مش عارفه اعمل اي بجد انا ف ثانويه عامه وحرفيا طول السنه كنت بحاول امشي تمام وكنت بحل كتابين ف كل ماده وكنت اكيد بقع ف النص بس كنت بحاول ارجع تاني لكن الشهر دا حقيقي مش قادره اذاكر وحاسه باحباط كبير
انا عندي يقين بالله بس حقيقي الفتره دي عندي كميه برود غير طبيعي اللي هو معدش فارقه بحس مش بتيجي بفايده خلاص مش قادره اتعب تاني انا حرفيا مش عارفة اعمل اي كلو بيقول هكون دكتوره لكن مستوايا الشهر دا بالذات باظ كل حاجه
الأحياء كنت شاطره فيها حرفيا انا مش عارفه اراجع ولا اعمل اي حاجه لحد دلوقتي تايهه مش عارفه اعمل مش عارفه مستوايا اي خايفه مفرحش اهلي وتعبت حقيقي تعبت
مش مطلوب منك غير انك تعملي اللي تقدري عليه التوفيق في الاخر دي حاجة بتاعه ربنا اسعي وتوكلي ع الله وبالتوفيق يارب إن شاء الله ترجعي بعد ما تخلصي امتحانات والنتيجة تطلع وربنا يجبر بخاطرك فيها ويفرح قلبك يارب وتفرحينا احنا كمان بيكِ
تم النشر الخميس، ٢١ مايو ٢٠٢٦
بصي يا دكتوره اللي عندك ده مش برود ولا فشل ده هبوط اضطراري من كتر المعافره طول السنة وعقلك جاب آخره وبيقولك ارحميني فمتقعديش تعيطي فوق الكتب ولا تسيبيها خالص قومي دلوقتي حالا تقفلي كل حاجة وتنزلي تشربي حاجة بتحبيها أو تنامي كام ساعة وترمي كل التفكير ورا ضهرك ولما تصحي متفتحيش كتاب تقريه من الأول عشان هتحسي إنك ناسية وتكتئبي وتتوهي أكتر امال تعملي إيه هاتي امتحانات وحلي علطول واغلطي براحتك والسؤال اللي يقع منك افتحي الحتة بتاعته في المنهج واعرفيها وبكده هتلاقي نفسك بتلمي المنهج وبتفتكري الأحياء وباقي المواد حتة حتة من غير ضغط وبلاش تفكري في المجموع ولا في شكل أهلك أهلك شايفين تعبك وعارفين إنك بتموتي ومفيش حد بيكره بنته عشان مجموع هما بس خايفين عليكي من توترك ده فاستهدي بالله وقومي انقذي اللي باقالي الكام يوم دول بالهداوة وبدون قلق وخديها يوم بيوم وكل يوم اعملي اللي تقدري عليه وبس وهانت يا دكتورة وكله بيعدي وجد والله مريت بكل ده.... والحمد لله.. اهم حاجه متستسلميش في نهاية المطاف كملي للآخر اعملي اللي عليكي قدام ربنا وان شاء الله ربنا يكرمك. وبالتوفيق لو في اي استفسار تاني اتفضلي ؟
تم النشر الخميس، ٢١ مايو ٢٠٢٦
أنا فاهمة تمامًا اللي بتمرّي بيه يا قمر، الإحباط ده طبيعي بعد سنة تعب ومحاولات مستمرة، ومش عيب إنك تحسي بالبرود ده دلوقتي. ربنا شايف تعبك وجهدك، ويقينك بالله ده أقوى سلاحك، استمري تدعي وتتوكلي عليه. ابدئي بخطوات صغيرة جدًا: اختاري مادة واحدة النهاردة، وراجعي بس اللي تعرفيه فيها بدون ضغط. قسمي اليوم لجلسات قصيرة (مثلًا ٢٥ دقيقة دراسة ثم استراحة نشيطة)، وركزي على الإنجاز اليومي مش الكم. تذكري إن مستواكِ كان كويس قبل كده، والشهر ده مش نهاية الطريق. لو حاسة إنك محتاجة دعم أكتر، شوفي خبراء الدراسة والتوجيه على فدني من هنا: https://www.fedni.net/experts، وجربي تبحثي عن أسئلة مشابهة في التطبيق عشان تلاقي نصائح إضافية. أنتِ قادرة، وهتعدي الفترة دي بإذن الله. 💪
تم النشر الخميس، ٢١ مايو ٢٠٢٦
الالم مؤقت ولكن الندم دائم
تم النشر الخميس، ٢١ مايو ٢٠٢٦
يا دكتوره طول مانتي مخلصه المنهج ابدأي حلي امتحانات بقا كتير وجزئي معاها حتي لو مش فاكره حاجه حاولي تجيبي كتاب المفاهيم ودوري على الاجابه وطبعا هتحلي الامتحان في ساعه او حسب مقدرتك واعرفي انك هتدايقي اوي في البدايه خصوصا لما تغلطي كتير وده العادي.... السنه كلها كوم واخري شهرين ثانويه عامه كوم تاني وربنا يوفقكم
تم النشر الخميس، ٢١ مايو ٢٠٢٦
ي اختي اسعي انتي ف النهاية اعملي اللي عليكي وجيبي آخر آخرك الأحياء في معسكرات شوفي الجوهري الفكرة هي مليانه أفكار. ف ممكن تلاقي اتك محليتبش تيأاسي بس لا والله افهميها ومتشتتيش نفسك واستعيني بالله قبل كل شي
تم النشر الخميس، ٢١ مايو ٢٠٢٦
ده قلق بس مش اكتر اصبري واعملي اللي تقدر عليه هانت بقت ايام
تم النشر الخميس، ٢١ مايو ٢٠٢٦
لعرض السؤال في فدني اضغط هنا