سلام عليكم انا عندي 14سنه يمارس العاده السريه مع نفسي من وانا في حضانه شفت صحبتي بتعمل كدا جربت مره مع مره حسيت للمتعه وانا والله معرف ايه ده يمكن محدش قبل كدا قالي من اهلي بس انا جبت التليفون ده من تلات شهور شوفت فيديو انا وبقلب عنها بحثت اكتر وفهمت أن انا ممكن يكون غشاء البكاره نزل وانا خايفه جدا ومش عارفه ابطل حتي انا مش معرفه اي مخلوق خالص حسه اني تايه وخايف اعرف اهلي اعمل ايه حد يسعدني
انتي صح انك فكرتي تتكلمي وتتعافي ودا كويس جدا وما تقلقيش من اي حاجه ابعدي بس عن وقت الفراغ وانك تبقي لواحدك اشغلي نفسك باي رياضه بتحبيها او نشاط او هوايه بتحبيها والتزمي بالصلاه وقربي من ربنا وخليكي ديما على وضوء وابعدي عن أي حاجه بتسبب لك اثاره سواء كلام او صور او فيديو واعملي ورد قرآني يومي والتزمي بيه هتلاقي نفسك بتبعدي عنها وحده وحده وان شاء الله تتعافي وترجعي احسن وربنا يوفقك ويسعدك ويفرح قلبك
تم النشر الأربعاء، ١٥ أبريل ٢٠٢٦
بصي ياقمر ربنا غفور رحيم وستير ومبيفضحش عباده اللي بيغلطوا وهم مش عارفين أو لسه صغيرين فمتخليش الشيطان ييأسك من رحمة ربنا ويوهمك إنك ضعتي عشان يخليكي تستمري في الغلط بالعكس ربنا بيفرح جداً لما بنرجعله وبنستغفره والرسول صلى الله عليه وسلم قال التائب من الذنب كمن لا ذنب له يعني اللي حصل ده اعتبريه كأنه محصلش خالص وابدأي صفحة جديدة مع ربنا بالصلاة والدعاء وإنك تشغلي وقتك بحاجات مفيدة وربنا هيسترك ويكملك بعقلك وماتخافيش خالص من موضوع الغشاء ده لأن ربنا مبيضيعش حد لجأ له وتاب توبة نصوحة وخليكي واثقة إن ستر الله واسع وأكبر من أي قلق في قلبك وجد ربنا يحفظك ويسعدك 🌷 و موضوع الغشاء ده مش بالسهولة اللي انتي متخيلة إنه يروح لمجرد لمس خارجي أو عادات بسيطة ده غشاء مرن وجوه ومحمي وأي كلام شوفتيه في فيديوهات ده تهويل وتخويف ع الفاضي والدم اللي بتسمعي عنه ده مبيحصلش غير في حالات تانية خالص فانتي زي الفل ومفيش حاجة حصلت ولا أهلك هيعرفوا حاجة بطلي بس تقرأي وتسمعي الهري اللي على النت ده وركزي في مستقبلك وصحتك وكلنا وإحنا صغيرين بنغلط وبنتعلم والمهم إنك تقرري توقفي عشان راحتك النفسية مش أكتر واستغفري ربنا وابدأي صفحة جديدة وانسي الخوف ده تماماً أنتي سليمة ومستقبلك قدامك وزي الفل
تم النشر الأربعاء، ١٥ أبريل ٢٠٢٦
وعليكم السلام ورحمة الله يا حبيبتي، أول حاجة، متخافيش خالص ولا تحسي باليأس، أنتِ بنت في سن 14 وده سن الفضول والتغييرات الهرمونية اللي بتحصل طبيعي، كتير بنات زيك بيحصلهم كده من غير ما يعرفوا، وأنتِ مش لوحدك. ربنا غفور رحيم، والتوبة بابها مفتوح دايماً. عن غشاء البكارة: متقلقيش، الغشاء ده غشاء رقيق مرن جداً، مش بينقطع بالعادة السرية عند كل البنات. بيعتمد على شكله عند كل واحدة (يمكن يكون في فتحة صغيرة أو يكون مرن)، ومش دليل قاطع على حاجة زي ما الناس بتقول. لو عايزة تتأكدي، روحي لدكتورة نساء موثوقة (مش لازم تقولي لأهلك دلوقتي)، هي هتفحصك بسرية وتطمنك. إزاي تبطلي؟ خطوات عملية وسهلة: ابتعدي عن السبب: امسحي كل الفيديوهات والتطبيقات اللي بتشجعك، حددي وقت للهاتف (مثلاً ساعة يومياً)، وحطيه بره الغرفة ليلاً. اشغلي نفسك: مارسي رياضة زي المشي أو الرقص في البيت، اقري كتب مفيدة، أو تعلمي حاجة جديدة زي الطبخ أو الرسم. ابدئي يومك بصلاة الفجر وقراءة قرآن. إسلامياً: صومي يومين في الأسبوع (لو تقدري)، قولي "أعوذ بالله من الشيطان الرجيم" لما يجيلك الإحساس، واستغفري كتير. ربنا قال: "وَمَنْ يَتَّقِ اللَّهَ يَجْعَلْ لَهُ مَخْرَجًا". كل يوم اكتبي 3 حاجات شكرتي ربنا عليها، ده هيغير شعورك. أنتِ قوية وقادرة تبطلي، خطوة خطوة، وهتحسي براحة كبيرة قريب. لو عايزة دعم أكتر، ابحثي في فدني عن أسئلة مشابهة زي "كيف أتوقف عن العادة السرية" هتلاقي إجابات كتير، أو شوفي الخبراء هنا: https://www.fedni.net/experts (في متخصصين نفسيين ودينيين هيساعدوكِ بسرية). أنا معاكِ يا قمر، قوليلي إيه رأيك في الخطوات دي؟ ربنا يهديكِ ويفرح قلبك 💕
تم النشر الأربعاء، ١٥ أبريل ٢٠٢٦
انتى لسة صغيرة أوى يا بنتى ... واللى انتى بتعملية دا حرام وخطر جدا عليكى .... لو انتى عايزة مساعدة وهتعملى بيها ابعدى عن كل حاجة بتحسسك انك عايزة تعمليها + لو انتى فعلا صادقة فى نيتك وعايزة تتغيرى روحى ادى التليفون دا لوالدك أو والدتك ومتاخديهوش أبدا غير لما تتعافى وتكونى بطلتيها خالص خالص لأن التليفون دا مهلكة وبيساعد عليه ... لو عايزة رد مفصل بقى يساعدك ويجاوبك على سؤالك ابحثى كدا فى التطبيق عن العادة وهتلاقى حد كان سأل عنها وحنا ردينا علية رد مفصل شوفى الرد المفصل هناك
تم النشر الأربعاء، ١٥ أبريل ٢٠٢٦
لعرض السؤال في فدني اضغط هنا