السلام عليكم،
عندي مشكلة صغيرة قد كدهو🤏🏻ومحتاجة حد يفكر معايا بصوت عالي، أنا بقالي فترة حاسة اني بدوخ اوي... يعني انا الاول كنت بحس ان الدوخة دي شيء صغنن عادي وبتحصل مثلا لما نقوم فجأة..
بس الايام دي وبالذات لما آجي اذاكر او اكون مركزة وبحل اسئلة بلاقي دماغي تقلت اوي وانا قاعدة يعني مقومتش فجأة او عملت حاجة وفجأة بلاقي دماغي دايخة جامد... الدوخة دي طبيعية... من التركيز يعني؟
هو انا قادرة اذاكر بس على فترات متباعدة.. بس الفكرة ان الشيء دة مزعج فاهمين...
وفي مرة كنت مركزة في الشرح قدامي لقيت مرة واحدة فيه دوخة ورعشة داخلية كدة جوا جسمي وضيق تنفس وحاجة تقيلة على قلبي وقعدت فترة كدة... الشيء الغريب كان الرعشة.. ايه الرعشة دي؟
طب هل انا بركز بزيادة.. لا ماهو مش حاسة... بس خلاص كدة. ملحوظة.. انا وزني كويس وباكل كويس والحمدلله يعني اظن اني كويسة
السلام عليكم، أولا ألف سلامة عليكِ، شفاكِ الله وعفاكِ. بالنسبة للدوخة فممكن تحصل من أسباب كتيرة ولازم كشف وفحوصات عشان تتأكدي من السبب. حتى لو شايفة إن أكلك كويس أو وزنك كويس فده مش دليل إن أكلك متوازن وفيه العناصر اللي جسمك محتاجاها، ممكن يكون عندك أنيميا أو مشكلة في امتصاص الحديد أو نقص في فيتماينات وعناصر مهمة بالجسم. اكشفي باطنة الأول وتأكدي إنه كله تمام ولو احتجتِ لكشف أنف وأذن هيوجهك له. **** مارسي رياضة ولو عشر دقائق في اليوم، تمارين خفيفة أو تمارين تمدد، بتحسن من حالتك الجسدية والنفسية. حسني أكلك وشوفي الأغذية اللي بتزود التركيز والطاقة https://www.apollohospitals.com/ar/health-library/memory-boosting-foods قسمي فترات المذاكرة لفترات قصيرة وخدي فاصل راحة قبلها وحاولي تستخدمي طرق ذكية للمذاكرة بحيث متكونيش بتستهلكي طاقة كبيرة في التركيز والحفظ، التركيز الزيادة وإجهاد العينين وإجهاد العقل في التفكير طبيعي برضه يوصلك لتقل في الدماغ وإحساس بالدوخة. ممكن تبحثي على يوتيوب عن فيديوهات (ذاكر أقل ذاكر بذكاء) وطبقي الطرق اللي تناسبك في المذاكرة وتسهلها عليكِ. وبالتوفيق إن شاء الله.💚💚
تم النشر الأربعاء، ٢٣ سبتمبر ٢٠٢٦
وعليكم السلام ورحمة الله، يا قمر. أول حاجة أحب أطمنك إن اللي بيحصل معاكِ طبيعي إنك تقلقي منه، خاصة وأنتِ بتحاولي تركزي في المذاكرة وبتحسي إن جسمك مش بيساعدك. الدوخة اللي بتيجي وأنتِ قاعدة مش زي الدوخة العادية اللي بتحصل لما نقوم فجأة، وده بيخلي الموضوع يستاهل نتابعه. الأسباب الشائعة للدوخة في الحالات دي ممكن تكون التوتر أو القلق من التركيز الشديد، أو إجهاد العين، أو حتى انخفاض في مستوى السكر أو الضغط بسبب الجلوس الطويل بدون حركة. الرعشة الداخلية وضيق التنفس والثقل على القلب اللي وصفتيها ممكن تكون مرتبطة بنوبة قلق خفيفة، وده شائع جدًا عند الطالبات في فترات الامتحانات. بس طبعًا أنا مش بديل عن زيارة الطبيب، فأنصحكِ بشدة تعملي كشف عند دكتور باطنة أو أنف وأذن وحنجرة، وتعملي تحاليل دم بسيطة عشان تطمني على الحديد والفيتامينات والضغط. في الوقت الحالي، حاولي تاخدي فترات راحة كل 45 دقيقة مذاكرة، اشربي مية كتير، وكلي وجبات خفيفة متوازنة فيها بروتين وفواكه. لو الدوخة زادت أو تكررت، متستنيش وروحي للدكتور فورًا. لو عايزة تتكلمي أكتر عن القلق ده أو طرق عملية تتعاملي بيها مع الضغط، أنا هنا. ولو حابة تشوفي أسئلة مشابهة على فدني، ابحثي عن "دوخة أثناء المذاكرة" عشان تشوفي تجارب بنات تانيين. ربنا يشفيكِ ويوفقكِ يا رب. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٢٢ سبتمبر ٢٠٢٦
طيب ممكن خلل في الأذن الوسطى روحي لدكتور أُذن واكشفي وان شاء الله خير .. ربنا يحفظك ويعفوا عنك
تم النشر الأربعاء، ٢٣ سبتمبر ٢٠٢٦
لعرض السؤال في فدني اضغط هنا