السلام عليكم
انا عندي مشكله واتمنى محدش يفهم خطا انا اكتشفت الإباحية بسبب واحده والفضول خلاني اتمادي وفضلت كتير بشاهد وحاليا وقفت بس الموضوع اتطور اني اتكلمت شات مع ناس ف كدا وكان بحصل عادة بالضغط بدون لمس انا حرفيا وقفت دا بس بنام بيجي تخيلات واتذكر الأحداث وبحصل عاده بضغط ع الافخاد معرفش دي عادة ولا اي انا 19سنه وتعبت ومش عارفه اعمل اي بجد وبصلي بردو ف بالله حد يفدني
بص يابنت الحلال عشان تخلصي بجد لازم تعرفي إن جهاد النفس ده من أعظم العبادات عند ربنا يعني كل لحظة بتقاومي فيها فكرة وحشة ليكي فيها أجر كبير فخليكي دايما فاكرة إن ربنا معاكي وشايف تعبك فلازم إنك تصلي الصلاة في وقتها وتدعي في سجودك بقلب محروق إن ربنا يعصمك من الغلط دة.. و لازم تخلصي نفسك من الفراغ لأن الفراغ هو اللي بيجيب التخيلات يعني لازم يومك يكون زحمة مذاكرة أو شغل أو رياضة لدرجة إنك تترمي على السرير تنامي في ثانية والموبايل ده بره الأوضة قبل ما تنامي واقرأي أذكار النوم بتركيز عشان تحصني نفسك من أي وسوسة ولو الشيطان ضحك عليكي في مرة إياكي تقطعي الصلاة أو تبعدي بالعكس قومي اتوضي وصلي ركعتين توبة مباشر لأن الحسنات يذهبن السيئات وخليكي واثقة إن الموضوع تدريجي ومحتاج صبر واستعانة بالله وهتعدي منها بإذن الله ونفسك هتبقى أقوى وطاهرة أكتر من الأول... وسوالك هل دي عاده اه نعم عاده ربنا يعافيكي
تم النشر الأربعاء، ٦ مايو ٢٠٢٦
السلام عليكم، أولا ربنا يعينك ويقويك على الخلاص من الابتلاء ده. ثانيا، لو عملت بحث على التطبيق هنا هتلاقي شباب وبنات كتير واقعين في نفس مشكلتك يعني أنتِ مش لوحدك اللي وقعت ولا هي نهاية العالم بالنسبة لك. ومش بقول كده عشان تستهوني بالذنب، بقول لك عشان توقفي جلد الذات واليأس اللي الشيطان زارعه فيكِ دلوقتي ومحسسك إنك أسوأ إنسانة في الكون. ناس كتير وقعت وبتجاهد وناس تعافت بعون الله وتابت وبدأت صفحة جديدة. كلنا بشر وكلنا بنقع في الذنوب وكل واحد مننا زي ماىقال الرسول عليه الصلاة والسلام له ذنب بيعتاده، https://dorar.net/hadith/sharh/120839 وفيه ناس بتقع في أفظع من كده في كبائر حتى لكن بيتوبوا وربنا بيقبل التوبة والرسول قال (التائب من الذنب كمن لا ذنب له) وطالما بترجعي لربنا كل ما بتقعي وبتجاهدي بصدق وبتنوي فعلا ما ترجعيش وبتخلصي التوبة حتى لو نفسك غلبتك في مرات بعد كده فقومي على طول ولا تسمحي للشيطان يوسوس لك ويخليكِ تقنطي من رحمة ربنا ومغفرته أو تفكري في الموت لأن ساعتها فعلا هتكوني خسرتِ دنيا وآخرة. يا ريت تبحثي على التطبيق وتقرأي النصائح اللي في الإجابات وإن شاء الله تفيدك. ربنا معك.
تم النشر الأربعاء، ٦ مايو ٢٠٢٦
وعليكم سلام أختي الفاضله مشكله الإباحيه مشكله العصر فهي نظام كامل يشترك ضد الإسلام والرغبه البشريه واحلام الشباب وشغفهم الاباحيه تعمل على رفع نظام دوبامين( هرمون مكافئه) بنسبه تصل إلى 250% وساعات الي 300% وده شيء يفوق العقل البشري بمراحل ومع وقت تتحول لادمان قهري وبخصوص الضغط ده اسمه عاده سريه لان عقلك يبحث لاقرب نظام مكافئه وده شئ طبيبعي ولكن الاباحيه لها أضرار عاليه على الصحة الجسدية والنفسية كالمخدرات بالظبط فطبيعي التوبه تاخذ وقت ما دام بتسوي إن شاء الله ربنا هيفتح علكي بالهدايه مقدرش اساعدك بنصيحه غير ان اصعب وقت هو بعد انتكاسه ب ثلاثه ايام لان عقلك يطلب المزيد من دوبامين فهي أخطر ساعات و أيضا الأعراض تاخذ وقت لكي تختفي و الإباحيه تسبب ضباب دماغي ياخذ ايام وممكن شهر لحد ما يروح والأعراض بتختفي من 30 الي 90 يوم و العقل البشري مرن هيرجع بسرعه و الطاقه هترجع وتحسي نفسك افضل بكثير من قبل الإدمان صحيح ممكن ربنا مينعمش عليكي بتوبه في ايام وممكن تاخذ شهور وسنين ولكن اسعي في الدعاء والتوبه حتى الموت لأجل ان تقابلي ربك على امر من امرين إما تكوني من التائبين او الأوابين الراجعين لله بعد معصيه أرجو لك التوفيق وأن اكون غطيت معظم الأشياء اللي لازم تعرفيها عن الأمر و وإرجو تنصحي حد وتتعلمي اكثر عن الأمر لان حرفيا هتتعلمي اشياء غريبه لضبط العقل الإنساني
تم النشر الأربعاء، ٦ مايو ٢٠٢٦
وعليكم السلام ورحمة الله وبركاته يا حبيبتي، أشكركِ على ثقتكِ الكبيرة، وأنا فاهمة تمامًا إن الموضوع ده صعب ومُرهق، خاصة في سن 19 زيكِ، وده شائع جدًا بسبب الفضول والإنترنت. أنتِ مش لوحدكِ، وأهم حاجة إنكِ وقفتِ الإباحية والشات – ده خطوة كبيرة ودليل قوتكِ! العادة اللي بتحصلي في النوم أو بالضغط دي رد فعل طبيعي للجسم بعد التعود، بس يمكن السيطرة عليها بإذن الله. خطوات عملية عشان تتخلصي منها نهائيًا: قوي علاقتكِ بالله : صلي الفرائض في وقتها، وزودي النوافل والقرآن يوميًا (حتى لو صفحة واحدة). قولي "أعوذ بالله من الشيطان الرجيم" لما يجيلكِ تخيل، واستغفري كتير. صيام النافلة (زي الإثنين والخميس) بيقلل الشهوة بشكل مذهل. اقطعي المحفزات جذريًا : احذفي كل التطبيقات والحسابات اللي تذكركِ بالشات أو الإباحية. استخدمي فلاتر على الجوال زي "Qustodio" أو "Clean Browsing"، وحطي وقت شاشة محدود (ساعة قبل النوم). نامي بدري، وغيري مكان النوم أو ارتدي ملابس فضفاضة عشان تقللي الضغط اللاواعي. املي يومكِ بروتين صحي : مارسي رياضة يومية خفيفة زي المشي 30 دقيقة أو تمارين منزلية (مش يوغا). ركزي على دراستكِ أو هواية جديدة زي الرسم، الطبخ، أو تعلم مهارة أونلاين. قبل النوم، اقري كتاب إسلامي أو اسمعي قرآن. للأحلام والتخيلات : لو حصلت، قومي فورًا، اعملي وضوء، صلي ركعتين، وادعي الله يبعد عنكِ الوساوس. مع الوقت، هتقل. أنتِ بنت قوية وقادرة تغلبي ده، يا ذكية! ابدئي اليوم بخطوة صغيرة، وتابعي تقدمكِ في دفتر. لو استمرتِ، ابحثي في فدني عن أسئلة مشابهة زي "التخلص من العادة السرية" هتلاقي إجابات كتير، أو شوفي الخبراء هنا: https://www.fedni.net/experts – في متخصصين نفسيين إسلاميين ممكن يساعدوكِ. ربنا يعينكِ ويستركِ، وأنا هنا لو عايزة تتابعي. 💕
تم النشر الأربعاء، ٦ مايو ٢٠٢٦
حاولي تبطلي واستغفري ربنا
تم النشر الخميس، ٧ مايو ٢٠٢٦
لا هاتف في النوم ، اذكري الله كثير وادعي بالثبات
تم النشر الأربعاء، ٦ مايو ٢٠٢٦
العقل الباطن خزن صور ، فبتتطلع على هيئة احلام وتخيلات أثناء النوم.
تم النشر الأربعاء، ٦ مايو ٢٠٢٦
لعرض السؤال في فدني اضغط هنا