السلام عليكم ورحمة الله وبركاته
انا عندي 19 سنة ف تانية كلية علوم ادارية يعتبر انا الل بصرف ع نفسي وامي بتساعدني مش عارف اقول اي والله حقيقي مكسوف م نفسي ومكسوف م ربنا اول حاجة انا بمر بفترة صعبة اوووي مبقتش فاهم نفسي مبقاش عندي شغف ولا اي هدف حاسس اني عايش وخلاص ف الحياة عندي مشاكل نفسية وجسدية وبدنية بس عايش
اول بلاء عندي اني للأسف بقيت مدمن عادة سرية مع اني مكنتش اعرف اي شئ عنها بس منه لله اللي كان السبب دلوقتي بقت مأثرة عليا اوووي والله لدرجة اني ممكن اعملها تلات مرات ف اليوم بعدتني ع الصلاة بعد م كنت منتظم اديلي سنة ودلوقتي متقطع ومبقتش بصلي بحس بخنقة ووحدة دايما انا مش انطوائي بس بقيت احب الوحدة
تاني حاجة يا جماعة ودي مشكلة عندي برضو اني مبعرفش افتح لغة حوار مع حد مبعرفش اجاري اللي قدامي ف الكلام معنديش ثقة ف نفسي ودا مأثر عليا ف تعاملاتي ومع صحابي
غير كدا انا وحيد امي وابويا منفصلين ونا معنديش ضهر اتسند عليه ف الدنيا دي غير امي للأسف مبشوفهاش الا كل فترة مش عايش معاها دايما محروم م امي م ونا صغير حتي ابويا مشوفتوش الا كام مرو بينا مشاكل ونا مبقتش موجود ف حياته ومبقتش حابب اشوفه تاني
انا حقيقي تعبان نفسيا اوووي والله هونوا عليا ساعدوني طبطبو ع قلبييي والله تعبان يا جماعة ومش لاقي حد اتكلم معاه حتي ابن خالتي اللي كنت معتبره اخويا واقرب حد ليا مبقاش موجود وسافر وغير كدا جرحني بكلامه واتكلم معايا باسلوب مش كويس ومش بكلمه خالص والله عندي مشاكل كتيرر بس كفاية اوي كدا انا طولت 🥲
بص أخ لأخوه أول حاجة لازم تعرفها إن ربنا مبيحملش نفس إلا وسعها وأنت قدها بدليل إنك شايل شيلة رجالة وبتصرف على نفسك وأنت لسه 19 سنة بخصوص الصلاة والذنب اللي تعبك ده أوعى تخلي الشيطان يضحك عليك ويقولك مفيش فايدة فتقطع صلاتك خالص بالعكس الصلاة هي اللي هتشيلك من الدوامة دي وربنا غفور ورحيم وبيحب العبد اللي بيرجعله حتى لو غلط ألف مرة وموضوع الوحدة والخنقة ده اعتبره اختبار عشان تقرب من ربنا أكتر وتعرف إن هو السند الوحيد اللي مبيغيبش حتى لو كل الناس اللي حواليك غابوا أو جرحوك استعذ بالله من الشيطان كل ما تحس بضعف وانزل المسجد وسط الناس عشان تكسر حاجز الخوف والوحدة اللي مسيطر عليك ده خليك واثق إن ربنا هيجبر بخاطرك عشان أنت بتسعى وبتحاول تعيش بالحلال في وسط ظروف صعبة وجمد قلبك كدة واعرف إن اللي معاه ربنا مبيخسرش أبدًا يا اخي.. ربنا يحفظك ويسعدك دنيا وآخره 🌷🩵
تم النشر الأربعاء، ١٣ مايو ٢٠٢٦
انت اول حاجه لازم تعملها قبل اى حاجه انك تشوف طريقه تتخلص بيها من العاده دى ادي نفسك تحدى لمدة ٩٠ يوم عن طريق تطبيق وفريق واعى صدقنى بعد ما تتخلص من العادة هتلاقى طرق كتيره اتفتحت قدامك منها تتقرب لربنا اكتر وهتبقى ذكى اجمتاعيا وهتلاقى طرق رزقك كتيره اتفتحتلك غير كده مشاكلك مش هتتحل غير لما تتخلص منها
تم النشر الأربعاء، ١٣ مايو ٢٠٢٦
وعليكم السلام ورحمة الله وبركاته يا حبيبي 💕 أول حاجة، أنا فاهمة تماماً إيه اللي بتمر بيه، وده مش سهل خالص.. بس أنت قوي وبتقدر تتغلب عليه، والله معاك. تعبت نفسياً؟ طبعاً، بس خلينا نطبطب على قلبك ونبدأ خطوة خطوة عملية، عشان ترجع تشعر بالحياة والشغف تاني. أنت مش لوحدك، ربنا هيسهلها عليك إن شاء الله. 1. العادة السرية (الأولوية الأولى عشان أثرت على صلاتك) : اعترف واستغفر : قول "أستغفر الله" كل مرة تحس بالضعف، ده بيطهر القلب. ربنا غفور رحيم، مش هيحاسبك لو بتحارب. خطة يومية قاسية شوية بس فعالة : صيام أيام الاثنين والخميس : بيقلل الرغبة جسدياً ويقربك من ربنا. رياضة يومية 30 دقيقة : مشي سريع أو تمارين بسيطة في البيت (push-ups، squats). هتخرج الطاقة السلبية وتحسن جسمك. قطع المحفزات : احذف التطبيقات/الفيديوهات، استخدم فلاتر على النت، ونام بدري (صلاة العشاء + قراءة قرآن 10 دقايق). هدف أول أسبوع: مرة واحدة بس، ثم صفر. لو وقعت، قوم فوراً وابدأ تاني – مش نهاية الدنيا! لو استمرت 3 مرات يومياً، روح لدكتور متخصص (مش هقول نفسية بس، عشان الجانب الجسدي زي الضعف أو التعب). 2. رجوعك للصلاة والشغف : ابدأ صغير: صلي المغرب والعشاء يومياً في أوانها، حتى لو قاعد. هتحس بالخنقة تروح تدريجياً. حدد هدف صغير كل يوم : مثل "النهارده هدرس ساعة وأقرأ صفحة قرآن". اكتبه في مذكرة موبايلك، وكل ليلة راجع إيه عملته. ده هيرجع الثقة والشغف خطوة خطوة. اقرأ سورة الشرح يومياً: "فَإِنَّ مَعَ الْعُسْرِ يُسْرًا" – ربنا بيعدك بالفرج. 3. الثقة والحوار مع الناس : تمرين بسيط : كل يوم كلم شخص واحد بس (زميل في الكلية أو جار). ابدأ بسؤال مفتوح زي "إيه رأيك في المحاضرة النهارده؟" – مش هتحتاج تتكلم كتير، بس تسمع وترد بكلمة. مارس أمام المراية: قول "أنا قوي وأقدر" 5 مرات يومياً. هتضحك في الأول، بس هيشتغل! 😊 مع صحابك: ابعت رسالة لأي حد "وحشتني، عايز أسمع أخبارك" – هيفتح الباب. 4. الوحدة والعائلة : ادعي في السجود "يا رب ارزقني من حيث لا أحتسب". حاول تشوف أمك أكتر، حتى لو مكالمة يومية قصيرة. ابني علاقات جديدة: في الكلية، انضم لنشاط (نادي دراسي أو رياضي). مش هتحس بالحرمان لوحده. روتين يومي سريع عشان تبدأ النهارده : صباح: صلاة + رياضة + فطور صحي. نهار: دراسة + حوار مع حد. ليل: قرآن + استغفار + نوم بدري. أنت في سن 19، الحياة قدامك كلها! طول اللي فات كان اختبار، والحلو جاي. لو عايز مساعدة أكتر، دور في فدني على أسئلة مشابهة عن "العادة السرية" أو "فقدان الشغف"، هتلاقي إجابات كتير. ولو محتاج استشارة متخصص، روح https://www.fedni.net/experts – في خبراء نفسيين ودينيين هيساعدوك. أنت هتقدر، صدقني. ربنا يفرج همك وييسر أمرك يا رب 🤲❤️ ابعتلي تحديث بعد أسبوع!
تم النشر الأربعاء، ١٣ مايو ٢٠٢٦
لعرض السؤال في فدني اضغط هنا