لو انا ك واحده بحاول ابعد عن اني اتكلم مع شاب وكدة وبصراحه جالي فتره كنت بكلم فيها شباب كتير ولما ببعد بحس بفراغ ولما بكلم حد جديد بزهق وبكون عايزه امشي، نفسي احل الموضوع دة انو حرام وانو اكون مكتفيه بذاتي ومكنش حhسه بفراغ اني اكلم شاب بالذات، لاني عانيت من الموضوع دة لفتره وبحاول ابطل بس لما ببطل مبعرفش اركز في حياتي، مش عارفه اوضح الاحساس عامل ازاي بس ياريت لو اي حد عنده نصيحه يقولهالي
حاولي تعرفي سبب انك محتاجه اهتمام من الرجل بشكل عام لأنه ممكن يكون ده بسبب علاقتك ب والدك مكنتش حلوه ف بدوري على الاهتمام والحب مع حد تاني ولو علاقتك ب والدك مش تمام حاولي تصلحيها وتتربي انتي منه وشغلي وقتك بحاجه احسن يعني رياضه او قرايه او الخروج التعرف على بنات جديده الخروج معاهم شوفي بتحبي ايه واعمليه الحياه فيها حاجات كتير اوي ممكن تتعمل غير الارتباط وكدا يعني
تم النشر الخميس، ٣ سبتمبر ٢٠٢٦
بصي يا بنت الحلال الكلام اللي بتتكلميه ده مش فراغ حقيقي ده اعتياد على الدوبامين السريع والاهتمام السهل لما تبعدي مخك بيعمل زي انسحاب فبيحسك بالفراغ والحل مش إنك تقفلي على نفسك وتسكتي الحل إنك تملي يومك بحاجات حقيقية تعمل لقلبك وعقلك قيمة بجد اشغلي نفسك بهدف واضح أو مهارة أو رياضة وركزي في دراستك أو شغلك واول ما تلاقي حاجة كبار تحققي فيها ذاتك هتكفي بنفسك ومش هتحتاجي تسدي أي جزء من يومك بكلام مالوش لازمة ولما يجيلك إحساس الفراغ قومي غيري مكانك واعملي أي حركة أو اتوضي وصلي وافتكري دايماً إن قيمتك وغلاوتك في إنك تكوني صعبة ومش متاحة لأي حد وخلي قيمتك من نجاحك وقربك من ربنا مش من كلمتين حلوين من شاب في شات وجد والله ربنا يحفظك ويسعدك
تم النشر الثلاثاء، ١ سبتمبر ٢٠٢٦
عرفت من الكومنتات إنك تالته ثانوي ف أول حاجة حابة أقولك إن العلاقات دي فعلا ممكن تحرم الإنسان من التوفيق وشوفت ده بعيني والله وتاني حاجة كويس جدا ان عندك إحساس إن اللي بتعمليه غلط وإنه مش هيفيدك افتكري دايمًا إن من ترك شيئًا لله عوّضه الله خيرًا منه. كل ما تحسي بفراغ وتسألي نفسك لو اتكلمك هستفاد إيه؟ هتلاقي إنك ممكن تفرحي ساعة او يوم لكن بعدها الإحساس ده بيروح وممكن تفضلي مخنوقة حاولي مرة واتنين وعشرة ومتقوليش إني مش هقدر متخليش الشيطان يضحك عليكي وكل مرة تجاهدي نفسك فيها دي في حد ذاتها أجر. اقرئي عن ربنا واسمعي السيرة النبوية وحطي هدف قدامك وذاكري واعملي كل اللي تقدري عليه واشغلي نفسك على قد ما تقدري واستغفري كتير خصوصا لما تحسي إنك عايزة ترجعي للكلام ده وافتكري إنك أغلى من إنك تربطي راحتك واهتمامك ب اي حاجه من الحاجات دي وادعي كتير إن ربنا يبعدك عن الطريق ده ويرزقك الشخص الصح في الوقت الصح وبالحلال وحاولي تلتزمي بقيام الليل حتى لو ركعتين والوتر وادعي بالدعاء ده «اللهم اكفني بحلالك عن حرامك وأغنني بفضلك عمن سواك». ربنا يوفقك ويجبر بخاطرك ويراضيكي ويعوضك خير 🤍
تم النشر السبت، ٥ سبتمبر ٢٠٢٦
أختي العزيزة، أفهم تمامًا الصراع اللي بتمرين فيه، وهو شعور شائع جدًا عندما تحاولين كسر عادة قديمة مرتبطة بالتعلق والفراغ العاطفي. إنكِ تحاولين الابتعاد عن الكلام مع الشباب لأنه حرام هو خطوة قوية ومباركة، والله يثيبكِ على هذا الجهد حتى لو كان صعبًا في البداية. الفراغ اللي بتحسين بيه ليس ضعفًا فيكِ، بل هو نتيجة لفترة طويلة اعتادت فيها نفسكِ على هذا النوع من التفاعل، والآن يحتاج الأمر إلى إعادة توجيه الطاقة نحو أشياء أكثر إيجابية واستدامة. للتغلب على هذا الإحساس، ركزي أولاً على بناء علاقة أقوى مع نفسكِ من خلال أنشطة يومية ملموسة تعطيكِ إحساسًا بالإنجاز والاكتفاء. على سبيل المثال، حددي أهدافًا صغيرة يومية مثل تعلم مهارة جديدة (كالقراءة أو الرسم أو حتى تطوير هواية مفيدة)، أو التركيز على دراستكِ أو عملكِ بطريقة منظمة تجعلكِ تشعرين بالتقدم. كذلك، اجعلي الصلاة والقرآن جزءًا أساسيًا من روتينكِ، فهما يملآن الروح بطريقة عميقة ويقللان من الشعور بالفراغ تدريجيًا، لأن الاعتماد على الله يعطي استقرارًا داخليًا لا يعتمد على الآخرين. عندما يأتي الإحساس بالفراغ، حاولي تدوين مشاعركِ في مذكرة لتفهمي جذورها، ثم استبدليها بنشاط إيجابي مثل المشي أو مساعدة الآخرين في أمور بسيطة، مما يعزز شعوركِ بالقيمة الذاتية. تذكري أن التغيير يحتاج وقتًا وصبرًا، ولا تيأسي إذا عادت الرغبة أحيانًا؛ كل محاولة ناجحة تبني قوتكِ أكثر. إذا أردتِ المزيد من الآراء، يمكنكِ البحث عن أسئلة مشابهة على فدني للحصول على وجهات نظر إضافية. أنتِ قادرة على الوصول إلى الاكتفاء الذاتي، وأنا هنا لدعمكِ في كل خطوة.
تم النشر الثلاثاء، ١ سبتمبر ٢٠٢٦
كنت زيك بدأت اعمل حاجة بحبها، اطبخ، واقرأ روايات،اذاكر عندي هدف ، ودخلت جروبات دينيه كتير تليجوام، اصلي، حفظت الاذكار من كتر تكررها بدأت احب نفسي اللى كنت كرهتها وحاليا مكتفيه بذاتي
تم النشر الخميس، ٣ سبتمبر ٢٠٢٦
اشغلي وقتك وصاحبي بنات زيك يكونو صحبة صالحة و يساعدوكي تطور من نفسك و تقربي من ربنا و ان شاء الله ربنا هيرزقك براجل ابن حلال يخش البيت من بابه و يخليكي مش محتاجة حاجة
تم النشر الأربعاء، ٢ سبتمبر ٢٠٢٦
اشغلى وقتك بحاجه تحبيها اوووى زى هوايه لعبه شغله
تم النشر الأربعاء، ٢ سبتمبر ٢٠٢٦
الموضوع أنا شايفاه من وجهة نظري لو هو معطل لك حياتك و مش قادرة تبطليه تتكلمي مع أخصائية نفسية علاج سلوكي و اقرأي عن اضطراب نفسي اسمه CSBD
تم النشر الثلاثاء، ٨ سبتمبر ٢٠٢٦
يارب يجعلني احصلك واعرف اشغلي وقتي لحالي بس،ربنا يثبتك ع طاعته دايما
تم النشر الجمعة، ٤ سبتمبر ٢٠٢٦
يارب،الحمدلله انا عندي اصحاب بنات كتير بس مع الوقت املي الوقت الي عندي وكله يبقى تمام، شكرا
تم النشر الأربعاء، ٢ سبتمبر ٢٠٢٦
حاضر ،شكرا بحاول اهو مطحونه في 3 ث
تم النشر الأربعاء، ٢ سبتمبر ٢٠٢٦
لعرض السؤال في فدني اضغط هنا