السلام عليكم ورحمه الله وبركاته
هو طبيعي ابقا بذاكر وحاسه ان مش فاهمه حاجه مع ان بغير مكاني في المذاكره ومره اقرأ المعلومه بصوت مره الخصها لدرجه ان اوقات بقوم امشي في البيت وانا بقرأ وبحس ان مفيش حاجه ثابته في دماغي
كان لازم اذاكر الاول علشان احل بس مالحقتش اخلص علشان المحاضره ٥ ساعات دا غير اللي هذاكره لوحدي مش راضيه بالمجهود اللي بعمله عموما
ذاكرت بتقنيه بومودورو وحاسه ان بردو مفيش تغيير مقارنه ان الاول كنت لما بستخدمه واشغل قرءان جمبي كنت بخلص جزء كبير اوي واحس ان لسه محافظه على تركيزي دلوقت لا
وبحس ان اليوم بيضيع في الماده حرفيا ومش بلحق احل يعني انا لسه سايبه المذاكره دلوقت بسبب ان زهقت فعلا من الصبح وانا بذاكر أحياء ذاكرت الساعه ٦ لحد ٨ وبعدين نمت شويه وصحيت فضلت لحد الساعه ٣ بذاكر اخدت بريك نص ساعه وكملت
ودايما حاسه بصداع يمكن الصداع هو اللي مسببلي المشكله كشفت عيون وعملت نضاره وطلع عندي حساسيه على عيوني ولسه مستمره بالقطره بقالي سنتين ولسه الصداع مكمل
كشفت مخ واعصاب شخصني بإن عندي اكتئاب اخدت الدواء بس كان بيسببلي رعشه في ايدي بطريقه بشعه ويوجع قلبي وكنت بنام كتير بسببه وقفته وكملت ببنادول لان الدكتور بتاع العيون والمخ والأعصاب كانوا قايلين عليه بقا مش بيعمل معايا مفعول حرفيا
مش عارفه اعمل ايه بجد زهقت ودايما ضغطي مش مظبوط اخد حاجه للضغط طيب ولا اعمل ايه الصداع في عيوني وفي مقدمه رأسي وبينقل لباقي دماغي بس منتشر اكتر في مقدمه رأسي واسفل رأسي مع ان بنام كويس جدا ومش بمسك الجوال غير للدراسه
يمكن من الضغط النفسي ك فكرة مذاكرة وخوف ان الامتحانات قربت دا بيزيد التوتر عندك حاولي تهدي اعملي تمارين تنفس دا هيريح شوية وحاولي متفكريش في الصداع او التعب لما تيجي تذاكري يعني اشغلي نفسك وركزي في شرح المستر وحاولي تستوعبي كل كلمة بيقولها وفكري فيها زي تدبر القران كدا دا ممكن يشتتك انك تفكري في الصداع - اكتبي المهمام اللي عايزة تنجزيها في نوت واللي تخلصية علمي عليه وتكون تاسكات معقولة تقدري تحققيها مش تملي الورقة تاسكات ولما متخلصش تزعلي وحماسك يقل واعملي لنفسك مكافأة لما تخلصي تاسكات اليوم حتي لو قطعة شوكولاتة
تم النشر السبت، ١٨ أبريل ٢٠٢٦
ممكن لو تقدري تزوري طبيب نفسي علشان التشخيص اللي شخّصه ليكِ دكتور المخ والأصاب دا أعتقد لو عندك مشكلة تعرفيها وتبدئي العلاج علشان متعيشيش في دوامة جلد ذات علي حاجة خارجة عن إرادتك أنا شخصيًا كنت بلوم نفسي صبح وليل علي تركيزي في المذاكرة وطلع عندي ADHD أصلًا! ودا غيّر حاجات كتير أوي في نظري وأعتقد عالأقل ياقلبي حتي لو كنتِ بخير ان شاء الله فعالأقل الطب النفسي ممكن يحسن نفسيتك في فترة مهمة زي دي وعلي كل حال واضح انك بتسعي وكونك مش راضية عن نفسك لسة فدا أكبر دليل علي اهتمامك أصلًا فاتأكدي ان ربنا مش هيضيع تعبك وحاولي لآخر نفس والنتيجة مش علينا..! أتمني ليكِ كمان شهور من دلوقتي تكوني عايشة في حالة من البهجة مخلية الدنيا مش سايعاكِ من فرحتك بتحقيق أحلامك وتفضل كل حاجة صعبة عديتيها بقت مجرد دليل علي صمودك وتبقي وسام شرف ليكِ💗
تم النشر الخميس، ١٦ أبريل ٢٠٢٦
السلام عليكم، أولا ربنا يوفقك في دراستك وألف سلامة عليكِ. بالنسبة للصداع فهو أسبابه كتير وممكن لو مش من العين أو الجيوب الأنفية يكون من التوتر والضغط المستمر بسبب المذاكرة، ممكن كمان الإرهاق أو طريقة جلوسك للمذاكرة تكون غلط ومأثرة على فقرات العنق وعاملة لك إجهاد عضلي وبالتالي يسبب الأعراض دي. *** عارفة صعب أقول لك خففي ضغط وتوتر بس حاولي، برمجة أفكارك وعقلك هي الحل، إنك تعاملي الثانوية العامة بحقيقتها ولا تعطيها أكبر من حجمها وتحوليها كابوس مرعب بالنسبة لك. انسي خالص التوقعات والمخاوف عشان هي مش نهاية العالم ولا اللي هتحدد مصيرك ونجاحك النجاح تقدري تصنعيه في أي مكان أو كلية تكوني فيها فاشغلي نفسك دلوقتي باللي مطلوب منك وهو إنك تذاكري. ركزي مع الرحلة والطريق وأجلي تفكير حاليا في خط النهاية. لو هديتِ صدقيني هتعرفي تظبطي مذاكرتك وتنجزي من غير قلق وتسرع أو مذاكرة ساعات طويلى مرهقة *** كمان حاجة، اطمني إذا مش عندك أنيميا أو نقص فيتامين د لأنهم عوامل مؤثرة جدا ووجودهم بيسبب إرهاق وصداع وخمول وممكن كمان يعمل نوبات اكتئاب. الرياضة ولو عشر دقائق في اليوم أو في فواصل المذاكرة هتفرق معك.. هتزود نشاطك وتحرك الدورة الدموية وتقلل التوتر وكمان هتقلل الشد العضلي والإرهاق اللي بيحصل مع الجلوس للمذاكرة. ** ما دام كنت بتنجزي وأنت مشغلة قرآن فارحعي للطريقة دي. حاجة كمان فرقت معي عن تجربة، وهي إنك تفصلي بين جلسات المذاكرة بخمس دقائق قراءة قرآن... زاحمي المذاكرة بالقرآن عشان ربنا يبارك فيها. وربنا يوفقك دايما.
تم النشر الخميس، ١٦ أبريل ٢٠٢٦
وعليكم السلام ورحمة الله وبركاته يا حبيبتي، أشعر بإرهاقك وإحباطك تمامًا، المذاكرة الطويلة زي اللي بتعمليه (5 ساعات محاضرات + ذاكرة لوحدك) بتضغط على الجسم والعقل، خاصة مع الصداع اللي بيجي في مقدمة الرأس والعيون وينتشر. ده ممكن يكون من حساسية العيون (حتى لو القطرة مستمرة)، أو ضغط الدم الغير مستقر، أو توتر عضلي من التركيز الشديد، أو حتى نقص فيتامينات زي B أو مغنيسيوم، أو آثار الدواء اللي وقفتيه. الاكتئاب كمان بيأثر على التركيز والصداع، بس الحمد لله إنك صاحية وبتحاولي. خطوات عملية للصداع والتركيز (ابدئي بيها النهاردة): للصداع فورًا : اشربي 2-3 لتر ماء يوميًا (جفاف خفيف بيسبب صداع عيون وقدم الرأس). خدي بنادول كل 6-8 ساعات لو محتاجة (مش أكتر من 3 أيام متواصلة)، أو جربي باراسيتامول مع كافيين خفيف زي بانادول اكسترا. قيسي ضغطك يوميًا صباحًا ومساءً (جهاز منزلي رخيص)، لو فوق 140/90 روحي دكتور قلب أو باطنة فورًا لدواء مناسب (مش تاخدي حاجة لوحدك). تحسين المذاكرة بدون إرهاق : رجعي القرآن جمبك زي الأول – اقرئي جزء قصير قبل الجلسة، ده بيثبت التركيز إن شاء الله. بومودورو كويس، بس قصريه: 25 دقيقة ذاكرة + 10 دقيقة بريك (امشي في مكان مظلم، اغمضي عيونك، أو صلي ركعتين). غيري الطريقة: اكتبي الملخصات بإيدك (مش تقرئي بس)، وركزي على حل تمارين أولًا زي ما قلتي، حتى لو جزء صغير يوميًا. نامي 7-8 ساعات ثابتة، وابدئي يومك بفطور غني (بيض + موز + شوفان) عشان الدماغ. فحوصات إضافية : روحي لدكتور عيون تاني لفحص شامل (ربما تحتاجي نظارة جديدة أو علاج حساسية أقوى). اعملي تحليل دم كامل: فيتامين D، B12، حديد، هرمون غدة درقية، عشان نقصهم بيسبب صداع وإرهاق. لو الصداع مستمر، شوفي طبيب أعصاب متخصص في الصداع النصفي (مش نفسي بس). أنتِ قوية وبتبذلي مجهود كبير، وربنا مش هيضيع تعبك إن شاء الله. جربي الخطوات دي 3 أيام وشوفي الفرق، ولو محتاجة دعم أكتر، ابحثي في فدني عن أسئلة مشابهة أو روحي صفحة الخبراء https://www.fedni.net/experts – فيه دكاترة ومدربين حياة هيساعدوكِ شخصيًا. استعيني بالله، وادعي "رب اشرح لي صدري ويسر لي أمري"، هتقدري. 💕 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ١٦ أبريل ٢٠٢٦
@hesham abdalghfar لكن توجد علاقة وثيقة وتلازمية بين الجسد والنفس و توجد أيضًا علاقة وثيقة ومباشرة بين الأعراض الجسدية والنفسية، حيث يؤثر العقل والجسد على بعضهما البعض بشكل تكاملي والبنوتة قالت إنها عملت التحاليل وطلعت بخير الحمدلله، إذًا بشكل قاطع، قد تكون الأعراض الجسدية ذات منشأ نفسي (Psychosomatic symptoms) إذا أظهرت التحاليل والفحوصات الجسدية الشاملة سلامة الأعضاء فهنا ممكن جدًا نشوف الأعراض بشكل نفسي مش جسدي بس مع الأخذ في الإعتبار إن في صداع نفسي بيبقي ناتج عن التوتر والإكتئاب والضغط دا غير إني شايفاها ذكرت أعراض نفسية فمثلًا أنا شايفة (عدم الرضا عن ما تقدمه) فهي قالت: مش راضية بالمجهود اللي بعمله عمومًا ، مقارنة الماضي بالحاضر وافتقادها للماضي لانها قالت زمان كانت بتركز أما دلوقتي فمش قادرة و عدم التركيز رغم المحاولات و ضغط نفسي وجسدي شديد من المذاكرة الضاغطة دي كلها ومن إحساس انها واقفة عند نفس النقطة والصداع القوي اللي مكانه بيقول إنه صداع ناتج عن التوتر وضغط العين وإرهاقها وضغط الدم المضطرب(مننساش إن التوتر والقلق والخوف يؤدي إلي إفراز هرمونات زي الأدرينالين والكورتيزول ودا بيسبب ارتفاع مؤقت في ضغط الدم وكمان الحزن الشديد والبكاء المستمر والتوتر النفسي الحاد بيسبب انخفاض مؤقت لضغط اادم) يعني ضغطها اللي مش مظبوط ممكن جدًا يبقي بسبب النفسية الصداع في العين ومقدمة الرأس ومنتشر أكثر في مقدمة و أسفل الرأس دا أصلًا التوتر والقلق والاكتئاب من أشهر أسبابه وان هي تقرأ وتدرس لساعات لكنها تشعر بعدم استيعاب لأي معلومة دا بشكل قاطع له علاقة وثيقة بالحالة النفسية والذهنية وهي مشكلة شائعة لا تعني بالضرورة قلة الذكاء، بل تشير إلى أن العقل في حالة "رفض" أو "تشتت" (مجرد وجهة نظر) 🫱🏽🫲🏻
تم النشر السبت، ١٨ أبريل ٢٠٢٦
@🪕𝓼𝓪𝓻𝓪𝓱 🃏 كل الأعراض ال قالتها اعراض جسدية مش نفسية لو عندك خلفية عن الاكتئاب بأعراضة النفسية والجسدية ياريت تفيدينه
تم النشر الجمعة، ١٧ أبريل ٢٠٢٦
@hesham abdalghfar مش واثقة حضرتك تقصد ايه بالسؤال بس طبعًا دكتور المخ والأعصاب يقدر يشخص مريض بالإكتئاب عادي جدًا خصوصًا لو كان مرتبط بأسباب عضوية أو أمراض عصبية كامنة. و بنزور طبيب المخ والأعصاب للإكتئاب لو كان مصحوب بأعراض زي الصداع المستمر والمزمن والدوخة الشديدة وفقدان التوازن وغيرها.. والله أعلي وأعلم
تم النشر الخميس، ١٦ أبريل ٢٠٢٦
والله قالي عندك اكتئاب وذهاب تشيزوفرينا يعني
تم النشر الخميس، ١٦ أبريل ٢٠٢٦
شخصك انك عندك اكتئاب ازاى يعنى ؟؟
تم النشر الخميس، ١٦ أبريل ٢٠٢٦
لعرض السؤال في فدني اضغط هنا