دلوقتى انا عندي عقده نفسيه مش عارفه هل هى مشكله فعلا ولا ببالغ.. انا لما كنت صغيره كنت دايما القى تريقه عليا من والدي ووالدتى وده عمري لسه مرحتش حضانه يعنى كنت فى الفتره دي كان عندي مشكله فى الكلام دايما بتلخبطط وبتاتا كمان احيانا مكنش عندي تلعثم بس كنت بتلخبط واقول كلام مش مفهوم حد بقول حاجه وبكون فى عقلى هرد بشكل سليم بحس مش قادره انطق الكلمه حتى وعقلى مش مجمع خالص ودايما امى تزعق فيا وتقول مبتعرفيش تتكلمى وتقعد تتريق مع ذالك هى حنينه جدا عليا بس دي اثر فيا جامد وكمان بابا دايما كان يشخط فيا لما اعمل حاجه غلط او اقول كلام مش مفهم واقارب بابا كمان دايما كنت بقول لنفس انا مش عارفه انطق هم مش بفهمونى ليا ولغيت دلوقتى بس انا نضجت شويه وبقاش يهمنى بس لسه باخد خاطري من المواقف دي سواء من اي حد وبقيت بقول ان انا لازم اتغيير ولا ده ابتلاء من ربنا ليا وبقت عندي عقدات كتير من مواجهه الناس كجمهور مع انى نفسى اعمل كد جدا بلوم نفسى انى مقدرش اكون زي حد بقف وتكلم بكل ثقه انا كنت منعدم الثقه زمان بس دلوقتى شويه لما يحصل مواقف من دي برجع حالتى تسوء وافضل اعبى جوايا ازيي اخلص من الهم ده؟؟
اولا احييكى انك وصلتى لنضوج يخليكى تتعاملى بشكل اكثر اريحيه مع الناس انتى محتاجة تعبرى عن كل المواقف اللى فاتت وتخرجى كل اللى كتمتيه زمان من مشاعر ...دى اول مرحلة من التخطى ان شاء الله تانى حاجة لازم تبدأى تكونى واضحة لاى حد بيتعامل معاكى ...انه مثلا مش مسموح بالنسبالك انه يعلى نبرة صوته معاك مهما حصل ولما تلاقى حد عدى الحدود اللى انت وضحتها ...لازم تاخدى رد فعل واضح ...وابسط رد فعل انك تستأذنى وتمشى ....وده مع الوقت هيجبر اللى حواليكى يحترموا الحاجات اللى بتفرق معاكى تمرين تانى بقى واساسى كل موقف ( حلو او وحش ) عبرى عنه متسيبيهوش يعدى كده حد عمل حاجة بسطتك ...قوليله انك اتبسطتى واوصفى شعورك حاجة ضايقتك ...اتكلمى وعبرى عن شعورك واللى بتفكرى فيه مثلا اختارى الطريقة الانسب ليكى ( تتكلمى مباشر -تتكلمى فون - تكتبى رساله - تسجليها وتحتفظى بيها لنفسك ) المهم متخزنيش حاجة تانى
تم النشر الاثنين، ٢١ أغسطس ٢٠٢٣
فعلا لازم تاخدي خطوة نحو التغيير .. بس ده هيحصل ازاي واحنا لسه في الماضي؟ اللي حصل زمان فعلا كان مؤذي ليكي جدا، وانا مقدرة ده ... لكن انتي قولتي ماما حنينة عليكي جدا، هل ممكن نقول ان مثلا تريقتها ديه كان هدفها نبيل؟ يعني فيه بعض الاهالي بتاخد التريقة ك نوع من انواع التحفيز ل اولادهم بانهم يبقوا احسن، مش بيكونوا هدفهم ابدا انهم ينتقصوا منك، او يقللوا منك، اكيد ده مكانش هدفهم؟ بدليل كلامك انهم كويسين معاكي .. ولكن نقدر نقول ان الوعي عند الاهالي مش زي دلوقت. محدش زمان كان مهتم بالصحة النفسية، ولا التربية النفسية السوية للطفل .. ولا كل الكلام ده. الكلام ده يعتبر لسه حديث، حتى الى الان فيه اهالي برضه مش مقتنعة بيه. علشان كده هنلاقي الفجوة الكبيرة لموجودة دلوقت ما بين الاهل والابناء. ف حاولي تلاقي المبرر ده لنفسك، وتلتمسي ليهم العذر ده . الحاجه التانية - لازم تعبري عن مشاعرك ديه ليهم بس بشكل هادئ طبعا ومحترم .. وتسمعي رايهم بنفسك ف اللي حصل زمان.
تم النشر الأحد، ٢٠ أغسطس ٢٠٢٣
• كم عمرك ؟
تم النشر الثلاثاء، ٢٣ يناير ٢٠٢٤
• أنت شاب أم بنت ؟
تم النشر الثلاثاء، ٢٣ يناير ٢٠٢٤
لعرض السؤال في فدني اضغط هنا