عندي تعلق ناتج عن إحتياج عاطفي بسبب انه أبويا طول وقت طفولتي كان مسافر ومرجعش غير وأنا مراهقة وأمي شديدة شوية ف بدأت قصة التعلق من وانا في إبتدائي ومكملة معايا حتي الآن وانا في الجامعة ولاحظت انه نمط الشباب اللي بتعلق بيهم كلهم توكسيك حرفيا كلهم وتعبت أوي بجد وممكن حد أشوفه مره مرتين بس أتعلق بيه ويفضل معلق معايا فترات طويلة بتوصل ل سنتين وتلاته
بصي يا بنت الحلال استوعبي إن احتياجك لأب أو حنان مش هيتسد من شخص خارجي اللي راح في الطفولة مش هيعوضه شاب في الجامعة وتدويرك على الأمان برة بيخليكي فريسة سهلة للمستغلين. و اشغلي يومك بدراستك، كورس جديد، رياضة، صحاب بنات سويين لما وقتك واهتمامك يتملوا بإنجازاتك الخاصة مشاعرك مش هتفضل فضية ومستنية أي حد يملأ الفراغ. ولو حاسة إن الموضوع أكبر من قدرتك روحي لأخصائي أو طبيب نفسي سواء جلسات معالجة سلوكية أو تفريغ صدمات الطفولة هيساعدك بشكل نهائي تتفكي من جذور المشكلة وتتعافي بجد. وربنا يوفقك ويكرمك
تم النشر الاثنين، ٣١ أغسطس ٢٠٢٦
بصي شعورك دا طبيعي جدا تمام يعني حتة الحنان دي اتحرمتي منها وانا اهو زيك والله واللي لاحظته ان اي حد اتحرم من الحنان أو طفولته كان في وحده أو منعزلة بحس الناس دي بتواجه ذنوب كتير وبتبقي ضعيفه قدام نفسها مش شماعه بس انتي هتلاقي نفسك بدوري ع الحنان من برا انا والله حاسه بيكي بس عايزة اقولك انتي تقدري تتغلبي ع الظروف دي علي فكرة عايزه اقلك ظروفك دي يعني عند ربنا كبيرة ان انتي اتحرمتي مم الحنان طيب تخيلي بقى لو انتي جاهدتي نفسك على الامر دا وقت ما تحتاجي الحنان تروحي لربنا تحفظي قرآن تلحقي صديقه مقربه ليكي تحكيلها دا ثواب أكبر والله لو جاهدتي نفسك ربنا هيرزقك بشخص يعني يعوضك عن كل دا بس ف الحلال لان غير كدا مفيش شاب هيلتمس ليكي العذر ويقلك اصل هي اتحرمت من الحنان مفيش شاب هيفهم وضعك دا هيستغلك ويكسرك ف انتي زي مافهمتك احكي لصديقه مقربه جدا ليكي واتكلمو مع بعض وقربي من ربنا قوي ادعي ف القيام التزمي بيه وربنا هيبعتلك اللي يستاهلك والله يبتي متستعجليش وتكلمي حد أو شاب من برا لان كدا حرام ووجع قلب ليكي ي غاليه
تم النشر الاثنين، ٣١ أغسطس ٢٠٢٦
أول حاجة، مهم تعرفي إن اللي بتحسي بيه مفهوم، خصوصًا إن غياب الأب وقسوة الأم ممكن يخلوا الإنسان يدور على الأمان والاهتمام خارج البيت، وده ممكن يفسر جزء من التعلق. لكن ده مش معناه إنك ضعيفه أو إنك هتفضلي كده طول حياتك. حاولي تشتغلي على نفسك في كذا باب: متخليش شخص واحد مصدر أمانك الوحيد. كوني علاقات صحية مع أصحابك وأقاربك، واهتم بدراستك وشغلك وهواياتك. قللي المراقبة والتفكير الزائد. متفضليش مستنيه رسالة أو ظهور الشخص أو بتحاولي تعرفي أخباره طول الوقت. حط حدود صحية. الاهتمام بحد شيء طبيعي، لكن إن حياتك كلها تبقى مرتبطة بوجوده أو غيابه هنا لازم تقف مع نفسك.
تم النشر الثلاثاء، ١ سبتمبر ٢٠٢٦
أفهم تمامًا مدى الإرهاق اللي بتمرين بيه، وأنا فخورة بيكِ إنكِ قدرتِ توصلي للجذور الحقيقية للتعلق ده، وهو خطوة قوية جدًا نحو التغيير. الغياب الأبوي في الطفولة مع الصرامة الأمومية غالبًا بيخلي البنت تبحث عن "الأمان العاطفي" في الآخرين، وده بيخلي النمط يتكرر مع أشخاص سامين لأنهم بيملأوا الفراغ مؤقتًا ثم يعيدون الجرح. لكنكِ دلوقتي في الجامعة، وده وقت ممتاز تبدئي فيه تبني علاقة صحية مع نفسكِ أولًا. ابدئي بمراقبة النمط ده بطريقة عملية: كل ما تلاحظي نفسكِ بتتعلقي بشخص بعد لقاء أو اثنين، خذي ورقة واكتبي "ما اللي جذبني فيه تحديدًا؟" و"هل ده يشبه احتياجي للأب أو الأمان؟". هذا التمرين بيساعدكِ تفصلي بين الاحتياج الحقيقي والوهم العاطفي. كمان، ركزي على بناء مصادر داخلية للأمان من خلال تطوير مهاراتكِ الدراسية أو هواياتكِ، واستغلي وقتكِ في أنشطة تعزز شعوركِ بالإنجاز، فالإسلام يشجعنا على الاعتماد على الله أولًا ثم على أنفسنا، وده بيقلل الحاجة للآخرين كمصدر وحيد للراحة. تذكري أن التعلق اللي بيستمر سنين طويلة غالبًا بيكون مرتبط بذكريات قديمة، فحاولي كل فترة تعيدي تقييم علاقاتكِ وتسألي نفسكِ: "هل هذا الشخص يضيف لي قيمة أم يعيد إنتاج الجرح؟". لو لاحظتِ استمرار الصعوبة، ابحثي عن أسئلة مشابهة على فدني لتحصلي على وجهات نظر إضافية، وستجدين أن كثيرات مررن بنفس التجربة ونجحن في التغلب عليها بالصبر والعمل الذاتي. أنتِ قادرة على كسر هذا النمط، وأنا هنا لدعمكِ في كل خطوة.
تم النشر الاثنين، ٣١ أغسطس ٢٠٢٦
انا فاهمه احتياجك دا بس انتي ممكن تشغلي يومك احسن يعني مثلا انزلي جيم هتحسني صحتك وهتبني علاقات كويسه اوي مع بنات اتعلمي مهاره جديده مثلا اي كان ايه هيا لو انتي مثلا مقتدره ماديا سافري اخرجي قابلي صحابك وسعي دايرتك واعملي صحاب تقعدي معاهم احسن
تم النشر الاثنين، ٣١ أغسطس ٢٠٢٦
لعرض السؤال في فدني اضغط هنا