير جداً وربنا يسهل ليكي الحال ويفرج همك ويفرحك شوفي هو زوجك يمكن عشان المسئولية زادت هو مشاكل في الشغل حاولي تكوني أكثر تفاهم معه حاولي تكسبي قلبه وحاولي تكسبي قلب حماتك يمكن تلين معاكي وصلي وأدعي ربنا
تم النشر السبت، ٢٦ أكتوبر ٢٠٢٤
شوفي أول حاجة أنتي كنت غلطانة فيها من حق نفسك أنك كنتي بتتنازلي عن حقوقك زي أنا زعلانة بس مش وهم زعلي لكن لو هو زعل حتي لو كان هو الغلطان أروح أصالحه وتاني حاجة أنه يغلط فيكي وتروحي ترضيه لأ مش ينفع أنتي دلوقتي لو غلطي فيه هو هيروح يراضيك لأ طبعاً هو آه حبوا بعض لكن فيه عتاب عاتبيه لما يزعلك قولي له آه أنا زعلانة منك شوفي أعمل كل حاجة له زي شغل البيت وأطبخي له وعادي جداً لكن مش تكلميه عشان يحس أنه زعلك فيجاي يعتذر ليكي وكذلك لو غلط فيكي لكن أنتي كده كنتي أكتر طرف بيضحي ويقدم تضحيات عشانه هو آه كويس ومش بيحرمك من حاجة بس لازم أنتم الأتنين تقدموا تضحيات لأن أنتي كده عودتيه أن يغلط فيكي بعد كده هيغلط فيكي علي طول عوديته يزعلك ومش يراضيك بعد كده عمره ما يجاي ليكي عشان يراضيك لازم مش تسكتي علي حقوقك زي ما هو كده وصلي وأدعي أن قلبه يلين عليكي ويحن وأن المشاكل تنتهي وبالنسبة للمشاكل عايزة أقولك أن مفيش جواز يخلو من المشاكل بس فيه زوج وزوجة متماسكين في بعض يعني مهما تكتر المشاكل تكتر آه لكن عمرهم ما يقدروا ينفصلوا عن بعض وربنا يسعدك ويجبر بخاطرك ويفرحك
تم النشر الاثنين، ٢١ أكتوبر ٢٠٢٤
لو كان شخص متقي ومتدين ومحترم بدرجة عالية أنتي أقبلي به لأن أحتمال مش تلاقي زيه بمعني ممكن يجاي أغنى منه بس مش زيه ونركز علي الصفات جداً لأن الشخص المتقي هو إللي يصونك وخصوصا أن عايزك ولو خلاص مش ينفع لعله خيراً بس مش تفضلي ترفضي كده علي طول لأن كان عندي قريبة جاه ليها أحلي العرسان ورفضت لحد ما كبر سنها وجاه ليها بن عمها وكان متاح ليها الأفضل والأحسن وبعدين صلي استخارة لو شعرتي براحة يبقي خير لو شعرتي بشعور غير مريح ارفضي براحتك لكن مش تقعدي ترفضي عشان مش تندمي فيما بعد وربنا يسعدك ويوفقك
تم النشر الأحد، ٢٠ أكتوبر ٢٠٢٤
أولاً حاول تتكلم مع والدك بكل هدوء تاني حاجة حتي لو مش هيساعدك في التنسيق أنت شوف صفحة أحمد حجازي شوف أصحاب ليك قدموا أزاي وقدم ده مستقبلك وركز في دراستك وأرمي كل مشاكلك وضغوطك النفسية وراء ضهرك ده مستقبلك يعني محدش هينفعك غير نفسك وحاول تشتغل كمان يعني أنت أصبحت مسئول عن نفسك أعتمد علي نفسك وأي حد يقولك فاشل أو من هذا الكلام سيبك من كل ده ومتحطش المواضيع دي في دماغك لأنها هي إللي هتعطلك وأنت ليه صبرت كل ده يعني المفروض سنة تمام لكن 4 سنوات كتير جداً بس في الآخر لعله خيراً إن شاء ﷲ حاول تشتغل شفت مسائي جنب الجامعة أو تشتغل أون لاين وتذاكر في آخر يومك أو وقت فراغك وياريت مش تكسل وقدم بسرعة علي جامعة ولو السنادي مش لحقت مش مشكلة السنة الجاية بس السنادي حاول تعتمد علي نفسك تشتغل شغل حلو وتاخد كورسات جنب المجال إللي إن شاء ﷲ ناوي تدخله في الجامعة لأن الجامعة حاليا لوحدها مش كفاية يعني المفروض تاخد كورسات عشان تقوي نفسك وتثبت نفسك وتقدر تشتغل فيما بعد لأن دلوقتي أي شغل بعد تخرجك هيركز أنت ماهر في الحاجة دي ونشيط ومنجز فيهانا ولا لأ وممكن تلاقي واحد صاحبك تعين وأنت لأ رغم أنكم نفس الجامعة ليه عشان هو ماهر فيها عشان كده بقولك خد كورسات وربنا يسعدك ويوفقك بإذن ﷲ
تم النشر الأحد، ٢٠ أكتوبر ٢٠٢٤
أنتي أولاً يا قمر قربي من ربنا نزلي تطبيق مكتبتي وأنا مسلم وصلي فروضك الوقت بوقته وصلي قيام الليل وأشكي لربنا فيه كل حاجة وواظبي علي قراءة أذكار الصباح والمساء وحددي ورد قرآن يومي وأهتمي بدراستك ومن فضلك في مستقبلك أرمي كل مشاكلك وضغوطك النفسية وراء ضهرك ده مستقبلك يعني ولا أبوكي ولا أمك ولا أخواتك هينفعوكي من ناحية الأم شوفي أي أم بتبقي نفسها أولادها يكونوا أفضل من أي حد وأعذريها في ده ما هي هتلاقي بتقعد مع فلانة وفلانة دي بتتكلم عن ده وده وهي بقي تشوف ده وده وتقول مش معني عيالي مش كده هي بتقارن بس مش عشان مش بتحبكوا لأ هي شايفة أن هي بشغل المقارنة أنكم هتكونوا أحسن وهتحاولوا تكونوا أحسن رغم المقارنة مش حلوة نهائي لأن بعدين بتشوف نفسك مش زي فلان وتقعد تندب حظك وبعدين فيه البعض يقول ما أنا كده كده مش فالح وييأس وهو ده إللي الوالدين مش بيدركوا أنه تأثيره سلبي علي الأولاد لكن أمك بتحبك جداً لكن الأب لو هو بعيد عن ربنا روحي أقعدي معه وأذكري أحاديث عشان يقرب من ربنا وبعدين أدعي له بالصلاح وكذلك أخواتك وخليهم يقربوا من ربنا وقول لهم أن الحياة فانية في كل الأحوال وأن الأعمال هي الباقية وأن يحسنوا معاملة الوالدين وﷲ حتي لو الوالدين مش حلوين ربنا أمرنا بطاعة الوالدين مهما يكون فيهم كل العبر الأصغر منك أنتي ممكن تاخديها علي جنب تنصحي فيها وتصلحيها يعني أمرها صعب آه بس أنتي قدها أنها تتغير وخليها صالحة وخليكم أصحاب وخلي أختك تشتغل في مشروع يكون مثلا مش بيتأثر بالأقتصاد بتاع الدولة أو بالأزمات زي الغذاء أو الأدوية وغيره أو شوفي خليها تشتغل في مجال التسويق مربح سمعت عنه كتير المطلقة بقي خلي كبير عائلتكم إللي تخاف منه يجاي يكلمها ولما تتكلم مع أبوها أقفي ليها وصديها قولي أن ربنا أمرنا بطاعة الوالدين ودول إللي تعبوا عشانك ده آخرتها تعامليهم كده وخليها تقرب من ربنا أو لو مش رضيت أدعي بالصلاح ليها في قيام الليل وربنا يفرج همك ويفرح قلبك ويسعدك ويوفقك يا قمرية
تم النشر السبت، ١٩ أكتوبر ٢٠٢٤
حتي إذا كان عندك كبرياء مستحيل تخبي خوفك وحبك ليها بمعني أنك أصلا عيوانك هتكشفك أنك بتحبي صاحبتك وأنتي صافية وحلوة بجد ربنا يحفظك
تم النشر الاثنين، ١٩ فبراير ٢٠٢٤
شوفي العلاقات غير الشرعية بتغضب ربنا يعني ولا توفيق ولا أي من هذا تمام أنتي لو بيحبك قولي له أنا مش هكلمك إلا لما تخطبني في الحلال وهو لو بيحبك هيخاف عليكي وهيصونك وهيجاي يخطبك عشان يكلمك لو بقي تسلية مش هيرد عليكي أو ممكن يخترع حجج وأخاف عليكي من الحجج بمعني أن فيه ناس لامعة عيوانها كذب وبتحجج أنتي بس أعملي كده وقربي من ربنا
تم النشر الأحد، ١٨ فبراير ٢٠٢٤
صلي قيام الليل دكتور حازم شومان قال أن اللي عنده مشاكل قيام الليل يا صحبة الخير وربنا يوفقك
تم النشر الجمعة، ٩ فبراير ٢٠٢٤
طبيعي جداً في السن ده الذي يسمي بالمراهقة تبحثي عن الحب والأهتمام وخاصة أنك بتبحثي عن لأنك مفتقدها بس خلي بالك الناس أكترها بتتسلي مش بتحب وده بقي كتير أحرصي وتجنبي العواقب لأن العواقب وخيمة لكن هقولك أنتي حتي وهو لو حبيته وحبك يعني هيجاي بعدين بينه وبين نفسه يقول بس هي بنكلمني وبعد الجواز ممكن تكلم غيري ويشك فيكي طول الوقت وجوازك هيبقي مشاكل ليل نهار وهترسي علي الطلاق غير إن العلاقات غير الشرعية حرام بتغضب ربنا حاولي تقربي مش ربنا ولعلمك ربنا بيبعد عنا ناس عشان فيه ناس غيرها أحلي منها العوض الحقيقي الجميل اللي بيحبك جداً وحقيقي في الطريق بس عشان ده يحصل قربي منه وشوفي وقارني نفسك دلوقتي ولما تكونيجي في قربه والسلام لقلبك
تم النشر الأحد، ٤ فبراير ٢٠٢٤
شوفي أنتي حاولي تقول لها الأحاديث والأشياء والعلاقات غير الشرعية وحاولي تقربي منها وحاولي تخوفيها يعني قولي لها لو مش أتعدلتي هقول لأبوكي أو حاولي تخدي منها الخط وهي نايمة يعني من غير ما تعرف من فونها أو خبي تلفونها يعني وقولي مش عارفة هو فين أو الخط شوفي كده وحاولي تكوني صاحبتها يعني وعموما قولي لها ربنا مش هيوفقك طول ما أنتي بتعملي كده وغاضب عليكي وقربي منه الحياة قصيرة وهنموت وهنبقي عظام أنتي حاولي تقولي آخرتها أي وهكذا وتقرب من ربنا قدر الأمكان هي هتلاقيها سن مراهقة بس لازم تلحقيها قبل ما يسوء الوضع لأن شاب ممكن يبقي عاوزها تبقي له ويفضحها لولا بعدت عنه غير أنها بتتسلي ممكن حد تحبه جداً وهو بيتسلي بيها وتنجرح جداً حاولي تقرب منها جداً لأن العواقب خطيرة
تم النشر السبت، ٣ فبراير ٢٠٢٤
ولا يهمك تابع دكتور محمد أيمن أو أحمد الجوهري وراجع دروسك بسرعة عشان مش بقي فيه وقت أعتقد إن باقي أيام وحل كتير وربنا معاك إن شاء ﷲ ويوفقك متقلقش إن شاء ﷲ يعدي وده ابتلاء لا أكثر والدور التاني مش نهاية العالم عندي أصحابي كانوا دور تاني وعدوا وبقوا في كليات دلوقتي
تم النشر الأحد، ١٧ أغسطس ٢٠٢٥
عندك دور تاني إيه وإيه يعني مواد إيه
تم النشر الأحد، ٣ أغسطس ٢٠٢٥
ربنا يوفقك ومعاكي وأياكي تنسي كملي تعليمك وأشتغلي
تم النشر السبت، ٢٦ أكتوبر ٢٠٢٤
رأيي من رأي الروبوت
تم النشر الاثنين، ٢١ أكتوبر ٢٠٢٤
العفو يا قمر وخير إن شاء ﷲ ربنا يسعدك بالنسبة للخوف طبيعي جداً خوفك أي بنت بتبقي كده بس مش نخلي الخوف هو الحاكم بتاع قرارتنا وربنا يكتب ليك الخير ويجاي ليكي بن الحلال إللي يصونك ويحترمك ويحبك
تم النشر الاثنين، ٢١ أكتوبر ٢٠٢٤
شوف أنت ممكن تروح الجامعة الصبح بعدين تشتغل شفت مسائي وبعدين في الآخر اليوم تذاكر أو ممكن تشتغل أون لاين وتذاكر في وقت فراغك وربنا يكرمك ويوفقك أو تشتغل بالكلية بتاعتك فيه ناس كتير بعد أولي كلية بتشتغل بالكلية بتاعتها
تم النشر السبت، ١٩ أكتوبر ٢٠٢٤
أتعلمي السواقة وفي نفس الوقت خدي حذرة يعني وخدي بالك وخففي السرعة وعلمي كل طريق بمحل أو بيت أو عمارة وتوكلي علي ﷲ وكل واحد بياخد نصبيه وخير إن شاء ﷲ وأتركي الأفكار السلبية علي جنب
تم النشر السبت، ١٩ أكتوبر ٢٠٢٤
شوفي أنتي حاولي تبعدي عنهم شوية وله هم بيحبوكي بجد هيسألوا عنكي ولو مش سألوا يبقي أكتفي أنكي تبحثي عن صديقة ليكي تحبك وتخاف عليكي أعمل كده وشوفي هيعملوا أي بس
تم النشر السبت، ٣ فبراير ٢٠٢٤
لعرض الملف الشخصي في فدني اضغط هنا