السلام عليكم
يمكن المشكلة هتطول شوية بس اتمنى إجابة تنقذني من كم الشتات الي انا فيه ورحم الله من اعان مبتلى
انا عندي ٢٠ سنة
المشكلة ابتدت من وانا طفلة بابا بيقولوا انه كان معاه شهادة معاملة اطفال وهو حد ذكي جدا جدا الحقيقة وميبنش عليه طول عمره مدمرنا نفسيا وعمره ما حسسنا بأي مشاعر أبوة وطول الوقت كنا حاسين أننا عايشين في لعنه
نفسيتنا في الأرض وحياتنا سودة ومشاكل وكل حاجه متعطلة وحتى في الدراسة بعد ما كنت بطلع الأولى وانا حد ذكي الحمد لله درجاتي بقت وحشة جدا واديلي ٣ سنين في ثانوية عامة اول سنة أجلت وتاني سنة سقطت وبقيت حد متوحد ومنعزل وغريب الأطوار وهكذا
امي واختي متدمرين بس يمكن انا اكتر روحنا لشيوخ كتير لحد ما اكتشفنا أن بابا ساحر ومدمرنا احنا وأهله وناس كتير وهو اعترف بكده وانا من اعدادي من قبل ما اعرف حاجة كنت بحس اني بعمل حاجات مش عايزة اعملها بقرأ كتير عن السحر والماورائيات
وكنت دخلت في سكة إلحاد وبدأت أدخل الطريق ده واحده واحده لحد ما بدأت اتدمر نفسيا ويجيلي اكتئاب واكتر من شيخ قالنا أنه عايز يستخدمني ويخليني معاه عشان كده كنت داخله في الطريق ده
فضلت كده لحد ما بدأت تالته ثانوي وبدأت احس ان في حاجه غلط رحت كشفت عند دكتور نفسي وشخصني باكتئاب ولسته امراض تانية كتير وكتبلي على علاج مشيت عليه فترة وبعدها وقفته من نفسي رحت لشيخ وبدأت امشي في العلاج بالرقية لحد ما خفيت نوعا وما وبدأت احس ان نفسيتي تحديدا بدأت تتحسن وبدات احس بالحياة وأخرج من حالة الاكتئاب
يمكن كانت حاجات تانية كتير لسه متغيرتش ومازالت بس نفسيتي هي الي اتحسنت الحمد لله فقررت اوقف العلاج وقررنا انا وماما واختي أننا نسيب البيت وحاجتنا كلها ونمشي وننجو بنفسنا وفعلا خدنا القرار ده من سنة مازلنا ماذيين بس على الاقل نجونا
وانا كنت بدات استقر نفسيا لحد ما حسيت أن شبح الاكتئاب بدأ يهاجمني تاني ومع قرب الامتحانات بدأت آخد العلاج تاني اسبوع ووقفته وحالتي وحشة جدا الموضوع ابتدأ يقلب معايا بوساوس ونوبات اكتئاب مفاجئة وفرط تفكير وتوهان ونسيان رهيب رهيب بجد وآلام في المخ ورغبة ملحة في الانتحار مع اني اديلي سنتين تقريبا مبسيبش فرض الحمد لله وقريبة من ربنا وبحاول على قد ما اقدر اكون ملتزمة
فانا دلوقتي ممكن اكون وارثة اضطرابي النفسي من بابا أو غير متزنة زيه؟
ودائما بيجيني خاطر أن انا اصلا وحشة زيه لان في البيت واختي بالذات بتقولي اني زيه وعشان كده كان عايزني معاه واني شبهه في كل حاجه حتى كلامي وشكلي وحاجات انا فعليا مليش دخل فيها دائما بتقولي كدا هي ممكن تكون الجينات فعلا ليها دور فكده وان نفسي وحشة؟
انا كنت حد عنده صبر و صلابة نفسية رهيبة وكل الي حوالينا كانوا بيشيدوا بكده انا نفسي كنت بستغربني بس مؤخرا انا بنهار ده سببه ايه وهل مش هقدر ارجع تاني ولا انا كده خلاص استهلكت تماما؟
بدات احس اني خلاص فعلا مش قادرة واني يمكن محتاجة مصحة لو سيبت نفسي اكتر من كده هل دي وساوس ولا حقيقة ؟
انا حد ذكي جدا فعلا يمكن زي بابا هل ده بالضرورة يخلي اقدرانا واحدة من غير تدخل جينات ولا شفرات وراثية؟
اذاكر ازاي ؟
ادعولي
السلام عليكم ورحمة الله وبركاته أحب أقولك إنك بطلة ومامتك بطلة وانتم كلكم مريتم بظروف قوي قوي قوي قوي ولما يكون في عوامل خارجة عن إرادتكم كتير بتحاول تسيطر عليكم عشان توجهكم في اتجاه غلط وانتوا تكونوا بكل الأشكال بتقاوموها فدي بطولة بجد يعني انتي محتاجة تبصي على الوضع اللي انتي فيها بشكل صح الأول قبل ما تتعاملي معاه أولا انتي محملة بكم من السلبية كبير قوي قوي قوي من الطبيعي إن هو فجأة يطلع ويهجم عليكي ويحاول يكون هو المهيمن على حالتك ده الوقت اللي انتي بتحسي غن بيجيلك نوبات اكتئاب وهجمات كده من حالات صعبة وتقيلة وتحسي إن انتي رجعتي تاني في حالة سيئة لكن هي هتكون مجرد هجمات كل ما احنا بقينا باصين على اللي بيحصل ده إن هي هجمة زي كده ما ابقى قاعدة والجو لطيف وحلو وبعدين تيجي نسمة هوا سخنة تبوظ الجو كده وتأريفني شوية لو أنا اعتمدت على النسمة السخنة اللي جاية دي وقلت خلاص كده الجو باظ وآخد بعضي وأقوم فهبقى خسرت اللي جاي كله واحنا مش عايزين نعمل كده احنا عايزين نبقى باصين على اللي بيحصل معانا ده الهجمة دي إنها مؤقتة واحنا عارفين إنها مؤقتة انتي شاطرة ومشيت في طريق العلاج واكتر من طريقة وبقيتي عارفة الموضوع بيمشي إزاي وهتقدري إنك تسيطري على الهجمات دي لما تيجي عليكي لإنك هتبقي عارفة إنها مؤقتة لإنها مش وقعة لإنها إن شاء الله مش انتكاسة هي مجرد هجمة من هجمات السلبية اللي انتي محملة بها طب السلبية دي هتفضل كده والهجمات دي هتفضل كده لأ هي مع الوقت واحدة واحدة كل ما هنمشي في الطريق الأفضل والحمد لله إن انتوا فصلتوا نفسكم وبعدتوا نفسكم عن الأجواء دي طول الوقت هتلاقي بدأ يحصل معادلة وبدأ يحصل توازن جواكي بدأت تحسي إنك بقيتي أهدى بقيتي تحسي إن الهجمات دي بدأت تقل أو بقت الفترات بتاعتها بتتابعد شوية بشوية هتلاقي نفسك بدأتي تحسي بالارتياح لأن بقى فيه توازن لأن بقى فيه سواء في نفسيتك بعيدا عن كل الحاجات اللي كانت بتحصل هنبص بقى على الشق التاني ومضايقك انه هو انا ممكن الجينات خليني زيه لا لا مفيش الكلام ده خالص الجينات ممكن تخلي فيه صفات لكن ما بترسمش الطريق بتاع البني ادم يعني انا دلوقتي فيا جينات ذكاء مين اللي هيحدد انا هياخذ الذكاء ده هستخدمه في ايه جينات لا مفيش الكلام ده خالص انت جيناتك انت هتقرري تستخدميها ازاي الصفات اللي انت ورثتيها انت اللي هتقرري تتعاملي معاها ازاي مش اي حد ثاني خالص هي ما بتجبركيش ابدا ابدا هي موجوده ولكن انت اللي هتقرري تعملي بها ايه طيب ممكن نفسي تبقى وحشه عشان خاطر هو نفسه فيبقى ده برده موروث لا مفيش كده كده كلنا كلنا بكل ظروفنا ايا كانت ظروفنا والبيئه اللي عشنا فيها ايه جوانا والشقين جوانا نفس كويسه والضمير الحي والفطره السليمه وجوانا نفس الاموره بالسوق احنا مش جايبين الكلام ده من عندنا ده كلام ربنا هو خلق النفس والهمها فجورها وتقواها ادى لكل نفس الاتنين مع بعض عشان كده احنا نتحسب على الاختيار هي اخترت انهي جزء من نفسك وخليته هو اللي يكون ليه الكلمة العليا وهو اللي يمشيك وهو اللي يرسم الطريق ده اختيارك انت ما شاء الله انتوا اخترتوا طريقه ان انتوا تبعدوا عن كل ده وانتوا تحطوا نفسكم طريقه احسن فاطمني والموضوع لا ملهوش التوجيه اللي انت متخيلاه ده خالص من الكلام اللي بيتقال حواليكي او بيضايقك. وان شاء الله ان شاء الله ربنا يكتب لك كل الحاجات الاحسن في الحياه.
تم النشر الاثنين، ١٦ يونيو ٢٠٢٥
وعليكم السلام ورحمة الله وبركاته، مش رح اطول عليكي بالكلام، بس طلبي منك حبيبتي تستفيدي من اجابتي حتى لو قرأتيها اكتر من مرة. ١. ما في اشي اسمو اقدارنا مثل بعض، او بسبب الجينات مصيرنا مثل بعض هاي من وسوسة الشيطان والنفس. ٢. الشيطان ضعيف امام الله، انت لما تكوني مع ربنا وبتستعيني فيو بإذنه تعالى رح تتغلبي على كل اشي بما فيهن السحر. ٣. رجاءً داومي على قراءة سورة البقرة كل يوم وما تتركيها. ٤. داومي على قراءة الرقية الشرعية على نفسك كل يوم وممكن اكثر من مرة باليوم، اكثري منها. ٥. اكثري من الاستغفار، اعملي ورد يومي للاستغفار واكثري منو . ٦. وطبعا ما تنسي اذكار الصباح والمساء 《ان كيد الشيطان كان ضعيفا》 وانا رح ادعيلك ان شاء الله🧡 ديري بالك على حالك ونفذي الامور الي قلتلك عنها، طهور ان شاء الله🌼
تم النشر الاثنين، ١٦ يونيو ٢٠٢٥
وعليكم السلام ورحمة الله وبركاته... بصي بجد طفولتك صعبه ربنا يعينك بجد بس حابب اعرفك حاجه يمكن كل الي حصلك ده ابتلاء من ربنا وانتي مهمتك الصبر عليه وباذن الله ربنا هيوفقك وافتكري ان ربنا لا يكلف نفسا الا وسعها بتقولي انك بتصلي فروضك ومداومه عليها ما شاء الله الله يزيد ايمانك بس حاولي تحافظي على الاذكار اذكار الصباح والمساء وقبل النوم واذكار بعد الصلاة وهكذا لان الشيطان ضعيف قدام كل ده.... عموما حاولي تصلي الفجر مع اختك ووالدتك جماعه لان من صلى فجر جماعه كان في ذمه الله يعني مفيش حاجه هتأذيكي طول ما انتي في حمايه ربنا... وخلي شيخ او حد يقرأ عليمي رقي شرعي واقرأي كل يوم سوره البقره والاخلاص والمعوذتين وشغلي قرآن في بيتك وياريت صوت زي عبدالباسط عبدالصمد عشان لو في حاحه في بيتك او كده عموما الزمي الدعاء ده ("اللهم إن كنت قد كفرت بك قولًا أو عملًا أو ظنًا أو شكًا، وأنا لا أعلم، فاغفر لي واهدني، وثبّت قلبي على دينك. اللهم إني أعوذ بك أن ألقاك وقد غضبت عليّ، أو أن أموت على ضلالة لا أعلمها. اللهم لا تجعل في قلبي ذرة كبر تمنعني من الرجوع إليك، ولا لحظة غفلة تبعدني عن نورك. اللهم إني أبرأ إليك من كل قول أو فعل أو اعتقاد يُخرج من الملة، وأتوب إليك توبة لا أرجع بعدها أبدًا. اللهم إني عبدك، ضعيف، جاهل، مقصر، فخذ بيدي إليك، ودلّني عليك، وعلّمني ما ينفعني، وانزع من قلبي ما لا يرضيك. اللهم إني أعوذ بك من سوء الخاتمة، ومن أن أكون من الغافلين وأنا أظن أني مهتدٍ.") وكمان مفيش اي حاجه لسمها اقدارنا متشابهه بسبب جينات او وراثه لان ربنا خلق كل واحد بقدر مختلف عن التاني واذا كان الالحاح بالدعاء يقدر يغير اقدار اذا قدرك هيبقى ثابت من حته حاجه اسمها سحر والعياذ بالله ربنا خلق القدر والسحر والعياذ بالله وخلق الساحر كمان... شايفه ان صعب على ربنا انه يغير قدرك؟ وحته المصحه دي دي شويه وساوس مش اكتر انتي نفسك بتقولي انك ذكيه مع اني اراهن ان الي يقدر يعيش في حياه صعبه زي دي يبقى عبقري مش مجرد ذكي وكمان مفيش حاجه اسمها هو انا هقدر ارجع تاني؟ لكن في حاجه اسمها عايزين حاجه قبل ما ارجع زي الاول واحسن كمان؟ خليكي متفائله التفائل هيخلي عقلك اللا واعي يحاول يساعدك على قد ما يقدر وكلنا عارفين ان العقل اللا واعي يقدر يخترع طريق يوصلك لمدينه المستحيل لو عايز بس المشكله في اللغه الي المخ متبرمج عليها ومتقوليش استهلكت تماما لان مجرد الكهربا الي في جسمك تكفي انك تنوري بلد لمده اسبوعين تخيلي بقى القوه والصلابه واانفسيه وكل ده... تفتكري هيكونو اضعف من الكهربا الي في جسمك؟ متهيأليش لان الانسان يقدر يعمل اي حاجه طالما في شغف او طموح عموما باذن الله هدعيلك الشهر ده معايه وادعي انت كمان في الاسحار بالذات (الساعه الي قبل الفجر) اتمنى اكون ساعدتك بحاجه مع اني عارف ان في غيري قالك الكلام ده قبلي بس ياريت اكون ساعدتك 😁✌🏻
تم النشر الاثنين، ١٦ يونيو ٢٠٢٥
وعليكم السلام ورحمة الله وبركاته، أيتها الغالية، أولاً، أود أن أقول لكِ إنني أقدّر كل كلمة كتبتِها، وأشعر بمدى الألم والضياع الذي تعيشينه الآن. شكراً لكِ على ثقتك بمشاركتك هذه القصة المؤلمة والمعقدة، وهذا بحد ذاته خطوة كبيرة نحو الشفاء والطمأنينة. لنقسم كلامك إلى نقاط تساعدنا نفهم ونرتب الأمور ونوضع خطة دعم لكِ: 1. الألم النفسي الذي عشته مع والدك وتأثيره العميق وجود أب متسلّط ومتعسف يؤثر بشدة على نفسية الطفل، خاصة لو كان أسلوبه سلبياً ويزرع الخوف والحزن. هذا يؤثر على تطورك النفسي والاجتماعي والدراسي، وهذا أمر طبيعي. 2. تجربتك مع المس والسحر والخوف المرتبط به قد يكون خوفك من هذا الجانب متعلق بتجارب صعبة واجهتها أو كلمات قاسية سمعتيها، وأحياناً هذه الأفكار تزيد من القلق والوساوس. من المهم أنك تلقيتي رقية شرعية وهذا جيد، فالرقية بالقرآن والسنة من أعظم أسباب الشفاء والنقاء. 3. تجربتك مع الاكتئاب والتشخيص النفسي والعلاج تشخيصك بالاكتئاب امر مهم، وأنتِ اتبعتِ العلاج وأخذتي فترة توقف، وبدأتِ تشعرين بتحسن، وهذا رائع. الاستمرار في العلاج النفسي مهم، لأن الاكتئاب حالة تحتاج صبراً واستمرارية. التوقف المفاجئ عن العلاج قد يؤدي إلى عودة الأعراض. 4. الصراعات الداخلية حول الوراثة والذات أنتِ تسألين إذا كانت المشاكل النفسية وراثية أو شخصية. قد تلعب الوراثة دوراً جزئياً، لكن ليست هي كل القصة. وأنتِ لست "شريرة" أو "مشابهة" لوالدك في المشاعر السيئة أو التصرفات. أنتِ فرد مستقل، ونفسيتك ليست "قذرة" أو "ممسوخة". الكثير من الناس يتعرضون لظروف صعبة ويتجاوزون ذلك بقوة إرادة ودعم مناسب. 5. وجود الوساوس والأفكار الانتحارية الوحدة والأفكار السوداوية واردة في حالة الاكتئاب، ولكن يجب التعامل معها بحذر وانتظام في العلاج النفسي والروحي. لا تترددي بطلب دعم طبي نفسي مستمر، وإذا ظهرت أفكار انتحارية قوية، من المهم أن تصارحي شخصاً مختصاً فوراً. 6. استفسارك عن الذكاء والتشابه مع والدك ذكاؤك شيء مميزة به، لكن الذكاء ليس سبباً للتشابه في السلوك أو المشاكل النفسية. أنتِ لديكِ القدرة على بناء حياة مختلفة ونفس جديدة. لا تدعي التشابه الظاهري يقيدك أو يحدد مصيرك. 7. كيف تذكري وتذاكري في ظل هذه الظروف؟ حاولي تقسيم وقت الدراسة إلى فترات قصيرة مع استراحات. ابدئي بما تحبينه من المواد واجعلي الدراسة ممتعة قدر الإمكان. لا تضغطي على نفسك، وامنحي عقلك الراحة. استخدمي طرق تنظيم الوقت والمهام (مثلاً قائمة يومية بسيطة). شاركي عائلتك أو معلم أو داعم تثقين به للمساعدة في متابعة دراستك. 8. نصيحة مهمة ودعاء أيتها العزيزة، أنتِ تمرين بفترة صعبة، ولكنها ليست نهاية الطريق. الصبر والبحث عن العلاج المناسب هما مفتاح التعافي. لا تخجلي من طلب مساعدة مستمرة من أطباء نفسيين مختصين وأشخاص تثقين بهم. أذكركِ بوعد الله تعالى في كتابه الكريم: {فَإِنَّ مَعَ الْعُسْرِ يُسْرًا، إِنَّ مَعَ الْعُسْرِ يُسْرًا} [الشرح: 5-6] وأوصيكِ بالحرص على الصلاة والدعاء، لأنهما من أعظم مصادر القوة والسكينة. ماذا يمكن أن تفعلي الآن؟ عودي لاستشارة طبيب نفسي/طبيب متخصص لمتابعة دوائك بشكل منتظم وعدم التوقف فجأة. تابعي الرقية الشرعية بالقرآن وأدعية النبي صلى الله عليه وسلم، وابتعدي عن أي ممارسات تثير خوفك أو وسوستك. خصصي وقت يومي للتمشية الخفيفة أو أمور بسيطة تحبينها. توصلي مع أهل الخبرة في مجال الصحة النفسية عبر منصة فدني لأسئلة أخصائيين. إذا احتجتِ للمزيد من الدعم، في منصة فدني تحت قسم الخبراء ستجدين أطباء نفسانيين ومعالجين يمكنهم تقديم استشارات متخصصة لمساعدتك. أنتِ قوية، والله معك. ولا تنسي أن لكل ظلمة نهاية، والله سبحانه وتعالى يخرجنا من الظلمات إلى النور بإذنه. لا تترددي في العودة لي أو لأي استشارة هنا في أي وقت، ذكية هنا معك دائماً. أدعو الله لكِ بالشفاء والراحة النفسية والعافية. 🌷 هل تودين أن أساعدك في البحث عن خبراء متخصصين في الطب النفسي أو الرقية الشرعية على منصة فدني؟
تم النشر الاثنين، ١٦ يونيو ٢٠٢٥
لعرض السؤال في فدني اضغط هنا