سلام عليكم ورحمة الله
أنا حاليا طالبة المفروض اذاكر و اجتهد و غيرة لكن عندي نفور غريب من المذاكرة بحس بالملل و عدم الرغبة فى الاستمرار حتى لو كل شئ مهيئ احيانا كنت بذاكر و اهتم لكن حاليا عندي برود غريب معرفش ليه و خايفة من درجاتي اكيد لكن عادي عدم مبالاة و انا مش مهملة لكني بنسى بطريقة غبية فإيه الحل و اعمل إيه علشان اقدر اذاكر وقت اطول يبقى عندي شغف لده بصراحة حاسة ان الموضوع ممل مع تعب غريب ف اى العمل
حبيبتي عايزة اوضحلك حاجة انتي لسه في مقتبل عمرك ومفيش حاجة اسمها انا فقدت شغفي ممكن نقول ان شغفك في حالة خمول! طب والحل ايه؟! لازم تلحقي نفسك قبل فوات الاوان، بمعني شوفي انتي نفسك تبقي اي يعني لو عايزه تبقي دكتورة، مهندسه، مدرسة، مترجمة،....... اكتبي هدفك ايا كان في ورقة كبييييره وحطيها في مكان انتي بتشوفيه طول الوقت وفكري كدا مع نفسك، هو انا المفروض اذاكر ليه؟ المفروض اجتهد ليه؟ حاولي تتخيلي مستقبلك وحياتك ونظرة الناس ليكي لما تبقي حاجة كويسة انتي فخورة بيها، وبعدها تخيلي نفسك لما متبقيش حاجة شوفي نظرة الناس ليكي هتبقي اي انتي هتبصي لنفسك ازاي من الاخر الموضوع بينك وبين نفسك لازم انتي الي تصحي شغفك وانتي وشطارتك بقي وبالتوفيق ان شاء الله
تم النشر السبت، ١٢ يوليو ٢٠٢٥
استخدمي قاعدة الدقيقتين ... يعني اي؟ يعني لما تحسي انك بتهربي من المذاكرة قولي انا هقعد اذاكر دقيقتين بس ... بس دقيقتين .. هتلاقي نفسك لا اراديا اندمجتي في المذاكرة و هتحبي تكملي للآخر تاني حاجة قسمي مهمات دراستك لمهام صغيرة خالص سهلة تتعمل عشان لما عقلك يشوفها ميحسش انها صعبة و حطي كمية دراسة لكل يوم مش كتيرة و مش قليلة لكن تقدري تعمليها ) قابلة للتحقق يعني ( و تخلصيها في اليوم ده متحطيش مهمات كتير مش هتعمليها عشان ده هيحسسك بالاحباط و مش هتكملي باقي الايام تاني حاجة قسمي فترات دراستك ٥٠ دقيقة و ١٠ دقايق راحة و هكذا و بعد كل ٣ جلسات جدي فترة راحة نص ساعة ولو و زي ما ثالثا و ده الأهم في فترة راحتك متمسكيش تليفون ابدا ابدا لان ده بيبوظ الدوبامين في مخك و يخلي رجوعك للمذاكرة أصعب و هيخليكي تنفري منها أكتر في فترة راحتك اتمشي في الشقة اقفي في البلكونة شمي هوا شوفي الحياة اتكلمي مع اخواتك او مامتك او أي حد قدامك اعملي مشروب بتحبيه اي حاجة غير التيليفون و بردو اوعي تصحي من النوم تمسكي التليفون او تاكلي اي حاجة فيها سكر و بردو متعمليش كده قبل النوم ... لو مضطرة جدا التليفون و السكر خليهم في أول اليوم عشان ما ياثروش على مذاكرتك او مزاجك بشكل عام واخيرا متنسيش المهام اللي تعمليها في اليوم تعملي عليها صح و تكافئي نفسك بعد ما تخلصي ... ده هيحفز دماغك انها تكمل و يديها دوبامين من الغالي مش من الرخيص و بالتالي هتقدرى تكملي باقي الايام .. ولو حاسة انك بتهربي و مش طايقة المذاكرة حرفيا قومي اعملي حاجة من اتنين خدي شاور بارد او اتمشي بسرعة نص ساعة وابعدي عن أي حاجة تديكي متعة لحظية و تابعي نصائح عن الإنتاجية و بس الموضوع علمي أكتر ما هو اجتماعي بالتوفيق نسيت ... اعملي يوم اجازة تفصلي فيه كل ٣ اسابيع
تم النشر الجمعة، ١١ يوليو ٢٠٢٥
وعليكم السلام ورحمة الله، أختي الغالية، أشعر بما تمرين به تمامًا، فالكثير من الطلبة يواجهون هذا البرود النفسي أو النفور من المذاكرة، وخاصة مع ضغوط الدراسة المستمرة والتعب الذهني. هذا الشعور طبيعي لكنه يحتاج إلى التعامل معه بحكمة لكي لا يؤثر على مستقبلك. دعيني أساعدك بأفكار عملية ومجربة تساعدك على المذاكرة لمدة أطول وبشغف أكبر: قسمي وقتك بشكل عملي ومناسب بدلاً من جلسة مذاكرة طويلة تسبب لك الإحباط والملل، جربي تقسيم وقت المذاكرة إلى فترات قصيرة مثلاً 25-30 دقيقة، مع استراحة قصيرة 5-10 دقائق بين كل فترة (طريقة بومودورو Pomodoro). هذا يحافظ على تركيزك ويقلل التعب. خصصي مكانًا مريحًا وهادئًا للمذاكرة وجود مكان مرتب ومنظم بعيدًا عن المشتتات (الجوال، التلفاز، وسائل التواصل) يساعد عقلك على الربط بين المكان والتركيز. ابدئي بالمادة التي تحبينها أو ما هو سهل أولًا ما رأيك أن تبدأي بالدروس التي تحبينها أو الأسهل؟ هذا يعطيك دَفعة معنوية ويشعرك بالإنجاز، ثم تنتقلين تدريجيًا للمواد الأصعب. عاملي نفسك كصديقة كوني لطيفة مع نفسك ولا تضغطي عليها بقسوة، بل شجعيها وكافئيها بعد إنجاز جزء معين، مثلاً استمتعي بفيلم أو وجبة مفضلة. غيري روتين الدراسة أحيانًا حاولي تغيير طريقة المذاكرة: مثلاً قراة بصوت مرتفع، استخدام خرائط ذهنية، أو تلخيص المعلومات بأسلوب كتابي أو حتى تسجيل الملاحظات صوتياً. اكتشفي سبب الملل أو النفور قد يكون السبب التعب العام، قلة النوم، أو حتى القلق من الامتحانات. حاولي أن تنظمي نومك وتحصلي على وقت كافٍ للراحة لتجديد طاقتك. اعملي على تحفيز ذاتي مستمر ذكري نفسك بسبب دراستك، هدفك، حلمك الذي تطمحين له، وكوني مستمرة في الدعاء لله بأن يوفقك ويسهل دربك. كتابة قائمة مهام يومية حددي ما ستذاكرينه كل يوم، وعندما تكملي كل مهمة اشعري بالرضا والإنجاز. لا تنسي، كلنا نمر بفترات ضعف أو برود، لكنها لا تدوم، والعزيمة والصبر هما مفتاح النجاح بإذن الله. أما إذا استمر الشعور بعدم القدرة على التركيز أو كان فيه أعراض اكتئاب أو قلق، فلا تترددي في التواصل مع أحد الخبراء النفسيين المتخصصين عبر صفحة الخبراء في تطبيق فدني (https://www.fedni.net/experts) لكي تأخذي دعمًا متخصصًا وشخصيًا. لو حابة، أرسلي لي المزيد عن روتينك اليومي وكيف تذاكرين، يمكن أساعدك بتفصيل أكثر. أنا هنا معك ذكية، ولن تظلي وحدك في هذا الطريق، فلتثقي بالله وبقدراتك وطموحك. 💪🌸 هل تريدين مني أن أقدم لك خطة يومية بسيطة للمذاكرة؟
تم النشر الأربعاء، ٩ يوليو ٢٠٢٥
حددي المهام اللي عايزة تعمليها قبل النوم وده هيزيد حافزيتك .. وأول ما تصحي وانتي في تركيزك اكسري حاجز البداية بمذاكرة نص ساعة وده هيشجعك تكملي
تم النشر الخميس، ١٠ يوليو ٢٠٢٥
الشغف مش مهم المهم الاستمرارية استمري لو تعبانة ،زهقانة،فرحانة،زعلانة،.... اعملي ليكي هدف يومي تعمليه ولو هتموتي ومع الاستمرارية هتلاقي شغف بيرجع وسهولة. <<القطرة المستمرة تنحت في الحجر >>
تم النشر الخميس، ١٠ يوليو ٢٠٢٥
خلي عندك هدف مثلا أنتي بتفكري في في أو عايزه تدخلي ايه وعلشان ايه ونفسك في ايه كل ده هيخليكي تتهيأي للمذاكره مع الحماس ومتخليش المذاكره طول اليوم ولكن خصصي وقت مثلا بعد الفجر ومتقوليش انا بنسي وانا فاشله والكلام ده في حياتك علشان عقلك بيصدقه ممكن اسالك سؤال على جمب انتي دخلتي قصة حب او عملتي علاقه مع شاب من فتره أو دلوقتي 🤔
تم النشر الخميس، ١٠ يوليو ٢٠٢٥
ربنا يعينگ.. بس خلي ف بالگ دراستگ دي ليگي انتي.. انتي يلي هتسفادي منها محدش غيرگ... هتحققي من وراها احلامگ... مفيش حاجه بتمشي ف الزمن دا من غير تعليم... لازم تشوفي انتي بتدرسي ليه و علشان ايه.. ولمين. لازم يگون عندگ هدف توصليلو من خلال الدراسه.. و بعد ما تختي هدفگ قدامگ ان شاء االله يجيليگ ولو شويه نشاط... قومي زاگري علشان نفسگ..
تم النشر الخميس، ١٠ يوليو ٢٠٢٥
لعرض السؤال في فدني اضغط هنا