فعلا لازم تاخدي خطوة نحو التغيير .. بس ده هيحصل ازاي واحنا لسه في الماضي؟ اللي حصل زمان فعلا كان مؤذي ليكي جدا، وانا مقدرة ده ... لكن انتي قولتي ماما حنينة عليكي جدا، هل ممكن نقول ان مثلا تريقتها ديه كان هدفها نبيل؟ يعني فيه بعض الاهالي بتاخد التريقة ك نوع من انواع التحفيز ل اولادهم بانهم يبقوا احسن، مش بيكونوا هدفهم ابدا انهم ينتقصوا منك، او يقللوا منك، اكيد ده مكانش هدفهم؟ بدليل كلامك انهم كويسين معاكي .. ولكن نقدر نقول ان الوعي عند الاهالي مش زي دلوقت. محدش زمان كان مهتم بالصحة النفسية، ولا التربية النفسية السوية للطفل .. ولا كل الكلام ده. الكلام ده يعتبر لسه حديث، حتى الى الان فيه اهالي برضه مش مقتنعة بيه. علشان كده هنلاقي الفجوة الكبيرة لموجودة دلوقت ما بين الاهل والابناء. ف حاولي تلاقي المبرر ده لنفسك، وتلتمسي ليهم العذر ده . الحاجه التانية - لازم تعبري عن مشاعرك ديه ليهم بس بشكل هادئ طبعا ومحترم .. وتسمعي رايهم بنفسك ف اللي حصل زمان.
تسلمي كلك ذوق 💜💜
تم النشر الثلاثاء، ٢٩ أغسطس ٢٠٢٣
ايوه فعلا كلامك مظبوط شكرا ليك جدااا والله ربنا يكتر من امثالك ♥
تم النشر الاثنين، ٢٨ أغسطس ٢٠٢٣
تمام فهمتك يا جميل - بصي علان تقدري تتعاملي مع الامر محتاجين الاول نسيطر على كلامك الموجه لنفسك .. يعني اكيد لما هتقولي الكلام ده لنفسك عمر ما فيه اي حاجه هتتصلح بالعكس الوضع هيسوء .. + نظرتنا عن نفسنا مهمة جدا، طول ما انتي شايفة نفسك بالشكل ده، وبالسوء ده وانك حاسه نفسك منبوذه، حاسه نفسك متستاهليش حاجه كويس، حاسه نفسك مش عارفه تتصرفي .. انتي وانتي ....! تفتكري ده كله هيعود عليكي بحاجه كويسة ابدا. ف محتاجين نغير الاسلوب بتاعنا اتجاه نفسك .. مش هقولك هنقول لنفسنا كلام حلو وانت جميل وتقدر تطير وتعدي السحاب. لان مش ده المطلوب خالص .. محتاجة تبدأي الاول متقوليش كلام سئ وتحاولي تقيمي الموقف بشكل احسن من كده .. يعني انا اتصرفت غلط، هقول لنفسي بقى انا ازاي عملت كده، مكانش ينفع واقعد اجلد فيها .. لأ مش هنعمل كده .. هنبدا نقول تمام انا اتصرفت غلط، انا اتصرفت غلط علشان بس انا لسه متعودتش ع الصح، وده ناتج طبيعي لاني لسه متعودتش .. ومحتاجه اتدرب اكتر واتعامل اكتر مع الناس، وهتحسن مع الاستمرار. الموضوع كله صدقيني ف وجهة نظرك عن نفسك .. هتغيري وجهة نظرك نص المشوار اتحل. ومع الوقت هتكسبي ثقتك .. وهتعرفي تتعاملي .. محتاجه تجربي ومتخافيش حتى لو غلطتي .. يعني هو مفيش حد بيغلط .. اعتبري نفسك بتعلميها من جديد. هقول مثال تاني لو شخص عمل حادثة واصبح مش بيشوف .. هل هيعقد يقول لنفسه خلاص انا مش بشوف مش هعمل حاجه، ولا هاخد عصايتي وهبدأ انزل وابدا حتى اتعود امشي لوحدي بالعاصية ف الشقة واتعود ومش مهم اقع ... منا لما اقع هتعود الطريق الصح فين! ولا ايه؟
تم النشر الأحد، ٢٧ أغسطس ٢٠٢٣
حضرتك لما اتكلم مع حد يكون غريب او مكلمتوش من فتره ومش قريبن او مش بنبلع بعض او بالصح هو مش ببلعنى معرفش ليه وانا اقسم بالله هديه ومش بتاع حورات ولا هبل البنات اليومين دول فبضربك مثال حصلى كنت انا وصحبتى واختها عايزين نطلب حاجه من يلى واقف ف مطعم روحت بالغلط قولت للراجل بتعمل كريب والمفروض اقول لو سمحت عايزين نطلب كريب كذا وصحبتى حرجتنى و قالتى ايه يلى بتقوليه ده.. ده حتى الشابان كان ببصولى باستغراب ويقولوا مالها دي ولا كانى عقلى صغير وببقا بلع نفسى بالعافيه ومتعصبه جامد
تم النشر السبت، ٢٦ أغسطس ٢٠٢٣
لا مش بقدر بصراحه بتجلى كلام ف نفسى زي "انت غبيه اي يلى بتقوليه ده!! .. خلتى شكلك وحش.. بتقولى شكرا ليه وشخص هو يلى يقول شكرا-وده حصل انهارده- .. بلسانك المعوج ده .. عمرك مهتتكلمى عدل... كبرت ومتعرفيش تتكلم من هيرضى بيك لما يشفوك متعرفيش تتكلمى مذبوط... انتى دايما مش بتعرفى حاجه-لانى انا انطوائيه وكد فلما حد يحكى عن فلان بن فلان فى حوار كد ويقلى عارفاه فهز راسى عشان يسكت بس نظراتى بتبن عكس كد فبقولى انت مش بتعرفيش حد اصلا! ودي بتوجعنى جامد يلى هو طول عمري هكون منبوذه ولا اي والافكار السلبيه مش راضيه تبطل انا تربيه على كد وديما بقول انا قرفت مع انى كويسه والحمدلله
تم النشر السبت، ٢٦ أغسطس ٢٠٢٣
وضحيلي الجملة ديه يا قمر - ( لكن لو كلمت كويس الحوليه بسبونى عادي)؟
تم النشر السبت، ٢٦ أغسطس ٢٠٢٣
يعني هل ب امكانك لو اي مشكلة حصلت .. تقدري تفكري ف حل تاني، او فكر تاني ؟
تم النشر السبت، ٢٦ أغسطس ٢٠٢٣
ممكن المشكله منى لان بشوف الموضوع بطريقه سلبيه.. لكن لو كلمت كويس الحوليه بسبونى عادي
تم النشر السبت، ٢٦ أغسطس ٢٠٢٣
انتي رايك ايه ؟ بعد اللي كلامنا ده .. هل المشكلة منك ولا من الناس؟
تم النشر الخميس، ٢٤ أغسطس ٢٠٢٣
لا مش نتغبا .. ايه رأيك نسميها (نتاذكي) انتي هتبقى عارفه هما عملوا اللي بيعملوه ده ليه وازاي، وهل بيعملوه هدفه تدميرهم ليكي ولا اصلاحك ولكن من وجهة نظرهم.
تم النشر الخميس، ٢٤ أغسطس ٢٠٢٣
يعنى نتغبا يعنى طب اخلص من الحساسيه المفرطه ازي انا قرات عنه بس مستفتش حاجه ولا تغيرت بعد مااقولت ان مشكله ممكن منى مش من الناس
تم النشر الأربعاء، ٢٣ أغسطس ٢٠٢٣
طيب كويس جدا - طيب نتكلم ف الموضوع ده شوية .. طبعا اكيد اي حد بيبقى نفسه ف حاجات معينه تحصله ولكن مفيش حج بيختار اهله، او حتى بيختار معاملتهم تبقى ازاي او تربيته تبقى ازاي .. انتي قولتي لو فيه حد اتعامل بطريقة معينه معاكي مش كويسة .. ف بتقولي لنفسك اكيد عنده مشاكل .. اكيد تربيته وصلته لكده بشكل ما، ف علشان كده انعكست ع شخصيته .. نفس الكلام برضه مع اهلك .. الاهل اتربوا بطريقة تانية، ونشأو بطريقة معينه ف ده انعكس كمان ع شخصيتهم وطريقة ادارتهم للامور .. وانعكس كمان ع طريقة تربيتهم ليكي .. ف لو هما بيعملوا اي حاجه .. حتى لو عي غلط ف وجهة نظرك صدقيني وجهة نظرهم هي هتكون صح .. لانهم فعلا مقتنعين بيها . لانهم نشأوا عليها. ف ايه رايك نبدا نتعامل مع اي حد ع هذا الاساس؟
تم النشر الأربعاء، ٢٣ أغسطس ٢٠٢٣
شعوري انى كان نفسى حد يراعينى ويقدر نفسيتى اكتر من كلام الناس لما كنت صغيره دلوقتى منعكسه عليا بس بحاول اتخلص منها والله مش عارفه.
تم النشر الثلاثاء، ٢٢ أغسطس ٢٠٢٣
اه انا باخد موقف بس لما يتكرر لما احس انى عليا هجوم وانى الانسان قاصد ياذينى وابسط حاجه بعملها انى بتجاهل الشخص لغيت مااقطع العلاقه يعنى مش بنكون زي الاول وكد بس من غير مااعاتب او الوم حد فبقول اكيد هو بتعامل معياه كد عشان مثلا تربيته او اهله بعاملوه كد فنعكس على شخصيته او ممكن حصلتله حاجه يبقا كد فبطنش او مره لكن لما يتكرر بتاذ انا بتخلى علطول منغير مناقشه الا لو هو الشخص عرف غلطه وناقش مفيش مشكله..
تم النشر الثلاثاء، ٢٢ أغسطس ٢٠٢٣
وهل بتاخدي موقف من الناس اللي بتفكرك بالمواقف بتاعة زمان - ع سبيل المثال لو واحدة صاحبتك عملت موقف مش كويس .. هل بتاخدي حقك وقتها ولا لا؟ وبتتكلمي معاها؟
تم النشر الثلاثاء، ٢٢ أغسطس ٢٠٢٣
طيب في الاول .. انتي ايه شعورك ناحية والدتك بالظبط او والدك .. يعني نسبة كبيرة من تخطي المشاكل بينبع من فهم سيكولوجية الاباء نفسهم .. هل انتي فاهمة هما عملوا كده ليه ومتقبلاه؟
تم النشر الثلاثاء، ٢٢ أغسطس ٢٠٢٣
اه الالم بتكرر لما يحصل موقف مشابه.. بحس بنفس شعور يلى خسيت بيه وانا صغيره من وحده وكدا وقد اي انا غبيه وتجيلى افكار ان دايما هلاقى زي ناس طبعهم تنمر وهكون ضحيه ليهم ولمشاعري يلى لسه موجوده للاسف.. انا عقلت خلاص وبقاش فارق معايا حد لما واحده تاجى عليا بديها فرصتين وتلته خلاص يابقطع علاقتى بيها و مابينا السلام عليكم وبسس لكن مشاعري و انكسارت نفسى دايما موجوده و ساعات لما افتكر المواقف يلى حصلت ويلى بتحصلى بعيط والله من غير ما حد يشفنى عشان مفيش حد هيفهم يلى انا فيه.. وبنسبه لولدتى مش عايز تساعدنى وفى نفس الوقت تطلب اكون مثاليه ومش بغلط
تم النشر الثلاثاء، ٢٢ أغسطس ٢٠٢٣
يعني الالم بيحصل او بيتكرر مع وجود مواقف مشابهة .. طيب تقدري تقوليلي انتي بتعملي ايه اول لما تلاقي موقف مثلا مشابه مع موقف قديم حصلك؟ ورد والدتك عليكي بانك بتتفلسفي .. ايه رايك فيه؟
تم النشر الاثنين، ٢١ أغسطس ٢٠٢٣
المشكله انى واجهت امى بيلى عملته مش عارفه كانت طرقتى حاده شويه بس انا مقصدتش انا بس كنت عايز اوصلها انها كانت بتخلى حالتى اسوء مش احسن ولو دلوقتى بفضل الله بقيت كويسه شويه بس بحاول اتخلص من الموضوع نهائيا وهى كانت مش مقتنعه وعمال تقول انى بتفلسف كتير حتى قولتلها عايز اشوف دكتور تخاطر بتقولى روحى انت وصحبتك(هى احسن منى فى الكلام بس بتتكلم سريع بس)
تم النشر الأحد، ٢٠ أغسطس ٢٠٢٣
كنت فتره بقراء كتب ودا اعاد ثقه بنفسى وبقيت بتعرف على اصدقاء نت وكد وساعدونى الحمدلله لان كل ما اكون لوحدي افتكر مواقف من ابتدائى كانت اول 3سنين انى كنت وحيده جداا ولسه التصورات فى يلى حصلى ويلى كنت حاسه بيه بعيشه كل مره لما اكون لوحدي لغايه مازهقت ومبقتش بحب اتعرف على ناس كتير وحاولت اشوف نفسى من زوايه تانيه الحمدلله بس الموضوع منتهاش لسه وفعلا دايما لما يحصلى موقف من ناس غرب او اقرب الاشخاص ليا بفتكر كل حاجه قد اي انا عشت طفوله كيئبه وخوف من الناس وكلامهم وبقيت بتخنق بجد وبكون عايز ازعق وعيط فى نفس الوقت لما حد يقولى اسكتى بسس اي يلى بتقوليه ده او بعدل على كلامى وهكذا طب ازاي اخرج بره صدمه الطفوليه دي واي الاساليب يلى منها اقدر اتخطى ويبقا مفيش احساس بوجع من كلمه اي حد
تم النشر الأحد، ٢٠ أغسطس ٢٠٢٣
لعرض الإجابة في فدني اضغط هنا